إنا لله و إنا إليه راجعون

والد اسماء

الحياة حفلة تنكرية

توفى النهاردة

ادعوا له

نص العمى و لا العمى كله

نص العمى و لا العمى كله

One eye better than Blindness

-----------------------

انتشر اسم ايمن نور اوائل عام 2005 معلن بذلك تواجده فى الساحه السياسية , برع صاحب الاسم فى اداء دور المناضل فى المسرحيه السياسية بداية من الحوادث التى تعرض لها اثناء حملتة الانتخابية

التى اراها مشاهد ذات اخراج فاشل .

و سريعا ما ارتفع الاسم حتى

اعلان نتائج الانتخابات و فوز مبارك و بداية تشكيك نور فالانتخابات .

انطفئ بريق نور بالنسبة لمعظم المعارضين للحكومة و المؤيدون له من خارج الحزب الذى كان يحتل كرسى رئاسته و ذلك بعد الحكم عليه بالسجن خمس سنوات فى قضية تزوير اوراق تخص الحزب .

خرج ايمن نور من محبسه بسبب تردى الحاله الصحيه له , و هو حاليا ممنوع من القيام بنشاط سياسى لمدة خمس سنوات لأنه سُجن فى قضية تمس الشرف.

ـــــــــــــــــــــــــــــــــــــــــــ

كل ما سبق مقدمة اعتقد لابد منها او ليس لها ضرورة كما تشاء.

ـــــــــــــــــــــــــــــــــــــــــــ

ندخل بقى فالموضوع و بلاش كتر كلام و بالذات باللغة العربية

بالنسبة لأيمن نور كنت حاسس من اول لحظة شوفته فيها انه ممثل

ممكن يكون اجاد الدور فالاول و لكن بسرعة ظهرت عيوب الاداء و زاد انتقادى لأيمن نور بعد ظهور بعض المهللتيه

( الهييصه او الزييطه او المطبطباتيه ) حوله

يجدون فيه الفارس المغوار ذو الحصان الاسود , معلنين عن رغبتهم فى ان يتولى هو رئاسة مصر ( اى بطيخ الموضوع بقى ) , جامعين معلومات عنه و سيرة ذاتية لا بأس بها حين تسألهم عنها تجد من يقول لك ( كان متفوق و بيطلع الاول) متخذين مبدأ ( الناجح يرفع ايده ) شعار لرئاسة الجمهورية

, و تجد من يقول لك ( كان بيطلع مظاهرات من اولى ثانوى ) ربما تجد ردى

كذلك ( عندى واحد صاحبى بيمشى فمظاهرات من رابعة ابتدائى ينفع معاكوا ) و تجدهم يقولون مؤسس لحزب الغد

( طيب ما الراجل اللى كان عاوز يلبسنا طرابيش كان رئيس حزب بردو )

مش قادر استوعب ايمن نور يكون رئيس او حتى وزير كما يرغب هو فى احد المناصب .

بقول كده من وقت لأخر و بلاقى هجوم من اعضاء حزب الغد رهيب ربما يصل فالنهاية الى حذفى من قائمة الاصدقاء لديهم عالفيسبوك

متخذين شعار ( اللى يزعل بابا نوتى ) لكل من ينتقد ايمن نور

( يعنى انا نوتى)

يتجاهلون فى ذلك الوقت ان جمال مبارك يُشتم يوميا من شخصى انا اولا قبلهم.

يطالبون بالديموقراطية و لا يطبقون حرف واحد من الكلمة ازاى بقى ائتمن نفسى كمواطن لو مسكوا البلد ( لو اعترضت هيحذفونى بردو) و نعم الحكم.

لا اؤيد ايمن نور و لا جمال مبارك فكلاهما يسعيان للسطله و كل واحد منهم عاوز هو اللى يطفى الشمع و العيد ميلاد يبقى بتاعة .

و لكن اجد نفسى اقول نص العمى و لا العمى كله و لو قارنت بين جمال مبارك و ايمن نور الاقى ان جمال هو( نص العمى ) .

مش دى نهاية الكلام فى بوست عن جمال بردو لازم عشان محدش يقول لى انى ضد ايمن نور ( يابا انت ليه مش عاوز تصدق انك اعمى..اعمى - ممكن جمال يقولها لأبوه بردو ) و خلاص لانى كمان ضد ( نص العمى ) – أن تعطي ابنك موبايل.. فأنت لطيف وان تعطي ابنك سيارة.. أنت كريم وان تعطي ابنك بلد وشعبا ليلعب بها فأنت مبارك -... سلام مؤقت

انا جيت يا بنى ادمييييييييييين .. وحشتكوا انا عارف

اولا كده انا حسيت انى وحشتكوا اوووى

و طبعا ده لأنكوا مش بتقدروا تستغنوا عنى

طبعا و ان غيابى مأثر عليكوا انا عارف كل ده

فحبيت اتنازل و اتكرم و ارجع للتدوين

هههههههههههه

لا طبعا ده تهريج

انتوا اللى وحشتونى

و وحشنى التدوين

و وحشنى مواضيعكوا

و بجد كنت نفسى ارجع بس كان الف حاجة بتخلينى ابعد

بس ان شاء الله مش هبعد تانى

و بإذن الله راجع احسن من الاول

و كمان فرحت جدا لما فاتيما ( روح قلب ماما ) سألت عليا فلقاء المدونين الاخير

و عادل ( البلد دى فيها حكومة ) هو اللى قال لى طبعا

و فى كتير كلمنى على الفيس بردو بشكرهم جداااااااا

و مدونين كتير قالوا ارجع

و فى ناس لو شكرتهم ممكن يزعلوا

فبلاش نقول اسامى بقى

و فى ناس بردو مش مدونين كلمونى

و فى ناس كانوا سابوا التدوين من فترة بس بردو كلمونى عشان ارجع انا

بشكر كل اللى سأل

و كل اللى كلمنى

و كل اللى فكر يسأل

و كل اللى فتح البلوج عشان يطمن

كلكوا يا جماعة

ان شاء الله هكتب بوست بس قلت اقول لكوا وحشتونى الاول

خيط ضعيف

في خيط ضعيف رابط ما بينا ودا النصيب

هتخاف عليه هخاف عليه هتسيب هسيب

لحد امتى هخاف لوحدى ياحبيبى

الخيط خلاص مبقاش متحمل ... رعشة ايدى

~~~~~~~~~~~~~~

لو انت مش عايزنى هوايا

ولسة هماك الحكاية

صبر قلبى بلمسة احس ان انت قريب

انت الشمس بس خلاص قربت تغيب

~~~~~~~~~~~~~~

حاجات كتير سيبناها ضاعوا خلاص بقوا ذكريات

وسنينا اللى تعبناها مفضلش منهم غير لحظات

لحظات بتهدد حكايتنا لنحن يا نعلن نهايتنا

بايديك الخيط اقف لحظة والجرح يطيب

لو تضعف واضعف ونسلم و تسيب وانا اسيب

********

عجبتنى الكلمات جدا

مع العلم انى مش بسمع اغانى كتير

و بالذات جنات

بس الاغنية دى علقت معايا جدا

و مفيش حاجة مجرد انها عجبتنى بس

ابوس القدم و ابدى الندم على غلطتى فحق الغنم

تحديث

---------

اللى دخل بغير معرف لو عنده الجرأه يدخل بالاكونت بتاعة

عشان اعرفه مقامة

اتفرجوا عالفيديو الاول و كمان الصور عشان نتكلم

قبل ما تتفرج عالفيديو اما انك تطفى الاغنية اللى فالبلوج

او تطفى صوت الفيديو لأن حيبقى ازعاج جدا

محمد السادس محمد بن الحسن

الملك الثامن عشر في الدولة العلوية

تولى العرش 23 من يوليو سنة 1999م

الملك محمد السادس ثامن أغنى ملوك العالم

بعد انخفاض ثروة الملك محمد السادس

بنصف مليار دولار

------------------

اهى القائمة بتاعة 2008

------------------
1- ملك تايلاند "بوميبول أدولياديج"

(35 مليار دولار)
2- الشيخ خليفة بن زايد آل نهيان، رئيس دولة الإمارات العربية المتحدة

(23 مليار دولار)
3- العاهل السعودي، الملك عبد الله بن عبد العزيز

(21 مليار دولار)
4- سلطان بروناي حسن بلقيه

(20 مليار دولار)
5- الشيخ محمد بن راشد آل مكتوم حاكم دبي

(18 مليار دولار)
6- الأمير هانس - آدم الثاني أمير لختنشتاين

(5 مليارات دولار)
7- الشيخ حمد بن خليفة آل ثاني أمير دولة قطر

(مليارا دولار)
8- الملك محمد السادس ملك المغرب

(1.5 مليار دولار).
9- ألبرت الثاني أمير موناكو

(1.4 مليار دولار)
10- السلطان قابوس بن سعيد سلطان عمان

(1،1 مليار دولار).
11- الأمير كريم أغا خان الزعيم الروحي للطائفة الإسماعيلية

(مليار دولار)
12- إليزابيث الثانية ملكة بريطانيا

(650 مليون دولار).
13- أمير الكويت الشيخ صباح الأحمد الجابر الصباح

(500 مليون دولار)
14- بياتركس ملكة هولندا

(300 مليون دولار)
15- الملك "مسواتي الثالث"، الحاكم في سوازيلاند

(200 مليون دولار).

~~~~~~~~~~~~~

شوفتوا الصور و شوفتوا ترتيبة فالملوك

رغم كل ده

المغرب من افقر الدول العربية بردو

شوفتوا المهزلة اللى فالفيديو و الصور

يركعوا للملك و يبوسوا ايده

و يبقى راجل محترم و لابس البدلة العسكرية

و يركع على رجله و يبوس ايد الملك

يا ترى دا حب للملك ؟

يا ترى اللى بيبوس ايد الملك بيقول ايه و هو بيبوسها ؟

~~~~~~~~~~~~~

راتب محمد السادس

~~~~~~~~~~~~~

يقول محمد نجيب بوليف إن أجر الملك

يوجد ضمن فقرة خاصة في قانون المالية

تسمى بالأموال المرصودة للملك

وهي التي تمثل في المتوسط 3 ملايين درهم

ويضيف بوليف في حواره مع "الأيام" أن هذه الفقرة

وهذه الأموال هي التي يمكن تأويلها

كأجر الملك لكنه يقول أيضا : " والله اعلم".

وإذا ما اعتبر هذا التأويل

الذي أعطاه اقتصادي العدالة والتنمية

للأموال المرصودة للملك

باعتبارها الأجر السنوي لمحمد السادس

فإن هذا يعني أن الأجر الذي سيتقضاه محمد السادس

من الميزانية العامة للمملكة يبلغ 25 مليون سنتيم.

وإن كانت غير رسمية فإنها تؤكد أن الأجر الحقيقي

للملك محمد السادس يبلغ حوالي 40 مليون سنتيم شهريا

~~~~~~~~~~~~

رغم كل الفلوس دى و رغم انه من اغنى الملوك

الا ان المغرب ينشر فيها الفقر بصورة ملحوظة

احترت فأمر محمد السادس

كتير من الشعب بيحبه

و بردو كتير منهم بيكرهه

بس من وجهه نظرى

ان اللى بيحبوه دول بيقولوا كده خوف منه

لأنه له مواقف توضح انه مش عادل فحكمة

يعنى من قريب كان سجن مدون بسبب تافه جدا

اخبار من :

مراسلون بلا حدود

و حتلاقوا الموضوع كامل عند

اسلام انا جعان

و كمان كان رفد ظابط من منصبة عشان مش باس ايده

و حاجات كتير

بس بردو رغم كل ده هو بيحكم المغرب

بقاله 10 و سنة حوالى 45 يعنى لسه صغير بردو

غير اللى بيحكمنا بقاله 28 و بيفكر يكمل كمان

و هو عنده ازيد من 80 سنة

يبقى محمد السادس ارحم منه بكتير

كفاية كده

البوست الجاى ان شاء الله

حيبقى مختلف شوية

عشان حيبقى عن

مصر و سوريا و الاردن و لبنان و فلسطين و اسرائيل

حيبقى فيه توضيح لموقف مصر اثناء الحرب على غزة

و بعدين نبقى نرجع للملوك و الرؤساء تانى

ان شاء الله لو كان ليا عمر يعنى

بوتفليقه و الخيبة العربية

ندخل فالموضوع دون اى مقدمات
نرى ان نتائج الانتخابات فى
الدول العربية تحصد ارقام قياسية
فبالأمس فاز الرئيس الجزائرى عبدالعزيز بوتفليقه
بالانتخابات و ذلك بنسبة 90.2 فالمية
كفاية بقى لغة عربية فصحى بلا وجع دماغ
خير بقى اللهم اجعله خير
اذ فجأة طلع ان كل شعوب الوطن العربى بتحب حكامها
يعنى مفيش شعب عربى بيكره الحاكم بتاعه
طب ليه بقى الكلام ان الحكام فاسدين و فاشلين
مايك كان قال لى انه سمع حمدى قنديل بيقول
فى واحد رشح نفسه قدام بوتفلقيه
دخلوه مستشفى المجانين و طلعوا له شهادة رسمى انه مختل عقليا
فحمدى قنديل بيقول
طبعا
(هو فى حد عاقل يرشح نفسه قدام حاكم عربى)

-----
على اساس ان فى حاكم عربى بيسقط فالانتخابات
دول بيعملوا الانتخابات دى عشان يعرفوا مين
اللى امه داعية عليه و قرر يرشح نفسه قدامهم
عندكم حسنى (حبيب قلبى) راجل عسل و كُباره كده
المفروض بقى يقعد يرتاح تعبناه كتير معانا
لما عمل الانتخابات كان عشان يبعد عنه العين بس
و كل اللى وقفوا قصاده اللى مات و اللى الحزب بتاعة اتقلب ضده
و اللى اتسجن
و ما خفى كان اعظم
رئيس حزب الوفد الحالى اللى عمل الانقلاب على نعمان جمعه
(وجيه اباظة)
ابن عم وزير الزراعة
عارفين يعنى ايه
يعنى حزب وطنى لابس عبايه حزب الوفد
عيله اباظة دى كلها بتوع مصالح
حبقى اقول لكم عنهم حاجات كتير فبوست تانى
ان شاء الله
نفسى اعرف حاجة هما الرؤساء و الوزراء ليه مش بيطلعوا عالمعاش
ليه الموظف الغلبان اللى محتاج كل مليم هو اللى بيطلع عالمعاش
ليه مفيش حد اقصى لسن رئيس الجمهورية
ليه لازم يموت الرئيس عشان يجى واحد غيرة
من اول تاريخنا من ساعة ما اصبحنا جمهورية
عبد الناصر مات مسكنا السادات
السادات اتقتل مسكنا مبارك
طب حيموت امتى ان شاء الله عشان
الحق انا اشوف رئيس غيره قبل ما انا اموت
الواحد مش عارف يعمل ايه بجد
يا جماعة انا اهوه بعلنها
انا عندى استعداد امسك الرياسة
مش حرفض طبعا
دا حقكم عليا
بس حيبقى مرتبى كام ؟
اللى يعرف الريس دخله الشهرى اد ايه
يقول لى عشان اعرف مستقبلى يا جماعه
ــــــــــــــــــــــــــــــــــــــــــــــــــ
البوست له جزء تانى
حتناول فيه بعض الرؤساء و الحكام العرب
السئ منهم و الحكيم ايضا

(المرة الجايه محمد السادس بإذن الله)
ان شاء الله

انا فى مجلة وسط البلد

كان فى مقال كنت كتبته فمجلة وسط البلد

مقلتش عليه

اللى عاوز يقراه

اللينك اهوه يا جماعه

علاقة الوحدة الوطنية ب (فيلم هندى) لأحمد أدم

تاج و لحد دلوقتى مش عارف ليه اسمه تاج

معلش يا جماعة انى مش بزور حد

او بعلق عندكوا زى الاول

سامحونى

كان فى كام حاجة كده ملخبطة

=========

و دا تاج من مرمر

يعنى جه فوقته بجد لأنى مليش نفس اكتب اى حاجة

فالتاج ده جه فى افضل اوقاته

====

اسمـــــك؟

احمد

-------------------

المشهور بيه وسط اصحابك؟

احمد بردو

-------------------

سنــــــك؟




21 سنة

-------------------

اســــم مدونتــــك؟

قهوة : نام يا مصرى

-------------------

مجــال دراستك؟




محاسبة

-------------------

الصورة الرمزيه لمدونتك بتعبر عن ايه؟

علم مصر جوا مشنقة

دليل على الخنقة اللى المصريين فيها

-------------------

ايه ردة فعلك لو حد قل ادبه عليك في التعليق؟

ساعات بسامح

بس باخد حقى بردو

و ساعات مش بعرف اسامح و افضل حاطط فدماغى

-------------------

اسوأ مدونة ؟

هما مش واحدة بس

هما ممكن تعرفوهم من التدوينتين دول

1

و

2

بس اكتر حد ممكن تعرف انه سئ و حد ابن تيييييت

وائل عباس

البنى ادم ده حرام كمان فيه كلمة بنى ادم

كنت بحترمة بس طلع ميتقلعش من الرجل

و التدوينتين حيوضحوا اكتر

-------------------

هيحصل إية للإيميل بتاعك بعد ما تموت ؟

حخلى اللى معاه الباسورد يدفنه معايا

يعنى هيحصل له ايه ما يغور هو انا هكون فاضى له

انا حكون بتحاسب بقى

ابقوا ادعوا لى لما اموت

-------------------

اديت الباسورد بتاعك لحد قبل كده ؟

ايون طبعا

كان اقرب حد ليا فالكون كله كمان

هو الوحيد اللى كان معاه الباسورد

-------------------

السفر بالنسبة لك إيه ؟

السفر حاجة جميلة خالص

بس بالنسبالى لحد دلوقتى هو بيمثل لى السفر للعمل بس

و بعد كده ربنا يسهل بقى

حبقى اشوف بيمثل ايه غير العمل

-------------------

المود بتاعك ؟

علمى علمكم

طبعا شايفين انى مش بنزل اى بوست جديد و لا اى حاجة

فأكيد المود زفت

بس بيتعدل الحمدلله

-------------------

بتعمل ايه فوقت فراغك ؟

انا لما بكون فاضى و قاعد عالنت و

ده اغلب الاوقات عدا ايام الامتحانات

مش بقعد كده و خلاص

دايما بحاول اتعلم حاجة جديدة

زى تصميم جرافيك او تصميم مواقع او برامج تكون صعبة

بحاول اتعلمها

-------------------

الأكلــه المفضلة؟

بيتزا دون منازع

اسهل و اسرع و ابسط اكله

و بتنفع فكل وقت

غير اى اكل تانى

-------------------

اكتر ست حاجات بتحبها ؟

اكيد رضى ربنا و رضى امى عليا

..........

بحب الشغل اوى

يعنى لو بشتغل فحاجة ببقى مبسوط و انا بعملها

..........

بحب السينما جداااا

...........

بحب الايس كريم

فأسكندرية بنقول جيلاتى

............

بحب اى شئ يخص التكنولوجيا

(كل حاجة يعنى)

.............

بحب الاحساس بالنجاح جدااااااااااااا

-------------------

شخصيتك نوعها ايه ؟

انتوا اللى المفروض تحكموا مش انا

بس حقول لكم انى مرح

بحب الهزار جداااا

فى ناس بتقول انى طيب مع انى عادى جدا

بتخنق بسرعة

اقل حاجة بتأثر فيا حتى لو حاولت مبينش لحد كده

و تفضل مأثره عليا فترة كبيرة

بس بحاول اتغلب على اى حاجه الحمدلله

-------------------

لماذا دخلت عالم التدوين؟

كنت عاوز يبقى ليا موقع

و كنت بهرج فالاول

بعد كده قولت ما اجرب اكتب ساخر

و كتبت و فى ناس عجبها العك اللى بكتبه

مع انى لحد دلوقتى بقول عليه عك

سبب انى اعرف التدوين اصلا

قلته فى بوست قبل كده

--------------------

اجمل كلمة اتقالت فى وصف مدونتك ؟

كل الكلام جميل طبعا

حتى لو حد قال دى مدونة تافهه و زبالة

بردو كلام جميل

اهم شئ فالتدوين مش التدوين بس

لا روح التدوين اللى كانت اول ما بدأنا موجوده

--------------------

اهمية التعليق بالنسبة لك ايه ؟

بحب اشوف رأيكم طبعا

و حتى اللى بيدخل يقرا و يمشى

بعرف هو مين و بقول كفاية انه نورنى

اول تعليق عندى كان هو سبب انى اكمل تدوين

كان من

دكتور طنطاوى

بلوج مصرنا

---------------------

احسن بوست وضعته ؟ وضع اللينك

حكدب عليكم لو قلت ان فى اى بوست عاجبنى فبلوجى

غير تغطية احداث الاضراب السنة اللى فاتت

و بردو ميستاهلش انى احط لينكه

---------------------

أفضل بوست قرأته و افضل مدونة ؟

جينا بقى للاحراج

و الخوف انى انسى حد

بس ححاول اكتب كل الناس

و لو نسيت حد و الله حيكون دون قصد

==============

مرمر

(بلوك كأنك فعالم تانى)

صدى الصمت و جوزها شيكابالا
شفقة و احسان
سومه...مجنونه فى بلد عاقل
غنيم مدونة حتى لاانسى
كيارا مدونة مولان
نبض الروح
همس الأحباب
عاقلة على أرض الجنون
بنوته مصرية
oRiGiNaL HeArT
Beram ElMasry
سميرة

مها زين

نورا الخشن

أبى

انجى

محمد غالى
يوميات نائمة في الأرياف
M.K
بطوط الحبوب
نهر الحب
اقصوصه
موناليزا
همس
banouta masreya
mostafa rayan
قهوة بالفانيليا - شيماء علي
ندا منير
Ahmed El-Agouz
د.مادو
طرئعة دماغ
blue-wave
رحــــيـل
nour shahen
norahaty
سمسم
سميرة
د/اشرف حمدى
كوشيا
احمد -دردشة عربى
رصيف نمرة خمسة
الفنان ياسر حسين
عاليا حليم
سارة على
ندا منير
اسامة عبدالله - الدفاع
ايمن بدر
مايكل
اسلام- انا جعان
محمود- رئيس جمهورية نفسى
نهر الحب
دينا
مدحت محمد
مهيج الجماهير
سالى محمد
طهقانة
زيزو باشا- معندوش مدونة
احمد غنيم
فاتيما
مصطفى ريان
اهو دا عيبه
حنين
نيرة احمد-معندهاش مدونة
ناجى العلى
انجى-ستيل بيوتى
وينكى
كيكى
رئيسة حزب الاحلام
الشنكوتى الكبير
رودى-بنوتة مصرية
نونا
ميس سوسا
كاميليا
وائل
خمسة فضفضه

اعذرونى لو نسيت حد

الترتيب لا يعبير عن تربيت البلوجات خاااالص

بس و الله انا كتبت و اخدت من بوستات قديمة

اوعوا حد يزعل

تمرر التاج لمين ؟

كل اللى فوق

اللى عاوز يجاوب يجاوب و الا مش عاوز

مش يشغل باله

كل سنة و انتى طيبة يا امى

كل سنة و كل ام طيبة
و كل سنة و امى طيبة يا رب
و يخليهالى
مش حفضل اقول امى تعبت معايا و الكلام ده
بس بجد
انا امى مهما عملت مش حعرف ادى لها ربع اللى عملته معايا
ادعوا لها ربنا يديم عليها صحتها و يشفيها من اى مرض

و كل واحد يقول لأمة انى بقول لها كل سنة و هى طيبة

كلكوا بقيتوا فتوات ؟ امال مين اللى حيتضرب؟؟

تحديث

=====

ممدوح اسماعيل (بتاع العبارة) و اللى معاه اتحكم عليها 7 سنين

قتل 1000 و اتحكم على ب 7 سنين

كل ده عشان القضية دخلت المحكمة على اساس انها جنحه مش جناية

يا رب (حبيب العادلى) يختشى على دمه و يعمل اجراءات الضبط و الاحضار

و المسئولين عن التعامل مع الانتربول يتحركوا بسرعة قبل ما يسافر بلد تانية

ـــــــــــــــــــــــــــــــــــــــــــــــــــــــــــــــــ

بقاء مبارك فى الحكم حتى الان يؤكد ان فكرة الخلود عند الفراعنة هى فكرة مصرية دون شك .
ـــــــــــــــــــــــــــــــــــ

مع كثرة الفتاوى على الفضائيات اشك اننا سنجد فى يوم سؤال : ما هو حكم ارتداء الحذاء دون شراب و هل هذا يجوز من وجهة نظر الشيخ (باتا) .

ـــــــــــــــــــــــــــــــــــ
اختلف الكثير على حب جمال عبد الناصر و السادات و لكن لا خلاف على كرههم لمبارك.

ـــــــــــــــــــــــــــــــــــ
لا شك فى نزاهة من يرئسون المجالس التشريعية فالدولة فرئيس مجلش الشعب (سرور) مما يجلعنا نشعر بالتفائل لحال البلد..و رئيس مجلس الشورى (شريف) مما يجعلنا نتبع هذا التفائل –بثقة- مع تبديل ال (ث) بــــ (ص) لضبط المعنى .

ـــــــــــــــــــــــــــــــــــ
قال بلال فضل : يحسب للرئيس مبارك انه حكم مصر و هى تتحدث عن نفسها و بعد ربع قرن من الزمن جعلها تتحدث مع نفسها !!....فأزيد إليه قائلاً و لو حكمنا جمال مبارك و مصر تتحدث مع نفسها بعد اقل من ربع قرن سنجدها اصبحت (خرساء). و لا تعليق

ـــــــــــــــــــــــــــــــــــ
لا اجد تفسير لربط فاتورة (الزبالة) بفاتورة (الكهرباء) الا جملة واحدة..(الكهربا فى مصر زبالة)..و لا تعليق .

ـــــــــــــــــــــــــــــــــــ
هل الوزراء الذين يمارسون نشاط حر كالعمل بالسياحة يقدمون اقرار ضريبى ؟؟ و هل يأخذون فواتير نتيجة تعاملاتهم و فقاً لمقولة (محمد شومان) نفوترك و الا نظبطك..اعتقد ان موقع هذا الفعل من الاعراب مثل اعراب (الضمير الغائب) او (لا محل له من الاعراب).

ـــــــــــــــــــــــــــــــــــ
لماذا توجد بعض الاسماء لا تنطبق على اصحابها مثل :
الرئيس (مبارك) .. هل هو مبارك بالفعل ؟؟
دكتور (نظيف) .. هل هو نظيف بالفعل ؟؟
صفوت (الشريف) .. هل هو شريف بالفعل ؟؟
(حبيب العادلى) .. هل هو عادل او حبيب بالفعل ؟؟
- أجب عن السؤال السابق مع وضع (عكس) ما بين الاقواس فى جملة تتوافق مع وضع البلد .

ـــــــــــــــــــــــــــــــــــ
خرج بوش من الحكم و هو يقول انه كسب صداقة مع الرئيس مبارك و هى الشئ الوحيد الذى سيأخذه معه فى القبر..فلفت نظرى ايمان بوش بعذاب القبر.

ـــــــــــــــــــــــــــــــــــ
جمل من افلام مصرية :

==============
1. مسيرها تروق و تحلى ../احمد زكى .. احلام هند و كاميليا

2. حمرا../احمد حلمى..ظرف طارق

3. شعبى يقول عليا إية ؟؟ /احمد ذكى..أيام السادات
4. الخطة الخمسية معمولة عشان الاجيال اللى جاية..طب و الاجيال اللى عايشة تعمل إية ؟؟ /لبلبة..معالى الوزير

5. الناس الدنيا سطلاهم من غير حاجة.. /جميل راتب..الكيف
6. هي الجيوش العربية حتظهر امتى ؟؟ /محمود الجندى..ناجى العلى
7. الحكومة ملهاش دراع عشان تتلوى منه../كمال الشناوى..الارهاب و الكباب
8. صابرين و حامدين و شاكرين اعمل حاجة بقى /فريد شوقى .. الكرنك
9. مشكلة ابويا انه مش قادر يصدق انه اعمى../شريف منير..الكيت كات
10. انا حلمى كان صغيرا جدا و فضل يصغر و يصغر لحد ما اختفى و ما بقتش بشوفة /علاء ولى الدين..عبود عالحدود
11. اللى ملوش اهل الحكومة اهلة../راقيه ابراهيم..زينب
12. كلكوا بقيتوا فتوات ؟ امال مين اللى حيتضرب؟؟ /توفيق الدقن..الشيطان يعظ
13. اللى يشوف البلد دى من فوق غير اللى يشوفها من تحت ../عادل امام..طيور الظلام
14. و أطيعوا الله و اطيعوا الرسول و اولى الامر منكم..انت حتكفر يا ابنى؟؟ /البارودى..الزوجة التانية
15. انا مش شايف فمصر غير ابواب مقفلة../محمد العربى..حمام الملاطليى
16. ما دام بطيخ مولانا اقرع ..يبقى مولانا اقرع../فريد شوقى..السوق
17. اللى اتعود يعيش آله صعب يعيش عبد ../خالد صالح..الريس عمر حرب
18. البلد بقت قاسية اوى على ولادها يا باشا../هند صبرى .. عمارة يعقوبيان
19. فى بلدنا ابن الظابط لازم يبقى ابن ظابط و ابن تاجر المخدرات لازم يبقى تاجر مخدرات /كريم عبد العزيز..خارج عن القانون
20. جاتكم القرف مليتوا البلد../محمد هنيدى..جاءنا البيان التالى

ـــــــــــــــــــــــــــــــــــــــــــــــــــــــــــــــــــــــــ

كفاية كده بقى

سى دى (قصدى سى يو)

ESLAM

فيلم الكيت كات بين السينما و الواقع المهبب

بقالى فترة مش عارف اكتب

و خصوصا بعد وفاة محمد الفارس الملثم

بس حاولت اكتب اى حاجة

و لقيت موضوع جه على دماغى كده

بجد اول مرة اخد بالى منه

ـــــــــــــــــــــــــــــــــ

كلنا نعرف فيلم

الكيت كات

بطولة

محمود عبد العزيز

لما كان طالع اعمى

كان اسمه

الشيخ حسنى

ــــــــــــــــــــــــــــــــــ

تذكرت مشهد فالفيلم خير مثال على حال البلد حاليا

=========

المشهد اللى كان نفسه يركب موتوسيكل و هو اصلا اعمى

و صمم انه يركب

الموتوسيكل

و ركبه بردو

و نتيجة لانه اعمى

و كمان اول مرة يركب موتوسيكل

عمل حادثة و خبط فالحيط

و بهدل الدنيا

ــــــــــــــــــــــــــــــــــــ

ايه بقى علاقة المشهد ده بحال البلد

~~~~~~~~~~~~~

اولا

~~~~

كان محمود عبد العزيز

طالع اسمه الشيخ حسنى

بركاتك يا ريس

و له فى ذلك حكم

و لله الامر من قبل و من بعد

و إنا لله و إنا اليه راجعون

و اقعدوا بالعافية

ــــــــــــــــــــــــــــــ

ثانيا

~~~~

ركب الموتوسيكل و صاحب الموتوسيكل كان مش موافق

و اللى ماسك البلد ماسكها من غير ما حد فينا يوافق بردو

( بس يا ترى كان ماسك البلد منين بالظبط؟؟)

سؤال يطرح نفسه

لا لا مش من زورها

ما عدا اختى هى الوحيدة اللى موافقه عليه و الله

مش عارف ليييييييييييييييه

ــــــــــــــــــــــــــــــ

ثالثا

~~~~

كل الناس فالفيلم كانت خايفة منه و هو سايق الموتوسيكل

و اللى ماسك البلد كل الناس خايفة منه و هو ماسك البلد

(اكيد اللى ماسك البلد مش دراكولا يعنى بلاش ظلم بقى)

لأن فى فرق بين مصاص دم الشعب

و مصاص الدماء العادى

ـــــــــــــــــــــــــــــ

رابعا

~~~~

طول ما هو سايق الموتوسيكل كان بيخبط الناس و بهدل الدنيا

و اللى ماسك البلد بيخبط فالشعب و مبهدل الدنيا

(حد قال للشعب يقف قدامة - امشى من قدامه عشان متتخبطش)

ـــــــــــــــــــــــــــــــ

خامسا

~~~~

كانت نتيجة كل ده فى الفيلم حادثة فالاخر و الموتوسيكل خبط فالحيط

و حال البلد قرب جدا جدا من الحيط و قربت جدا الحادثة

اللى بشايرها بدأت تهل

و سمعونا زغروطة كده تجلجل

و احتمال اشوفكم على خير

(معتقدش بعد البوست ده ممكن نتقابل اصلا)

ـــــــــــــــــــــــــــــــــ

كفاية كده عليا بقى

لسه

محمد عادل بيتحاكم

و احمد دومة فالسجن

اتحكم عليه سنة سجن

لما يخرجوا

ابقى انا ادخل بقى

سلام يا بشر

take care

Eslam