الأربعاء، 11 مارس، 2009

كلكوا بقيتوا فتوات ؟ امال مين اللى حيتضرب؟؟

تحديث
=====
ممدوح اسماعيل (بتاع العبارة) و اللى معاه اتحكم عليها 7 سنين
قتل 1000 و اتحكم على ب 7 سنين
كل ده عشان القضية دخلت المحكمة على اساس انها جنحه مش جناية
يا رب (حبيب العادلى) يختشى على دمه و يعمل اجراءات الضبط و الاحضار
و المسئولين عن التعامل مع الانتربول يتحركوا بسرعة قبل ما يسافر بلد تانية
ـــــــــــــــــــــــــــــــــــــــــــــــــــــــــــــــــ

بقاء مبارك فى الحكم حتى الان يؤكد ان فكرة الخلود عند الفراعنة هى فكرة مصرية دون شك .
ـــــــــــــــــــــــــــــــــــ
مع كثرة الفتاوى على الفضائيات اشك اننا سنجد فى يوم سؤال : ما هو حكم ارتداء الحذاء دون شراب و هل هذا يجوز من وجهة نظر الشيخ (باتا) .
ـــــــــــــــــــــــــــــــــــ
اختلف الكثير على حب جمال عبد الناصر و السادات و لكن لا خلاف على كرههم لمبارك.
ـــــــــــــــــــــــــــــــــــ
لا شك فى نزاهة من يرئسون المجالس التشريعية فالدولة فرئيس مجلش الشعب (سرور) مما يجلعنا نشعر بالتفائل لحال البلد..و رئيس مجلس الشورى (شريف) مما يجعلنا نتبع هذا التفائل –بثقة- مع تبديل ال (ث) بــــ (ص) لضبط المعنى .
ـــــــــــــــــــــــــــــــــــ
قال بلال فضل : يحسب للرئيس مبارك انه حكم مصر و هى تتحدث عن نفسها و بعد ربع قرن من الزمن جعلها تتحدث مع نفسها !!....فأزيد إليه قائلاً و لو حكمنا جمال مبارك و مصر تتحدث مع نفسها بعد اقل من ربع قرن سنجدها اصبحت (خرساء). و لا تعليق
ـــــــــــــــــــــــــــــــــــ
لا اجد تفسير لربط فاتورة (الزبالة) بفاتورة (الكهرباء) الا جملة واحدة..(الكهربا فى مصر زبالة)..و لا تعليق .
ـــــــــــــــــــــــــــــــــــ
هل الوزراء الذين يمارسون نشاط حر كالعمل بالسياحة يقدمون اقرار ضريبى ؟؟ و هل يأخذون فواتير نتيجة تعاملاتهم و فقاً لمقولة (محمد شومان) نفوترك و الا نظبطك..اعتقد ان موقع هذا الفعل من الاعراب مثل اعراب (الضمير الغائب) او (لا محل له من الاعراب).
ـــــــــــــــــــــــــــــــــــ
لماذا توجد بعض الاسماء لا تنطبق على اصحابها مثل :
الرئيس (مبارك) .. هل هو مبارك بالفعل ؟؟
دكتور (نظيف) .. هل هو نظيف بالفعل ؟؟
صفوت (الشريف) .. هل هو شريف بالفعل ؟؟
(حبيب العادلى) .. هل هو عادل او حبيب بالفعل ؟؟
- أجب عن السؤال السابق مع وضع (عكس) ما بين الاقواس فى جملة تتوافق مع وضع البلد .
ـــــــــــــــــــــــــــــــــــ
خرج بوش من الحكم و هو يقول انه كسب صداقة مع الرئيس مبارك و هى الشئ الوحيد الذى سيأخذه معه فى القبر..فلفت نظرى ايمان بوش بعذاب القبر.
ـــــــــــــــــــــــــــــــــــ
جمل من افلام مصرية :
==============
1. مسيرها تروق و تحلى ../
احمد زكى .. احلام هند و كاميليا
2. حمرا../احمد حلمى..ظرف طارق
3. شعبى يقول عليا إية ؟؟ /احمد ذكى..أيام السادات
4. الخطة الخمسية معمولة عشان الاجيال اللى جاية..طب و الاجيال اللى عايشة تعمل إية ؟؟ /لبلبة..معالى الوزير
5. الناس الدنيا سطلاهم من غير حاجة.. /جميل راتب..الكيف
6. هي الجيوش العربية حتظهر امتى ؟؟ /محمود الجندى..ناجى العلى
7. الحكومة ملهاش دراع عشان تتلوى منه../كمال الشناوى..الارهاب و الكباب
8. صابرين و حامدين و شاكرين اعمل حاجة بقى /فريد شوقى .. الكرنك
9. مشكلة ابويا انه مش قادر يصدق انه اعمى../شريف منير..الكيت كات
10. انا حلمى كان صغيرا جدا و فضل يصغر و يصغر لحد ما اختفى و ما بقتش بشوفة /علاء ولى الدين..عبود عالحدود
11. اللى ملوش اهل الحكومة اهلة../راقيه ابراهيم..زينب
12. كلكوا بقيتوا فتوات ؟ امال مين اللى حيتضرب؟؟ /توفيق الدقن..الشيطان يعظ
13. اللى يشوف البلد دى من فوق غير اللى يشوفها من تحت ../عادل امام..طيور الظلام
14. و أطيعوا الله و اطيعوا الرسول و اولى الامر منكم..انت حتكفر يا ابنى؟؟ /البارودى..الزوجة التانية
15. انا مش شايف فمصر غير ابواب مقفلة../محمد العربى..حمام الملاطليى
16. ما دام بطيخ مولانا اقرع ..يبقى مولانا اقرع../فريد شوقى..السوق
17. اللى اتعود يعيش آله صعب يعيش عبد ../خالد صالح..الريس عمر حرب
18. البلد بقت قاسية اوى على ولادها يا باشا../هند صبرى .. عمارة يعقوبيان
19. فى بلدنا ابن الظابط لازم يبقى ابن ظابط و ابن تاجر المخدرات لازم يبقى تاجر مخدرات /كريم عبد العزيز..خارج عن القانون
20. جاتكم القرف مليتوا البلد../محمد هنيدى..جاءنا البيان التالى
ـــــــــــــــــــــــــــــــــــــــــــــــــــــــــــــــــــــــــ
كفاية كده بقى
سى دى (قصدى سى يو)
ESLAM

29 قول و لا يهمك:

marmar يقول...

حماااااااااااااااااااااااده
جاااااااااامد
جااااااااااااااااااااامد
جاااااااااامد
بجد مش عارفه ابطل ضحك جتلي كريزة ضحك مش طبيعيييييييه منك يا احمد
خف علينا والنبي شوية من بوستاتك الجامده دي احنا مش ادك يا باشا
هههههههههههههههههههههههههههههه
هجاوب على كل سؤال بقى وتشوف اجاباتي صحيحه ولا غلط بقى :
-حكم ارتداء الحذاء من غير شراب فهو حرام شرعا عند مذهب الامام ابي حنيفه النعمان اما مذهب الشافهي فهو يجوز اذا كان ليلا فقط اما في الصباح فهو لا يجوز و اذا كان الشراب كحليا او بنيا فهو يجوز شرعا اما اذا كان الشراب اسود مخطط بالطول فهو بااااطل باااااااااطل باااااااطل
واذا كان شراب عليه رسومات فهو حرام ويخلع فورا و دية من يلبسه الباس عشر مصريين شرابات نوفي
-حب جمال عبد الناصر محدش بيختلف عليه واللي يقول غير كده يبقى كمان بااااااااااااااااااااااااطل وديته قطع رقبه "اي خدمه"
اما مبارك فمحدش يختلف على كرهو الا اذا كان من اللي مبيلبسوش شرابات
-اتفووووووووووووووووو "اجابه من البؤ قصدي من القلب "
-القرد في عين امه غزال
-عيب عيب مش الكهربا بس ده الكهربا والميا والغاز والرياسه اللي مبتلبسش شرابات خالص
-ضمير غائب لا محل له من الوجود
-الخنفسه تشوف عيالها عل حيطه تقول اصمالله والحارث الله بس لما احنا بنشوف كل اللي اتذكروا بنقول ياخدهم الله او يضربوا من الشعب بالجزم "من غير شرابات" يا شعب الله

مبروك فزت برحله الى الكوالالمبور

اشوفكم على خير ومفيش اجازه في مصر السنه دي هنقضيها في الحجز او في هيلتون الغردقه او عشان انا سائحه الحكومه هتوديني شارم
انشالله ما حد حوش

maha zein يقول...

ياني
تاني تعليق تاني تعليق
مش مشكلة
اعمل ايه
هروح اقرا بقه
بلا غلب
العالم دي نايمين فغي المدونة ولا ايه

maha zein يقول...

شكلي كمان مش تاني تعليق
ممكن اكون الخماشر
يلا مهي مدونة منحوسة اصلا

maha zein يقول...

دي كلها افلام يا احمد
فاكرها اذاي يا راجل

حاجة تبكي وحاجة تحزن
اسلوب ساخر راقي ورائع
تسلم ايدك
عملت ايه في النتيجة يا راجل انت
وعلي فكرة
لولا والله اني عرفاك كويس
وخيرك مغرقني
كنت اتخنقت منك
وغرغرت بيك

عشان غيبتك الطويلة دي

ينفع كده

روح يا شيخ
وتعالا بسرعة

كل سنة وانت طيب

adel يقول...

يا واد كل ده اختفاء ....ليه بس كل ده ؟ :):)

هههههههههههههههه

كالعادة مسخرة ..... كلام الافلام صح و معظمه حفظه بس بعد الحفظ ايه ؟؟

تلوم عليا ازاي ياسيدنا و خير بلدنا مهوش بايدنا ؟

مش ده كلامك :):)

dodda يقول...

ربنا يسترها معاك يا ولدى

كل بوستاتك تودى ال ... مراجيح

متتأخرش اوى كده

تصدق انا عداد الكهربا بتاعى بيلف بالعكس
الراجل قالى حتدفعوا اللى رجعه!!!!

طيب كده الزباله تتدفع ازاى؟؟؟؟

mohamed ghalia يقول...

الله عليك يا إسلام
حمدا لله على سلامتك
دمت بكل خير أخى

سومه...مجنونه فى بلد عاقل يقول...

الاول مكرر:))
ههههههههههههه
احلق شنبى ان ما كنت اتقفشت بعد البوست دا يا اسلام
بيقولك الجنزورى بيقول للريس انت ليه غيرتنى يا ريس قاله التغيير سنه الحياه قاله طيب وليه شيلت بتاع المواصلات قاله التغيير سنه الحياه
قاله طيب وليه انت ممشيتش لحد دلوقت قاله يا حبيبى تغييركم سنه لكن انا فرض:))

سومه...مجنونه فى بلد عاقل يقول...

بالمره عشان اجى اونسك بقى
مبارك كان بيحتضر وبعدين جاب نظيف قاله السياسه يا نظيف قاله الحكم لجمال من بعدك يا ريس اتطمن
فراح فى غيبوبه وبعد شويه فاق
يا نظيف الاقتصاد قاله الاقتصاد فى ايد علاء يا ريس
راح فى غيبوبه وفاق بعد شويه
يا نظيف والشعب قاله الشعب ياكل الظلط يا ريس
راح فى غيبوبه وفاق
يا نظيف نعم يا ريس متنساش تدى توكيل الظلط لعلاء:))
...............
بيقولك عاتف عبيط:))
كان مع الريس فالريس بيساله مين احسن انا ولا جمال عبد الناصر قاله انت يا ريس عبد الناصر كان بيخاف من السوفييت
قاله طيب انا ولا السادات قاله انت يا ريس السادات كان بيخاف من الامريكان
قاله طيب انا ولا عمر بن الخطاب(رضى الله عنه)
قاله انت الريس عمر بن الخطاب كان بيخاف من ربنا
:))

سومه...مجنونه فى بلد عاقل يقول...

اى خدمه تلات تعليقات ومفيش كبايه سحلب واحده واضح انك منوفى

سومه...مجنونه فى بلد عاقل يقول...

ايه النصب دا انا حاطه تعليقين اتنين مش لاقياهم

سومه...مجنونه فى بلد عاقل يقول...

انا عاوزه ريدر زى اللى انت حاطه هنا بدل ما كل شويه ادخل اقرا من عندك:((

حاجات جوايا يقول...

ههههههههههه
هو انت كل ما ربنا يسترها معاك فى بوست
تحلف ما تعديها على خير فى البوست اللى بعده

انت زعلان من نفسك ولا حاجة وبتنتقم ؟؟

البوست جامد كالعادة
ربنا يستر


خالص التحية
سالى

حاجات جوايا يقول...

ممكن سؤال يا اسلام لو سمحت

لو مفيهاش رذالة يعنى
هههههه


ممكن تعرفنى طريقة عمل رسالة الترحيب اللى تحت فى شريط الحالة

وشكرا لحسن استماعكم
هههههههههه

سميرة يقول...

"هوا دا القرار اللي انا مستنيه من زمان"... احمد حلمى (ظرف طارق)

مبسوطة علشان رجعت تاني

بوست رائع

اكتر واحد بيعجبني
توفيق الدقن
(يا اه يا اه ، احلى من الشرف مافيش)
عبقري
عندي تعليقات كتييييييير اوي
بس للاسف لازم اقفل علشان اروح المدرسة
ادعي لي اوصل بدري النهاردة
تحياتي :)))

Appy يقول...

يا سمسم
يا جامد ايه يا ابنى العبقريات دى انت بتختفى وتغطس وتقب فجأه كده بكام قلم على القفا يفوقوا
موضوع الفتاوى ده غايظنى يا اسلام معندكش حل للموضوع ده ابعت لهم اقولهم مطلعوش فتوى الا لما تتراجع صح كسفونا الله يحرقهم
موضوع الفاتورة والزباله غيظنى عندنا مفيش اونكل زبال بيجى ياخدها انا بنزلها فى الباسكت طيب بياخدوا خدمات ليه ببقى شوفت الظلم

مـجـنـووون يقول...

موضع جميل جداً

في أوقات الكلمات البسيطه الي بتتقال في الأفلام بتعبر كتير عن الحالة إلي بنعيش فيها

تقبل مروري
مجنووون

مـجـنـووون يقول...

موضع جميل جداً

في أوقات الكلمات البسيطه الي بتتقال في الأفلام بتعبر كتير عن الحالة إلي بنعيش فيها

تقبل مروري
مجنووون

همس الاحباب يقول...

كل سنة وانت طيب وبخير
وحمدلله على سلامتك
وبوست رائع يا باشا
ونقد ساخر ولاذع ياجدع
بس والنبى كفاية
هو كله ضرب ضرب مفيش شتيمة
تحياتى

غير معرف يقول...

حمدلله ع السلامة يا اسلام
بوست جامد جدا بجد
بس ربنا يسترها عليك

تعديل بسيط بس
ا دام بطيخ مولانا اقرع ..يبقى مولانا اقرع../فريد شوقى..السوق

البقين دول توفيق الدقن اللي قالهم مش فريد شوقي

تحياتي

حاجات جوايا يقول...

ألف شكر يا اسلام
أخدت الكود وظبطه وحطيته وكله تمام
جزاك الله خيرا

dina يقول...

لو كل مدونة مرتبطة معايا بانفعال معين....فمدونتك انفعالها الحيرة ثم الحيرة فالحيرة....مش عارفة اضحك لان نقدك ساخر اوىىىىىى ولا اعيط على حالنا اللى وصل لحيطة سد....اقول بكرا تروق و تحلى ولازم بكرا حيبقى احلى...ولا اسمع كلام عقلى و اقول ان مفيش حاجة بتبقى احلى من غير شغل و تخطيط و اخذ بالاسباب؟؟؟؟؟؟؟؟
مش عارفة
نفسى بجد اشوف البلد دى احسن بلد فى الدنيا و على ايدينا
انما فى الاخر(ان الله لا يغير ما بقوم حتى يغيروا ما بأنفسهم)

enjy يقول...

حلوووووووووووووووووووووووووووووووة
الله ينور بجد بس انت نسيت حاجة مهمة
اللى مالوش خير فى حاتم مالوش خير فى مصر

وينكى يقول...

ههههههههههههههههههههههههههههههههههههه
بص
هو كل الكلام حكم بصراحه
لكن اكتر حاجه قلبتنى م الضحك
هو ايمان بوش بعذاب القبر
لووووووووووووووووووووووووووووول

صدى الصمت يقول...

با إبنى ماقولتلك تبطل الإسقاطات السياسية دى وتمشى جنب الحيط عشان نفرح بيكم أو نفرح فيكم وتتجوزوا
وتتهدوا بقى
هههههههه
ربنا يسعدكم ويحميكم
تحياتى

عاشقة الورد

kalamfady يقول...

مفييييييييش فايده.....سعد الصغير

ياسر حسين يقول...

الموضوع ده رهيييييييييب
أحييك على شجاعتك وأسلوب كتابتك المميز
خالص التحية

معتز شاهين - باحث تربوي يقول...

هههههههههههههههههههههههههه
بجد رائع 10/10


وأدعوك لزيارة مدونتي والتواصل

اصحى يا مصر : اسلام ديو يقول...

ههههههههههههههههه
بوست هاااايل
وكلام جميل من شخصية جميلة وزى العسل
بس انتا كدة ماشى عكسى
انا عايز اصحية وانتا عايز تنيمه
اكيد فى سوء تفاهم
وكلامك واقعى وعجبنى اوى
اعترفلك بأن دى اول زيارة وهبقى لاجئ عندك فى القهوة
تسلم

الزباين

الزباين و يا رب ابعد عننا الضرايب