الخميس، 16 أبريل، 2009

ابوس القدم و ابدى الندم على غلطتى فحق الغنم

تحديث
---------
اللى دخل بغير معرف لو عنده الجرأه يدخل بالاكونت بتاعة
عشان اعرفه مقامة



اتفرجوا عالفيديو الاول و كمان الصور عشان نتكلم



قبل ما تتفرج عالفيديو اما انك تطفى الاغنية اللى فالبلوج



او تطفى صوت الفيديو لأن حيبقى ازعاج جدا


















محمد السادس محمد بن الحسن

الملك الثامن عشر في الدولة العلوية

تولى العرش 23 من يوليو سنة 1999م

الملك محمد السادس ثامن أغنى ملوك العالم

بعد انخفاض ثروة الملك محمد السادس

بنصف مليار دولار

------------------

اهى القائمة بتاعة 2008

------------------
1- ملك تايلاند "بوميبول أدولياديج"

(35 مليار دولار)
2- الشيخ خليفة بن زايد آل نهيان، رئيس دولة الإمارات العربية المتحدة

(23 مليار دولار)
3- العاهل السعودي، الملك عبد الله بن عبد العزيز

(21 مليار دولار)
4- سلطان بروناي حسن بلقيه

(20 مليار دولار)
5- الشيخ محمد بن راشد آل مكتوم حاكم دبي

(18 مليار دولار)
6- الأمير هانس - آدم الثاني أمير لختنشتاين

(5 مليارات دولار)
7- الشيخ حمد بن خليفة آل ثاني أمير دولة قطر

(مليارا دولار)
8- الملك محمد السادس ملك المغرب

(1.5 مليار دولار).
9- ألبرت الثاني أمير موناكو

(1.4 مليار دولار)
10- السلطان قابوس بن سعيد سلطان عمان

(1،1 مليار دولار).
11- الأمير كريم أغا خان الزعيم الروحي للطائفة الإسماعيلية

(مليار دولار)
12- إليزابيث الثانية ملكة بريطانيا

(650 مليون دولار).
13- أمير الكويت الشيخ صباح الأحمد الجابر الصباح

(500 مليون دولار)
14- بياتركس ملكة هولندا

(300 مليون دولار)
15- الملك "مسواتي الثالث"، الحاكم في سوازيلاند

(200 مليون دولار).

~~~~~~~~~~~~~

شوفتوا الصور و شوفتوا ترتيبة فالملوك

رغم كل ده

المغرب من افقر الدول العربية بردو

شوفتوا المهزلة اللى فالفيديو و الصور

يركعوا للملك و يبوسوا ايده

و يبقى راجل محترم و لابس البدلة العسكرية

و يركع على رجله و يبوس ايد الملك


يا ترى دا حب للملك ؟

يا ترى اللى بيبوس ايد الملك بيقول ايه و هو بيبوسها ؟


~~~~~~~~~~~~~

راتب محمد السادس

~~~~~~~~~~~~~

يقول محمد نجيب بوليف إن أجر الملك

يوجد ضمن فقرة خاصة في قانون المالية

تسمى بالأموال المرصودة للملك

وهي التي تمثل في المتوسط 3 ملايين درهم

ويضيف بوليف في حواره مع "الأيام" أن هذه الفقرة

وهذه الأموال هي التي يمكن تأويلها

كأجر الملك لكنه يقول أيضا : " والله اعلم".


وإذا ما اعتبر هذا التأويل

الذي أعطاه اقتصادي العدالة والتنمية

للأموال المرصودة للملك

باعتبارها الأجر السنوي لمحمد السادس

فإن هذا يعني أن الأجر الذي سيتقضاه محمد السادس

من الميزانية العامة للمملكة يبلغ 25 مليون سنتيم.


وإن كانت غير رسمية فإنها تؤكد أن الأجر الحقيقي

للملك محمد السادس يبلغ حوالي 40 مليون سنتيم شهريا


~~~~~~~~~~~~

رغم كل الفلوس دى و رغم انه من اغنى الملوك

الا ان المغرب ينشر فيها الفقر بصورة ملحوظة


احترت فأمر محمد السادس

كتير من الشعب بيحبه

و بردو كتير منهم بيكرهه


بس من وجهه نظرى

ان اللى بيحبوه دول بيقولوا كده خوف منه


لأنه له مواقف توضح انه مش عادل فحكمة

يعنى من قريب كان سجن مدون بسبب تافه جدا

اخبار من :


و حتلاقوا الموضوع كامل عند



و كمان كان رفد ظابط من منصبة عشان مش باس ايده

و حاجات كتير


بس بردو رغم كل ده هو بيحكم المغرب

بقاله 10 و سنة حوالى 45 يعنى لسه صغير بردو

غير اللى بيحكمنا بقاله 28 و بيفكر يكمل كمان

و هو عنده ازيد من 80 سنة


يبقى محمد السادس ارحم منه بكتير


كفاية كده

البوست الجاى ان شاء الله

حيبقى مختلف شوية

عشان حيبقى عن

مصر و سوريا و الاردن و لبنان و فلسطين و اسرائيل

حيبقى فيه توضيح لموقف مصر اثناء الحرب على غزة

و بعدين نبقى نرجع للملوك و الرؤساء تانى

ان شاء الله لو كان ليا عمر يعنى



16 قول و لا يهمك:

mohamed ghalia يقول...

ربنا يشفيهم
بكره يعقلوا
ربنا يكرمك على مجهودك

dina يقول...

ايه دا مش مصدق نفسى يا لمبى اول تعليق
بجد انا مش فاهمة مالك انت و ايه اللى مزعلك...احمد ربنا ان الدول العربية بتحتل موقع متقدمة فى اى تصنيف و خلاص احسن انا موضوع التصنيفات دا بقاله شوية حلوين كدا جايبلى اكتئاب و زهايمر و ضغط و سكر....مش طلعت مصر فى التعليم المركز 130 من 131 دولة....يبقى تفرح ولا لأ لما ملك عربى ياخد المركز التامن لا و شفت كمية العرب اللى فيهم...و يرجعوا يقولوا البلاد العربية معندهاش فلوس....و بكدا يا ولاد نكون عرفنا الفلوس بتروح فين

همس الاحباب يقول...

ههههههه
ولسه يا ما نشوف على حكام العرب
بس بصراحة كده حسس ليه حق عندنا
المفروض يا جدعان نبوس على رجله
اذا كان محمد السادس ليه 10 سنين فى الحكم وبيبوسوا ايده
يبقى عمو حسنى مفروض نسجد ونبوس على رجليه دول 28 سنة عشرة يا رجالة يعنى لو مؤبد كان زمان خرجنا من السجن من زمن
يلا ربنا يرحمنا برحمته
بس ما قولتليش هو حسس ترتيبه كام فى الثروة انا شايف الحكام العرب كلهم يسم الله ماشاء الله فى القمة
يا عينى عليك يا حسس
تحياتى اخى العزيز

الشهيد يقول...

احبائى الكرام:
ان للشهيد فضل علينا فقد ضحى بنفسه من اجل تحرير ارض سنسئل عنها جميعا يوم القيامه لما تركناها مع اليهود ارجوك لا تنسى هؤلاء من يضحو من اجلنا فاليوم 17 ابريل وهو يوم الشهيد العالمى لا تنسى هذا اليوم وتذكره انت وكل من تحب ولا تنسو الدعاء للشهداء بالرحمة وان يتقبلهم الله فى الشهداء


فإياكم من اليأس والإحباط فإنه لا ييأس من روح الله إلا القوم الكافرون.

وأبشروا أيها المجاهدون على أرض فلسطين، فدماء جرحاكم وشهدائكم لن تذهب سدى، ووالله إن النصر لكم والمستقبل لكم وللمجاهدين في كل أنحاء الدنيا والخزي والعار للمتآمرين والمتواطئين.



شاركونا يومنا بكتاباتكم وشعركم وقصص الشهداء لديكم على مدونتنا يوم الشهيد وعلى مدوناتكم لنكون قد نجحنا فى تبيين فضل من اريقت دمائهم لنحيافى عز وكرامة


elshaheid@hotmail.com



تحياتى:الشهيد

سومه...مجنونه فى بلد عاقل يقول...

اسلاااااااااااااااام تعالى شوف الفيلم بتاعنا:))
بسرعه انا حروح اقرا الموضوع وارجع تانى:))

سومه...مجنونه فى بلد عاقل يقول...

شوف انا حعمل نفسى مفهمتش :))

سومه...مجنونه فى بلد عاقل يقول...

بقولك ايه فكرتنى بفيلم شورت وفانله وكاب اما الراجل كان عاوز يشترى القهوه قاله حاخد القهوه ب .....
انت برضو حتدينى القهوه باللى فيها لو انتخبتك صح؟؟
:))

أحمد يقول...

طب هو بيشد ايده بسرعة يعني مش عايز كدة طب ما يصدر مرسوم يمنع في الحركة البيخة ديت

ولا هو استعباط وخلاص

Tarkieb يقول...

عادي لانه مش ملك بس هناك ده امير المؤمنين كمان.....يعني مش يتباس ايده بس هههههه.....بس بصراحة ممكن يبلعها الواحد ويقول من نسل النبي زي ما بيقول ...احنا عندنا في الموالد بيتباس ايد شيخ الطريقة برده كدة....ومدد يا شيخ شعبان....يعني جات على ده ...ياسيدي مش حالك ....على الاقل ده ملك مش ريس ياريس.....

عالم حبيب يقول...

احلى حاجة ان الملك كل ما واحد يبوس ايده بيخليه يغسل سنانه بسجنال تو الأول :)

تعليقي الله المستعان

الازهرى يقول...

تعرف اول مرة اعرف انك متفائل للدرجة دى
وتفتكر بعد المكتوب ده هتقضل موجود لحد ما الموضوع الجديد ينزل

لتمنى من الله ذلك
وفى الانتظار

غير معرف يقول...

يعنى...
اكيد خوف يا اسلام
مش اكتر من خوف منهم
مفيش انسان طبيعى هيوافق بكده الا اذا كان خايف
لان الكل عنده كرامه
واكيد بيشتمه وبيلعن فيه من وراه
مفيش ملك ولا رئيس اصلا دلوقتى يستاهل ان ايده ولا راسه حتى تتباس
قصدى رجله
نيرة

SostyPasha يقول...

:D معلش بقى مش لاقية حتة اقرفك فيها بعد ما الفيس بو راح :D
بس انا بكره المنظر دا اوي :(
ايه دا اساسا من الاستعباد ان حد يبوس على ايد حد
انا حتى مش ببوس ايد ماما وبابا ..هم مش بيرضوا بكدا ويقولو بس على الجبين عشان الكرامة :S :S
حاجة عجبي فعلا والله
وبعدين بني ادم ايه دا اللي يبقى شايف نفسو فوق الكل عشان يسمح للناس انهم يبوسوا ايدو كأنه السيد عليهم
ربنا يشفيه
و على كمية الفلوس اللي معاه دي
خليه يتهنى بيها زيو زي بقية اخواته من حكام الاشقاء العرب
بكرة ربنا يسألهم عن كل قرش راح فين وعن الرعية اللي جوعوها وضيعوها
وساعتها محدش هيبوس على ايدهم
دا هم اللي هيتمنوا ساعتها لو باسوا على رجول الشعب

ندا منير يقول...

هو مش شرط دا يكون حب
بس تعود
ومحدش ميقدرش يعمل كدة

بيبقى نظام ان الكل يبوس ايده عشان مثلا هو اللى حاميهم او معيشهم فى خير يعنى

أحساس لسه حى...كلام من جوه روح لكل روح يقول...

عزيزى

ما هو مش ببوس الايد ما فى بلاد تانى مفهاش بوس ايد

بس فيها حاضر ونعم بس

نفسى ابوس ايدهم واقولهم سيبوا الحكم وارحمونا بقه

ربنا عادل وحسابه عسير

وليهم حساب عنده ان شاء الله

تحياتى

سلام

نـــــــــــــور يقول...

السلام عليكم

انا بيتهيألى انه مفيش راجل محترم بمعنى الكلمه يسمح بالمهزله دى
الراجل اللى بجد هو اللى يحافظ على كرامه شعبه وخصوصا الكبار منهم مش يرضى بهوانهم ومذلتهم قدام الناس!!!

اما بخصوص المرتب :)
ربنا يباركله-وش احمر من كتر الغيظ والحقد- :)

سلام

الزباين

الزباين و يا رب ابعد عننا الضرايب