يا جمال هيرمس يا جمالوو؟؟؟؟

يا جمال هيرمس يا جمالوو

ـــــــــــــــــــــــــــــــــــــــــ
اولا للناس اللى مش عارفه ايه هو هيرمس ؟
هيرمس دا سهم فى البورصة لشركة هيرمس
و هو كان من اعلى الاسهم فى البورصة لحد فترة قريبة
وصل السهم قبل كده 300 جنية
ايه بقى الموضوع ؟
اقول لكم
عرفين السهم وصل لكام بعد الارتفاع ؟
بقى ب 55 جنية
ايوه متستغربوش
لسه التقيل جااااى قدام
الشركة دى بتاعة جمال مبارك بس فى الخباثة
ايوه جمال مبارك رجل مصر الاول فى القريب العاجل
ايراداتها و اربحها عالية جدااااااااااااااااااااااااا
و لحد دلوقت ايرادتها و اربحها فى ارتفاع
بس سعر السهم فى انخفاض
و دلوقتى
المدير التنفيذى لها
منى ذو الفقار
بنت صلاح ذو الفقار
بتاخد مرتب مليون جنية فى السنة
انا واثق من كلامى
لانة من مصدر موثوق منه
عدد الناس اللى كانوا مساهمين فى الشركة 70 الف شخص
و الشركة عملت نفسها بفلوس الناس دى
ايام ما كان السهم ب 300
دولوقتى الشركة متحكمة فى السهم و مش عاوزين يرفعوه عن 55 جنية
يعنى خراب بيوت مستعجل
الناس بتبيع اسهمها دلوقتى بالخسارة و الشركة بتشتريها فى الخباثة برضوا
عشان لما عدد المساهمين يبقى 100 او 200 يبدءوا فى رفع سعر السهم
و دا كله لصالح ابيه جمال
دلوقت عدد المساهمين وصل الى 13 الف شخص
نجحوا انهم يتخلصوا من كل الباقى
و لسه
و قالوها علنى فى الجمعية العمومية
و كل ده برضوا
و كل الفلوس اللى كسبوها
و ضحكوا على الناس و اخدوا فلوسهم و سرقوهم
لصالح ابيه جمال
كفايه عليكوا كده
ــــــــــــــــــــــــ
دا تحليل للسهم فى الفترة الاخيرة
اسم الشركة المجموعه الماليه هيرمس القابضه كود

ISIN EGS69101C011

كود ريوترز HRHO.CA

(العملة الجنيه المصري(ج.م

سعر الإقفال (في 16/03/2006 ) 48.93

سعر الفتح (في 16/03/ 2006 ) 47.93

التغير % 2.09

(أعلى سعر (في 16/03/2006

50.89 أقل سعر (في 16/03/2006 ) 42.73

(أعلى سعر (خلال الفترة

78.50 (أقل سعر (خلال الفترة

49.51 (الكمية المتداولة (خلال الفترة

90,389,972 القيمة المتداولة (خلال الفترة) 5

,923,253,138 عدد العمليات (خلال الفترة) 147,096
ــــــــــــــــــــــــــــــــــــــــــــــــــــ
ESLAM

الضرايب سبب النصايب

انا مش بحب اتكلم كتير
انتم مش ملاحظين ان من بعد ما ايرادات الضرايب زادت
و بقى بيدخل لوزارة المالية دخل عالى من الضرايب
الحكاية بقت دربكة على كل المصريين
و الاسعار ارتفعت
انا مش عارف اية العلاقة ؟
بس بجد انا لاحظت الحكاية دى
ــــــــــــــــــــــــــــــــــــــــــــــــــ
و محمد شومان عاوز ياخد فاتورة من الحلاق
بجد الناس المفروض تتجنن
ــــــــــــــــــــــــــــــــــ
شوفوا الفيديو ده حيعجبكوا جدا
هو عن اعلانات الضرايب

دول معايا فى الكلية

اخبار بالهبل و تهد جبل ....؟؟؟؟

ملحوظة هامة : هدفى من النقد التالى ليس الضحك و الاستظراف و لا سب اى شخص او اى دولة و لا العيب فى اى شعب نهائيا و لكن هدفى ابراز السلبيات بطريقة خفيفة يتقبلها القارئ حتى لا يمل من القراءة

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اخبار بالهبل و تهد جبل
ــــــــــــــــــــــــــــــــــــــــــــــــــــــــــــــــــــــــ
تقدم هائل فى معدل نمو الاقتصاد
المصرى حيت ارتفع بنسة 00000000. % و

ذلك تقدم يجب الاعتراف به للحكومة
ــــــــــــــــــــــــــــــــــــــــــــــــــــــــ
فى مؤشرات بارتفاع اسعار الاسهم فى البورصة
لهذا العام انخفض معدل النمو لثالث يوم على التوازى
بنسبة جعلت المستثمرين يشدوا فى شعرهم
و اصابة الجميع بالصلع
ــــــــــــــــــــــــــــــــــــــــــــــــــــــــ
حصلت مصر على جائزة الفرخة الذهبية
و ذلك بعدما سجلت رقم قياسى فى عدد
حالات الوفاة من مرض انفلونزا الطيور
ــــــــــــــــــــــــــــــــــــــــــــــــــــــ
بعد نقل تمثال رمسيس بنجاح
تقرر نقل هرم خوفو إلى سيناء
و ذلك بعد وجود شك ان اسرائيل تخطط
للاستيلاء عليه من منطقة الجيزة
و تم ذلك لابعاد الهرم عن عنيهم
لان عين الحسود فيها عود
و

(العين فلقت الحجر)
ـــــــــــــــــــــــــــــــــــــــــــــــــ
بعد سكوت المواطنين على ضم
ثمن خدمة النظافة على فاتورة الكهرباء
قررت الحكومة استيراد كتاكيت من الخارج
و ضم ثمن تغذية هذة الكتاكيت الى
فاتورة التليفون
ــــــــــــــــــــــــــــــــــــــــــــــــــ
صدر قرار بأنه بعد اتمام جميع
المواطنين اجراءات عمل بطاقة تموين
و دفع كافة الرسوم و لصق الطوابع
و حصولهم على البطاقة
ان تلغى بطاقات التموين نهائيا
و سيتم عمل بطاقة اخرى
بإسم اخر و اجراءات اخرى فى القريب العاجل
ــــــــــــــــــــــــــــــــــــــــــــــــ
تم التوصل الى حل فى القضية الفلسطينية
على ان تحصل اسرائيل على كافة اراضيها المحتلة
من قبل حماس
و ان يتم نقل كافة الفلسطينين الى السنبلاوين
تضامنا من الحكومة المصرية مع الاخوة الاسرائيلين
ـــــــــــــــــــــــــــــــــــــــــــــــ
قررابن ابن ابن جورج بوش انه سيتم
الخروج من العراق و بشكل نهائى مع
حلول العام القادم 2134
و ذلك اذا تمكنوا من القضاء على
تنظيم القاعدة فى العراق قبل حلول العام
ـــــــــــــــــــــــــــــــــــــــــــــــــ
تقرر انتخاب رئيس للبنان
فى الجلسة القادمة لمجلس الشعب اللبنانى
التى ستعقد بعد خروج اسرائيل من فلسطين
(لما تشوف حلمة ودنك )
ـــــــــــــــــــــــــــــــــــــــــــــــــــ
قررت شركة نوكيا بعد ان وجدت
ان الشعب المصرى من اكثر الشعوب
اهتماما بتحديث هواتفهم
ان تنتج سلسلة جديدة من الهاتف 3310
و سيكون هو هو الهاتف القديم
و لكن سيتم اضافة الحروف الابجدية للغة الانجليزى
على التوالى اى سيكون الاصدار القادم
3310 A
واللى بعده
3310 B
3310 C
3310 D
وهكذا لحد منجيب اخرهم
(اخر المصريين مش اخر الحروف )
ــــــــــــــــــــــــــــــــــــــــــــــــــــــ
تم تكريم روؤساء مصر جميعا على اعمالهم الاتية
جمال عبد الناصر : طرد الانجليز من مصر
محمد انور السادات : طرد اليهود من مصر
محمد حسنى مبارك : طرد المصريين من مصر
ـــــــــــــــــــــــــــــــــــــــــــــــــــــ
بعد ازمة الرسوم المسيئة للرسول
علية الصلاة و السلام
قررت الدول العربية انها
مش حتلعب تانى مع الدول الاجنبية
عشان كل مرة بيضربوهم على قفاهم
و انهم ارسلوا خطاب رسمى
انهم مخاصمين الدول الاجنبية
و ذلك لشرائهم الوان تلوين الرسوم من الدول الاسيوية
و ليس منهم
ــــــــــــــــــــــــــــــــــــــــــــــــــــــــــــ
بعد ارتفاع ثمن برميل النفط الامريكى الى
119 دولار
و انخفاض برميل النفط العربى رغم جودتة الى
50 دولار
قررت الدول العربية بيع انتاجهم لامريكا
و شراء انتاج امريكا
(بيضربوا نفسهم على قفاهم)
ــــــــــــــــــــــــــــــــــــــــــــــــــــــ

ESLAM

عجزت عن التفكير........؟؟؟؟؟

عجزت عن التفكير فى ما اتناولة فى هذا الموضوع
و هذه اول مرة لى اعجز عن خلق فكرة ما
او موضوع ما بطريقة مميزة
فقررت انا يكون هذا البوست
بوست التفكير
ــــــــــــــــــــــــــ
ماذا تعنى كلمة التفكير ؟
من اين ينبع هذا الاحساس بالتحديد ؟
لماذا يتصرف بعض منا دون تفكير ؟
لماذا يكون هذا التفكير فى بعض الاحيان نقمة على بعض الاشخاص ؟
و هناك الالاف الاسئلة التى تدور حول التفكير
تخيل لو انك فكرة فى رأس احد الاشخاص
فاى فكرة تختار ان تكون انت ؟
و فى رأس اى شخص تريد ان تكون ؟
تخيل لو انك هذة الفكرة و فى رأس هذا الشخص فكيف تم تكوينك ؟
و كيف ستخرج الى النور ؟
و إذا تعذر خروجك الى النور ماذا سيكون احساسك ؟
و تخيل ان خروجك ادى لحدوث مشكلة لهذا الشخص فماذا سيكون احساس هذا الشخص تجاهك كفكرة ؟
هل تعلمون اى فكرة تخيلت نفسى و اى شخص اخترت ؟
تخيلت نفسى فكرة الاضراب و تخيلت الشخص ......إسراء الفتاة مؤسسة حزب الفيس بوك التى تم اعتقالها
فحزنت من نفسى (كفكرة ) اننى سبب اعتقال هذة الفتاة المصرية بحق
و ان بسببى و بسبب خروجى للنور تسببت فى اعتقالها
فرجعت الى عالم الواقع رجعت الى نفسى انا (كشخص )
وجدت ايضا نفس الاحساس لان هذة الفتاة سجنت من اجلى و من اجلك و من اجل كل مصرى
لم يحصل على حقة فى هذا البلد
فما هو شعورك انت ؟

تخيل ان هذا عقل إسراء و انت هذا الشخص الواقف امامه

و انظر إلى علقها الذى فكر فى مصر كلها

ـــــــــــــــــــــــــــــــ
يا رب اسراء و كل من معها يتم الافراج عنهم
اللهم عليك بالظالم.........اللهم انى وليت امرى لك و انا مظلوم
فانصرنى على الظالم يا رحمن

ــــــــــــــــــــــــــــــــــــــــــــــــــــــــ

ملحوظة انا كنت كاتب البوست ده قبل الافراج عن اسراء

و صممت انزلة برضوا

رغم خروجها

لان موضوع اسراء مش عشان اسراء بس لا ده لكل المظلومين

اخر الاخبار فى عصر الدمار

اخر الاخبار فى عصر الدمار

سمعت من احد الاصدقاء ان بسبب حب الرئيس الى
شرم الشيخ سيتم نقل شرم الشيخ الى داخل القاهرة
و ذلك لتقريب المسافه بينها و بين قصر الرئاسة
ـــــــــــــــــــــــــــــــــــــــــــــــــــــــــــــــــــ
مع تكرار اختراق الحدود المصرية من جهة حماس
و فشل مصر فى السيطرة على عدم تحطيم الحدود
قررت رئاسة الوزراء عمل حدود بسوستة
!!!!!!!لتسهيل التحكم بها
ـــــــــــــــــــــــــــــــــــــــــــــــــــــــــــــــــ
توفى امس ثلاثة مواطنين فى طابور العيش
و بذلك ارتفع عدد ضحايا طابور العيش الى3625
مواطن و ذلك بعد اضافة الدمغة و الطوابع
ــــــــــــــــــــــــــــــــــــــــــــــــــــــــــــــــــ

بعد اعتقال اسراء الفتاة المصرية المؤسسة لحزب
الفيس بوك , تقرر و بصفة نهائية الغاء اسم إسراء
حتى لا تتكرر مثل هذة الحادثة و انه سيتم القبض
على اى فتاه مشتبه بها بأنها تحمل هذا الاسم
ــــــــــــــــــــــــــــــــــــــــــــــــــــــــــــــ
مع ارتفاع عدد الكاريكاتيرات اللى تنتقد طول
رئيس الوزراء , تقرر و بصفة نهائية
اعدام اى مواطن يقل طوله عن متران
و ذلك لتوحيد طول المواطنين عملا بمبدأ
المساواة فى الحقوق والواجبات
ــــــــــــــــــــــــــــــــــــــــــــــــــــــــــــــ

بعد مقاطعة الاخوان المسلمين للاضراب
قرر السيد رئيس الوزراء القبض على اعضاء
الجماعة وذلك بتهمة السكوت عن الحق
ــــــــــــــــــــــــــــــــــــــــــــــــــــــــــــــ
بعد ارتفاع الاسعار و ان اصبح كل المواطنون
على الحديدة , تقرر بيع الحديده ايضا
و ذلك حتى لا يوجد منافس لاحمد عز
ـــــــــــــــــــــــــــــــــــــــــــــــــــــــــــــ
قرر احد المواطنين مشاركة الشرطة فى الاحتفال
باعيادها فذهب الى شقه و كسر الباب وقام بضرب
زوجتة واطفالة و قام بتفتيش الشقة ثلاث مرات
وقام باعتقال احد ابناءه!!!!
ــــــــــــــــــــــــــــــــــــــــــــــــــــــــــــ
بعد تصريح الفنان عادل امام ان افلامه
تسجل تاريج مصر بكافة مراحلة
تقرر وضع افلام عادل امام فى مقرر التاريخ
بالثانوية العامة , وتصدر فيلم حنفى الابهه اول المقرر
ـــــــــــــــــــــــــــــــــــــــــــــــــــــــــ
بعد الغلاء الفاحش , قررت رئاسة الوزراء
توزيع احزمة مستوردة كلفت الدولة حوالى55
مليار دولار على المواطنين
على ان يتم اذاعة اغنية شد الحزام على وسطك
يوميا بمعدل 3 مرات فى الدقيقة
لتذكرة المواطن بالحزام
ــــــــــــــــــــــــــــــــــــــــــــــــــــــــ
بسبب حالة الجوع الذى يعانى منها الشعب
لم تقبل حكومتنا معونة ادوية من امريكا
و ذلك لان جميعها تؤخذ بعد الاكل
ــــــــــــــــــــــــــــــــــــــــــــــــــــــ
في المدرسه استاذ الحساب بيسال التلميذ بتاعه

لو باباك استلف الف جنيه من البنك والف جنيه تانيه من جاركم

يبقى هيرجع كام الف

التلميذ: مش هيرجع حاجه يا استاذ

الاستاذ: يا ابني استلف الف وبعديها الف تانيه

التلميذ : مش هيرجع حاجه يا استاذ

الاستاذ: اقعد يا ابني انت متعرفش حاجه في الحساب

التلميذ: انت اللي متعرفش حال البلد
ـــــــــــــــــــــــــــــــــــــــــــــــــــ
فى ظل احوالنا الاقتصادية
و نجاح الحزب الوطنى فى ادارة البلد
قررت لجنة داخل الحزب
بجعل اغنية بمبى لسعاد حسنى
الاغنية الرسمية للحزب
ـــــــــــــــــــــــــــــــــــــــــــــــــــــ
قمة الهدوء.......... انك تسمع شريط فاضى

وقمة الرخامة ..... انك تقلب الشريط

وقمة التناحة....... انك تعيد حتة عجبتك
و قمة الجنان .......ان يبلغ عنك احد جيرانك
بتهمة الازعاج
قمة الظلم..........ان يتم القبض عليك بهذة التهمة
وقمة الاجرام..........ان يتم تعذيبك للاعتراف بالتهمة
ــــــــــــــــــــــــــــــــــــــــــــــــــــــ
بعد بروز الاعلامى عمرو اديب
و طريقتة فى استدراج الضيوف
تعاقد مع الحكومة
بعد سجن طلعت السادات
بتسليمها احد اشخاص المعارضة
فردا فردا
و ذلك بمعدل 3.5 % شهريا
ـــــــــــــــــــــــــــــــــــــــــــــــــــــ

عرفت يعنى ايه مدونة منهم

حبيت بس انى اجعل كل شخص عجبة البلوج ده او قرر يكون زائر له

ان يعلم ان من جعلنى اعرف طريق التدوين هؤلاء الاشخاص

و انا اتشرف بأن اكون قد اتخذت طريقى فى عالم البلوجر

بعد ما عرفت هؤلاء الاشخاص

ـــــــــــــــــــــــــــــــــــــــــــــــــــــــــــــــــــــــــ
احب انكم تعرفوهم

الفنان خالد الصاوى

مدونتة

ــــــــــــــــــــــــــــــــــــــــــــــــ

الفنان اشرف حمدى

مدونتة

ـــــــــــــــــــــــــــــــــــــــــــــــــــــوينكى

مدونتها

ـــــــــــــــــــــــــــــــــــــــــــــــــــــــــــــــــــــــ

البراء اشرف
مدونتة

ــــــــــــــــــــــــــــــــــــــــــــــــــــــــــــــــــــــدعاء بنت بلد

زوجة البراء اشرف

مدونتها

ـــــــــــــــــــــــــــــــــــــــــــــــــــــــــــــــــــالفنان ياسر حسين

مدونتة

ــــــــــــــــــــــــــــــــــــــــــــــــــــــــــــ

امة الله

مدونتها

ــــــــــــــــــــــــــــــــــــــــــــــــــــــ

عاليا حليم

مدونتها

ـــــــــــــــــــــــــــــــــــــــــــــــــــــــــــــــ

جميعهم كانوا فى حلقة برنامج

الناس وانا

و تاريخ هذة الحلقة

هو

2/10/2007

و هو تاريخ انشاء هذة المدونة

و بدايتى مع التدوين

ــــــــــــــــــــــــــــــــــــــــــــــــ

اشكرهم كل الشكر

لانهم سبب تواجدى هنا الان

مع العلم ان اغلبهم لا يعلم هذا الكلام

سوى وينكى والفنان ياسر حسين

شكراُ لكم

eslam

برنامج حوار مع الكفار

حوار بين الاعلامى محمود سعد
و مع فخامة سعادة عظامة تكانة رزالة
احد رؤساء وزارة احد الدول فى كوكب ما فى المجموعة الشمسية
ـــــــــــــــــــــــــــــــــــــــــــــــــــــــــــــــــــــــــــــــــــــــ
محمود : شرفتنا زيارتك يا

الضيف : اكيد طبعا
محمود : ماشى يا عم
طب ممكن ابدأ الاسئلة
الضيف : اتزفت
محمود : ايه رأيك فى ارتفاع الاسعار ؟
الضيف :ارتفاع اسعار ايه يا بابا

محمود : نعم يا خويا
الضيف : احم احم.......قصدى يعنى حدد شئ معين.
محمود : ايوه كده اتعدل معايا
نقول مثلا سعر الزيت
الضيف : لا لا خلاص المشكلة دى اتحلت
محمود : اتحلت
الضيف : ايوه طبعا انت متعرفناش و الا ايه
محمود : الخيبة انى عارفكم واحد واحد
ازاى حليتوا المشكلة يا فقيق ؟
الضيف : مش زجاجة كيلوالزيت ب 10 جنية ؟
محمود : ايوه
الضيف : احنا حنخلى النص كيلو ب 5 جنية
يعنى السعر انخفض للنص حنعمل ايه اكتر من كده يعنى

محمود : و حياة ماما

خلاص بلاش الاسعار عشان انا متجننش منك
ايه رأيك فى حال الفلاحين اللى عايشين من غير نور و ميه ؟
الضيف : سبحان الله بتسأل على اللى احنا كنا بنفكر فية

محمود : طيب انجز و حياة والدك
الضيف : احنا لاقينا حل للمشكلة دى خلاص

محمود : بتتكلم جد
الضيف : طبعا يا حوده جد الجد
محمود : طيب حتعملوا ايه ؟
الضيف : من اول السنة الجاية حنلغى الفلاحين خالص
محمود : لا انا كده ممكن اقل ادبى عليك
الضيف : لا عادى خالص براحتك احنا بلد ديموقراطى
بس لما تخلص الحلقة
محمود : لا يا باشا انا بهزر
نياهاهاهاهاهاهاها
طيب كنا سمعنا عن تعميير سينا عشان نحميها من اسرائيل ؟
الضيف : اه فعلا فعلا دا كلام مظبوط
احنا خلاص بعنا نص سينا لمستثمر اسرائيلى عشان يعمرها و بكده يكونوا ضربونا على قفانا بس بمزاجنا اه
محمود : يا مصبر الوحش على الجحش

طيب و الالغام اللى موجودة فى اراضى الساحل الشمالى و العالمين
الضيف : لا خلاص دى اعتبرها اتحلت
محمود : ازاى ؟؟؟
الضيف : حنلم الصعايدة اللى فى البلد كلهم و حنخلوهم يقعدوا يقزقزوا الالغام دى لحد ما يخلصوا
محمود : لحد ما الالغام تخلص يعنى ؟؟؟
الضيف : لا طبعا يا غبى الصعايدة اللى يخلصوا
محمود : يا ابن ال........ناس الكويسة
طيب و البطالة
الضيف : حنزود عدد القطارات عشان الشباب تلحق تتشعبط فيها
او يمكن تدوس عليهم
محمود : يا رب انت واهلك

طيب انا كنت شايف فى نشرة اقتصادية
ان معدل الاقتصاد المصرى فى هبوط
الضيف : شفت فين الكلام ده
محمود : فى قناة الجزيرة
الضيف : انت واخد وصلة الدش من عند مين ؟؟
محمود : حمو بلبل
الضيف : لا خدها من عند محمد بحرية....... الجزيرة مش بتيجى عنده خالص
محمود : يخرب بيت دم امــ..........ـــال فهمى
طيب ممكن بقى اسأل اخر سؤال ؟
الضيف : و دى كمان لاقينا لها حل حنلغى المذيعين من هنا ورايح
ــــــــــــــــــــــــــــــــــــــــــــــــــــــــــــــــــــــــــــــــــــــ
هذا الحوار فى احد قنوات احدى الدول فى كوكب ما فى المجموعة الشمسية
تالت كوكب على ايدك اليمين وانت داخل من ناحية الشمس

la3lahakhier ملحوظة : ذكرتنى الاخت

بإشرب العصير و هى اشهر جملة للاعلامى محمود سعد

و نظرا لانه يجلس مع رئيس الوزراء تم التأخر فى استيراد العصير من الخارج

و ذلك بعد رفض الضيف شرب اى شئ من انتاج البلد

و ذلك بعد ان ادعى ان كل منتجاتنا الزراعية مسرطنة

و هذا كذب و افتراء طبعا

هى مش كلها اوى يعنى

و السلام ختام

اخر اخبار الاضراب

الصورة السابقة صورة قديمة مش من صور الاضراب

اخر اخبار الاضراب
ـــــــــــــــــــــــــــــــــــــــــــــــــ
شوارع المعادي الجديدة خالية ونصف المحلات مغلقة وتواجد امني كثيف في الشوارع يسالون أي تجمعات من الشباب عن سبب وقوفهم
ـــــــــــــــــــــــــــــــــــــــــــــــــ
الشرطة تتحرك في مجموعات من 5 افراد بالزي المدني مع ضابط بزي الشرطة وتفتش المواطنين المتجهين لمحطتي مترو منشية الصدر وكوبري القبة والدمرداش
ــــــــــــــــــــــــــــــــــــــــــــــــ
الشوارع خالية تماما في حدائق القبة وغالبية المحلات مغلقة وبوكسات شرطة تمر وتنادي على اصحاب المحال الساكنين بالمنطقة لفتح محلاتهم
ـــــــــــــــــــــــــــــــــــــــــــــــــ
تم تأجيل الامتحانات ببعض المدارس لان المدرسين شاركوا بالاضراب
ــــــــــــــــــــــــــــــــــــــــــــــــــ
شهود عيان: شوارع كبرى بالقاهرة والاسكندرية خالية ومعظم المحلات مغلقة ومواقف الميكروباص خالية وسيولة بالمرور ونسبة غياب كبيرة للموظفين
ــــــــــــــــــــــــــــــــــــــــــــــــــ
القبض على أحد الأمهات التي جاءت للمشاركة في الإضراب في ميدان التحرير وترك طفليها وحدهم في الشارع
ــــــــــــــــــــــــــــــــــــــــــــــــــ
فتيات الجامعة الأمريكية المقبوض عليهن وقفوا امام اسماعيل الشاعر بارغفة خبر يقضمونها ويبصقونها احتجاجا على رداءة الرغيف فقبضت عليهم الشرطة
ــــــــــــــــــــــــــــــــــــــــــــــــــ
القبض على مجدي أحمد حسين وضياء الصاوي وعدد من نشطاء حزب العمل بمصر القديمة
ــــــــــــــــــــــــــــــــــــــــــــــــــ
اسماء جديدة للمقبوض عليهم من البورصة - المدون احمد بدوي ومحمد فؤاد ومحمد عبد الوهاب - وسارة فكري وسارة عبد الرزاق من ميدان التحرير -محمد علي محمد سلامة محمد محمود احمد فوزي حازم المليجي رامي يحي عبدالله عبد الناصر هيثم عبد النبي مجدي احمد حسين محمد عواد
ــــــــــــــــــــــــــــــــــــــــــــــــــ
قوات الامن تعتدي بالضرب على ثلاث فتيات من الجامعة الأمريكية وتلقي القبض عليهم والقاء القبض على عدد من نشطاء الغد من ميدان التحرير وطلعت حرب
ــــــــــــــــــــــــــــــــــــــــــــــــــ
اسماعيل الشاعر يجلس في ميدان التحرير بنفسه مرتديا ملابس مدنية وتشويش واضح وضعف في اتصالات المحمول في ميدان التحرير برغم كل محطات التقوي
ــــــــــــــــــــــــــــــــــــــــــــــــــ
القبض على حوالي ثمانية نشطاء من قهوة البورصة والقهاوي المحيطة وهم الان في سيارة ترحيلات ومنهم محمد عواد واسراء عبد الفتاح وشادي العدل وحازم
ــــــــــــــــــــــــــــــــــــــــــــــــــ
مصدر في وزارة الداخلية - 900 سيارة أمن مركزي في شوارع مصر اليوم - بدء العمل المنتظم بالوردية في مصانع المحل
ــــــــــــــــــــــــــــــــــــــــــــــــــ
اعتقال المدون احمد الجيزاوي والامن يجبر عمال المحلة على العمل بالضرب وانباء عن اعتقالات في صفوف العمال
ــــــــــــــــــــــــــــــــــــــــــــــــــ
قوات كثيفة من الشرطة على رصيف قطار محطة المحلة الكبرى
ــــــــــــــــــــــــــــــــــــــــــــــــــ
خبر مؤكد - قيادات العمال تعلن الغاء اضراب المحلة واحمد السقا يوقف تصوير فيلمه اليوم تضامنا مع الإضراب
ــــــــــــــــــــــــــــــــــــــــــــــــــ
يوجد تجمع من حوالي خمسون شخصا أمام هارديز ميدان التحرير ناصية الجامعة الأمريكة
ــــــــــــــــــــــــــــــــــــــــــــــــــ
قسم شرطة الشيخ زايد يرفض تحرير محضر باختطاف الشرقاوي وينفي وجوده في حجز القسم
ــــــــــــــــــــــــــــــــــــــــــــــــــ
امن بملابس مدنية يسيطر على بوابات مصانع المحلة ويمنع تجمع العمال
ــــــــــــــــــــــــــــــــــــــــــــــــــ
القبض على الناشط فتحي فريد وتهديد كل من يقف في ميدان التحري
ــــــــــــــــــــــــــــــــــــــــــــــــــ
شهود عيان: محمد عبد القدوس كان بيشتري جرايد في ميدان التحرير تم جرجرته وخطفه في سيارة
ــــــــــــــــــــــــــــــــــــــــــــــــــ
عاجل - القبض على محمد الأشقر من مكتبه الهندسي بالجيزة
ــــــــــــــــــــــــــــــــــــــــــــــــــ
تم الحصول على الاخبار السابقة من مدونة
مصر ديجيتال
بتاعت وائل عباس
على فكرة انا مش حضيف
اى تحديث يحصل لاخبار الاضراب من مدونة وائل عباس
لو عاوز تتابع ادخل البلوج بتاعة
بس متنساش العبد لله فى التعليقات
ــــــــــــــــــــــــــــــــــــــــــــــــــ
فى اسكندرية دى بقى حصرى عندى انا
قوات الامن المركزى فى كل مكان
و حالة من القلق و التوتر فى البيوت داخل اسكندرية
مع هدوء نسبى فى شوارع الاسكندرية
على غير المعتاد
يعنى فى ناس كتيير مضربة
و منزلتش
انا نازل تانى دلوقتى و ححاول اعرف اخبار الاضراب
فى المنشية عند الحقانية
_________________
وده كمان من ضمن الحصرى
______________
إستمرار عمليات القبض العشوائى ، وتعذيب ثلاثة منهم (بقسم شرطة المنشية )
القاهرة:
محمد عبد القدوس من أمام بائع الجرائد.
محمد الشرقاوي من الشيخ زايد.
محمد الأشقر من مكتبه .
فتحي فريد من ميدان التحرير.
رامى يحي ميدان التحرير،
بهاء صابر .
محمد على .
أحمد الجيزاوى
احمد عبد الجواد
أحمد بدوى .
اسراء رشيد .
شادى العدل .ِ
محمد فؤاد
محمد عواد
سارة عبد الرازق
سارة فخرى
احمد الهوارى
عمر احمد
ضياء الصاوى
مجدى حسين
محمد حمد
إبراهيم فؤاد .
أحمد محمد السيد
محمد سطوحى
عبدالله يحى
غادة محمد جميل
علا كمال محمد
كما تم القاء القبض على عشرون شابا جارى حصر اسمائهم ، ويتم ترحيلهم الى معسكرات الامن المركزى.
وبالأمس ألقى القبض على مالك مصطفى سوف يعرض على النيابة اليوم، أما أكرم ايرانى ، و حسن عبد الله ،و احمد سعيد فتم عرضه بالأمس على نيابة مصر القديمة وتقرر عرضه مرة أخرى صباح اليوم ،وحالياً تم القبض على .

الإسكندرية

تم القبض على
محمد الوسيمى - وكيل حزب الغد
نجلاء فوزى وكيل حزب الغد .
احمد عراقي نصار
، قطب حسانين
، احمد ماجد
، السيدة احمد فوده

كما تم القاء القبض على 25 مواطن بالاسكندرية وجارى حصر اسمائهم
وتم الإفراج عن ( جانيت عبد العليم – وهديل محمد خاطر – أحمد عزت )

مظاهرتين طلابتين بجامعتى حلوان والقاهرة تندد بارتفاع الاسعار، ومظاهرة ثالثة بجامعة المنصورة، ووقفة احتجاجية لعمال طرة الاسمنت من الواحدة والنصف حتى الثانية.

وتم القبض على - سامح حسانين بلطيم

ــــــــــــــــــــــــــــــــــــــــــــــــــــ
الاضراب ناجح فى اسكندرية بنسبة 99 %
المحلات مغلقة
و الاسواق كذلك
و مفيش اى عملية بيع و شراء
الا بنسب قلية
ـــــــــــــــــــــــــــــــــــــــــــــــــ
اضافة للحصريات
الصور دى لبعض اهم الشوارع فى اسكندرية
فى الايام العادية الشوارع دى بتكون زحمة
و صور لمحلات مغلقة
التصوير باوقات مختلفة طوال اليوم



ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الصور اللى جاية بقى
من مدونة مصر ديجيتال
بتاعت وائل عباس
من تصوير
الزميلة المدونة شاهيناز عبد السلام
والتي واجهت مصاعب كثيرة هذا اليوم
منها محاولة الأمن مصادرة تليفونها المحمول وكاميرتها الديجيتال ولكن الله سلم
صور للقاهرة


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اما بقى الصور اللى جاية دى
من مدون زميل
بس للاسف
مش عارف اسم المدونة بتاعتة
اللى اعرفه
masterx00@gmail.com
ــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــ
فيديو للى حصل فى المحلة
حسبنا الله و نعم الوكيل
بهدلوا الناس منهم لله

ـــــــــــــــــــــــــــــــــــــــــــــــــــــــــــــــــــــــــــــــــــــــــــ
ودى كمان صور للمحلة و الجرائم اللى حصلت
هناك فى حق الناس



















ـــــــــــــــــــــــــــــــــــــــــــــــــــــــــــــــــــــــــــــــ
تحديث اليوم 7/4/2008
ـــــــــــــــــــــــــــــــــــــــــــــــــــــــــــ
صور لثلاثة من الذين تم القبض عليه امس

( من اليمين : حسن عبد الله - أحمد دومة - أكرم الإيرانى )

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الصور دى من موقع حزب العمل
و هى لعساكر الامن الركزى يحاولون
تحطيم زجاج احدى المدرعات
ليتم اتهام المتظاهرين بهذا العمل



ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وده فيديو لبعض اللى حصل فى القاهرة
تصوير الزميلة المدونة شاهيناز عبد السلام
صاحبة مدونة بنت مصرية
و تم الحصول على هذا الفيديو من مدونة
الوعى المصرى
بتاعت وائل عباس


تابعونا لدينا المزيد