محتاج اكتب .. اى كلام بس اكتب

حسيت انى عاوز اكتب
اى كلام مش مهم بس المهم ان كلكوا وحشتونى
وحشنى التدوين
وحشتنى مدوتنى
حاسس انى عاوز اتكلم كتير
جوايا كلام مش عارف اطلعه


وحشنى انى اشوف كومنت اى حد كنت بستنى كومنته
وحشنى انى اعمل كومنتس عند كل الناس زى الاول
كل حاجة مفتقدها
كل سنه و انتوا طيبين
كان نفسى اقولها و انا مبسوط
بس انا جيت اسلم على الكل و اطلع اى كلام كدا ملغبط 
من جوايا


وحشتونى اووووووى بجد
من ساعه ما بطلت ادون و انا مبقتش بعرف افضفض بالساهل
بعدت عن ناس كتير
محدش ينسانى
فترة و تعدى و افوق من كل دا و اكتب
اكتب اى عك زى ما كنت بكتب
بس المهم انى اكتب


سلام

تصميم جديد للمدونة رأيكم ايه ؟

شكل جديد للمدونة مؤقت لحد ما افضى بقى و احاول ارجع زى الاول

ايه رأيكم و يا ريت اللى له ملاحظة يقولها

لقاء تدوينى .. قديم بس ننزله بردو

كشف الحضور و الانصراف

و العهده على الراوى (فاتيما) و اللى اسمه مش مكتوب يقول

ــــــــــــــــــــــــــــــــــــــــــــــ

انجى المهم هات من الآخر : كانت عاوزة تلعب من ساعة ما جت و فالاخر رجعت البيت تعبانة و مش قادرة تتكلم حتى و فضحانى عندها فالبلوج و الاسم انها جارتى و مجرسانى اخر جرسه :D بس بجد انجى من اجدع البنات اللى ممكن تقابلهم فحياتك و طبعا بما اننا ناقر و نقير مسبناش بعض بقى الا اما رخمنا على بعض و ده اقل حاجة يعنى :D

ريم بين ضفتى عقلى : حد هادى جدا متكلمتش خمس كلمات على بعض يعنى مفتكرش حاجة غير و هى نازلة من المشروع (الميكروباص) قالت شكرا يا احمد و هى صاحبة انجى :D

فاتيما روح قلب ماما : بجد بجد بجد بجد اتبسطت جداااااااااااااااا انى شوفتها فالاول معرفتهاش و لا هى عرفتنى و فجأه بسأل عادل مين بعد ما انجى سلمت عليها قال لى دى امى فاتيما ام يوسف و انا بجد مش عاوز اقول لكم انا بحترمها اد ايه و فرحت جدا انها جت

خالد همس الاحباب : اول ما روحت لهم عند الزعيم ( كانوا بياكلوا ) فمسلمتش على حد بس و انا قاعد لقيت حد قاعد بعييييييد بيبص لى سألت عادل بردو مين قال لى خالد همس الاحباب قمت بسرعة من مكانى سلمت عليه بجد من الشخصيات اللى بحترمها جداااااا و معرفتوش بس عشان خاسس شوية

عادل البلد دى فيها حكومة : عادل بقى اصلا انا كنت رايح و معرفش حد هناك غير عادل بجد واد زى العسل بغض النظر انى شيلته و كنت هرميه فالبحر بس صعب عليا و قلت اسيبه بس بجد عسل جدا و كملنا اليوم انا و هو و سوو و وصلتهم لحد الموقف ( على الله يطمر فيكوا ) هههههههههههههه

سووو : اول ما دخلت كان منسجم فالاكل و سلمنا سلام ( نهارك سعيد ) و الحوارات دى :D كملت اليوم انا و عادل و هو و كانت لماضة معانا عند سيفانو بولو كل واحد طلب حاجة و انا و عادل طلبنا شيكولا جلاسيه و انا اول مرة اشرب البتاع ده طلع كاكاو ساقع و مروة عامر ( لماضه ) روحت و كملت انا و سوو و عادل بقى و صورتهم عند المكتبه و كده يعنى و دوخنا على قهوة عدله جمب المكتبة طبعا مفيش عشان مكان ثقافى و سياحى :D

حنين القلب : اتكملت معاها و احنا عند الشيخ وفيق حد عاقل جدااااااااا و محترم جداااااا و طيب جدااا و بجد سعدت انى اتكلمت معاها و كانت مش عرفانى و بعد كده عرفتنى و انا كمان عرفتها و اتكلمنا فكام حاجة كده

دودو عاشقة الرومانسية متكلمناش خااااااااااااالص و لا هى اصلا تاخد بالها منى بس انا اخدت بالى روحها خفيفة و بتضحك و بتهرج بس متكلمتش خالص معاها بحكم انى واد بتحرج من خيالى اصلا :D

داليا ماى كورنر : للاسف معرفش هى انهو واحده من اللى جم بس اكيد لو شوفتها هعرفها بس حد يقول لى :D - ان شاء الله فلقاء تانى

Hannooda : العيب فيا انى اتاخرت و كمان متعرفتش على كل الناس للاسف معرفش مين

ضياء بيتوفل مايند : اتعرفت عليه بعد ما طلعنا من عند الزعيم و متكلمناش كتير لان هو اصلا مش بيتكلم كتير بس حد محترم جدا بجد

م. رانيا على القدر و انا و بنتها و ابنها : التقصير منى اكيد انى معرفتهاش اسف بجد

احمد اسير الجراح :

احمد سعيد عنبر العقلاء

سالى حروووف : عرفت انها حرووووف و هى ماشيه بس :D

نهر الحب خواطرى و اشعارى
محمد اعشق فى الليل ضوء القمر و اخته فاطمة بحر الحياةبدراوى طعم البيوت

حنان الشافعى رياح الحنين

احمد اسكندرانى فى الغربة
اسماء نبض اسكندرية

مروة عامر لماضة