الخميس، 31 يوليو، 2008

لو لم اكن تجاريا لوددت ان اكون تجاريا.....(نصيبى)....!!!!!!

الف الف الف الف الف الف
مبروك
النجاح
نورا الخشن نجحت يا بشر
صاحبة مدونة
جيد
الف مبروك يا نورا
ـــــــــــــــــــــــــــــــــــــــــــ
الف الف الف الف الف الف
مبروك
النجاح
نجحت مبروك النجاح
جيد جدا الا حته
هى اللى قالت كده


انا نجحت انا نجحت انا نجحت انا نجحت انا نجحت انا نجحت
انا نجحت انا نجحت انا نجحت انا نجحت انا نجحت انا نجحت

طظ

انا نجحت انا نجحت انا نجحت انا نجحت انا نجحت انا نجحت
انا نجحت انا نجحت انا نجحت انا نجحت انا نجحت انا نجحت

طظ

انا نجحت انا نجحت انا نجحت انا نجحت انا نجحت انا نجحت
انا نجحت انا نجحت انا نجحت انا نجحت انا نجحت انا نجحت

طظ

انا نجحت انا نجحت انا نجحت انا نجحت انا نجحت انا نجحت
انا نجحت انا نجحت انا نجحت انا نجحت انا نجحت انا نجحت

طظ

انا نجحت انا نجحت انا نجحت انا نجحت انا نجحت انا نجحت
انا نجحت انا نجحت انا نجحت انا نجحت انا نجحت انا نجحت

طظ

و زى ما قلت لكم قبل كده فى بوست


ان فى دكاترة اصحاب ضمائر حية
و دكتارة اصحاب ضمائر واطيه
بس الحمد لله نجحت
كفاية بقى و بلاش اسيح عالتقدير الى انا اتظلمت فيه جدااااااااا

الحمد لله
الحمد لله


يا جماعة ما فيش نجاح بيجى بالساهل
كل واحد لازم يتعب فى حياتة عشان يلاقى
لو عاوز تنجح حب اللى انت بتعمله
و حط لك هدف عاوز تنجح عشانة


الفترة اللى انا ريحت فيها اللى كانت قبل الامتحانات بشهر
انا كنت ميت مذاكرة
ما كنتش بنام
ربنا كلل تعبى بالنجاح
اى نعم اتظلمت فى التقدير
لكن انا عارف ان عمر ما ربنا بيشيل من حاجة
الا و بيحطها فى حاجة تانية
يعنى اكيد انا حاخد حقى
انا نفسى بجد
كلنا نبقى همنا على نجاح البلد دى
لانى بجد بحب مصر جداااااا
و نفسى ابقى حاجة كويسة فى البلد
عشان انفع نفسى و بلدى و اولادى و شريكة حياتى
لازم كل واحد فينا يشيل مسئوليه
فرحتى بالنجاح مش كاملة
اولا لسه فى ناس ما اطمئنتش عليهم نتيجتهم لسه ما طلعتش
ثانيا كان نفسى كل واحد ياخد حقه
(فى كل شئ)
ـــــــــــــــــــــــــــــــــــــــــــ
متضايق شوية يا جماعة
(مش من النتيجة)
حبقى احاول ارد على التعليقات اللى فاتت بس مش دلوقتى
معلش اعذرونى
مش حنقطع عن التدوين
(حسبى الله و نعم الوكيل)


ESLAM

السبت، 26 يوليو، 2008

جايلك يا غالية.....؟؟؟؟




انا يا جماعة اتدبست و اللى كان كان

عندى تاجات بالكوووووم


قلت بقى اسيب المدونة و اروح اقعد جنب امى

و قلت لها

جايلك يا غالية


قالت لى لا روح اعمل الواجبات و التاجات

قلت ماشى

اصلى بخاف منها قوى

ــــــــــــــــــــــــــــــــــ

نبتدى بأول تاج

و هو بتاع


(خلى تامر حسنى ينفعك)

و كمان لقيت


كمان سايب لى نفس التاج

************************

(تاج الواجب)

اذكر 6 حاجات اللى يشوفك لاول مرة ميعرفهمش

ـــــــــــــــــــــــــــ

بمعنى اوضح افضح نفسك بنفسك

هههههههههههههه


(1)

غيووووووووووووووووووور جدااااااااااااااااااااااااااااااااااااااااا

مثلا
لو كلب معدى جنب خطيبتى و هوهو عليها
ممكن اسلخه
دى ابسط حاجة
دا مثلا : لانى مش خاطب
ــــــــــــــــــــــــــ

(2)

مش بقتنع بسهوله
يعنى دماغى صرمة
(شوز عشان ايبى مش بتحب تقول جذمة)
ممكن ابين للى قدامى انى اقتنعت و انا بقول بينى و بين نفسى
عند امه يا ادهم
ـــــــــــــــــــــــــــ

(3)
بتنرفز بسرعة
لدرجة انى ممكن ساعتها من علو صوتى
ممكن تلاقى اى كوكب وقع عليك
عطارد مثلا
او

(زحل)
ــــــــــــــــــــــــــ
(4)

لما بحب بحب بجد
دى مش عاوزة شرح
ـــــــــــــــــــــــــــــ
(5)

مثقف
الحمد لله من صغرى ممكن اناقش اى حد فى اى موضوع و اقوله حاجات ما كانش يعرفها
لانى بحب اقرى جدااااااااااااااااا
و مش باخد معلوماتى من (بؤ) شخص
ـــــــــــــــــــــــــــــــــ
(6)
ليا صداقات مع ناس اكبر منى
(علما و مركزا)
يعنى تلاقينى انا مثلا دون عن الطلبة
المعيدين فى الكلية يصاحبونى
و بيتصلوا بيا
و ده راجع و الحمد لله لارتقاء دماغى و فكرى
(و حكاية انى ذكى دى مش انا اللى بقولها دا كلام دكتور كمان )
بس انا شايف ان الدكتور ده مش بيفهم
************************
التاج التانى


لن انسى لكى هذا الموقف يااللى فى بالى


بتاعة تامر حسنى

(صبرك عليا)

ــــــــــــــــــــــــــــــ
(اول سؤال)

اية معنى السعادة من وجهة نظرك؟ حاسس انك سعيد ؟

السعادة فى الالتزام

و القرب من ربنا

و كمان ان تكون جنب حد بيحبه و يحبك

اما حكاية حاسس انى سعيد

السعادة هنا نسبية

يعنى انا سعيد انى قريب من ربنا و ملتزم الحمد لله

و كمان سعيد نى جنب حد بحبة و يحبنى

بس فى حاجات بتدخل تكعر ( مش تعكر) الموضوع

زى انك تعرف ان النتيجة بتاعتك بعد يومين

(وش بيضحك و سنانه باينه)

ــــــــــــــــــــــــــــــــــــــــــــــــ
(تانى سؤال)

امتى حسيت انك ظلمت انسان ولية ؟ محتاج للحظة غفران منة ؟

لا مش عارف خالص

لانى لو ظلمت حد حيكون غصباً عنى
و يا ريت ما اكنش ظلمت حد بجد و انا مش حاسس

ــــــــــــــــــــــــــــــــــــــــــــــــــ

(تالت سؤال)

بتعمل اية لما تكون مضايق بعد ما تصلى ؟

بعمل اى حاجة اى حد ممكن يعملها بس كل ده

بعد ما اقرء سورة ياسين بالذات

بستريح جداااااااااا

و بدخل انام

ـــــــــــــــــــــــــــــــــــــــــــــــــــــ

(رابع سؤال)

امتى حسيت انك اتظلمت ؟ولية ؟

كتيييييييييييييييييير

بس بحاول اخد حقى و بعرف اخده فى معظم الاوقات

ـــــــــــــــــــــــــــــــــــــــــــــــــــــ
(سادس سؤال)

امتى ممكن تتنازل عن حق من حقوقك ؟ والسبب ؟

مش بالساهل

بس لو لحد بحبه

ركزوا

(بحبه)

ممكن اتنازل بس فى حدود المعقول

ما تسمح به كرامتى كرجل شرقى ينتمى الى حزب

(سى السيد)

************************

التاج التالت


منه لله اللى كان السبب

ههههههههههههه

جالى من


(هو ده ---هى دى)

(وش بيغمز)

ومن


(سوسة)

بتاعة بيطرى

(اوعى الدم)

ـــــــــــــــــــــــــــــــــ

(اول سؤال)

من انت؟

انا البحر فى احشاءه الدر كامن فهل سائل الغطاس (الغواص يا عم)

يااااا على

ههههههههههههه

بما انى اسكندرانى

اذا فمن المفروض انى صايع بحر

الا انى بعرف اعوم و كل حاجة بس فى عمرى كله ممكن اعد لكم انا روحت البحر كام مرة

حوالى خماشر تمناشر الف مرة

ههههههههههههه


الجد بقى

انا و الحمد لله حد ممكن يقف جنبك فى اى وقت

صاحب صاحبى

جدع جداااا و الله

بس امى مش شايفه كده

الدنيا كلها بتقول كده الا امى

ههههههههههههههه

المهم

ان مفيش حد مش بيقول انى جدع

الحمد لله

ـــــــــــــــــــــــــــــــــــــــــــــــــــــــــــ
(تانى سؤال)

بطاقتى الشخصية

الاسم : احمد محمد احمد عبدالله

دا بالكامل عشان امن الدولة الحكاية تكون سهله عليهم

########

المهنه : بولولوم

(زى اسماعيل ياسين)

طالب فى كلية التجارة جامعة الاسكندرية

النهاردة امن الدولة حتعمل فرح

########

تاريخ الميلاد

انا عايش بقالى كتير

16/12/1987

اسكندرانى على حق

من اللى مش بيقولوا ايوووووه

لاننا بنقولوا ايوه بس

مش بنمط فيها كده

########
الديانة

مسلم و الحمد لله
الحاله الاجتماعية : اعذب

ــــــــــــــــــــــــــــــــــــــــــــــــــــ

(تالت سؤال)


ماهى احلامك؟

نفسى اخلص كليتى على خير ان شاء الله

نفسى اتجوز البنى ادمه اللى بحبها ان شاء الله

نفسى اشتغل بشهادتى ان شاء الله

نفسى اجيب الشقة ان شاء الله

نفسى ابقى حد ذو شأن فى المجتمع ان شاء الله

نفسى التاجات دى تخلص ان شاء الله

ـــــــــــــــــــــــــــــــــــــــــــــــ

(رابع سؤال)

من اقرب شخص ليك؟


امى

بس من فترة قريبة كانت هى مخزن سرى

لكن بسبب غيرتها عليا

لانى ابنها الوحيد

قررت انى بعد كده فى حاجات مش ينفع احكيهالها

بس هى برضوا اقرب حد ليا

****************

(التاج الرابع)


من

مهيج الجماهير

المفترى دبسنى فى تاج طويل

من هنا لحد مدغشقر

اكتب 16 حاجة عنك

يا راجل

دا الناس تولع فيا

ههههههههههههههه

انا مش حكتبهم بقى

زى ما انت دبستنى حعمل حاجة اجمد

كان فى تاج اكتب عشر حاجات عن نفسك

انا كنت جاوبته قبل كده

و فى تاج الواجب اكتب 6 حاجات عن نفسك

فوق لسه انت باعته لى انت و سمسم

و كمان تاج سمسم و سارة اللى فوق على طول

يبقى كده التاج ده اتجاوب

نياهاهاهاهاااااااا

ـــــــــــــــــــــــــــــــــــــــــــــــــــــ

ربنا عالظلم و المفترى

كل دى تاجات


انا بقى اول ناس حدبسهم هما


سمسم

سارة على

مهيج الجماهير

كل واحد فيكوا كده يشوف له تاج من اللى فوق ما جاش له قبل كده و يجاوبه

نياهاهاهاهاها


اما بقى التدبسة التانية

حودة رئيس الجمهورية
(حدبسك طالما رجعت و الحمد لله انك كويس)
APPY
(لا مش حدبسها بس عشان تعرف انى جدع)


قطه الصحرا
( مش حدبسك برضوا)


زوزو


نورة الخشن


سومة العاقله
(مش مجنونة)


SOU


مدحت محمد


بطوط حبوب
(مش بيحب التاجات بس رزاله منى)


انجى


دينا


غنيم


و اى حد عاوز يجاوب


(طبعا انا عارف ان كل دول مش حشوف تعليقاتهم عالبلوج بتاعى لمده خمسين سنة)


هههههههههههههههههههههههه


بس اللى مش عاوز يجاوب عادى يا جماعة و الله مفيهاش زعل خالص


علقوا متخافوش




ESLAM

الأحد، 20 يوليو، 2008

افتكاسات فى بلاد حكومات ابوها السقا مات

تحديث جااااااااااااااااااااااااااااااااااامد
جداااااااااااااااااااااااااااااااااااااااااااااااا
ــــــــــــــــــــــــــــــــــــــــــــــــــ
اولا اصطباحه كده على الريق
و انا بلقى نظرة على
لقيت اشروووووووووف
عامل اللى انا نفسى اعمله
الا و هو
البوست ده هدية لكل محبى بذاءات تامر حسنى
عاوزكم تقروا البوست باستمخماخ
و استئنى و استرواق و استنشاق
و استوعاب و استرها يا رب
ــــــــــــــــــــــــــــــــــــــ
تحديث
ـــــــــــــــــــــــ
حتأخر فى الرد على التعليقات شوية
عشان فرح اختى يوم الاربعاء
عقبالكم كلكم يا اجدع مدونين
و كمان بقبل هدايا و نقطة
سيب الهدية فى البلوج والنقطة
حتجيلى انا بس لما تقرأ البوست
تحياتى للجميع


نظرا لان نتيجة مباريات الاهلى و الزمالك اصبحت مؤكدة دائما قبل اى مباراة بفوز الاهلى
تقرر اطلاق لقب جديد على الاهلى بدل بطل القرن
(عائلة ابو قرن)
(اه ما انا زملكاوى لازم اقطع فى الاهلى حتى لو كسب)
ـــــــــــــــــــــــــــــــــــــــــــــــــــــ
بعد الحملة الشرسة على احمد عز
و قرارة بتعديل صورتة امام الاعلام باعتبارة هو اساس اظهار صورتة الحقيقية
قرر انس الفقى اصدار وثيقة البث الفضائى
و كل ده عشان اللى يتكلم على عز
يتزغط زى الوز
ــــــــــــــــــــــــــــــــــــــــــــــــــ
بعد رفع اشتراك التليفون المحطوط ( الارضى)
و رفع تكلفة المكالمة و اشتراكات الخواص و المحاسبة عن ذلك بأثر رجعى
قرر عم محمد بحرية صاحب وصلة الدش
بتخفيض قيمة الدعم المقدمة منه لمشتركى الوصلة
و انه سيتم محاسبة المشتركين بزيادة 50 جنية
باثر رجعى من عام 2006
ـــــــــــــــــــــــــــــــــــــــــــــــــــــ
بعد اعتماد نتيجة الثانوية العامة
تقرر و بصفة نهائية اعتبار جميع طلبة الثانوية
عيال كدابة لانه قالوا ان الامتحانات صعبة
و النتيجة طلعت زى الفل
حتى الاول عالجمهورية اول مرة ميكونش جايب الدرجة النهائية
ـــــــــــــــــــــــــــــــــــــــــــــــــــ

بعد استمرار وزير التعليم فى منصبة حتى الان
قرر جميع الطلبة على مستوى الجمهورية
بتغيير اسماءهم الى اسم
(بلية)
و ذلك بعد ان تركوا التعليم و اتجهوا للعمل بورش الميكانيكا
( ما هو الوزير ما سابش التعليم العيال يسيبوه احسن )
ــــــــــــــــــــــــــــــــــــــــــــ
الهى يا رب اشوفك جعلوص مفعوص عريان بلبوص
ياللى فى مخى
(انا مخى - نظيف- يعنى ما فيهوش اى حد)
ـــــــــــــــــــــــــــــــــــــــ
الوضع مستقر فى مصر
و الحياة موووز
و الدنيا رز بلبن
بس الموز مفعص و الرز غالى و اللبن مقطع
العيب فى الشعب يا جماعة
مش فى
(الرز بلبن)
و لا
(الموز)
ــــــــــــــــــــــــــــــــــــــــــــ
قبل ما تقرأ الكلمتين الجايين
عاوز اسألك 50 سؤال
اول عشر اسأله
غير العشرة التانية
اما التالتة فهى مختلفة تماما عن الاولى
و الرابعة و الخامسة يتفقوا معا فى علامة الاستفهام
اللى فاهم حاجة يفهمهانى
بس بعد الفاصل
ــــــــــــــــــــــــــــــــــــــــ
سؤال واقف فى زورى

لو معاك ربع جنية مخروم فى جيب مخروم وقع فى خرم بلاعه طلع من ماسورة مخرومة
و قع فى مصرف مجارى
المصرف فيه اربع فتحات تصريف
دخل الربع جنية المخروم فى فتحة طلعت فيها حتة مخرومة
وقع فى خرم صغير
طلع الخرم ده خرم الحصاله
اللى اساسا مفتحاها ضايع منك

السؤال بقى :
اوصف لى بتاع مفاتيح اعمل عنده مفتاح للحصالة !
ــــــــــــــــــــــــــــــــــــــــــــــــــ
اعلن السيد المسئول
ان مفيش حد مسئول
و المسئولية كلها مسئولة من واحد مش مسئول
لو فهمت قصدى ايه
ادينى رنة
على قصر الرئاسة
ــــــــــــــــــــــــــــــــــــــــــــــ
سيتم ارسال فاتورة الطائرة الخاصة اللتى انتقل بها
الوزير حاتم الجبلى الى موقع حادث الضبعة فى مطروح
الى منزل كل متوفى فى الحادث
عشان يبقى يعرفوا يموتوا بعد كده من غير ما يستأذنوا
(منهم لله مفيش اى نظام مرورى و لا اسعافات جدية)
ـــــــــــــــــــــــــــــــــــــــــــــــــــــ
الرسالة دى جت لى عالفيس بوك
كيف للواطن المصرى ان ييأس
و فى بلده
رئيس مجلس الشعب : سرور
و رئيس مجلس الشورى : شريف
و رئيس الوزراء :
نظيف
و وزير المالية :
غالى
و رئيسها : مبارك
ـــــــــــــــــــــــــــــــــــــــــــــــ
انت مين فيهم ؟
اللى ركب القطر
و الا
اللى قطر مطروح داس عليه
للاجابة اتصل بالاسعاف
مش حتيجى
ـــــــــــــــــــــــــــــــــــــــــــــــــ
يا جماعة برضوا الحاجات دى فى كوكب بعيد خالص
فيه بلد اسمها مصر برضوا بس مش بتاعتنا
عشان محدش يقول انى اقصد اى حد فى البلد
احنا كل اللى فى بلدنا ناس ذوق ذوق ذوق يعنى
احنا اللى شعب ميستحقش النعمة

ESLAM

الخميس، 17 يوليو، 2008

(اتنين فى واحد (بوست و بلسم


اولا :البوست
ـــــــــــــــــــــــــ
فى حالة الجفاف التدونى لدى بعض البلوجراوية

و اصابتى انا ايضا بهذا الجفاف اللعين

و صدأ مخى و عجزى عن ايجاد موضوع مفيد انى اتكلم فيه


و ذلك بعد حاله عامة اصابة البلد بعد امتحانات و نتائج الثانوية العامة

و قد عرفنا جميعا ان الفساد و الفشل وجه لعمله و جهها الاخر الحكومة الحالية

برئاسة السيد المبجل احمد نظيف

( بيستعمل بريل و القطنه مبتكدبش)


و ذلك ايضا يتضح فى بقاء السيد المبجل ايضا يسرى الجمل وزير التعليم فى منصبة حتى الان



فقد اصابنى احساس بتداخل الافكار حيث اننى وجدت اننى اذا تحدثت عن موضوع و تركت اخر

يعد هذا تقصير منى و مسانده للفساد فى التفشى و الانتشار داخل ادمغة و رؤؤس مبتدعى الفساد


و ذلك ايضا بعد عجز البرامج الحوارية فى التليفزيون عن جمع الاحداث اللتى تحدث فى يوم واحد و عرضها فى الحلقة

و ذلك العجز ناتج عن كثرة مشاكل البلد و تدهور الوضع يوما بعد يوم



لدى مواضيع كثيرة لاتحدث عنها

و لكن لا يمكن ان تجتمع هذة المواضيع فى بوست واحد


لذلك قررت ان ابتعد عن هذا الفساد لمده بوست واحد


و اذهب بكم بعديا عن هذا العالم و نخرج من سراديب الظلام


الى جو من الرومانسية


مع عشقى الاول فى بلاد الافرنج
ثانيا : البلسم
ـــــــــــــــــــــــــــــ
celine dion


و اغنية


i'm alive


كلمات الاغنية

ــــــــــــــــــــــــ
Mmmmm ... Mmmmm...

I get wings to fly

Oh, oh ... I'm alive ... Yeah

ــــــــــــــ

When you call on me

When I hear you breathe

I get wings to fly

I feel that I'm alive

ــــــــــــــ

When you look at me

I can touch the sky

I know that I'm alive

ــــــــــــــ

When you bless the day

I just drift away

All my worries die

I'm glad that I'm alive

ــــــــــــــ

You've set my heart on fire

Filled me with love

Made me a woman on clouds above

ــــــــــــــ

I couldn't get much higher

My spirit takes flight

'Cause I am alive

ــــــــــــــ

When you call on me

(When you call on me)

When I hear you breathe

(When I hear you breathe)

I get wings to fly

I feel that I'm alive

(I am alive)

ــــــــــــــ

When you reach for me

(When you reach for me)

Raising spirits high

God knows that...

ــــــــــــــ

That I'll be the one

Standing by through good and through trying times

And it's only begun

I can't wait for the rest of my life

ــــــــــــــ

When you call on me

(When you call on me)

When you reach for me

(When you reach for me)

I get wings to fly

I feel that...
ــــــــــــــ

When you bless the day

(When you bless, you bless the day)

I just drift away

(I just drift away)

All my worries die

I know that I'm alive

ــــــــــــــ

I get wings to fly

God knows that I'm alive

ــــــــــــــ

الكليب


الجمعة، 11 يوليو، 2008

خمسة ملاكى و بنتاكور و شيشة و استرتش و ضحكة حريمى

تحديث هام هام يعنى
ـــــــــــــــــــــــــــــــ
الف الف الف مبروك
دينا
صاحبة مدونة
نجحت فى الثانوية العامة
و جابت مجموع جميل
بسم الله ما شاء الله
و يا رب
ربنا يكرمها بالكلية اللى هى عاوزاها
الف مبروك يا دينا
تحديث هاااااااااااااااااااااااااام
ــــــــــــــــــــــــــــــــــــــــ
الف مبروك النجاح
سمسم صاحبة مدونة
نجحت
الف مبروك يا اسماء
و يا رب ديما من نجاح لنجاح
عقبال البكالريوس
و الدكتوراة
يا مشرفانا
الف الف الف
مبروك
-------------
و كمان زوزو
صاحبة مدونة
نجحت يا جدعان
الف الف الف
مبروك
و عقبال البكالريوس
و الماجستير
و الدكتوراة
الف مبروك يا زوزو
ــــــــــــــــــــــــــــــــــــــــــــــــــــــــــــــــــــــــــــــــــــــــ
مفيش كيف فى الصيف
ـــــــــــــــــــــــــــــــــ


فى حاجات بتقل المزاج فى الصيف فى اسكندرية
وبالنسبة لى
هما كالاتى :

اولا : السيارات

ــــــــــــــــــــــ

خمسه ملاكى
ــــــــــــــــــــ

ملاكى القاهرة
ملاكى الجيزة
ملاكى البحيرة
ملاكى القليوبية
ملاكى الغربية

تلاتة جمرك
ــــــــــــــــــ

جمرك سفاجا
جمرك البحر الاحمر
جمرك السلوم

تلاتة سياحة
ــــــــــــــــ

سياحة اسكندرية
سياحة الجيزة
سياحة القاهرة

اربعه اجرة
ــــــــــــــــ

اجرة الفيوم
اجرة سوهاج
اجرة المنيا
اجرة المنوفية

و اوتوبيس الرحلات بكافة انواعة و بلاده

ـــــــــــــــــــــــــــــــــــ

ثانيا : الملابس
ـــــــــــــــــــــ

البنطلون الاستريتش – للبناات طبعا............ مش عارف ايه الغرض منه الصراحة و الواحده تبقى لابسة الطرحة و لابسه استريتش لا و نعم التدين
و البادى الكارينا – للبنات طبعا
و البارمودا – للولاد و البنات..............حاجة مخنقة زيه زى البنتاكور بس اهيه تسميات و خلاص
و البنتاكور – للولاد والبنات .............. بينتشروا بشكل بشع فى الصيف لدرجة انك تبقى ماشى شايف رجلين طول اليوم
و التيشيرت الحمالات – للولاد..............الواد يبقى عضمضم خالص و يقول انا لابسه عشان العضلات لا يا شيخ طب قول عشان العضمات

ـــــــــــــــــــــــــــــــــــــــــــــــــــــــ
ثالثا : اشياء متنوعة
ــــــــــــــــــــــــــــــــ
الشيشة – للولاد و البنات ...........بس البنات اكتر تبقى الواحده من دول واخده ابنها على حجرها و بتشيش
لا و نعم الام على كده اقل واجب ان ابنك بعد كده يلف سجاير

كلمة موزه , موز – بتنتشر الكلمة دى ما بين الجنسين و خصوصا فى الصيف مش عارف ليه (عارف طبعا) بجد بتنرفز منها لما بسمعها و كمان تخيل لما تتكرر كتييير تبقى خنقة و البت اللى يتقال لها كده تضحك قال يعن اخدت ختم النسر (جتك خيبة) و الواد من دول يفضل يقول اشى يا ابو احمر يا ابو اخضر يا ابو اشرف و الضحك منهم يشتغل

الضحكة الحريمى النص كوم فى السينما ........يبقى الفيلم مش مضحك و تسمع هيهيهي و جوزها يبقى معاها
طب دا عيب فى حقك يا راجل ابدا هو كمان يضحك على ضحكها

لا كمان فى حاجة تانية الفلاحين الشحط محط اللى هو ابو قفه ده عارفينه
اه هو ده يبقى قاعد جنبك فى الميكروباص تكره نفسك من كتر ما عمال يتكلم و يتفتف فى وشك
و الريحة تبقى ميه ميه
و كل ده و تلاقى القفه دى فيها اكله و لبسه و كل حاجة تخصه طول المصيف ممكن كمان يكون بينام فيها
طب انت جاى تعطل البلد و خلاص

حاجة تخنق بجد

عشان كده انا بنصحكم مش بهزر بجد والله
اللى عاوز يجى اسكندرية يجى فى الشتا و الله العظيم بتبقى جامده جدااااااا
هى فى الصيف جامده بس مع حذف الحاجات اللى انا قلتها دى كلها

ESLAM

السبت، 5 يوليو، 2008

اكل الفول حراااااااام حراااااااام



خير اللهم اجعله خير

كنت ماسك الريموت كنترول على غير العاده

و إذا بى اجد نفسى اطل على قناة الرسالة

لا مش رسالة موبايل

قناة الرسالة

و لقيت نفسى كأنى فى حلم

اى و الله فى حلم

قال ايه ياخويا

قال ايه ياختى

المدونات حراااااااااااااااااااام

يا خى حرمت عليك عشتك

مدونات ايه اللى حراااام

و عامل فيها شيخ مودرن

دا انت شيخ تايوانى

انا حسيت انه تبع اجهزة امن الدوله العربية عموما

صعقت انه قال ان المدونات حرام

و الشات روومز

كمان حرام

واخدين بالكم

يعنى احنا نشيل النت من عندنا عشان الفول حرام

اه ما هو ده اللى ناقص

انهم يحرموا الفول

طب الشات روومز ممكن تكون حرام فى بعض الاحيان اللى كلنا عارفينها

لكن مدونات ايه اللى حراااااااام

حسبنا الله و نعم الوكيل

يا راجل دا كلام

و قال ايه قناة الرسالة

يا راجل انت حرام فيك الرسالة

دا انت كبيرك

missed call

و كانت تلك حادثة الريموت كنترول الشهيرة

يا ريت كانت الحجارة خلصت قبل ما اشوف الكلام ده

يا راجل بلا قرف


ESLAM

الزباين

الزباين و يا رب ابعد عننا الضرايب