الأحد، 16 أغسطس 2009

نص العمى و لا العمى كله


نص العمى و لا العمى كله
One eye better than Blindness
-----------------------
انتشر اسم ايمن نور اوائل عام 2005 معلن بذلك تواجده فى الساحه السياسية , برع صاحب الاسم فى اداء دور المناضل فى المسرحيه السياسية بداية من الحوادث التى تعرض لها اثناء حملتة الانتخابية
التى اراها مشاهد ذات اخراج فاشل .
و سريعا ما ارتفع الاسم حتى
اعلان نتائج الانتخابات و فوز مبارك و بداية تشكيك نور فالانتخابات .
انطفئ بريق نور بالنسبة لمعظم المعارضين للحكومة و المؤيدون له من خارج الحزب الذى كان يحتل كرسى رئاسته و ذلك بعد الحكم عليه بالسجن خمس سنوات فى قضية تزوير اوراق تخص الحزب .
خرج ايمن نور من محبسه بسبب تردى الحاله الصحيه له , و هو حاليا ممنوع من القيام بنشاط سياسى لمدة خمس سنوات لأنه سُجن فى قضية تمس الشرف.
ـــــــــــــــــــــــــــــــــــــــــــ
كل ما سبق مقدمة اعتقد لابد منها او ليس لها ضرورة كما تشاء.
ـــــــــــــــــــــــــــــــــــــــــــ
ندخل بقى فالموضوع و بلاش كتر كلام و بالذات باللغة العربية
بالنسبة لأيمن نور كنت حاسس من اول لحظة شوفته فيها انه ممثل
ممكن يكون اجاد الدور فالاول و لكن بسرعة ظهرت عيوب الاداء و زاد انتقادى لأيمن نور بعد ظهور بعض المهللتيه
( الهييصه او الزييطه او المطبطباتيه ) حوله
يجدون فيه الفارس المغوار ذو الحصان الاسود , معلنين عن رغبتهم فى ان يتولى هو رئاسة مصر ( اى بطيخ الموضوع بقى ) , جامعين معلومات عنه و سيرة ذاتية لا بأس بها حين تسألهم عنها تجد من يقول لك ( كان متفوق و بيطلع الاول) متخذين مبدأ ( الناجح يرفع ايده ) شعار لرئاسة الجمهورية
, و تجد من يقول لك ( كان بيطلع مظاهرات من اولى ثانوى ) ربما تجد ردى
كذلك ( عندى واحد صاحبى بيمشى فمظاهرات من رابعة ابتدائى ينفع معاكوا ) و تجدهم يقولون مؤسس لحزب الغد
( طيب ما الراجل اللى كان عاوز يلبسنا طرابيش كان رئيس حزب بردو )
مش قادر استوعب ايمن نور يكون رئيس او حتى وزير كما يرغب هو فى احد المناصب .
بقول كده من وقت لأخر و بلاقى هجوم من اعضاء حزب الغد رهيب ربما يصل فالنهاية الى حذفى من قائمة الاصدقاء لديهم عالفيسبوك
متخذين شعار ( اللى يزعل بابا نوتى ) لكل من ينتقد ايمن نور
( يعنى انا نوتى)
يتجاهلون فى ذلك الوقت ان جمال مبارك يُشتم يوميا من شخصى انا اولا قبلهم.
يطالبون بالديموقراطية و لا يطبقون حرف واحد من الكلمة ازاى بقى ائتمن نفسى كمواطن لو مسكوا البلد ( لو اعترضت هيحذفونى بردو) و نعم الحكم.
لا اؤيد ايمن نور و لا جمال مبارك فكلاهما يسعيان للسطله و كل واحد منهم عاوز هو اللى يطفى الشمع و العيد ميلاد يبقى بتاعة .
و لكن اجد نفسى اقول نص العمى و لا العمى كله و لو قارنت بين جمال مبارك و ايمن نور الاقى ان جمال هو( نص العمى ) .
مش دى نهاية الكلام فى بوست عن جمال بردو لازم عشان محدش يقول لى انى ضد ايمن نور ( يابا انت ليه مش عاوز تصدق انك اعمى..اعمى - ممكن جمال يقولها لأبوه بردو ) و خلاص لانى كمان ضد ( نص العمى )أن تعطي ابنك موبايل.. فأنت لطيف وان تعطي ابنك سيارة.. أنت كريم وان تعطي ابنك بلد وشعبا ليلعب بها فأنت مبارك -... سلام مؤقت

39 قول و لا يهمك:

adel يقول...

مممممممم

متفق معاك تماما
رغم اعتراضي علي الاتنين
لكن نص العمي ولا العمي ومن غير نضارة سودة كمان

مواطن مصرى نايم يقول...

و انا يا عادل مش عاوز الاتنين بردو
و بكره جمال مبارك
بس بردو مش عاوز ايمن نور اكتر من جمال مبارك

Israa El-sakka يقول...

يص أنا زيك معترضة على الإتنين لكن مش متفقة معاك تماما بص أنا مش من أنصار أيمن النور و بالتأكيد مش جمال مبارك بص أنا بالنسبالي أيمن نور أحسن لأنه واحد بيستند على نشاط سياسي منذ كان طالبا و أنه كان عضو في الوفد و رئيس إتحاد الطلبة في جامعة المنصورة يعني حد ليه تاريخ قبل ما يشكل الغد بغض النظر عن تقيمه لكن مش حد بيتشعبط على كتف بابا رئيس الجمهورية

فاهم قصدي و يا سيدي الله يلعن اللي خلانا مش لاقيين قيضات سياسية و كأن البلد مهوية هووووووووووو

سلام و رمضان كريم

مواطن مصرى نايم يقول...

اسراء

لا بردو يا اسراء
لو هنحسبها كده يبقى الرئيس مش محتاج يكون سياسى بالقدر اللى لازم يكون فيه اقتصادى اكتر
دا واحد دارس حقوق
البلد عاوزة حد دارس اقتصاد و يكون له فالسياسة
انا معترض على جمال بنسبة 95 % و على ايمن نور بنسبة 100 %
بس لو انحصرت بينهم الترشيحات يبقى جمال
على الاقل دارس ادارة اعمال و امين لجنة سياسات و دبلوماسى رغم اعتراضى عليه بس هو اصلح من ايمن نور

Appy يقول...

طبعا متفق بالثلث معاك

أبو العريف يقول...

يا عم والله لا عايزين لا نص العمي
ولا العمي كله

هي ناقصه

غير معرف يقول...

اولا
الفارس
بيجى على حصان ابيض
:D:D
وبعدين ايمن فعلا مينفعش يمسك مصر خالص بتاتا
بس انا شايفه ان جمال ينفع

آه وكفى يقول...

بصصصصصص انا مش هناقشك في الحكاية دي عشان منخسرش بعض عشان انتين ولا يسوو اساسا فب-فسأكتفي بالتعقيب على الصورة العسل اللي انت عاملها يا واد يا مصيبة انته يا ابن الايه
بنان والله ورهيب جمال وهو عامل فيها قرصان والله لائيه عليه قوله يروح يشتغل في الصومال هيهيهيهييييييييييي
هنتمسك احنا الاتنين في نفس المعتقل بأذن الله بقهوة الكرنك بتاعتك دي

سلاحف بئى

مها يقول...

العمى عمانا مش عماهم
احنا اللي خلينا العمى بأنواعه يبقى اختيارنا الوحيد

نستاااااااااااااااااااهل

mohamed ghalia يقول...

لا احنا فى مصر
ده الطبيعى ده العادى
التطور الطبيعى للحاجة الساقعة

مواطن مصري يقول...

مقال حلو و متفق معاك ان اغلب المعارضة كومبارس

همس الاحباب يقول...

لا اختلاف اطلاقا
ايمن نور كارت محروق
وجمال مبارك مع الاسف لا يصلح
مع ان العيب حاليا مش فيه ولكن فى اللى حواليه
من لاخر مفيش فايدة
كل سنة وانت طيب
ورمضان كريم

الشعب لابد له من حكومه تشكمه يقول...

ههههههه جامده جداااااا الصوره عجبتنى موووووووت:)
بس انا معاك علطوووووول الخط ال ايمن نور ال ما هى نقصاه هو كمان..مش كفايه ايام الانتخابات يقولك انا هدى اعانه بطاله من ايراد قناة السويس اهو كتر القر ده الايراد نزل للنص,,بركه..
عارف السؤال اللى المفروض يتطرح ايه؟
الشعب عاوز الرئيس شخصيه عسكريه ولا اقتصاديه؟؟؟؟

marmar يقول...

اولا مبروووووووووووووك افتتاحك المدونه من جديد و حمدلله على رجوعك بالسلامه

بعدين مالو ايمن نور
ده كفايه ان اسمو كلو نور في نور حتى لما الكهربا تقطع في مصر يبقى عندنا الحمايه بتاعتنا موجوده في اي وقت يوم ما تفتح بؤها تبقى البلد منوره
اما دلوقتي البلد مضلمه والكهربا عل قد بالظبط وكلو تمام التمام يا معلم

آه وكفى يقول...

كنت خدت التصميم التحفة ده وريتهوله لما شوفته في سان ستيفانو
ولا اقولك كنت كتبت البلوج في حتة ورقة صغيره ورميتها عليه بمشبك وياخد هو المفجأه مع نفسه نياهاهاهاهااااااااااا






























































هو ايه حكاية المشابك معايا؟؟؟؟؟؟؟؟

ديالا يقول...

مش عارفه يعني انت بتقول كده علي اساس يعني انك مخير بين الاتنين

ياباشا مفيش حاجه اسمها نص العمي او العمي كله

في حاجه اسمها هتاخد ده ومفيش غيره عجبك عجبك
مش عجبك ان شالله ماعجبك

ورمضان كريم والله اكرم

ندا منير يقول...

ياااااا

حمدلله على سلامتك اخيرا رجعت لينا تانى وكل سنة وانت طيب ويارب تكون بخير وبالنسبة لايمن نور فانا مش هعلق على الموضوع مش علشان انا ضده ولا معاه بس علشان رايى مش هيفيد فى وقت زى دا وكل اللى اقوله واحب واتمنى انه يحصل ان واحد زى عمرو موسى او حبيب العادلى هو اللى يمسك مصر مش جمال ولا ايمن


بس برده احب اعترض على كل اللى حصل لايمن هو ماجرمش قوى لكل البهدلة دى بغض النظر عن سياسته

maha zein يقول...

يوه جتك ايه يا جدع انت
انت غريب ليه كده يا عم انت
مالك انت ومال السياسة
انت عاز تتسحل قبل رمضان
بيني وبينك انا رامية طوبة الأتنين

كل سنة وانت طيب يا احمد

بقولك
انا سيبتلك مسجات في الشات بوكس لاني مكنتش عارفة اعلق في التعليقات
بس الحمد الله عرفت
وبقولك
عندي ليك طلب

ما تشيل الاغنية اللى علي البلوج بتاعك
يا اسلام دي فيها موسيقي
واحنا داخلين علي رمضان
بلاش تشيل ذنوب الناس اللى بتدخل تسمعها عندك

انت يا عم انت مش مكفيك ذنوبك
عاوز تشيل ذنوب غيرك ليه

وبعدين لو حصل اي حاجة حالت بينك وبين البلوج

يفضل البلوج كده عداد سيئات شغال مش بيبطل الى ما يشاء الله


بقولك ايه يا راجل انت

هو امر
انت مينفعش معاك الكلام بهدوء
انا هعد لحد خمسة ملاقيش الاغنية دي
ولا اقولك ملاقيش البلوج ده خالص

ده ايه ده
ناس غريبة ميجوش غير بالعين الحمرا


تعالى بقه شوفني عاوزة ايه

انا من غيرمساعدتك والله لايصة

Shimaa يقول...

السيد الأستاذ/ أحمد عبد الله.
صاحب مدونة / قهوة: نام يا مصري.
" تحية طيبة" وبعد..
اعتذر عن الخروج من موضوع التدوينة، لقد أرسلت لك رسالة عبر البريد الإلكتروني تتعلق باستمارة استقصاء بيانات عن المدونات المصرية تشتمل على البيانات التي تساعدك على الإجابة عن الاستمارة.
أرجو الاهتمام والرد سريعا.
تحياتي وتقديري.
شيماء إسماعيل
باحثة بالماجستير- كلية الآداب جامعة القاهرة.

maha zein يقول...

الحق بق يا عم اسلام و يا عم احمد انت
انا حطيت الكود اهه
بس بص بقه
انا عوزاك تنقذني بسرعة
ويا رب تشوف تعليقي بسرعة
ومتكنش برة
ولا تكونش بتتمشي علي الكورنيش
انا اولا الفاير فوكس عندي مش راضي يشغل الاغنية
يعني مش عارفة هي اشتغلت لا لا
كمان
انا كنت صورت الفانوس بتاعنا و الزينة اللى عملتها
وكنت عوزة احكي الحركات اللى عملها
لكن
انا في فيرس عندي في الجهاز غريب
مش راضي يخلي اي صورة تفتح
و لو مثلا ببعت من الماسنجر سيند فايل او شير فوتو الماسنجر يهنج
وكمان البلوج جيت احط صورة للبوست يهنج
اي تعامل مع اي صورة بيهنج

مش عارفة عندي ايه
ده غير ان التاسك مانجر مش شغال
انا شكة انه اوتو ران
شوفلي صرفة
واله انا اصلا مش عارفة حد يقدر يساعدني غيرك
حتي اخواتي
انا رامية طوبتهم
شوف كده اعملي اي حاجة احملها كده ذي ما عملتلي الكود
او قولي اعمل ايه عشان انشر الصور
انا عوزة بقه انشر صورة الفانوس قبل ما رمضان يجي
لو جه هتتحرق الصور ومش هيكون ليها لزمة
الحقني بقه بسرعة بقه
ده انت ايه ده


اه
بقولك
كل سنة وانت طيب
وربنا يكرمك
ويعزك
ويرزقك ببنت الحلال الصالحة اللى تستحق طيبتك

يلا سلام

انا علي فكرة بضحك عليك بالدعا عشان تساعدني
هي هي هي

سومه...مجنونه فى بلد عاقل يقول...

يا خبرك احوس يا اسلام دا انت مش رايح مارينا وبس انت احتمال يبعتوك سينا انت راجع عشان مترجعش ولا راجع عشان ترجع
كنت جايه اقول كل سنه وانت طيب
بس خلاص اعتبرها مسحوبه بقى وانا من اول قلم حعترف واقول ولا اعرفه ولا شوفته والتعليق جه عنده غلط
ما انا منوفيه وندله بقى :)))

سومه...مجنونه فى بلد عاقل يقول...

وليه منجيبش واحد مفتح ربك كبير يمكن يرزق بيه

micheal يقول...

بالنسبة لي مفيش فرق كتير مع إحترامي لرأيك
:)

سارة علي يقول...

ازيك با اسلام
وسع كدة بس ....هههههههههه وحشتنى القهوة يابنى ،واحد سندوتش رز بلبن واتنين سحلب على مدونتى
انت عارف انا فرحانة بجد انك رجعت ........اا كنت بطلت تدوين ورجعت لقيتك مش موجود
انت عارف فين سمسمة ؟ انا قلقانة عليها
تعالى المدونة بقا عشان توصلى المشاريب
ههههههههههههه

فشكووول يقول...

السلام عليكم اسلام

تحياتى

الاول : اعيد عليك وكل سنه وانت طيب وعقبال 100 رمضان عليك انت والاسره ان شاء الله ورمضان كريم

اشكرك يا اسلام جدا فلولاك ما فطنت لمقالتى المنشوره بجريدة العربى الناصرى والموضوع ان منذ حوالى 3 شهور اتصل بى الاستاذ محمد حماد طالبا منى مقاله فارسلت له مقاله فتجاهلها فسكت ولم ارسل ثانيه فتم نشر هذه المقاله من مقالاتى السابقه ولكن لم اكن اعرف الا لما نبهتنى الي ذلك

كل الشكر لك وكل عام وانت بخير ودائما فى تقدم مستمر ان شاء الله

تحياتى اسلام

kAn _ 7Lm يقول...

السلامووو عليكووو
رمضان كريم
كان نفسى اطلب قهوة بس صايمة
كل شهر وانت طيب
تقبل مرورى

آه وكفى يقول...

انته فين ياحج ابو حنان؟

آه وكفى يقول...

هو فين يابني بتاع كلكم فتوات ده

العيسوى الصغير يقول...

اشمعنا ابن الممثل يطلع ممثل
وكده فى كله

شوفوا المستشار بيعمل ايه فى العيبة تلاقى 1/2 العلية وكلاء نيابة و النص التانى شرطة

يبقى

لازم ابن الريس يطلع ريس

ولا هيبقى اقل من ابوه ولا مين اصلا اللى ينفع
وبلاش حد يقول بتاع المنتخب محسسنى ان باقى الشعب بيشجع منتخب السنغال

dr/shiko يقول...

انا اتفق معك ان ايمن نور لا يصلح لتولي اي منصب ولو حتي رئيس مصلحة فمن تشوب سمعته علاقات غير شريفة مع امريكا كي نئتمنه علي ارواحنا واوطاننا.. اما عن جيمي فهو لا يفرق عن ايمن كتير وانا شايف ان الاتنين عمي كامل

Take Care يقول...

السلام عليك ورحمه الله وبركاته
اولا اسجل تحيه واحييك على التوبيك والمدونه رائعه ومحتوها اروع من حيث نص العمى مين ومين العمى ؟ مش اعرف
لكن اعرف انه واضح من الاول وانا عارفه انه هياس افضل من حد
بيعمل انه كويس ويطلع هياس او بيمثل دور التهيييس .
ناس كتير بيقولوا انهم ليبرالين وهم ليسوا من الليبراليه فى شئ. ويهجاموا اى حد يختلف معهم فى الراى.

بوركت وسلمت يمينك

اقصوصه يقول...

كل عام وانتم بخير

الرخمة يقول...

قرار 101
بعد المشاورات و المؤتمرات و المناقشات
قررنا نحن رخم باشا و رخمه هانم
انشاء بلوج نرخم بيه عليكم
و من باب التكرم و التفضل و الرخامه
حبينا نقول لكم عشان تيجوا تزوروا البلوج غصباً عنكم

و مش هقول سلاااام
رخامه بقى هه

قهوة الرخمين
:D

آه وكفى يقول...

انته يا سخييييييف انته
متنزل حاجة بئى دانته بئيت مومل

مهيج الجماهير يقول...

الله يرحمه الشيخ الشعراوى قالها للريس أطال الله بقاءه

قال رسول الله صلى الله عليه و سلم :
(( من طُلِبَ الى شيء أُعين عليه .. و من طَلَبَ شيئ وُكِلَ اليه ))
صدق رسول الله صلى الله عليه و سلم

شفقة هانم واحسان بك يقول...

سلامااااات وتحيااااات وكلابشااااات
جرى ايه يا احمد
انت دايما مواضيعك تودي في داهية كده
مدونتك دي بقت أقرب طريق لأمن الدولة
للي عايز يختصر ويقصر المسافات

اخوك احسان خريج اللومان
(لومان شفقة أبوغريب)

ثورة يقول...

طيب أرشح مين أنا ؟؟
أرشح نفسي و أريح دماغي أحسن ؟؟

لما رحت رشحت أيمن نور في 2005
جان جوايا أسئلة مجاوبتش عليها

وفيه سؤال بعينه كان بيلح عليا بس أنا اتهربت منه

انا برشح ايمن نور عشان هو كويس ؟
ولا عشان نغير وخلاص ؟

:(
بجد أنا هرشح نفسي
و أهو نحقق نصر نسائي برضو
وأبقى أول رئيسة جمهورية مصرية

:P
ويبقى حد يعترض كده

نهر الحب يقول...

معك حق :((
للاسف واقع سياسى منيل
ازيك يا اسلام
يارب تكون بخير

مهيج الجماهير يقول...

على فكرة يا اسلام شركة awsurveys اللى انت حاططها تحت دى نصابة
و أنصحك متستناش منها فلوس
لأن هى بتديك 27 دولار لما تسجل و تشوف أول جزء من الاعلانات و بعدين مش بتطلعلك اعلانات تانى
و حتى لو جبت ريفيرالز و وصلت للحد الأدنى اللى هو 50 دولار تقريباً مش بتحولك حاجة على الاليرت باى أو الباى بال أو المونى بوكرز

و الدليل انك مش هتلاقيلها على النت اثبات دفع بتاريخ جديد
لأنها الأول كانت شغالة و بعدين نصبت

انا بقولك الكلام ده علشان تاخد بالك
و لو عاوز يا سيدى شركات صادقة و بتدفع انا عندى

سلام

الزباين

الزباين و يا رب ابعد عننا الضرايب