الأربعاء، 8 أبريل، 2009

تاج و لحد دلوقتى مش عارف ليه اسمه تاج




معلش يا جماعة انى مش بزور حد


او بعلق عندكوا زى الاول


سامحونى


كان فى كام حاجة كده ملخبطة

=========


و دا تاج من مرمر


يعنى جه فوقته بجد لأنى مليش نفس اكتب اى حاجة


فالتاج ده جه فى افضل اوقاته


====


اسمـــــك؟


احمد


-------------------


المشهور بيه وسط اصحابك؟


احمد بردو





-------------------



سنــــــك؟




21 سنة


-------------------


اســــم مدونتــــك؟


قهوة : نام يا مصرى





-------------------



مجــال دراستك؟




محاسبة






-------------------



الصورة الرمزيه لمدونتك بتعبر عن ايه؟



علم مصر جوا مشنقة



دليل على الخنقة اللى المصريين فيها



-------------------



ايه ردة فعلك لو حد قل ادبه عليك في التعليق؟



ساعات بسامح



بس باخد حقى بردو



و ساعات مش بعرف اسامح و افضل حاطط فدماغى



-------------------



اسوأ مدونة ؟



هما مش واحدة بس



هما ممكن تعرفوهم من التدوينتين دول






و






بس اكتر حد ممكن تعرف انه سئ و حد ابن تيييييت



وائل عباس



البنى ادم ده حرام كمان فيه كلمة بنى ادم



كنت بحترمة بس طلع ميتقلعش من الرجل



و التدوينتين حيوضحوا اكتر



-------------------



هيحصل إية للإيميل بتاعك بعد ما تموت ؟



حخلى اللى معاه الباسورد يدفنه معايا



يعنى هيحصل له ايه ما يغور هو انا هكون فاضى له



انا حكون بتحاسب بقى



ابقوا ادعوا لى لما اموت



-------------------



اديت الباسورد بتاعك لحد قبل كده ؟



ايون طبعا



كان اقرب حد ليا فالكون كله كمان



هو الوحيد اللى كان معاه الباسورد

-------------------



السفر بالنسبة لك إيه ؟



السفر حاجة جميلة خالص



بس بالنسبالى لحد دلوقتى هو بيمثل لى السفر للعمل بس



و بعد كده ربنا يسهل بقى



حبقى اشوف بيمثل ايه غير العمل



-------------------



المود بتاعك ؟



علمى علمكم



طبعا شايفين انى مش بنزل اى بوست جديد و لا اى حاجة



فأكيد المود زفت



بس بيتعدل الحمدلله



-------------------



بتعمل ايه فوقت فراغك ؟



انا لما بكون فاضى و قاعد عالنت و



ده اغلب الاوقات عدا ايام الامتحانات



مش بقعد كده و خلاص



دايما بحاول اتعلم حاجة جديدة



زى تصميم جرافيك او تصميم مواقع او برامج تكون صعبة



بحاول اتعلمها



-------------------



الأكلــه المفضلة؟



بيتزا دون منازع



اسهل و اسرع و ابسط اكله



و بتنفع فكل وقت



غير اى اكل تانى



-------------------



اكتر ست حاجات بتحبها ؟



اكيد رضى ربنا و رضى امى عليا



..........



بحب الشغل اوى



يعنى لو بشتغل فحاجة ببقى مبسوط و انا بعملها



..........



بحب السينما جداااا



...........



بحب الايس كريم




فأسكندرية بنقول جيلاتى



............



بحب اى شئ يخص التكنولوجيا



(كل حاجة يعنى)



.............



بحب الاحساس بالنجاح جدااااااااااااا



-------------------



شخصيتك نوعها ايه ؟



انتوا اللى المفروض تحكموا مش انا



بس حقول لكم انى مرح



بحب الهزار جداااا



فى ناس بتقول انى طيب مع انى عادى جدا



بتخنق بسرعة



اقل حاجة بتأثر فيا حتى لو حاولت مبينش لحد كده



و تفضل مأثره عليا فترة كبيرة



بس بحاول اتغلب على اى حاجه الحمدلله



-------------------



لماذا دخلت عالم التدوين؟



كنت عاوز يبقى ليا موقع



و كنت بهرج فالاول



بعد كده قولت ما اجرب اكتب ساخر



و كتبت و فى ناس عجبها العك اللى بكتبه



مع انى لحد دلوقتى بقول عليه عك



سبب انى اعرف التدوين اصلا






--------------------



اجمل كلمة اتقالت فى وصف مدونتك ؟



كل الكلام جميل طبعا



حتى لو حد قال دى مدونة تافهه و زبالة



بردو كلام جميل



اهم شئ فالتدوين مش التدوين بس



لا روح التدوين اللى كانت اول ما بدأنا موجوده



--------------------



اهمية التعليق بالنسبة لك ايه ؟



بحب اشوف رأيكم طبعا



و حتى اللى بيدخل يقرا و يمشى



بعرف هو مين و بقول كفاية انه نورنى



اول تعليق عندى كان هو سبب انى اكمل تدوين



كان من



دكتور طنطاوى






---------------------



احسن بوست وضعته ؟ وضع اللينك



حكدب عليكم لو قلت ان فى اى بوست عاجبنى فبلوجى



غير تغطية احداث الاضراب السنة اللى فاتت



و بردو ميستاهلش انى احط لينكه



---------------------



أفضل بوست قرأته و افضل مدونة ؟



جينا بقى للاحراج



و الخوف انى انسى حد



بس ححاول اكتب كل الناس



و لو نسيت حد و الله حيكون دون قصد



==============

مرمر
(بلوك كأنك فعالم تانى)
صدى الصمت و جوزها شيكابالا
شفقة و احسان
سومه...مجنونه فى بلد عاقل
غنيم مدونة حتى لاانسى
كيارا مدونة مولان
نبض الروح
همس الأحباب
عاقلة على أرض الجنون
بنوته مصرية
oRiGiNaL HeArT
Beram ElMasry
سميرة

مها زين

نورا الخشن

أبى

انجى

محمد غالى
يوميات نائمة في الأرياف
M.K
بطوط الحبوب
نهر الحب
اقصوصه
موناليزا
همس
banouta masreya
mostafa rayan
قهوة بالفانيليا - شيماء علي
ندا منير
Ahmed El-Agouz
د.مادو
طرئعة دماغ
blue-wave
رحــــيـل
nour shahen
norahaty
سمسم
سميرة
د/اشرف حمدى
كوشيا
احمد -دردشة عربى
رصيف نمرة خمسة
الفنان ياسر حسين
عاليا حليم
سارة على
ندا منير
اسامة عبدالله - الدفاع
ايمن بدر
مايكل
اسلام- انا جعان
محمود- رئيس جمهورية نفسى
نهر الحب
دينا
مدحت محمد
مهيج الجماهير
سالى محمد
طهقانة
زيزو باشا- معندوش مدونة
احمد غنيم
فاتيما
مصطفى ريان
اهو دا عيبه
حنين
نيرة احمد-معندهاش مدونة
ناجى العلى
انجى-ستيل بيوتى
وينكى
كيكى
رئيسة حزب الاحلام
الشنكوتى الكبير
رودى-بنوتة مصرية
نونا
ميس سوسا
كاميليا
وائل
خمسة فضفضه



اعذرونى لو نسيت حد



الترتيب لا يعبير عن تربيت البلوجات خاااالص



بس و الله انا كتبت و اخدت من بوستات قديمة



اوعوا حد يزعل






تمرر التاج لمين ؟



كل اللى فوق



اللى عاوز يجاوب يجاوب و الا مش عاوز



مش يشغل باله






















20 قول و لا يهمك:

marmar يقول...

سيحلي بقى وقول اني بحب الايس كريم
هههههههههههههههه
حرااااااام عليك هيفتكروني الناس اني مفجوعه حمام وايس كريم هههههههههههههههه
احلى حاجه الكائن اللي اسمه وائل ده انه اتهزأ الحمدلله
كفايه عليه كده بقى
لو قل ادبه تاني ننفيه ههههههههههههه
او نسيب عليه كلاب حراسه
ايه رأيك؟

مواطن مصرى نايم يقول...

ههههههههههههههههههه
هو حد قال ان انتى
دا انتى اللى سيحتى لنفسك بقى
هههههههههههه
و بعدين هو الايس كريم اكل يعنى
لا وائل عباس مش كائن
دا حاجة كده غريبة من كوكب تانى يمكن
مخلوق انوى نادر
بالنسبة للكلاب ممكن تقرف
هههههههههههههه

حاجات جوايا يقول...

حمدا لله على السلامة يا اسلام
الحمد لله ان التاج رجعك تانى
كل تاج وانت متوج
أزاح الله همك واعادك مرحا مفعما بالحيوية والنشاط

خالص ودى
سالى

سومه...مجنونه فى بلد عاقل يقول...

قلبى قلبى
اااااااااااااااااه
توفت الى رحمه الله تعالى سومه اثر صدمه عصبيه لذكرها فى المدونه العزاء فى البلاعه رقم 16
دا باعتبار انى تقريبا صرار
:))
دى كانت كذبه ابريل
وبعدين انا عارفه ليه انت مبتعلقش عندنا ومقصر فى حقنا وتستاهل قطع رقابتك:))
عشان انت بكل بساطه كنت نايم
:q

maha zein يقول...

ماشي يا سيدي
بس حساك بتحل التاج كده بار وعتب
مش حسة بروحك فيه
عموما ربنا يفك ضيقتك لو متضايق
مالك يا عم الحج انت انت هتدلع بقه ولا ايه
يا شرير

mohamed ghalia يقول...

ههههههههههههههههه
انت سبت حد يا أحمد مقولتش
بجد إجاباتك جميلة
ربنا يكرمك ويسعدك يازميل المهنة

مواطن مصرى نايم يقول...

حاجات جوايا
===========
الله يسلمك يا ام دودو
ربنا يخليكى يا رب
ان شاء الله حرجع زى الاول
منورانى ديما

تحياتى

مواطن مصرى نايم يقول...

سومة
=====
هو انا حروح اعزى فصرصار يعنى
كويس انها طلعت كذبة ابريل طلع كذبة زى الاضراب كده
و الله مش نايم خالص
بس هى خنقة و بدأت تروح الحمدلله
و حرجع زى الاول ان شاء الله

مواطن مصرى نايم يقول...

مها زين
========
بالظبط يا مها بس و الله كمان عشان انزل حاجة بدل ما البلوج زى الصحرا كده
و ان شاء الله الخنقة تروح خالص
هى بدأت تروح لحمدلله
و الله و لا شرير و لا حاجة

مواطن مصرى نايم يقول...

محمد غاليه
==========
دا انا غاشش ناس منك
و اجابات ايه اللى جميلة يا راجل
دا اكئب تاج ليا
منورنى يا محمد و انا مقصر معاك بس اكيد فهمت السبب

enjy يقول...

اسمه تاج عشان دى لعبة فى بلاد الافرنج شبه كهربا عندنا كدة...فهمت حاجة؟؟؟

المهم..يارب كل حاجة تبقى تمام التمام وفل الفل وكدة يعنى..اجاباتك كالعادة ظريفة الله ينور

سلام

الازهرى يقول...

طبعا بعد الاتذار عن التأخير الكبييييييييييير
لكن صدقنى كان عندى ألف حاجة


إجاباتك جميلة وحاسس بصدقها
وان كنت برضه حاسس انك بتكتبها من باب انك تنزل جديد لان رحها مش عالية زى غيرها

همس الاحباب يقول...

تسلم الايادى يا برنس
ومعلش هانت يا بطل ةبكرة تخلص امتحانات وتروق
كل تاج وانت طيب
تحياتى

مواطن مصرى نايم يقول...

انجى
====
بس حتى لو كده
ايه علاقتها بردو بالتاج
و يا رب فعلا كل حاجة تبقى تمام و فل الفل

منورانى ديما

مواطن مصرى نايم يقول...

الازهرى
========
و لا يهمك و مفيش تأخير و لا حاجة كفاية انك نورتنى بس
بس الاجابات فعلا زى ما انت لاحظت انا كنت بنزلها للسبب ده فعلا
و عشان افك شوية معاكوا و الحمدلله
منورنى

تحياتى

مواطن مصرى نايم يقول...

همس الاحباب
==========
خلود واحشنى يا ريس و الله
و الله هى مش امتحانات بس هى امتحانات من ربنا و الحمدلله بعديها و ربنا بيسهل اهوه و كل حاجة حتبقى تمام ان شاء الله
منورنى يا خلود

صدى الصمت يقول...

هههههههه
عجبتنى قوى إجابتك على موضوع الإيميل :
يعنى هيحصل له ايه ما يغور هو انا هكون فاضيله؟
انا حكون بتحاسب بقى

وفعلاً أنا من زمان نفسى أعرف لية إتسمى تاج ؟
أشكرك على إهدائة ليا
دمت بكل الود

عاشقة الورد

مواطن مصرى نايم يقول...

صدى الصمت
===========
ههههههههههههه
اصله سؤال غلط
يعنى هو الواحد حيفكر لما يموت فإيميله
طب ليه ما قالوش موبايلك مثلا

او لو حد رنلك و انت ميت او لو جت لك مسدج حترد ازاى

حاجات تجن
انا لما اموت حبقى اقول لهم الاحساس ان شاء الله
بس اموت الاول بإذن الله

منورانى

enjy يقول...

فعل tag معناه يدعو بالانجليزى وفى لعبة تاج زى الكهربا بتاعتنا لما حد بيتمسك بيقوله
u are tagged
يعنى انت دخلت اللعبة....واللعبة دى شبه التاج بتاع التدوين انت بتمرره لحد وتدخله اللعبة
فهمت حاجة؟

مواطن مصرى نايم يقول...

انجى
=====
اه فهمت كده
فكرة بردو
طب بعد كده حكتب كهربا مش تاج
هههههههههه

الزباين

الزباين و يا رب ابعد عننا الضرايب