الخميس، 30 أبريل 2009

خيط ضعيف



في خيط ضعيف رابط ما بينا ودا النصيب

هتخاف عليه هخاف عليه هتسيب هسيب

لحد امتى هخاف لوحدى ياحبيبى

الخيط خلاص مبقاش متحمل ... رعشة ايدى

~~~~~~~~~~~~~~

لو انت مش عايزنى هوايا

ولسة هماك الحكاية

صبر قلبى بلمسة احس ان انت قريب

انت الشمس بس خلاص قربت تغيب

~~~~~~~~~~~~~~

حاجات كتير سيبناها ضاعوا خلاص بقوا ذكريات

وسنينا اللى تعبناها مفضلش منهم غير لحظات

لحظات بتهدد حكايتنا لنحن يا نعلن نهايتنا

بايديك الخيط اقف لحظة والجرح يطيب

لو تضعف واضعف ونسلم و تسيب وانا اسيب

********
عجبتنى الكلمات جدا
مع العلم انى مش بسمع اغانى كتير
و بالذات جنات
بس الاغنية دى علقت معايا جدا
و مفيش حاجة مجرد انها عجبتنى بس

18 قول و لا يهمك:

وعجبى.....! يقول...

انا بعتبر نفسى سعيد الحظ وده لأسباب أولا لانى اول تعليق
2.اول مره أزور المدونه وبجد عجبتنى جدا واتمنى انى أكون صديق دائم اما بالنسبه للبوست ففعلا هيا من اجمل اغانى جنات الجديده أحيك على حسن أختيارك.
خالص تحياتى

كيكى عوووووو يقول...

هههههههههههههههه
الضحكة دى مش على البوست لا على ال....... الى اول مادخلت كمان كاتب الثوانى اطال الله فى عمره عشان يفرسك اكتر واكتر!!!
هههههههههههههه
ام هند بقى
***********
مش شرط يعنى عشان عاجبتنا اغنية نكون ةحسين بيها!! هى فعلا اغنية حلوة
بس الى مضايقنى ان ناس كتير نزلت بوستات عشان شريط جنات دة
**طب وانا مضايقة لية؟؟
عوووووووووووووو

adel يقول...

ذوقك عالي يابني بجد :):)

انا بموت في الاغنية دي قوي و شايف انها احسن الاغاني السنة دي مع اغنية العسيلي مش زي الافلام

Empress appy يقول...

بموووووووووووت فيها
عودا عبد الحميد المجيد يا اسلام باشا
هى حلوه واحساسها حلو وبتبين ان فيه طرف دايما بيكون متمسك بالتانى بس بيجى عليه وقت بيضعف واحلى حاجه انه بينبهه ويقول

Unknown يقول...

مسمعتش الشريط ومبحبش جنات بس قلت امسى...
انا بمسى التماسى اجدع تماسى احسن تقولوا ان انا ناااااااااااااااسى

طبعا لو رديت عالتعليقات هترد تقول ايييييييييييييه؟؟
ايوة برافو
القرع لما استوى قال للخيار يا لوبيااااااااااا

dodda يقول...

:o)
كالعاده جنات لتانى مره فى الالبوم ده بتلفت النظر مش لصوتها لا لموضوعات مختلفه عن الغناء الومانسى المعتاد بكل الشحتفه المعتاده

Unknown يقول...

جميلة اوي الكلمات دي
اهم حاجة فعلا احساس كل واحد بالتاني و القرب من بعض

مواطن مصرى نايم يقول...

و عجبى
----------
منورنى يا ريس بجد
و انا اللى سعيد الحظ انك جيت عندى و نورت البلوج
و انت صديق طبعا من غير اى حاجة
انا مش بحب جنات بس الاغنية دى من اول ما سمعت الشريط و انا مش بسمع غيرها بجد
مش عارف ليه

منور البلوج يا ريس
تحياتى ليك

مواطن مصرى نايم يقول...

كيكى
-----
هههههههههههههه
دا محمد عادل
(العميد ميت هو اللى عاملها و ادانى الكود احطه عندى)

ام هند بتسلم عليكى
و ممكن نكون حسين بيها و مش حاسين اننا حاسين بيها
و العقل الباطن هو اللى بيفكر
بس اللى مضايقنى ان كل اللى اتكلم على جنات مجد فيها و حسسنى ان مفيش غيرها هى اللى بتغنى

و عوووووووو زى بتاعتك بقى هه

مواطن مصرى نايم يقول...

عادل
-----
الاغنية جامده فعلا
و شريط العسيلى جميل بجد
و اكتر اغنية عجبتنى طول ما انتى جمبى
مع انها تتناقض مع الاغنية دى

مواطن مصرى نايم يقول...

ابى
----
عبد الحميد المجيد
ههههههههههههههه
شوفتينى و انا باشا
(زى شوفتنى و انا ميت كده)
بالظبط يا ابى هو ده اللى واصل لى منها
و بجد هى اغنية كلماتها بتتصور قدامك فمنظر تشوفيه
زى الصورة اللى فالبوست كده

mimi يقول...

وانا كمان عجبتني
وخصوصا كلمة ( هتسيب هسيب )
وعلي فكرة :
مش كل الناس زي بعضها فيه ناس بتحس بكلمات الأغاني بس لما تكون بتعبر عن اللي جواهم
وفيه ناس بتحب الكلمات وتحسها حتي لو مش بتعبر عنهم خالص

تحياتي

مواطن مصرى نايم يقول...

انجى
----
و لا انا بحب جنات بس الاغنية دى فالجون و عجبتنى بجد
بالظبط كنت حرد كده بالظبط اول ما شوفت الكومنت بس لقيت اخر الكومنت الرد

فممكن اقول
تيراترارارارا تيراترارارارا
تكملة الجملة

مواطن مصرى نايم يقول...

دودا
-----
هى جنات مش بتعجبنى اوى بس الشريط ده يتسمع بجد
حب امتلاك و خيط ضعيف كويسين جدا
بس انا مش بحب غير اصالة و انغام فاللى موجودين حاليا
بالاضافة الى شيرين
منورانى ديما

مواطن مصرى نايم يقول...

المعلم محمد صاحب المطعم - طعمية سخنة
----------------------------
لما بقرء اسمك بشم ريحه الفلافل بجد
(اسكندرانى انا )
اهم حاجة على اد ما طرف يدى التانى المفروض يقدر ده
لكن ممكن تلاقى حد بيحب اوووى و التانى بيحب بس بطريقة تانية خالص

مواطن مصرى نايم يقول...

ميمى
-----
منورانى يا ميمى
الكلمات تحفه بجد
نادرا ما تلاقى اغنية بعمل لك منظر قدامك زى الاغنية دى
بتدى منظر زى الصورة كده
و بتدى معنى جاااااامد جدا
و فعلا الحب زى الخيط و طرف من الاتنين هو اللى بيسيب الاول نادرا ما اتنين يسيبوا الخيط فنفس الوقت
و انا معاكى فتقسيم الناس ده

تحياتى ليكى

maha zein يقول...

انت يا راجل يا نصاب
اولا ايه يا خويا نظام الاغاني ده
لا يا حاج
خليك ذي ما انت
ما شاء الله عليك بتقول مبتسمعش اغاني يبقه مالك بقه
ده انت حج غريب
الا الاغاني والله يا اسلام
اوعه
دي نكبة علي سامعيها

تعالي هنا بقه وقولي
انت اذاي عرفت الصورة والشقة والباب المفتوح و الانتريه
انت مين يا حاج
قولي يا ابني انا والله عملت للكل اجنور
اذاي هبان
ريخح قلبي وطمن بالي
ما انت عارفني مكنش ليا حد يفهمني في الكمبرورر غيرك
روح يا شيخ

zOzO يقول...

انا كمان
عجباني اوي اووي

الزباين

الزباين و يا رب ابعد عننا الضرايب