الأربعاء، 30 أبريل 2008

يا جمال هيرمس يا جمالوو؟؟؟؟






يا جمال هيرمس يا جمالوو

ـــــــــــــــــــــــــــــــــــــــــ
اولا للناس اللى مش عارفه ايه هو هيرمس ؟
هيرمس دا سهم فى البورصة لشركة هيرمس
و هو كان من اعلى الاسهم فى البورصة لحد فترة قريبة
وصل السهم قبل كده 300 جنية
ايه بقى الموضوع ؟
اقول لكم
عرفين السهم وصل لكام بعد الارتفاع ؟
بقى ب 55 جنية
ايوه متستغربوش
لسه التقيل جااااى قدام
الشركة دى بتاعة جمال مبارك بس فى الخباثة
ايوه جمال مبارك رجل مصر الاول فى القريب العاجل
ايراداتها و اربحها عالية جدااااااااااااااااااااااااا
و لحد دلوقت ايرادتها و اربحها فى ارتفاع
بس سعر السهم فى انخفاض
و دلوقتى
المدير التنفيذى لها
منى ذو الفقار
بنت صلاح ذو الفقار
بتاخد مرتب مليون جنية فى السنة
انا واثق من كلامى
لانة من مصدر موثوق منه
عدد الناس اللى كانوا مساهمين فى الشركة 70 الف شخص
و الشركة عملت نفسها بفلوس الناس دى
ايام ما كان السهم ب 300
دولوقتى الشركة متحكمة فى السهم و مش عاوزين يرفعوه عن 55 جنية
يعنى خراب بيوت مستعجل
الناس بتبيع اسهمها دلوقتى بالخسارة و الشركة بتشتريها فى الخباثة برضوا
عشان لما عدد المساهمين يبقى 100 او 200 يبدءوا فى رفع سعر السهم
و دا كله لصالح ابيه جمال
دلوقت عدد المساهمين وصل الى 13 الف شخص
نجحوا انهم يتخلصوا من كل الباقى
و لسه
و قالوها علنى فى الجمعية العمومية
و كل ده برضوا
و كل الفلوس اللى كسبوها
و ضحكوا على الناس و اخدوا فلوسهم و سرقوهم
لصالح ابيه جمال
كفايه عليكوا كده
ــــــــــــــــــــــــ
دا تحليل للسهم فى الفترة الاخيرة
اسم الشركة المجموعه الماليه هيرمس القابضه كود

ISIN EGS69101C011

كود ريوترز HRHO.CA

(العملة الجنيه المصري(ج.م
سعر الإقفال (في 16/03/2006 ) 48.93
سعر الفتح (في 16/03/ 2006 ) 47.93

التغير % 2.09

(أعلى سعر (في 16/03/2006
50.89 أقل سعر (في 16/03/2006 ) 42.73

(أعلى سعر (خلال الفترة

78.50 (أقل سعر (خلال الفترة

49.51 (الكمية المتداولة (خلال الفترة

90,389,972 القيمة المتداولة (خلال الفترة) 5

,923,253,138 عدد العمليات (خلال الفترة) 147,096
ــــــــــــــــــــــــــــــــــــــــــــــــــــ
ESLAM

56 قول و لا يهمك:

la3lahakhier يقول...

ايه الكلام الكبير ده
بص اللى بياخد مال الناس بياكل فى بطنه نار ودى مش اى نار دى نار الله وماادراك من عذاب الله
(ذرهم يخوضوا ويلعبوا
ربنا يستر عليك يا بنى عليه العوض فى شبابك
ههههههههههههه)

ghoneem يقول...

اهلاً بيك

طبعاً متألق كالعادة

بس انت شكلك محروق من هرمس دي
مع ان اللي شايفه من كلامك ده حاجة تفرح وتخلينا نتفائل بالأيام اللي هنشوفها مع الهرمس الكبير وطريقته الهرمسية اللي هتخلينا كلنا آخر هرمسة ان شاء الله

كدة الواحد يسيب البلد وهوة مطمن انها ف أيد أمينة
.............
انت متأكد من الكلام ده
انا لله وانا اليه راجعون

تحياتي

بالتوفيق..........

مدحت محمد يقول...

رغم انى مبفهمش فى مواضيع البورصة والكلام ده
بس ربنا يباركله ياعم

وعلى راى المثل الاكل فى الميت حرام
تحياتى

monaliza يقول...

رغم انى مبفهمش اوى فى موضوع البورصة بس واضح ان الموضوع كبير
احمد ربنا انك مش من ضمن اللى اضحك عليهم

Om Dodo 7abiby يقول...

انت هتقوللى على هيرمس

احنا بلا فخر من الناس اللى بتقول عليها دى
بس الحمد لله ما اشترينيهاش وهى بـ 300
اشتريناها فى الخمسينات
وكانت نزلت كمان

الحمد لله قضى أخف من قضى

دمت بخير أخى
وحرص على نفسك بقا انت على وش امتحانات
هههههههههههههه
ربنا معاك

سالى

Amy يقول...

فيلم علاء الدين فيه جملة بليغة قوي بتقول: مرحبا بك في اغربا...مدينة العجائب الساحرة

الناس دي غالبا كانت بتنبط علي مصر

زيزو باشا يقول...

قهوتك سكر زيادة وزي العسل.... أنا بعت لك ٢ إيميل ياترى وصلوا؟

تحياتي

رامى اشرف يقول...

والله يا نجم موش هعلق كتير بس هقولك كلمه
وما خفى كان اعظم وحلو لما يبقى الريس بتعنا الجاى غنى ومعاة فلوس اكيد هيسلفنا ولا ايه حد يقولى احسن ماسك قلبى بايدى

الشريف / جمال طة يقول...

كانوا زمان بيقولوا يابخت من كان النقيب خاله ودلوقتى بيقولوا يابخت من كان أبوه حسنى مبارك طيب ماهوأنا أهو اسمى جمال بس متنيل وبستين نيله سرقونى الحراميه فى السعودية ونصب عليى نصاب عائلة الزيــــــــــــنى فى عهد مبارك المهندس / ايهاب فراج محمد ابراهيم الزينــــى بحتة اعلان فى أكبر صحيفة قومية عن شقق تمليك بزهراء المعادى والصحيفة هى / صحيفة ألأهرام احذروامن الاعلانات فيها

http://gamal51.blogspot.com

dodda يقول...

افول اى حاجه؟؟؟
حاضر
حقول اللى يطبطب عليك وع الغلابه
اللى ربنا يغضب عليه
يرزقه من الحرام
واذا غضب عليه اكتر
يباركله فيه
---------------------
ادعوا للراجل بالرزق الكتير والرزق الوفير
والحساب العسير

--------
اما العصير فعلى حساب صاحب القهوه

عاليا حليم يقول...

أممممممم

انا ماليش فى ابورصة خالص الحقيقة ، شكرا انك عرفتنى المعلومات دى

و مش شكرا انك حصرتنى على نفسى بسبب راتب منى ذو الفقار... ربنا يزيدها ع العموم بس انا لحد دلوقتى مقصرة فى شغلى فى المجلة عشان مش عايزين يطلعوا معايا مصور و انا ما اعييش فلوس اشترى كاميرا ديجيتال يبقى لما اسمع ان حد بياخد الراتب ده لازم اتحصر على نفسى

مواطن مصرى نايم يقول...

la3lahakhier
هههههههههههههه
ربنا يعوض علينا بقى
فى فلوس الناس
و شبابنا
منورانى يا ميس
سلامى ليكى

مواطن مصرى نايم يقول...

ghoneem
انا محروق على فلوس الناس اللى بياخدوها
و لما يمسكنا جمال
يبقى حيعملوا فينا ايه ؟
ربنا معانا
سلامى ليك

مواطن مصرى نايم يقول...

مدحت محمد
يا جميل انا و الله كنت مش بفهم
بس و الله فهمت و اتعلمت حاجات كتيير فى البورصة عشان افهم شركة هيرميس دى
و الله
و فعلا الاكل فى الميت حرام
منونى
سلامى ليك

مواطن مصرى نايم يقول...

monaliza
انتى عارفة يا موناليزا
و الله الناس بتشد فى شعرها
و الحمد لله انى فعلا مش من ضمن الناس دى
بجد نورتينى
سلامى ليكى

مواطن مصرى نايم يقول...

Om Dodo 7abiby
سالى
احمدى ربنا انك جبتى الاسهم فى الخمسينات
حيزيد شوية عن كده قريب
حيوصل لحد الستينات
و حيفضل كده فترة
و حينزل للخمسين عشان يصفوا المساهمين
و بعد كده حيبدأوا يرفعوه حاجة حاجة
بس بعد ما يصفوا المساهمين
يالا
حسبنا الله و نعم الوكيل

و اما بقى الامتحانات فبرضوا منهم لله
الدكاترة بعد ما خلصوا المنهج بيزودوا ابواب و فصول مش فى الكتاب
ربنا معانا

سلامى ليكى

مواطن مصرى نايم يقول...

Amy
نورتينى بأول زيارة ليكى
و اول تعليق

و علاء الدين اكيد اكيد كان بيتكلم على مصر
دا احسن وصف للبلد فى الحال اللى احنا فيه

يالا ربنا معانا
تحياتى و سلامى ليكى
يا احلى اخت
نورتينى يا ايمى

مواطن مصرى نايم يقول...

زيزو باشا
انت اللى سكر زيادة يا جميل
الايميلات انا بقالى فترة مش بفتح الايميل بس انا داخل اشوف اهوه
سلامى ليك يا باشا

Desert cat يقول...

اذا كان الحاج الكبير ضحك على شعب باكلمه وطفشهم من البلد
فما بالك بالفسل الصغير
من شابه اباه يا ريس

مواطن مصرى نايم يقول...

زيزو باشا
هو انت بعت الايميلين على
انهو ايميل
عشان انا عندى 2
بعته على ده
miracls_mine@hotmail.com
والا ده
miracls-mine@hotmail.com

مواطن مصرى نايم يقول...

رامى اشرف
يا رامى لو من جهة ان اللى جاى غنى و حيسلفنا

جمال من جهة غنى فهو غنى
بس مش حيسلفنا دا حيفلسنا
غيرت ترتيب الحروف بس
سلامى ليك يا باشا

مواطن مصرى نايم يقول...

الشريف / جمال طة
والله يا استاذ جمال هى فعلا مش بالاسماء
و منهم لله
بجد اللى بيحصل مع كل مصرى بره بلده
زى اللى حصل معاك كده
بسببهم و الله
حسبنا الله و نعم الوكيل
تحياتى ليك

مواطن مصرى نايم يقول...

dodda
ههههههههه
لا هو الجزء بتاع
قول قول قول و ميهمكش حاجة بس قول لى اي حاجة

دى اغنية عبد الحليم
ــــــــــــ
اما بقى
اما بالنسبة للدعاء انا بدعيلوا
يوميا
قبل الاكل و بعد
و حساب العصير عندى
نورتينى بأول زيارة
سلامى ليكى

مواطن مصرى نايم يقول...

عاليا حليم
لا مينفعش لازم يبقى ليكى فى البورصة
انا مكنتش ليا فى البورصة
بس و الله اتعلمت عشان اولا افهم السهم بتاع هيرميس
و ثانيا
عشان لو حبيت ينضحك على مرة
و اشترى اسهم
ـــــــــــــــ
اما بقى مرتب منى ذو الفقار
ربنا يزيدها
الست بعمل مجهود رائع
على طول بتحضر اجتماع كل فترة
و كل التعب ده
بمليون جنية بس

و انتى مش عارفة تجيبى كاميرا ديجتال
و الله و لا انا
انا برضوا عاوز واحده بس يا مسهل

بس الموبايل بيعوضنى بعض الشئ

ربنا يكرمنا كلنا يا رب
و يا رب مرتبك يزيد و ينزلوا مصور معاكى كمان
سلامى ليكى و منورانى
eslam

مواطن مصرى نايم يقول...

Desert cat
يا قطه
التلميذ غلب الاستاذ
هذا الشبل من ذاك الاسد
ابوه امبارح يزود 30% للقطاع العام
و هو يسرق فلوس الناس فى القطاع الخاص
يالا منهم لله
نورتينى يا قطه
سلامى ليكى

ٍSOU يقول...

طب مايخودنيش يشغلنى معاه و يدينى 30% من المليون :D

زيزو باشا يقول...

أنا بعت ٢ إيميل، واحد بالإنجليزي والتاني بالعربي على العنوان ده
miracls_mine@hotmail.com


تحياتي لك

مفقوعة مرارتي من حماتــــــــــــي يقول...

احنا بقي لو شاطرين نروح جري نشتري اسهم هرمس دي قبل ماتولع
انا برضه استغربت من وقعتها الكبيرة دي في البورصة
أصل السهممابيقعش كدة غير لو كانت الشركة وقعت والشركة بومب ولسة شغالة

اهو ده عيبه يقول...

يا نهار مش فايت ده اتارى اللعب على كبير
يعنى الشركة تبدا بفلوس الناس وبعد كده يتخلصوا منهم
لا وكمان منى ذو الفقار اللى كنت واخده عنها فكرة تانية بس هقول ايه المليون جنيه يزغللوا عين الشمس
ارحمنا برحمتك يارب

somaa mahaba يقول...

خالتى خسرت فى هيرمز دى 75 الف جنيه دا غير كل الناس اللى كانوا فى المنوفيه الناس اللى باعت بيوتها وجريوا حاطوها فى البورصه وناس باعت دهبها وناس باعت عفش بيتها بلا مبالغه
الشركه تكسب وتخسر الناس
دى عصابه ليس الا
تحياتى ليك سومه_87

sasatifa يقول...

ابن الوز عوام ودى مش حاجه غريبه
بس انا نفسى اعرف جبت الخبر ده منين

مواطن مصرى نايم يقول...

ٍSOU
يا سلام 30% مرة واحده
طب قول واحد فى المية
ههههههههههههه
يا رب ربنا يكرمنا كلنا و نا خد ربع ال 30% دول
نورتينى
سلامى ليكى

مواطن مصرى نايم يقول...

زيزو باشا
حبيبى ربنا يخليك
انا شوفت الايميل العربى
و بعت لك رد
بس الانجليزى متبعتش
بس بجد ربنا يخليك
و اسعدتنى
سلامى ليك يا باشا و لاهل امريكا الجدعان اللى زيك
و ده ايميلى على الياهو
لو حبيت تضفنى على الماسنجر
انا حضيفك
ahmed_ma_abdallah@yahoo.com

مواطن مصرى نايم يقول...

مفقوعة مرارتي من حماتــــــــــــي
ما الوكسه انك لو رحتى تشترى مش حتلاقى الا من اسهم الشركة ذات نفسها
و بتكون غالية بعد مصاريف السمسره
و الكلام ده كله
ممكن يوصل السهم معاكى ل 70 جنية شراء
و برضوا حيجى عليكى الوقت اللى تحسى ان فلوسك حتضيع حتروحى بايعة بالخسارة
دى عالم دارسه النصب كويس جدا
نورتينى
اقولك خلى حماتك تشترى
ههههههههههه
سلامى ليكى

مواطن مصرى نايم يقول...

اهو ده عيبه
دا اللعب اكبر كمان من كده
دا الكلام اللى انا قدرت اوصل له
ما خفى كان اعظم
انا لو قالوا لى تعالى و خد نص مليون
اوافق على طول
( لا و الله ساعتها حفكر فى الناس اللى اتسرقت)
انا سبت الشغل مرة عشان كان صاحب الشغل عاوز يكسب من العميل مكسب عالى جدا من غير ما يتقى ربنا
وكل ده عشان العميل مش عارف فى الحاجة اللى بيشتريها
و كنت ماسك فرع الشركة
(شركة كمبيوتر)
حسيت انى بسرق العميل سبت الشغل
سلامى ليكى

مواطن مصرى نايم يقول...

somaa
انا و الله ما انا اعرف ناس كتييييير من اللى حصل معاهم كده
ربنا على الظالم
نورتينى

مواطن مصرى نايم يقول...

sasatifa
هو مش ابن الو هو ابن ال...عوام برضوا
ربنا على الظالم
اما الخبر جبته منين
دى بقى مصادر الصحفى
و غالبا بتكون سر
ههههههههههه
بس من ناس فى الشركة
و كمان ناس شاريه اسهم
سلامى ليك

اوعى تفكر يقول...

ده تفكير جمال ورفاقه
يعملوا الحاجه بفلوس الشعب
وبعد كده يقلبوها
بس تعرف العيب مش فيهم
العيب فى اللى ادايهم الفرصه
ومثارش عليهم
المال السايب فعلا يعلم السرقه
فما بقالك بناس متعلمها بالفطره اصلا

yomna يقول...

بص بقى العيب على الناس...هما الغلطانين...يعني ايه يبيعوا و بعدين يقولوا اتخرب بيتنا و خسرنا...هما لو ناصحين كانوا يفضلوا معاهم الاسهم لانهم هيجي عليهم يوم و يكسبوا اصل مش معقولة اسهم تبع حبيبنا و حبايب حبيبنا تخسر ابدا

يبقى مين الغلطان...أكيد الناس هي الغلطانة

semsem يقول...

ايه ياعم الكلام الكبير ده
لالالالالالالالالالالالالالا
مش ممكن يا احمد
انا معرفوش يا جماعه
ههههههههههههههههه
ههههههههههههههههههههه
ههههههههههههههههههههههههههههه
بس بجد احيييييييييييييك
وتصفيق حااااااااااااد
مش هقولك البوست ده تحفه
لانه عدي المرحله دي
تحياتى

نوره الخشن يقول...

بس ايه الاخبار اللي تودي فداهية بالمستعجل دي جبتها منين
أكيد الواد صبي القهوه بتاعك هو اللي جابها منا عرفاه
او الراجل المحشش اللي فالبانر ده
بئولك ايه انا محوشة اربعة جنية ونص ممكن اشتري ربع سهم؟؟؟؟؟؟؟؟

الفارس الملثم يقول...

دانا كنت بحسبك اتكلم عن علاء ,,, طلع كمان جمال ليه في البسنس , يعني مش حكومة رجال اعمال بس ,كمان ايبقي الرئيس القادم من رجال الاعمال ..

عموما كويس عشان لما يبيع بقية البلد نبقي مطمنين انه ايبيعها بسعر كويس

تحياتي
محمد

appy يقول...

انت كنت مصاحب منى ولا ايه يا عم انت شكلك هتوديه فى داهيه
انت يا واد مش هتقعد غير لما تيجى جنبى ويا سيدى ده من ضمن ياخدوا اللى عاوزينه بس يحلوا عننا بقى ويغوراو فى داهيه

مواطن مصرى نايم يقول...

اوعى تفكر
الخيبة انه مش مال سايب
ما هو فى رقابة على البورصة
اكيد
بس السرقة فى الاستخوبوص
نورتنى
سلامى ليك

مواطن مصرى نايم يقول...

yomna
اولا نورتينى باول زيارة
ثانيا
لو الناس ما باعتش الاسهم
سعرها حينزل اكتر من كده
دا لعب على كبيييير
مش زى ما اى حد فاكر
سلامى ليكى

مواطن مصرى نايم يقول...

semsem
ههههههههه
على طول كده بعتينى
ما اعرفوش يا جماعة
هههههههه
ماشى سهله
و ربنا يخليكى على المجاملة و التعليق اللى اخجلنى
انا اقل من ان بوستاتى تكون بهذا التعبير من الجمال
سلامى ليكى

مواطن مصرى نايم يقول...

نوره الخشن
ههههههههه
انتى عرفتى منين انه الصبى
اه هو بس انا طردته خلاص
هههههه
نورتينى
و اهوه انتى كمان بتيجى متأخر يا هانم
كنتى فين لحد دلوقتى ؟
ههههههههه
سلامى ليكى

مواطن مصرى نايم يقول...

الفارس الملثم
يا باشا
ما هو كمان النصيبة ان جمال
مشارك فى اغلب مشاريع علاء
و كمان الاتنين
بيشاركوا ناس كتييير فى مشاريع
بس فى الخباثة
يعنى موووووووز
مووووووووووووز
موووووووووووز
نورتنى يا باشا

مواطن مصرى نايم يقول...

appy
لا منى مين انا ما ليش دعوة
و بعدين انا من اسكندرية يعنى مارينا
اقرب لى منك
ربنا يستر
يا رب يسيبونا فى حالنا

أسد المدينة يقول...

هيرمس وغيرها

الكل ماشى كدة

ونفع واستنفع

تحياتى

صريح أوي يقول...

السلام عليم
ايه ياعم الموضوعات دي
نجري يعني وى نهاجر ولا إيه
جمال
ايه وهيرمس ايه
سيب الناس تاكل عيش
ده برده لسه عريس جديد وبيكون نفسه
هو عمل ايه
اشتري شقة في اسكندرية
وشقة في أسوان
وبيفكر يفتحهم علي بعض
بلاش حقد طبقي بقي

****
عالعموم
تدوينة حلوة مووووت

لحن الحياه يقول...

دخلت قولت اسلم عليك

عامل ايه

واخبار المذاكره ايه ؟

يارب تكون كويس

عارفه انا مقصره بس انت عارف اللي فيها بقي


خد بالك من مذاكرتك

تحياتي

مواطن مصرى نايم يقول...

أسد المدينة
نورتنى بزيارتك
بس فيه برضوا شركات محترمة
تحياتى ليك

مواطن مصرى نايم يقول...

صريح أوي
اولا نورتنى و شرفتنى
و بعدين و لا نهاجر و لا حاجة
احنا نروح نسكن مع جمال
بعد ما يفتح شقة اسكندرية على شقة اسوان
ربنا معنا والله
الحمد لله
سلامى ليك
eslam

مواطن مصرى نايم يقول...

لحن الحياه
زوزو
انا الحمد لله كويس
ربنا يخليكى انك بتسألى عليا
و انتى و لا مقصرة و لا حاجة
المهم انك بتنورى البلوج من و قت للتانى
وكل سنة و انتى طيبه
(عيد ميلاد العمال)
هههههههه
سلامى ليكى

الشريف / جمال طة يقول...

خـــــــــــــــــــــــــــــــبرة مـــــــــــــــــن داخــــــــــــل السجـــــــــــــــــون السعـــــــــــــــــــودية

مـع اقتـــــراب دخـــــــــــــول الصيـــــف وألأجازات ونـزول النصـابين السعوديين لمـــــصــــــــر

تحـــــــــــــــــت اســــــــــــــــــم سياحـــــــــــــــــــــة

احـــــذروا التعامـــــــل مع السعــــــــــــــودى فى العملــــــة السعــــــــــــــــودية كــل

مـن الورقـة فئــــــة الخمسمائـــــــــــــة ريـــــــــــــــــال والورقــــــــــــــــة فئــــــــــــــــــــة

المائتـــــان ريــــــــــــــــــــال وأول ضحياهـــــــــــــــــا يكـون من سائقــــــــــى التاكسى

وبوابين العمارات التى بها شقق مفروشة ومن يعملون بالشقق المفروشه وعمــــــال المطاعم

وبعضـــا من البسطاء الذين يعملون فى محطات البنزين عند تحصيل الفلوس بعد تعبئة السيارة

بالبنزين وهذه واحدة من الطرق التى تتبع فى ترويج العملة السعودية المزورة على سبيل المثال لا

الحصر يعطى للسائق ورقة فئــــة الخمسمائة ريال أو المائتان ريال عند نزوله من التاكسى على

أنه يدفع له الأجرة أى أجرة المشوار والشىء الطبيعى أن سائق التاكسى لايكون معه باقـــــــى

الخمسمائة ريـال أو المائتــــان ريال فيتظاهر السعودى النصاب على أنه راجل البر والتقوى

ويقول لسائق التاكسى مافى مشكلة بالسعودى / يعنى بالمصرى خلاص أعطينـى مائة جنيه أو

مائتنان جنيه أو مائة وخمسون جنيها حسب فئة الورقة المزورة وخلـــــى الباقـــــــــــى لك

ولبزورتك يعنى لأولادك فيفرح سائق التاكسى الغلبان صاحب العيال على انه رزقا جاؤه من الله

ليكتشف بعدها انه وقع ضحية نصاب سعودى ويمكن الغلبان يتم القبض عليه من المباحث على أنه

يروج عملة مزورة وعليه احذروا التعامل بالعملة السعودية سواء فى السوبر ماركتات او البقالات

او التاكسى او بائعى الفاكهه أو محطات البنزين ( وكلمة مافى مشكله خلى الباقى لك ولبزورتك

أللهـــــــــم انــــــــــى بلغت فأشهـــــــــــــــــد

http://gamal51.blogspot.com

الزباين

الزباين و يا رب ابعد عننا الضرايب