الخميس، 17 أبريل، 2008

اخبار بالهبل و تهد جبل ....؟؟؟؟


ملحوظة هامة : هدفى من النقد التالى ليس الضحك و الاستظراف و لا سب اى شخص او اى دولة و لا العيب فى اى شعب نهائيا و لكن هدفى ابراز السلبيات بطريقة خفيفة يتقبلها القارئ حتى لا يمل من القراءة

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اخبار بالهبل و تهد جبل
ــــــــــــــــــــــــــــــــــــــــــــــــــــــــــــــــــــــــ
تقدم هائل فى معدل نمو الاقتصاد
المصرى حيت ارتفع بنسة 00000000. % و


ذلك تقدم يجب الاعتراف به للحكومة
ــــــــــــــــــــــــــــــــــــــــــــــــــــــــ
فى مؤشرات بارتفاع اسعار الاسهم فى البورصة
لهذا العام انخفض معدل النمو لثالث يوم على التوازى
بنسبة جعلت المستثمرين يشدوا فى شعرهم
و اصابة الجميع بالصلع
ــــــــــــــــــــــــــــــــــــــــــــــــــــــــ
حصلت مصر على جائزة الفرخة الذهبية
و ذلك بعدما سجلت رقم قياسى فى عدد
حالات الوفاة من مرض انفلونزا الطيور
ــــــــــــــــــــــــــــــــــــــــــــــــــــــ
بعد نقل تمثال رمسيس بنجاح
تقرر نقل هرم خوفو إلى سيناء
و ذلك بعد وجود شك ان اسرائيل تخطط
للاستيلاء عليه من منطقة الجيزة
و تم ذلك لابعاد الهرم عن عنيهم
لان عين الحسود فيها عود
و
(العين فلقت الحجر)
ـــــــــــــــــــــــــــــــــــــــــــــــــ
بعد سكوت المواطنين على ضم
ثمن خدمة النظافة على فاتورة الكهرباء
قررت الحكومة استيراد كتاكيت من الخارج
و ضم ثمن تغذية هذة الكتاكيت الى
فاتورة التليفون
ــــــــــــــــــــــــــــــــــــــــــــــــــ
صدر قرار بأنه بعد اتمام جميع
المواطنين اجراءات عمل بطاقة تموين
و دفع كافة الرسوم و لصق الطوابع
و حصولهم على البطاقة
ان تلغى بطاقات التموين نهائيا
و سيتم عمل بطاقة اخرى
بإسم اخر و اجراءات اخرى فى القريب العاجل
ــــــــــــــــــــــــــــــــــــــــــــــــ
تم التوصل الى حل فى القضية الفلسطينية
على ان تحصل اسرائيل على كافة اراضيها المحتلة
من قبل حماس
و ان يتم نقل كافة الفلسطينين الى السنبلاوين
تضامنا من الحكومة المصرية مع الاخوة الاسرائيلين
ـــــــــــــــــــــــــــــــــــــــــــــــ
قررابن ابن ابن جورج بوش انه سيتم
الخروج من العراق و بشكل نهائى مع
حلول العام القادم 2134
و ذلك اذا تمكنوا من القضاء على
تنظيم القاعدة فى العراق قبل حلول العام
ـــــــــــــــــــــــــــــــــــــــــــــــــ
تقرر انتخاب رئيس للبنان
فى الجلسة القادمة لمجلس الشعب اللبنانى
التى ستعقد بعد خروج اسرائيل من فلسطين
(لما تشوف حلمة ودنك )
ـــــــــــــــــــــــــــــــــــــــــــــــــــ
قررت شركة نوكيا بعد ان وجدت
ان الشعب المصرى من اكثر الشعوب
اهتماما بتحديث هواتفهم
ان تنتج سلسلة جديدة من الهاتف 3310
و سيكون هو هو الهاتف القديم
و لكن سيتم اضافة الحروف الابجدية للغة الانجليزى
على التوالى اى سيكون الاصدار القادم
3310 A
واللى بعده
3310 B
3310 C
3310 D
وهكذا لحد منجيب اخرهم
(اخر المصريين مش اخر الحروف )
ــــــــــــــــــــــــــــــــــــــــــــــــــــــ
تم تكريم روؤساء مصر جميعا على اعمالهم الاتية
جمال عبد الناصر : طرد الانجليز من مصر
محمد انور السادات : طرد اليهود من مصر
محمد حسنى مبارك : طرد المصريين من مصر
ـــــــــــــــــــــــــــــــــــــــــــــــــــــ
بعد ازمة الرسوم المسيئة للرسول
علية الصلاة و السلام
قررت الدول العربية انها
مش حتلعب تانى مع الدول الاجنبية
عشان كل مرة بيضربوهم على قفاهم
و انهم ارسلوا خطاب رسمى
انهم مخاصمين الدول الاجنبية
و ذلك لشرائهم الوان تلوين الرسوم من الدول الاسيوية
و ليس منهم
ــــــــــــــــــــــــــــــــــــــــــــــــــــــــــــ
بعد ارتفاع ثمن برميل النفط الامريكى الى
119 دولار
و انخفاض برميل النفط العربى رغم جودتة الى
50 دولار
قررت الدول العربية بيع انتاجهم لامريكا
و شراء انتاج امريكا
(بيضربوا نفسهم على قفاهم)
ــــــــــــــــــــــــــــــــــــــــــــــــــــــ

ESLAM

62 قول و لا يهمك:

الفارس الملثم يقول...

هههههههههه

بداية اسلوب ساخر جدا ويحمل نقد شديد اللذوعة , وقد لاحظت ان نقدك السياسي يظهر انك تتمتع بثقافة ووعي سياسي عالي وليس مجرد عبارات ساخرة وحسب

تسلم ايدك

تحياتي
محمد

مدحت محمد يقول...

اكتر حتة هلكتنى من الضحك اللى طرد المصريين من مصر ده
ههههههههه
دمك عسل

نوره الخشن يقول...

ياختييييييي عليك

حسه اني فمرة هروح اعلقلك فالمعتقل مش فالقهوه .. بعد الشر عنك

ياااااه وحشاني بوستاتك الروز يالووز

بجد كلامك جامد

بس انا زعلانة انهم ماخدونيش الونلهم الكاريكاتيرات المسيئة للرسول

والله زعلانة منا بعرف ألون

استغفر الله

قفانا استوى من كتر الرزع عليه

تحياتي لك ونزلتلك بوست جديد عشان بس ماتقولش اني حرماك من حاجة

monaliza يقول...

اقول ايه بقى يا استاذ اسلام انت قلت كل حاجة
بجد تسلم ايدك

ghoneem يقول...

ههههههههههههه

متألق كالعادة
شوية شغل بس عالي أوي
عجبتني أوي بطاقة التموين جامدة جداً
كمان ابن ابن ابن بوش
بس انا سمعتها قبل كدة ابن ابن ابن ابن ابن ابن ابن ابن ابن بوش

تحياتي ليك ودايماً متألق
بس ذاكر الله يكرمك أحسن الواحد كدة قلقان حاسس انك مش بتذاكر

كمان مرة تحياتي

بالتوفيق

اهو ده عيبه يقول...

بجد هايلة وفى الصميم
وساعات السخرية من الواقع بتبقى هى المتنفس الوحيد للى زى حالاتنا

بالتوفيق

zOzO يقول...

حلو
حلو


اسلوبك ما شاء الله
وعلي فكره غالبا السخريه بتشد القارئ يعني هش مش حاجه مكروهه
بالعكس


المهم البوست حلو
وعندك حق في كل الل قولته


مش هنقدر نقول حاجه بعدك

Zianour يقول...

هم يبكي وهم يضحك
بقيت مش عارفة اضحك ولا ابكي بجد يا مواطن !!
الواحد حتى فقط الامل في اي تغير !!
بس حلوة طرد المصريين من مصر !!
تحياتي وبالتوفيق
زيانور

Sharm يقول...

وده بيوصلنا للمقولة الخالدة

نام يا مصري

ٍSOU يقول...

عارف انا كان نفسى اضحك ..على الرغم من الاسلوب الساخر اللى انت اتكلمت بية بس ماقدرتش كل جملة بحس معاهها بالم ,..اكتر جملة سخرية طرد المصريين من مصر فى جوا الجملة دى ملين سكينة و سكينة...بس بجد اسلوبك متميز و ممتاز

واحد من البلد دى يقول...

إيه يا ابنى خفة الدم دى ..إنت كده غطيت على خالك...حلوة آوى (طرد المصريين من مصر)ههههههههههههههههههه

مواطن مصرى نايم يقول...

الفارس الملثم
محمد
شكرا جدا جدا على التعليق الجميل ده
و الحمد لله ان البوست عجبك
تحياتى ليك
و نورت البلوج

مواطن مصرى نايم يقول...

مدحت محمد
شكرا جدا على الزيارة والتعليق
و الحتة بتاعة طرد المصريين
اللى عطانى الفكرة بتاعتها
هو خالى
صاحب مدونة
واحد من البلد دى

مواطن مصرى نايم يقول...

نوره
هههههههههههه
يا رب دايما منورانى بتعليقاتك و زياراتك الجميلة
و انا رايح اشوف البوست اهوه

مواطن مصرى نايم يقول...

monaliza
ربنا يخليكى بجد
و شكرا جدا على التعليق الجميل ده
و نورتى البلوج بزيارتك و تعليقك

مواطن مصرى نايم يقول...

ghoneem
شكرا بجد يا باشا بس والله بتحرجنى و مش بعرف اقولك ايه
اما بالنسبة للمذاكرة
انت لو تلاحظ انا اول مرة ارد متأخر كده على التعليقات
تحياتى ليك

مواطن مصرى نايم يقول...

اهو ده عيبه
تحياتى ليكى
نورتينى بتعليقك الجميل ده
و فعلا عندك حق
شكرا على الزيارة

مواطن مصرى نايم يقول...

zOzO
شكرااااااااااااااااا
جداااااااااااااااااا
على التعليق الجميل ده
و ربنا يخليكى
و الحمد لله ان البوست عجبك
تحياتى ليكى

مواطن مصرى نايم يقول...

Zianour
دايما يا رب كده منورة البلوج
بزيارتك و تعليقك الجميل
تحياتى ليكى
و لنور و زياد

مواطن مصرى نايم يقول...

Sharm
اولا نورت البلوج باول زيارة لك
ثانيا فعلا عندك حق
و شكرا على الزيارة و التعليق
تحياتى ليك

مواطن مصرى نايم يقول...

ٍSOU
فعلا عندك حق
و ده اللى خلانى كتبت الملحوظة
اللى فى اول البوست
لانى انا كمان حاسس نفس الاحساس
تحياتى ليكى

مواطن مصرى نايم يقول...

واحد من البلد دى
ههههههههههههههه
انت نقيت اللى انت قايلها لى
ماشى يا خالى المهم انها عجبتك
انا رديت فى الخباثة
من ورى اختك
بلاش تسيح لى
سلامووووووووووووووز

مواطن مصرى نايم يقول...

اعذرونى يا جماعة لو قصرت فى حقكم
الايام القادمة
و لو قصرت فى التعليق و زيارة مدوناتكم
ارجوكم محش يزعل منى
لانه شئ مش بإيدى
لكن اول ما الاقى فرصة لانى اقعد ساعة كاملة على الكمبيوتر
حدخل مدونات الكل
و مش حسيب واحدة الا اما املاها تعليقات
يا رب تعذرونى
تحياتى لكم
حتوحشونى

Sally يقول...

بجد يا اسلام انت تستاهل يتعمللك كتاب
اسلوبك ماشاء الله جميل جدااا
خفيف الظل
وسريع البديهة ولماح
يلا شد حيلك وانشر كتابك عشان نشتريه

ومستنينك ان شاء الله ترجع بالسلامة وتنور مدونتك ومدوناتنا

دمت بخير أخى
سالى

ناجي العلي 2000 يقول...

(((تم تكريم روؤساء مصر جميعا على اعمالهم الاتية
جمال عبد الناصر : طرد الانجليز من مصر
محمد انور السادات : طرد اليهود من مصر
محمد حسنى مبارك : طرد المصريين من مصر)))

ههههههههههههههههههههههههههههههههه


===========

هم يضحك فعلا :(

micheal يقول...

هههههههههه..يا راجل أشكرك أولا أنك ضحكتني لاني كان عندي إكتئاب جامد
إنما بجد اسلوبك الساخر قمه في الروعه ربنا يستر من اللي جاي
تحياتي

somaa mahaba يقول...

كدا يبقى انت فعلا عايش مع زعبوله وحسبو
تحياتى ليك سومه_87

mostafarayan يقول...

عزيزي اسلام
صحيح شرالبلية مايضحك
تحياتي لك

appy يقول...

تصدق بالله انا شكلى بقى عامل زى الكلاون اللى فوق الحزين ده

بس تسلم ايديك اسلمك الشعله بعدى
ههههههههه بعينك طبعا

وبعدين فاضل لك تكه وتبقى على مارينا معانا
المهم معدل النمو ده يا بابا مش يقصدوا هنا خالص دول بيتكلموا على بلد تانيه ركز بقى

ayman badr يقول...

جميلة قوى يا أحلى مواطن مصرى لسه برضة نايم ماشى ياعم
جميل قوى موجز الاخبار ده على الاقل مش زى موجز الاخبار فى اى قناة
عجبنى تناولك للنقد بالسخرية اللى هى جلد للذات مع بعض التحابيش
بس ليا سؤال اشمعنى السنبلاوين

مواطن مصرى نايم يقول...

Sally
بجد والله كلام كتييير قوى عليا
اما بقى بالنسبة لحكاية الكتاب
لا لسه بدررررررى
و بعدين حتى لو عملك كتاب بعدين
محدش حيشترية
ههههههههه
سلامى ليكى

مواطن مصرى نايم يقول...

ناجي العلى
بجد شكرا جدا على المرور
و التعليق
دايما منورنى

مواطن مصرى نايم يقول...

micheal
حبيبى ربنا يخليك
و شكرا على الزيارة
و الحمد لله انه عجبك

مواطن مصرى نايم يقول...

somaa mahaba
ههههههههههههه
عليكى كلام
شكرا يا سومة
و نورتينى

مواطن مصرى نايم يقول...

mostafarayan
شكرا يا باشا على التعليق
و المرور
دايما منورنى

مواطن مصرى نايم يقول...

appy
هههههههههه
زى الكلاون
و بقى كده الشعلة بعينى
طيب انا رايح اشترى شعلة جديده
لا دا انا حجيب بوتاجاز 6 شعلة
هههههههههههههههه
انا بصيف فى مراقيا
و بالنسبة للمعدل كويس انك قولتى لى
اصلى كنت شاكك برضوا
دا احنا تحت الصفر
نورتى يا احلى ايبى
سلامى ليكى

مواطن مصرى نايم يقول...

ayman badr
ايمون حبيبى
شكرا يا باشا
بس قريب ممكن اغير الاسم
و اخلية مواطن مصرى كان نايم
اما بقى السنبلاوين
عشان الواحد بيحس انها استفسار
يعنى لو قسمتها على جزئين حتلاقى
السنبلا وين ؟
تحياتى ليك

مواطن مصرى نايم يقول...

اكرر يا جماعة عشان محدش يزعل منى
ـــــــــــــــــــــــــــــ
اعذرونى يا جماعة لو قصرت فى حقكم
الايام القادمة
و لو قصرت فى التعليق و زيارة مدوناتكم
ارجوكم محش يزعل منى
لانه شئ مش بإيدى
لكن اول ما الاقى فرصة لانى اقعد ساعة كاملة على الكمبيوتر
حدخل مدونات الكل
و مش حسيب واحدة الا اما املاها تعليقات
يا رب تعذرونى
تحياتى لكم
حتوحشونى

Tamer Nabil يقول...

الاصحيح

مش تعرف حاجة عن صفقة المراجيح

بس قولى بجد

وخليك صريح

تحياتى

Desert cat يقول...

تصدق انا دخلت الموضوع ده اكتر من 3 مرات وفى كل مرة مبقاش عارفه اقول ايه لانك للاسف معبر عن حالنا واقعنا وانتهاك للقوانين وحقوق الشعب وحرقة دم
تحياتى

مواطن مصرى نايم يقول...

تامر
لا لسة
بس بالنسبة لك ممكن تعمل بيها سبق صحفى
و (تهز) بيها البلوجات
او احنا اساسا الحكومة بتمرجحنا ببلاش
هى ناقصة مراجيح
عموما زيادة الخير خيرين
سلامى ليك يا باشا

مواطن مصرى نايم يقول...

Desert cat
اولا شكرا جدا انك متابعة البلوج بتاعى
ثانيا الحمد لله انى بقدر اعبر عن الوضع اللى احنا فية بسخرية
و نورتى البلوج
سلامى ليكى

صحفية روشة يقول...

اول مرة هطلب زيارة محتاجه جدا جدا اجابات على البوست الاخير بمدونتى
شكرا

مواطن مصرى نايم يقول...

يا مها انا اساسا فى البلوج بتاعك من قبل ما تطلبى والله
و كنت لسة حعلق

هند يقول...

تعالة الحديقة عندى


تعرف ان الدنيا لسة بخير


تحياتى

Wael يقول...

هم يضحك :D
وهم يبكى :(

جميلة جدااا

ftafeet يقول...

حلوه اوى بجد

تسلم ايدك

نوناااا

نوره الخشن يقول...

انت لسه معمولك حظر تجوال فالبيت طيب ربنا يفك زنئتك

إخوانى حتى النخاع يقول...

السلام عليكم ...

والله أسلوبك جميل أوى يا نااايم

بس يا ترا انتا بتكتب وانتا نايم ولا وانتا على القهوة ؟؟؟!!!



حلوة أوى بتاعت مبارك الى طرد المصرين من مصر

تشكر يا باشا على البوست


تعالى شوف أول بوست بعد الحداد

مواطن مصرى نايم يقول...

هند
حاضر انا رايح اهوه
شكرا ليكى على التعليق و الزيارة

مواطن مصرى نايم يقول...

وائل
شكرا يا باشا على التعليق
و فعلا عندك حق هم يبكى و هم يضحك
سلامى ليك

مواطن مصرى نايم يقول...

فتافيت
شكرا بجد على التعليق الجميل ده
ربنا يخليكى
سلامى ليكى

مواطن مصرى نايم يقول...

نورة
يعنى اهوه بتتفك حبة حبة
ربنا يسهل
بس برضوا المشكلة ان دلوقتى ايام المذاكرة
يعنى هى هى
منورانى دايما يا سكر

مواطن مصرى نايم يقول...

اخوانى
انا بكتب و انا نايم على القهوة
و حاضر انا رايح اشوف البوست
حالا ان شاء الله

اوعى تفكر يقول...

ههههههههههههه
ايه الحاجات الجامده دى
الحاجات بتعملها ازاى
اكيد فى الحلم

مواطن مصرى نايم يقول...

اوعى تفكر
شكرا على التعليق
بس اوعى تفكر انا بعمل الحاجات دى ازاى
ههههههه
سلامى ليك

Masry يقول...

اخبار بالهبل و تهد جبل
و الحالة بقت زهق و ملل
بس أكيد فيه أمل
طيب ايه الحل
نضرب عن العمل؟؟
لا ياعم أحسن نروح المعتقل
خلينا في حالنا يا واد يا عسل

غير معرف يقول...

و الله انت زي العسل تسلم ايدك

مواطن مصرى نايم يقول...

Masry
يا حبيبى متقلقش
اضؤب و لو حد عمل لك حاجة
انا مليش دعوة
ههههههه
بس عندك حق
سلامى ليك

مواطن مصرى نايم يقول...

Anonymous
والله انت اللى عسل
بس لو عندك بلوج يا ريت تبقى تقولى
عشان اتعرف عليك
سلامى ليك

dodda يقول...

مسسسخره
انت مصيبه..ودى مش شتيمه والله
موضوع الروساء فى مصر
قكرنى بحاجه كده كانت بتتقال زمان
واحد اكلنا المش واحد علمنا الغش وواحد لا بيهش ولا بينش!!!!
ده طبعا بدون ذكر اسماء
بس انت ورتنى انه فضل يهش وينش فى المصريين زى الدبان لحد ما نجح فى مهمته نجاح ساحق
يحميك يابنى تبقى غالبنى قرب خدلك حتة ملبن

مواطن مصرى نايم يقول...

dodda
حلوة حتة الليلة الكبيرة اللى فى اخر الرد دى
و ربنا يخليكى على التعليق الجميل ده
يالا اهو قضى اخف من قضى
سلامى ليكى

الزباين

الزباين و يا رب ابعد عننا الضرايب