الأحد، 13 أبريل، 2008

اخر الاخبار فى عصر الدمار

اخر الاخبار فى عصر الدمار



سمعت من احد الاصدقاء ان بسبب حب الرئيس الى
شرم الشيخ سيتم نقل شرم الشيخ الى داخل القاهرة
و ذلك لتقريب المسافه بينها و بين قصر الرئاسة
ـــــــــــــــــــــــــــــــــــــــــــــــــــــــــــــــــــ
مع تكرار اختراق الحدود المصرية من جهة حماس
و فشل مصر فى السيطرة على عدم تحطيم الحدود
قررت رئاسة الوزراء عمل حدود بسوستة
!!!!!!!لتسهيل التحكم بها
ـــــــــــــــــــــــــــــــــــــــــــــــــــــــــــــــــ
توفى امس ثلاثة مواطنين فى طابور العيش
و بذلك ارتفع عدد ضحايا طابور العيش الى3625
مواطن و ذلك بعد اضافة الدمغة و الطوابع
ــــــــــــــــــــــــــــــــــــــــــــــــــــــــــــــــــ

بعد اعتقال اسراء الفتاة المصرية المؤسسة لحزب
الفيس بوك , تقرر و بصفة نهائية الغاء اسم إسراء
حتى لا تتكرر مثل هذة الحادثة و انه سيتم القبض
على اى فتاه مشتبه بها بأنها تحمل هذا الاسم
ــــــــــــــــــــــــــــــــــــــــــــــــــــــــــــــ
مع ارتفاع عدد الكاريكاتيرات اللى تنتقد طول
رئيس الوزراء , تقرر و بصفة نهائية
اعدام اى مواطن يقل طوله عن متران
و ذلك لتوحيد طول المواطنين عملا بمبدأ
المساواة فى الحقوق والواجبات
ــــــــــــــــــــــــــــــــــــــــــــــــــــــــــــــ

بعد مقاطعة الاخوان المسلمين للاضراب
قرر السيد رئيس الوزراء القبض على اعضاء
الجماعة وذلك بتهمة السكوت عن الحق
ــــــــــــــــــــــــــــــــــــــــــــــــــــــــــــــ
بعد ارتفاع الاسعار و ان اصبح كل المواطنون
على الحديدة , تقرر بيع الحديده ايضا
و ذلك حتى لا يوجد منافس لاحمد عز
ـــــــــــــــــــــــــــــــــــــــــــــــــــــــــــــ
قرر احد المواطنين مشاركة الشرطة فى الاحتفال
باعيادها فذهب الى شقه و كسر الباب وقام بضرب
زوجتة واطفالة و قام بتفتيش الشقة ثلاث مرات
وقام باعتقال احد ابناءه!!!!
ــــــــــــــــــــــــــــــــــــــــــــــــــــــــــــ
بعد تصريح الفنان عادل امام ان افلامه
تسجل تاريج مصر بكافة مراحلة
تقرر وضع افلام عادل امام فى مقرر التاريخ
بالثانوية العامة , وتصدر فيلم حنفى الابهه اول المقرر
ـــــــــــــــــــــــــــــــــــــــــــــــــــــــــ
بعد الغلاء الفاحش , قررت رئاسة الوزراء
توزيع احزمة مستوردة كلفت الدولة حوالى55
مليار دولار على المواطنين
على ان يتم اذاعة اغنية شد الحزام على وسطك
يوميا بمعدل 3 مرات فى الدقيقة
لتذكرة المواطن بالحزام
ــــــــــــــــــــــــــــــــــــــــــــــــــــــــ
بسبب حالة الجوع الذى يعانى منها الشعب
لم تقبل حكومتنا معونة ادوية من امريكا
و ذلك لان جميعها تؤخذ بعد الاكل
ــــــــــــــــــــــــــــــــــــــــــــــــــــــ
في المدرسه استاذ الحساب بيسال التلميذ بتاعه

لو باباك استلف الف جنيه من البنك والف جنيه تانيه من جاركم

يبقى هيرجع كام الف

التلميذ: مش هيرجع حاجه يا استاذ

الاستاذ: يا ابني استلف الف وبعديها الف تانيه

التلميذ : مش هيرجع حاجه يا استاذ

الاستاذ: اقعد يا ابني انت متعرفش حاجه في الحساب

التلميذ: انت اللي متعرفش حال البلد
ـــــــــــــــــــــــــــــــــــــــــــــــــــ
فى ظل احوالنا الاقتصادية
و نجاح الحزب الوطنى فى ادارة البلد
قررت لجنة داخل الحزب
بجعل اغنية بمبى لسعاد حسنى
الاغنية الرسمية للحزب
ـــــــــــــــــــــــــــــــــــــــــــــــــــــ
قمة الهدوء.......... انك تسمع شريط فاضى

وقمة الرخامة ..... انك تقلب الشريط

وقمة التناحة....... انك تعيد حتة عجبتك
و قمة الجنان .......ان يبلغ عنك احد جيرانك
بتهمة الازعاج
قمة الظلم..........ان يتم القبض عليك بهذة التهمة
وقمة الاجرام..........ان يتم تعذيبك للاعتراف بالتهمة
ــــــــــــــــــــــــــــــــــــــــــــــــــــــ
بعد بروز الاعلامى عمرو اديب
و طريقتة فى استدراج الضيوف
تعاقد مع الحكومة
بعد سجن طلعت السادات
بتسليمها احد اشخاص المعارضة
فردا فردا
و ذلك بمعدل 3.5 % شهريا
ـــــــــــــــــــــــــــــــــــــــــــــــــــــ

66 قول و لا يهمك:

أنا مش موافق يقول...

عزيزى

معلش مش هعلق على البوست

مره تانى فى ظرف تانى


انا كاتب بوست وجبت سيرتك حبيت اقولك للامانه بس والاعلان
وكل اللى جايب سيرتهم هقولهم

تحياتى

سلام

عاليا حليم يقول...

لا حول الله يا رب

عندك حق و الله تقول نام يا مصرى مصر دايما بناديك :)))

و حنزورك يا سيدى و نضيفك كمان لاهل عندليبيات جناح انا من تراب

appy يقول...

يا نهاررررررررر على الضحك والله العظيم حرام عنيا دمعت من الضحك
لا مش ممكن انت دماغ عاليه مووووووووت

والله احنا شعب سكر بيأخد من احزانه هزار علشان منطقش

النبى كده ملحوظه على الخفيف وخبيثه سيبك من الاخ اللى مش موافق ده اصلك لو اتناقشت معاه هيجيلك حاجه من الاتنين يا صرع وهبل يا هتنتحر نصيحه سيبك من اللى قاله ههههههههههههههه

نوره الخشن يقول...

لألألأ يانايم وهو معقول الرئيس برضو يخرج من قصره عشان يروح شرم الشيخ
كده برضو يبئوا ريحوه عشان حطوه جنب القصر
المفروض يحطوه فجنينة القصر
ولا اقولك يحطوه جنبه عالكومودينو بتاع السرير

ــــــ

وكمان الحدود من رأيي يلغوها خالص اسهل ويبئى بمزاجنا احسن مايتقال علينا سايبي الفلسطنين يلعبوا فحدودنا ومش عارفين نعملهم حاجة

وعلى رأي هاني شاكر :: انا طول عمري بستلطخك وكان منايا استقرضك

ـــــــ

3فطابور العيش بس يلا فداهيه مع انو المفروض يبئى اكتر

ـــــــ

اسراء .. ممممممم
انا بقول يلموا البنات بالمره

ـــــــ

محرقة القصيرين

ـــــــ

الاخوان المسلمين يستهلوا كل خير انا بصراحة رأيي يسمهوم الاخوان الاعداء

ـــــــ

عز عز تحياااااا عز

ـــــــ

لأ جدع متضامن انا من رأيي يجيب الفنان المبدع اللي عمل ديكورات سجن ابوغريب فالعراق يعمله ديكور شقته

ـــــــ

والمفروض يعملوا تمثال ضخم للفنان المناضل عادل امام ويطوه في ميدان عبد المنعم رياض فالتحرير
ياخي عبد المنعم رياض ايه ونيلة ايه ده حتى حيالله واحد كده استشهد في 73 عشان يفدي تراب بلده يعني زيه زي اسراء عالم مخها ضارب ياجدع

ــــــــ

حزام .. وليه يكلفوا نفسهم والله العالم دي بتتعب
وكمان اغنية فالراديو والله هيسلطنونا

ــــــــ

أدوية ايه انشالله ماتاعالجنا ولا اتعلمنا ولا اي حاجة
الادوية دي مضره هتخلينا نخف ولما نخف هنعيش واعتقد انو ده ضد رغبات الحكومه .. تحيا الحكومة

ـــــــــ

يعني ايه حساب وايه المدرسة دي والالف جنية دوول كتير ولا قليلين

ـــــــــ

الحياه بئى لونها بمبي وانا حزبك وانت حزبي

حزبي الله ونعم الوكيل

ـــــــــ

قمة الخيال انو فالزمن ده يبئى معاك فلوس تشتري كاسيت .. ياجعان

ـــــــــ

والنص ده عبارة عن ايه واحد هيتسلم منغير راسه مثلاً
!!!!!؟

نوره الخشن يقول...

تسلم الدماغ النايمة

مواطن مصرى نايم يقول...

أنا مش موافق
تحياتى ليك
و انا رديت عليك فى مدونتك
رد يرضى غرورك
اهم حاجة انه يكون عجبك
ارجو تكرار الزيارة

مواطن مصرى نايم يقول...

عاليا حليم
يا سلام عاليا عندنا يا مرحبا يا مرحبا
انا فى قمة السعادة
اكيد انتى عارفة لية
لو مش عارفة اقرى الموضوع السابق
بجد نورتى البلوج
و شكرا على الزيارة والاضافة
بجد دا شرف ليا

احمد ابوالعلا يقول...

اخى معلم القهوة استمتعت بزيارة قهوتكم وتناولت ما تيسر من تعليقاتكم الساخرة وادعوكم لزيارتى على الواو
سلام
http://7arfwaw.blogspot.com/

مواطن مصرى نايم يقول...

appy
هههههههههههههههه
شكرا على الكلام الجميل ده كله
بجد انتى من الناس اللى بفرح لما اشوف تعليقها
شكرا ليكى بجد
اما بقى للاخ انا مش موافق
انا رديت علية رد خفيف ظريف لطيف نظيف خالى من الشتائم و البذاءات
بس رد مستفز
و لعلمك انا بقى مشكلة ان مفيش حد بيسلك معايا
كل كلمة اى حد يقولهالى ليها رد عندى
رد يخلية يشد شعرة
و انا عندى طولة بال و صبر و بحب المناهدة اوووووووووووى
لو عاوزانى ارد بدالك كمان عنده انا مستعد و حجيب لك حقك تالت و متلت
و مش بعيد اخلية يقفل البلوج
بس انا عاوز البلوج مفتوح لانة شهره لينا و الا انتى شايفة غير كده
و لو لاحظتى هو مجمع كل المدونين المعروفين
و اللى ليهم هدف بجد
و هو بالطريقة دى عاوز يتشهر
بس دا بعدة
سلامى ليكى
نورتينى

مواطن مصرى نايم يقول...

نوره
ههههههههههههههه
ايه الحلاوة دى
بس انا موافقك فى حكاية شرم
بس مش حينفع جوه القصر عشان الامن
بس ممكن ندرس الحكاية دى

مواطن مصرى نايم يقول...

نوره
ربنا يخليكى
و ديما منورانى
و معلقالى
و متبعانى
و مفرحانى
تحياتى ليكى

مواطن مصرى نايم يقول...

احمد ابوالعلا
شكرا على الزيارة و التعليق
يا جميل و يا رب متكنش الزيارة الاخيرة
و انا اهوه رايح البلوج بتاعك على الفور
سلامى ليك

نوره الخشن يقول...

ده انا هعلقك قصدييييي هعلقلك تعليق
اي خدمة

على فكرة طلع العيب مش فيا
يابني ده انا اذكى اخواتي ده انا فله

مواطن مصرى نايم يقول...

هههههههههههههههه
نورة انتى مشكلة والله
امال طلع العيب من مين
انا رايح اشوف

مدحت محمد يقول...

ههههههههههههههه
عجبتنى اوى بتاعت يااستاذ انت اللى متعرفش حالة البلد
بجد هلكتنى من الضحك
استمر
تحياتى ليك

مواطن مصرى نايم يقول...

مدحت محمد
ربنا يخليك يا رب
بجد نورت البلوج
و شكرا على الزيارة و يا رب متكنش الاخيرة
انا حزور البلوج بتاعك
اول ما ارجع انا نازل دلوقتى
بس اول ما ارجع
حتلاقى تعليقى عندك ان شاء الله
تحياتى ليك

الفارس الملثم يقول...

ههههههههههههههههه

لا بجد بوست جامد جدا , ونقد زي طلقات الرصاص ..

تسلم ايدك يا باشا...

تحياتي
محمد

رفقة عمر يقول...

كلها جميله قوى عجبنى اكتر جزء الاخوان المسلمين
الحكومه ما بتصدق

semsem يقول...

ههههههههههههههههههههههه
ههههههههههههههههههههه
ههههههههههههههه
البوست ده حلو اوى
اوى اوى بجد يا مواطن مصري
واللهى بجد ضحكتنى
للاسف ده الحال فى زحل
امممممممممم

ٍSOU يقول...

احنا شعب بنضحك عشان مانبكيش...نقد فى الصميم..و شكرا على التنبية مش عارفة ازاى ماخدش بالى من الموضوع دة..احط صورة لتيت و اعمل رابط لحتة تانية خااااااااالص :))

جـــــــــاكو يقول...

هوه البوست ده من تاليفك

اصله جاااااااااااااامد

بييييييييييس يا مان

ghoneem يقول...

انا همووووووت م الضحك

ايه يابني الحلاوة دي

بس شكلك هتحصل اسراء كدة

بس ابقي سيب مفتاح القهوة مع حد عشان مش عايزينها تقفل

تحياتي ليك الف شكر ضحكتني بجد

بالتوفيق.......

Gloomy Nemo يقول...

أسمحلى بحتة جنبك فى السرير

أنا برضك مواطن مصرى بس مكتئبو شكلى كده حنام قريب

مدونة رووووووووعة

احمد الجيزاوى يقول...

ههههههههههههههههههههههه
عجبنى
اوى انا اعتبرته اجمل بوست واخف بوست نزل مع الوضع اى احنا فيه وبصراحه طريقه جميله فى التعبير عن الغضب طريقه ابن البلد النكته التى تعبر عن حال مصر
تحياتى
احمد الجيزاوى

مواطن مصرى نايم يقول...

الفارس الملثم
محمد تحياتى ليك يا باشا ربنا يخليك
و الحمد لله ان البوست عجبك
سلامى ليك

مواطن مصرى نايم يقول...

رفقة عمر
ربنا يخليكى و شكرا بجد على زيارتك الاولى لى و التعليق
تحياتى ليكى
و يا رب متكنش الزيارة الاخيرة

مواطن مصرى نايم يقول...

semsem
هههههههههههه
ربنا يكرمك بجد تحياتى ليكى
و شكرا على التعليق
و فعلا هو دا حال زحل
سلامى ليكى

مواطن مصرى نايم يقول...

ٍSOU
فعلا عندك حق
و شكرا على التعليق
و لو احتجتى اى حاجة قولى لى
سلامى ليكى

مواطن مصرى نايم يقول...

جـــــــــاكو
اولا نورتنى بأول زيارة ليك و يا رب متكنش الاخيرة
ثانيا
اه و الله من تأليفى
و طالما انه عجبك دا شئ يسعدنى
سلامى ليك

مواطن مصرى نايم يقول...

ghoneem
هههههههههههه
لا يا عم انا مفتاح قهوتى مش بديه لحد ابدا
و لما احصل اسراء
انتوا حتعرفوا لما ما تلاقوش اى بوست نزل بجد اصلى حاسس بكده فعلا
سلامى ليك

مواطن مصرى نايم يقول...

Gloomy Nemo
السرير كله تحت امرك
يا جميل اتفضل
بس الاحوال اللى احنا فيها عايزة الصاحى
سلامى ليك و شكرا على الزيارة و التعليق و يا رب متكنش الزيارة الاخيرة

مواطن مصرى نايم يقول...

احمد الجيزاوى
يا حبيبى اولا انت نورت البلوج بالزيارة والتعليق
و يا رب متكنش الاخيرة
اما بالنسبة لتعليقك
دا شئ يشرفنى انه عجبك
انت مدون محترم
سلامى ليك

NoNa يقول...

نام يا مصرى وريح نفسك

محمد بجد انا لما شفت الاخبار اة انت كاتبها بطريقة لذيذة

لكن الواحد اتغم على حال الى هو فى

لاحول ولا قوة الا بالله

ربنا معنا جميعا

نوره الخشن يقول...

ايه يابني فين البوست الجديد انت شطبت ولا قفلت ولا اتمسكت ولا متهدد ولا ايه

يلا نزل حاجة جديدة عشان اعلقك
او اعلقلك اي حاجة حسب اللي هلائيه فالبوست

مواطن مصرى نايم يقول...

NoNa
سلامى ليكى
هو كلامك صح فعلا
بس انا عملت الكلام ده
عشان كل واحد يحس بالخيبة اللى احنا فيها
بس لازم تكون بضحك
عشان محدش يتخنق
تحياتى ليكى نورتى البلوج

مواطن مصرى نايم يقول...

نوره
ايه يا بنتى
دا انا لسه حاطط ده
لسه بقاله يوم واحد
هههههههههه
هو انا مكنة تفريخ بوستات
ههههههههههه
انا لسة مش لاقى فكرة حتى للبوست الجديد
بس ربنا يسهل
الوحل بينزل على الساعة 3 باليل او 4
يعنى على بعد بكرة ان شاء الله يكون فى بوست جديد
سلامى ليك يا جميل

Desert cat يقول...

والله هم يضحك وهم يبكى
طب والحل
هنفضل كدا وحالنا زى ما هو واسراء فى المعتقل ويقضوا على الاسم
طيب انا بنت اختى اسمها اسراء
بس الحمد لله مقيمة مع ماماتها وباباها فى السعودية
خوفى بقى وهما نازلين اجازة ياخدوا البنت من المطار
بعد اذنك بقى الحق اتصل بيهم مينزلوش يبعتوا لنا نروح لهم احنا ومنرجعش تانى
تحياتى

مواطن مصرى نايم يقول...

Desert cat
اولا تحياتى ليكى
و شكرا على التعليق و الزيارة
ثانيا
مينفعش نخاف منهم
مينفعش نسيب لهم البلد و نمشى
هما عاوزين كده
عايزين البلد تكون لهم لوحدهم
عايزين يخلصوا على المصريين اللى بجد
لما يسجنوا بنت زى اسراء عشان
مش عاجبها الاوضاع
و اخدت موقف
و احنا كمان نسيب لهم البلد
يبقبوا هما كده عملوا اللى هما عاوزينة
لا دا بعدهم
انا مصرى و حفضل مصرى و حعيش فى مصر و حموت فى مصر
ان شاء الله
حتى لو الموت ده كان على ايديهم هما
انا مش عايزك يصبك الاحباط من البلد
مينفعش لان هى عاوزة اللى ياخد حقها منهم
و لازم نكون بكل قوتنا
سلامى ليكى

إخوانى حتى النخاع يقول...

السلام عليكم


بوست جميل ومضحك جدااا

وحلوة بتاعت مقاطعة الإخوان للإضراب


تشكر يا ريس



ابقا شوف آخر بوست فى المدونة


أخوووووك

مواطن مصرى نايم يقول...

إخوانى حتى النخاع
شكرا يا جميل على التعليق
اما بقى بالنسة للحتة بتاعة الاخوان
اوعى تكون فاهمها
انى بدافع عن الاخوان
لا
دا انا فى الحتة دى ليها معنيان
معنى عن الاخوان
اللى هو السكوت عن الحق
و معنى عن الحكومة
انها بتلم الناس عمال على بطال
فهمت
سلامى ليك يا جميل و انا اهوه رايح اشوف اخر موضوع عندك يا جميل

mostafarayan يقول...

هقولك ايه شر البلية ما يضحك

مواطن مصرى نايم يقول...

mostafarayan
متقولش حاجة غير كده
المهم انك نورتى
و شرفتنى بالزيارة
ارجو انها متكنش الاخيرة

اهو ده عيبه يقول...

ده ايه نشرة التفاؤل دى

بجد عندك حق وياما لسه حنشوف
ربنا يستر

مواطن مصرى نايم يقول...

هو دا عبية
اولا شكرا على الزيارة و التعليق
و يا رب متكنش الزيارة الاخيرة
و عندك انت كمان حق فعلا ربنا يستر

إخوانى حتى النخاع يقول...

والله يا مواطن ... عاوز أقولك حاجة


لو الإخوان شاركوا كانت التهم هتترمى عليهم

دا هما مشاركوش ... واتقال عليهم كدا


طب لو شاركوا ؟؟!!

ghoneem يقول...

هههههههههههههههه

ماشي ياعم
بس هجيبلك عيش وحلاوة ولا همبرجر
..........
ياباشا ولا تشغل بالك احنا رحنا أمن الدولة قبل كدة ايه اللي حصل يعني
كام قفا علي كام شلوت
ده شرف ليك ولكل مواطن مصري
هههههههههههههه
ربنا يكفيك ويكفينا شرهم ويصرف عنك كل سوء

تحياتي

بالتوفيق....

مواطن مصرى نايم يقول...

إخوانى حتى النخاع
لا يا جميل
مينفعش حد يكون جزء من البلد
و يقول انا مش حشارك عشان محدش اخد
رأينا
و ده الكلام اللى اتقال عن لسان الشخص اللى تحت مهدى عاكف
انا مش فاكر اسمة
و الكلام ده اتقال على العربية
دى حاجة
اما الحاجة التانية
الاخوان بكده اثبتوا انهم بدأوا يخافوا
لما بنت تقود موضوع الاضراب و ميهمهاش
و يتم اعتقالها و الاخوان يخافوا يبقى ايه الكلام ؟
ــــــــــــــــــــ
عارف لو مكانوش اعلنوا انهم مش حيشاركوا
او حتى مكنش اللى اتكلم فى قناة العربية اتكلم كان حيبقى
شكلهم و وضعهم احسن من كده
فهمت

مواطن مصرى نايم يقول...

ghoneem
هههههههههههههه
لا يا عم انا بحب البيتزا
و يا رب يبعد شرهم عن كل المصريين
سلامى ليك يا باشا

Zianour يقول...

بوست جميل وساخر وشامل ومانع ... هههههه انت برضه قفشت عمرو اديب؟؟
يللا اشمعنى هو !!! ربنا يفتح عليك كمان وكمان وشكرا لزيارتك الجميلة وتعليقاتك المشجعة ... ومعلوماتك البرمجية اللي ساعدتني كتير
زيانور

somaa mahaba يقول...

هههههههههههههههه
دا التخاريف عادتك
تحياتى ليك سومه_87

gannah يقول...

مش عارفة اقولك ايه بس بجد كلام فى الصميم....تسلم ايدك

مواطن مصرى نايم يقول...

Zianour
بجد شكرا جدا على التعليق
اما بقى بالنسبة لعمرو اديب
لعلمك هو سبب دخول طلعت السادات السجن
اوراق القضية بتاعت طلعب السادات كلها من خلال البرنامج
فلازم برضوا عمرو اديب ينوبة جانب من النقد
اما بقى حكاية المعلومات البرمجية
انا مش بحب ان اللى اقوله حاجة يفضل يشكرنى بجد بزعل
و اى حاجة عوزاها اطلبيها
سلامى ليكى

مواطن مصرى نايم يقول...

somaa
هههههههههههههه
لعلمك انا اعدى عشرتاشر
تخاريف
ههههههههه
سلامى ليكى

مواطن مصرى نايم يقول...

gannah
شكرا جدا على التعليق الجمل ده
ربنا يخليكى
و الحمد لله انه عجبك
سلامى ليكى

Om Dodo 7abiby يقول...

والله تسلم ايدك بجد
مش عارفة اقولك ايه عجبنى اكتر
بس كلهم حلوين
افتكاسات روعة

دام ابداعك اخى

:: سالى ::

zOzO يقول...

مواطن مصري


مش عارفه انت هتصحي امتي ؟


هههههههههههههههههههههه
هههههههههههههههههههههه



البوست حلو تسلم ايديك

وطبعا كلنا نتمني ان مصر تتغير



تعرف ان الحكومه لو اعتقلت حد وراح المعتقل بعدها مش اهله مش بيعروفوا عنه حاجه
وهناك اي شكل من اشكال التعذيب تلاقيه


ومعلشي لو بتاخر عليك بس الجهاز زهق مني
بايظ حاليا



تحياتي ليك

مواطن مصرى نايم يقول...

Om Dodo 7abiby
ربنا يخليى مش عارف اقولك
ايه على الكلام الحلو ده
بس الحمد لله ان البوست عجبك

مواطن مصرى نايم يقول...

zOzO
هههههههههه
لا انا حفضل نايم
لانى لو صحيت انتى عارفة اية اللى حيحصل
بالنسبة للمعتقل هو صعب شوية انى ادخله
بإذن الله طبعا
اما بالنسبة
و بالنسبة للجهاز اللى زهق منك
انا بقى جهازى حيولع فيا
دا انا مطلع عينية
و انتى و لا بتتأخرى و لا حاجة
المهم انك بتدخلى دى اهم حاجة
سلامى ليكى

أشرف حمدي يقول...

هههههههههه ايه الحلاوة دي ؟
طب أرد على ايه ولا ايه دلوقتي ؟
جميل قوي يا باشا

مواطن مصرى نايم يقول...

يا دكترة
الحمد لله انك بخير
دى اهم حاجة
و ربنا يخليك على التعليق الجميل ده
و يا رب ديما منور بلوجى كده
سلامى ليك يا كبير

Tamer Nabil يقول...

كل دة

شكلك بقى تبع البنت اسراء

انت مقبوض عليك ياعم هههههه

بوست اكثر من رائع

تحياتى

مواطن مصرى نايم يقول...

tamer
انا اتشرف انى اكون تبع اسراء
دا اولا
ثانيا
نورت البلوج و شرفتنى بتعليقك
و ربنا يخليك على الزيارة
و يا رب متكنش الاخيرة
سلامى ليك يا جميل

zOzO يقول...

لا بعيد الشر عنك طبعا


انا مش بقصدك انت


اصل كان في حد من قريب ايام ما فلسطين دخلوا مصر في رفح
كان في واحد رايح يودي ليهم معونات
ما شاء الله
اخدوا الحاجات منه ومش راحه واخدوه
ولولا ربنا ثم واحد قريبه كان هيتاخد
وقريبه ده بيقول لو كانوا خدوه انسوا انه كان يرجع تاني
هناك اي حاجه ممكن تتخيلها ممكن تحصل يعني الافلام ولا حاجه
الافلام اللي احنا بنبكي من العذاب اللي بنشوفه فيها ولا حاجه



وبعدين لو خدوك مين هيجي عندي ويعلق بقي ؟



تحياتي ليك وبراحه علينا شويه عشان نلحق نعلق عليك

مواطن مصرى نايم يقول...

زوزو
شكرا جدا على المتابعة
و بجد بتنورى البلوج بتعليقاتك
و حاضر يا سيتى براحة
انا كنت بنزل بسرعة بس عشان انا حيجى فترة على مش حنزل و لا بوست
اللى هى ايام المذاكرة و الامتحانات
و اهى خلاص المذاكرة حتبدأ
ان شاء الله
و ربنا يعدى المتحانات على خير
عشان افوق للبلوج من تانى
تحياتى ليكى

zOzO يقول...

ربنا يوفقك يارب


للمذاكره انا برده هتوقف فتره وهكون زعلانه اوي لانكم بجد هتوحشوني اوي

لاني بلاقي نفسي علي البلوجات
وان شاء الله خير


وربنا معاك
في رعايه الله
تحياتي

dodda يقول...

لى سؤال
هو انا كقارئه لمدونتك مش ليه حقوق عليك؟؟؟؟
لا مؤاااخذه انا عايزه حقى
اول حق بطالب بيه ان الكتابه ادب
ومن هذا المنطلق بقولك لو سمحت تشيل اول تعليق على البوست

الزباين

الزباين و يا رب ابعد عننا الضرايب