الأربعاء، 9 أبريل، 2008

برنامج حوار مع الكفار



حوار بين الاعلامى محمود سعد
و مع فخامة سعادة عظامة تكانة رزالة
احد رؤساء وزارة احد الدول فى كوكب ما فى المجموعة الشمسية
ـــــــــــــــــــــــــــــــــــــــــــــــــــــــــــــــــــــــــــــــــــــــ
محمود : شرفتنا زيارتك يا

الضيف : اكيد طبعا
محمود : ماشى يا عم
طب ممكن ابدأ الاسئلة
الضيف : اتزفت
محمود : ايه رأيك فى ارتفاع الاسعار ؟
الضيف :ارتفاع اسعار ايه يا بابا

محمود : نعم يا خويا
الضيف : احم احم.......قصدى يعنى حدد شئ معين.
محمود : ايوه كده اتعدل معايا
نقول مثلا سعر الزيت
الضيف : لا لا خلاص المشكلة دى اتحلت
محمود : اتحلت
الضيف : ايوه طبعا انت متعرفناش و الا ايه
محمود : الخيبة انى عارفكم واحد واحد
ازاى حليتوا المشكلة يا فقيق ؟
الضيف : مش زجاجة كيلوالزيت ب 10 جنية ؟
محمود : ايوه
الضيف : احنا حنخلى النص كيلو ب 5 جنية
يعنى السعر انخفض للنص حنعمل ايه اكتر من كده يعنى

محمود : و حياة ماما

خلاص بلاش الاسعار عشان انا متجننش منك
ايه رأيك فى حال الفلاحين اللى عايشين من غير نور و ميه ؟
الضيف : سبحان الله بتسأل على اللى احنا كنا بنفكر فية

محمود : طيب انجز و حياة والدك
الضيف : احنا لاقينا حل للمشكلة دى خلاص

محمود : بتتكلم جد
الضيف : طبعا يا حوده جد الجد
محمود : طيب حتعملوا ايه ؟
الضيف : من اول السنة الجاية حنلغى الفلاحين خالص
محمود : لا انا كده ممكن اقل ادبى عليك
الضيف : لا عادى خالص براحتك احنا بلد ديموقراطى
بس لما تخلص الحلقة
محمود : لا يا باشا انا بهزر
نياهاهاهاهاهاهاها
طيب كنا سمعنا عن تعميير سينا عشان نحميها من اسرائيل ؟
الضيف : اه فعلا فعلا دا كلام مظبوط
احنا خلاص بعنا نص سينا لمستثمر اسرائيلى عشان يعمرها و بكده يكونوا ضربونا على قفانا بس بمزاجنا اه
محمود : يا مصبر الوحش على الجحش

طيب و الالغام اللى موجودة فى اراضى الساحل الشمالى و العالمين
الضيف : لا خلاص دى اعتبرها اتحلت
محمود : ازاى ؟؟؟
الضيف : حنلم الصعايدة اللى فى البلد كل
هم و حنخلوهم يقعدوا يقزقزوا الالغام دى لحد ما يخلصوا
محمود : لحد ما الالغام تخلص يعنى ؟؟؟
الضيف : لا طبعا يا غبى الصعايدة اللى يخلصوا
محمود : يا ابن ال........ناس الكويسة
طيب و البطالة
الضيف : حنزود عدد القطارات عشان الشباب تلحق تتشعبط فيها
او يمكن تدوس عليهم
محمود : يا رب انت واهلك

طيب انا كنت شايف فى نشرة اقتصادية
ان معدل الاقتصاد المصرى فى هبوط
الضيف : شفت فين الكلام ده
محمود : فى قناة الجزيرة
الضيف : انت واخد وصلة الدش من عند مين ؟؟
محمود : حمو بلبل
الضيف : لا خدها من عند محمد بحرية....... الجزيرة مش بتيجى عنده خالص
محمود : يخرب بيت دم امــ..........ـــال فهمى
طيب ممكن بقى اسأل اخر سؤال ؟
الضيف : و دى كمان لاقينا لها حل حنلغى المذيعين من هنا ورايح
ــــــــــــــــــــــــــــــــــــــــــــــــــــــــــــــــــــــــــــــــــــــ
هذا الحوار فى احد قنوات احدى الدول فى كوكب ما فى المجموعة الشمسية
تالت كوكب على ايدك اليمين وانت داخل من ناحية الشمس
la3lahakhier ملحوظة : ذكرتنى الاخت
بإشرب العصير و هى اشهر جملة للاعلامى محمود سعد
و نظرا لانه يجلس مع رئيس الوزراء تم التأخر فى استيراد العصير من الخارج
و ذلك بعد رفض الضيف شرب اى شئ من انتاج البلد
و ذلك بعد ان ادعى ان كل منتجاتنا الزراعية مسرطنة
و هذا كذب و افتراء طبعا
هى مش كلها اوى يعنى
و السلام ختام

55 قول و لا يهمك:

بطوط حبوب يقول...

ومحمود سعد فى اعاااااااااره
فى الكوكب الساحق الماحق ده؟؟
انا مش عارف ليه حاسس انى عارف لكوكب ده؟؟!!!
لا ياعم خلينا فى السليم لا كوكب ولا اعرفه

simple girl.. ..simple dream يقول...

انا على فكرة ماعرفش انت بتتكلم عن مين
لان انت عارف ان بلدنا يعمها الرخاء والتقدم
واللى يقول غير كدة بيكون ينتمى لقلة قليلة مندسة لتعكير صفو البلد


حاجة كمان : البوست اللى فات بتاع تغطية الاضراب بجد حلو جدا ومغطى مناطق كتير

نوره الخشن يقول...

ايه ده ايه ده معقول في مكان في الدنيا عنده مشاكل كتير كده
ايه ده فين الكوكب الغريب ده

الحمد لله يارب عالنعمة اللي احنا فيها

طب لو حبيت اروح اتفرج ادخل من ناحية الشمس واخد صلاح سالم اقرب ولا امسك الدائري

انا لازم اخد الهامر بتاعتي واروح جري اتفرج واحاول احل المشاكل للناس الغلابه دوول عشان يبئوا زيينا ماعندهمش مشاكل خاااالص والحاجة عندهم ببلاش وكل الشعب معاه عربيات هامر او مرسيدس زيينا ومعاهم فلوس مش لائيين يودوها فيييييين

أحنا خلاص زهقانين من كتر الفلوس وقلة المشاكل

عاااااااااااااااا

نوره الخشن يقول...

انا بعد اذنك عيزه اعلق على كلام
simple girl

احنا ماعندناش حد مضايق يابنتي
لاتقولي الجماهير بل قولي قله قليلة مندسه بين الجماهير زي ماقال محمد صبحي في مسرحية تخاريف

إخوانى حتى النخاع يقول...

ههههههههههههههههههههههههههههههههههههههههههههههه


هههههههههههههههههههههه
هههههههههههههههههه
ههههههههههههههه
هههههههههههههه
ههههههههه
ههههههه
هههه
هه
ه

والله حواااااااااار مية مية

تشكر يا غالى على البوست

أخووووووك

appy يقول...

اهم حاجه انه بعيد عن كوكبى الله يكرمك
اصل بجد لو الحوار ده عندى كانت هتبقى مشكله يا نهار

مواطن مصرى نايم يقول...

بطوط حبوب
حبيب قلبى
اول زيارة كده ترشق على طول فى الكوكب
بالنسبة للكوكب بيقولوا انهم حينقولوه مجره تانية
تحياتى ليك يا جميل

مواطن مصرى نايم يقول...

simple girl.. ..simple dream
احلى حاجة انك تكونى فى السليم
لا تعرفى حاجة
و لا حاجة تعرفك
عشان القلة القليله
و شكرا جدا على التعليق و الزيارة
و يا رب متكنش الاخيرة

مواطن مصرى نايم يقول...

نوره الخشن
هههههههههههه
انا لسه بايع الهامر بتاعى
بس الجاجور لسه معايا
و الاندكروزر
ممكن يسعادوا
لو عاوزة تروحى الكوكب ده
ممكن تأخدى الدولى اسرع
او تطلعى القمر تبصى من فوق
حتشوفى طابور العيش
على رأى حبيبى اشرف حمدى

مواطن مصرى نايم يقول...

نوره
اه صحيح انتى تعملى اللى انتى عاوزاة من غير ما تستأذنى

مواطن مصرى نايم يقول...

appy
ههههههههههههه
الحمد لله صحيح
انا نسيت انك عندك كوكب
لو كنت افتكرت كنت دخلته فى الموضوع
لا لا متخافيش
كان حيصعب على

مواطن مصرى نايم يقول...

إخوانى حتى النخاع
ههههههههههههههه
شكرا ليك بجد
على الزيارة و التعليق و يا رب متكنش
الاخيرة

واحد من البلد دى يقول...

إنت جبت الحوار ده من قناة ...فساكونياالعظمى...بس أنا عايز أعرف ..؟هوه محمود سعد راح هناك إمتى...يمكن فى اليوم الثامن...لأنه زى ما أنتوا عارفين..مشغول لحد اليوم السابع...والحمد لله إن (عم إبراهيم )الحلاق مارحش هناك..هههههههههههههههه

واحد من البلد دى يقول...
أزال المؤلف هذا التعليق.
مواطن مصرى نايم يقول...

هههههههههههههه
لا مش من فاساكونيا
من دماغونيا
و محمود سعد كان اجازة اليوم ده
و كان معاه عم ابراهيم

NoNa يقول...

هههههههههه

حوار تحفة

بس معرفناش مين الضيف دة ؟

^_^

ربنا يستر على بلد وربنا ماعنا

شكرا ليك يا محمد

مواطن مصرى نايم يقول...

NoNa
ربنا يخليكى
لا ما هو الفكرة اننا منعرفش مين الضيف
ههههههههههههه
ربنا فعلا يستر على البلد
eslam

semsem يقول...

هههههههههه
ياراجل وقعت قلبى افتكر الحوار دا
بعد الشر بعد الشر

عندنا ولا حاجه
الحمد لله انه طلع من كوكب تانى

وسلملى على القطر

مواطن مصرى نايم يقول...

semsem
هههههههههه
لا يا عم طبعا مش عندنا
احنا بلد
لو عدد القطارات زاد فيها
القطارات تتقلب اكتر
يعنى مينفعش يزودوا عدد القطارات
و بعدين دا بوست (نظيف) مش عن اى حاجة فى بلدنا خالص
سلامى ليك يا جميل

semsem يقول...

اول زياره لمدونتك
بجد هادفه فعلا
استاذ ورئيس قسم حوار بجد كان حلو
:)
بس الكوكب ده انا تقريبا اعرفه
امممممممممممم
زحل؟صح
انا عارفه

مواطن مصرى نايم يقول...

semsem
ربنا يخليكى على المجاملة دى
بجد مش عارف اقولك ايه غير ان الكوكب مش زحل
ههههههههههههه
شكرا على الزيارة و يا رب متكنش الاخيرة
و انتى نورتى البلوج

semsem يقول...

يا لئيييييييم يبقى اورانوس
ما تقول كده م الاول
ومخبى!!!
كلهم حبايبنا هناك
هههههههههههههههه

مفقوعة مرارتي من حماتــــــــــــي يقول...

ايه الحلول الحلوة دي
ياجماله ياجماله
رئيس وزرة لدولة بتنجان المتحدة

la3lahakhier يقول...

ههههههههههه
مع الكفااااااااااااار ؟؟؟؟؟؟
لعلمك بقى الحوار ناقص العصير ةيارب يعملهولك من مية الحنفية ومن الفواكهة المرشوشة بالمبيدات المسرطنة
ماهو اكرام وااااااااااجب
ويختى عليها ياختى عليها

مواطن مصرى نايم يقول...

semsem
عرفتى منين
اوعى تكونى مراقبانى
و بعدين كل الكواكب حبايبنا
كده احسن ما يخلوا حياتنا زحل
ههههههههههههه

مواطن مصرى نايم يقول...

مفقوعة مرارتي من حماتــــــــــــي
هههههههههههههههههههههه
بتنجانيا العظمى
حلول من الاخر مش لسه حيوجعوا دماغهم
شكرا على الزيارة و التعليق
و يا رب متكنش الاخيرة

مواطن مصرى نايم يقول...

la3lahakhier
تصدقى والله انا فعلا نسيت العصير
بس ملحوقه
نعمل ملحوظة تحت
بحكاية العصير
المهم انك نورتى البلوج
و جارى وضع الملحوظة

نوره الخشن يقول...

على فكرة اناعيزه اقولك على حاجة في طريقة اسهل اني اروح بيها الكوكب ده

أفتح بؤي في البلد دي واقول عيزه حقييييييي هروح ورا الشمس وبأقصى سرعة

ايه رأيك؟

وميرسي لذوقك ياعسل

نوره الخشن يقول...

وبعدين انا كل ماجي القهوه بتاعتك دي اقعد انادي عالواد انادي عالواد واسقف عشان حد يجي يجيبلي كوباية شاي ولا حجرين معسل محدش بيعبرني شوف ايه الحكاية لحسن والله اسيبلك قهوتك واروح اقعد فالفيشاوي اللي فالحسين

تحياتي ..... وبأنتظار البوست القادم

مواطن مصرى نايم يقول...

نورة
من غير ما نفتح بؤنا كده كده حنروح ورا الشمس
اما بقى بالنسبة للصبى بتاع القهوة انا طردتة عشان دى مش اول شكوى تيجى منه
و دلوقتى الزباين هى اللى بتعمل الحاجة اللى عاوزين يشربوها
ههههههههههه
ان شاء الله
البوست اللى جاى خفيف شوية سريع الهضم
و هو عنى
مين و ازاى و امتى و ليه بدأت التدوين

Rain man يقول...

سخرية لاذعة يكاد يضحك منها الهم
احد الاصدقاء اوعز لي ذات وشاية
ان ديون الدولة لها
بمعني انها استدانت من نفسها
ثم تورطت و ستضطر لان تدفع لنفسها ايضا
ربما لم يتحدث الضيف الموقر عن هكذا امر

تحياتي و سلامي

نوره الخشن يقول...

مين وازاي وليه وامتى بس
طب نسيت الساعة كام وعلى اي جهاز وكانت نسخة الويندز ايه وكنت لابس تيشيرت لونه ايهوبتشرب شاي ولا قهوه ووووووووووو

آه يبئى عندنا ذمه واحنا بنحكي والا بلاش

وعلى فكرة دخلت اعمل كوباية نسكافيه عندك فالقهوه مالئتش سحلب ايه العلاقة مش عارفة
تقريباً الصبي بتاعك وهو بيطرد سرق اليانسون

ايه اللي انا بقولو ده
!!!!!!!!

Soooo يقول...

محمود : طيب حتعملوا ايه ؟
الضيف : من اول السنة الجاية حنلغى الفلاحين خالص

ههههههههههههههههههه
حلوة دي قوي

فكرتني بموقف حصل زمان لما اتعمل المترو بتاع شبرا واللي فيه كهربا في قضبان القطر من تحت
ونتيجة لان الكهربا عاليه فالناس اللي عايزه تنتحر لقيتها وسيله سهله للانتحار
وفعلا كترت حوادث الانتحار بالطريقه دي
ولما اتعمل اجتماع مجلس الوزرا عشان يناقشو الموضوع ده اقترح وزير المواصلات ساعتها اقتراح هايل جدا
عارف اقترح ايه
اننا نلغي المترو
------

اديني جيت ياعم اهو .. وعمال اقلب في كل مواضيعك واللي بتقول انك انسان محترم ومثقف وانا باعتز بصداقتي ليك
واعذرني لو كنت قصرت في حقك وماجيتش من زمان





سلاموووووووووووووز

مواطن مصرى نايم يقول...

Rain man
تحياتى ليك
و شكرا على الزيارة و التعليق
و يا رب متكنش الاخيرة

مواطن مصرى نايم يقول...

نوره
لا ما هو انا قلت امتى بدل الساعة كام
و بعد كده و انتى جاية هاتى الحاجة اللى حتشربيها معاكى
عشان احنا معندناش قهوة عشان نعملك شاى و لا ينسون لان الحلبة اصلا بتكون نسكافية ساعات
تهييس برضوا

مواطن مصرى نايم يقول...

Soooo
سووو عندنا يا مرحبا يا مرحبا نورك غطى عالكهربا
نورت البلوج
ببوستاتة و جافاهاتة
و امتداتة و حماتة
مش عارف ايه علاقة حماتة بالموضوع بس القافية تحكم
لا لا كده انا ممكن اتغر
اى والله ممكن اتغر
دا كتييير على
و بتاعت المترو جااامدة جدا
و شكرا على المجاملة اللى فى اخر التعليق
سلامى ليك

sasatifa يقول...

انا مش هقول حاجة مزاجى يا استاذ فيه حرية فى البلد ....ايه
ولا اقولك ...زالمدونة بجد بجد جميلة حبيت بس اتاكد ان فى حرية معلهش ...قصدى .مش مشكلة .اصلى مش مظبط النهارده.بس كويس ....مين مات .ادخل على المدونة بتاعتى.مجنون انا والله .سلام

نوره الخشن يقول...

على فكرة انا مش هشرب عندك حاجة
عشان اكيد الناس الضيوف هيشربوها مني

واناعزماك عندي فالمدونة على الصحور بكرة الصبح الساعة 8 العصر يوم الحد بعد صلاة الجمعة

اوعى ماتجيش ازعل والله

Wael يقول...

ههههههههههه

حوار يموت من الضحك

شر البلية ما يضحك كالعادة

very gooooood :)

Om Dodo 7abiby يقول...

ما شاء الله مدونتك جميلة اوى
ومواضيعك ثرية
ربنا يزيدك

دمت بخير أخى

مواطن مصرى نايم يقول...

sasatifa
أنا كمان مش حرد على التعليق حرية و الا انا غلطان
هههههههههه
شكرا يا جميل على المرور و التعليق
و انا رايح مدونتك حالا ان شاء الله

مواطن مصرى نايم يقول...

نوره
انا موافق و اكيد حاجى
ان شاء الله يوم الاتنين ليلة يوم الاربع صباح الخميس كده
ان شاء الله
هههههههههههههه

مواطن مصرى نايم يقول...

Wael
حبيبى ربنا يخليك
فعلا شر البلية ما يضحك
شكرا يا باشا على المرور و التعليق

مواطن مصرى نايم يقول...

Om Dodo 7abiby
ربنا يخليكى و شكرا على المجاملة
و على الزيارة و التعليق
تحياتى ليكى

مواطن مصرى نايم يقول...

sasatifa
انا زرت مدونتك جميلة جدا و تم التصويت على الاستطلاع
لكن معرفتش اعلق
لانك عامل ان التعليقات تفتح فى نافذة اخرى
و ده ساعات مش بيخلى الواحد يعرف يعلق
بسبب البوب لوكر
يا ريت تخليها عادى و تلغى حكاية النافذة الجديدة حتى استطيع التعليق

monaliza يقول...

هو مكنش فيه عصير فى الحلقة دى ليه؟
اه حقيقى اكيد معندهومش هههه

مواطن مصرى نايم يقول...

monaliza
هههههههههه
شكرا جدا على التعليق و الزيارة
بس بالنسبة للعصير فى ملحوظة فالاخر عنه
تكاد تكون فكاهيه
بجد انا بسعد بتعليقك و مرورك بالمدونة
لانك حقا انسانة محترمة
سلامى ليكى

rona يقول...

اهم حاجه ان الكلام ده بعيد عننا والحمد لله وبعدين صح ابقوا غيروا الوصله فى وصلات مبتجبش مشاكل دى قله مندسه على رأى نوره

zOzO يقول...

محمود سعد
يا جاااااامد
البوست ده بجد حلو اوي
رائع
واجابات كلها ايه ؟
تجفه



بس في ملحوظه


لو سالوا عليك قريب هقول راح يصيف في السجن
ومش تخاف هبقي اجيبلك عيش وحلاوه




هههههههههههههههههههه
هههههههههههههههههههههه



تحياتي ليك

مواطن مصرى نايم يقول...

rona
فعلا يا رونا الحمد
لله ان الموضوع ده بعيد
عننا
اما بقى بالنسبة للوصلة
ان شلتها من عندى خالص
ههههههههه
سلامى ليكى
و شكرا على الزيارة و التعليق

مواطن مصرى نايم يقول...

zOzO
ههههههههههه
شكرا ليكى بجد
ربنا يخليكى
اما بقى بالنسبة للسجن
انا ببعت البوستات دى من جوا السجن
كده اضمن
و انا مستنى الحلاوة
معنى انى مش بحبها
سلامى ليكى
و شكرا على الزيارة

la3lahakhier يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
لا حلوة
وايه اللوك الرائع ده والله العظيم وانا اعدة هفت ريحة القهوة الرازيلى على انفى
ايه الحكاية يجعل كلامنا خفيف بدال مالاقى ريس الوزارة فوق راسى
ههههههههههههههههههه
الله ينور عليك
انا عارفة انى قهوة للعائلات صح ؟
مش عايزين شباب من اياهم عشان البنات اللى بتدخل
هه؟؟؟؟؟؟؟؟؟؟؟

الفارس الملثم يقول...

ههههههههههه

بوست ينطبق عليه فعلا شر البلية ما يضحك , وتلاقينا اكتر شعب بيضحك علي مصايبه بدال ما يطق من الغيظ

حوار دمه خفيف اوي وفي الصميم

تحياتي
محمد

مواطن مصرى نايم يقول...

la3lahakhier
هههههههههههههه
هو النيو لوك فى الشكل بس
مش فى الاخلاق كمان الحمد لله
البلوج للناس المحترمة فعلا
زى حضرتك
مش اى حد يعنى
وبعدين ريس الوزراء حيجى ازاى من الكوكب بتاع
سفينة الفضاء بتاعتة عن الميكانيكى ربنا يجعل كلامنا خفيف على (الميكانيكى) والا ايه يا ميس
سلامى ليكى

مواطن مصرى نايم يقول...

الفارس الملثم
ههههههههههه
بجد عندك حق
بس بنلحق نضحك قبل ما الضحك كمان يغلى
البوست اللى جاى ان شاء الله حيعجبك جدا
اجمد من ده
سلامى ليك

الزباين

الزباين و يا رب ابعد عننا الضرايب