الثلاثاء، 15 أبريل 2008

عجزت عن التفكير........؟؟؟؟؟




عجزت عن التفكير فى ما اتناولة فى هذا الموضوع
و هذه اول مرة لى اعجز عن خلق فكرة ما
او موضوع ما بطريقة مميزة
فقررت انا يكون هذا البوست
بوست التفكير
ــــــــــــــــــــــــــ
ماذا تعنى كلمة التفكير ؟
من اين ينبع هذا الاحساس بالتحديد ؟
لماذا يتصرف بعض منا دون تفكير ؟
لماذا يكون هذا التفكير فى بعض الاحيان نقمة على بعض الاشخاص ؟
و هناك الالاف الاسئلة التى تدور حول التفكير
تخيل لو انك فكرة فى رأس احد الاشخاص
فاى فكرة تختار ان تكون انت ؟
و فى رأس اى شخص تريد ان تكون ؟
تخيل لو انك هذة الفكرة و فى رأس هذا الشخص فكيف تم تكوينك ؟
و كيف ستخرج الى النور ؟
و إذا تعذر خروجك الى النور ماذا سيكون احساسك ؟
و تخيل ان خروجك ادى لحدوث مشكلة لهذا الشخص فماذا سيكون احساس هذا الشخص تجاهك كفكرة ؟
هل تعلمون اى فكرة تخيلت نفسى و اى شخص اخترت ؟
تخيلت نفسى فكرة الاضراب و تخيلت الشخص ......إسراء الفتاة مؤسسة حزب الفيس بوك التى تم اعتقالها
فحزنت من نفسى (كفكرة ) اننى سبب اعتقال هذة الفتاة المصرية بحق
و ان بسببى و بسبب خروجى للنور تسببت فى اعتقالها
فرجعت الى عالم الواقع رجعت الى نفسى انا (كشخص )
وجدت ايضا نفس الاحساس لان هذة الفتاة سجنت من اجلى و من اجلك و من اجل كل مصرى
لم يحصل على حقة فى هذا البلد
فما هو شعورك انت ؟

تخيل ان هذا عقل إسراء و انت هذا الشخص الواقف امامه
و انظر إلى علقها الذى فكر فى مصر كلها
ـــــــــــــــــــــــــــــــ
يا رب اسراء و كل من معها يتم الافراج عنهم
اللهم عليك بالظالم.........اللهم انى وليت امرى لك و انا مظلوم
فانصرنى على الظالم يا رحمن
ــــــــــــــــــــــــــــــــــــــــــــــــــــــــ
ملحوظة انا كنت كاتب البوست ده قبل الافراج عن اسراء
و صممت انزلة برضوا
رغم خروجها
لان موضوع اسراء مش عشان اسراء بس لا ده لكل المظلومين

30 قول و لا يهمك:

Asmaa mahaba يقول...

هيييييييييييييه اول تعليق
ولا اقولك مش حهرج تانى عشان فى ناس بتزعل
على فكره بقى صح النوم عشان بيقولوا ان اسراء افرجوا عنها ليله امسسسسسسس روح بلوج قطه الصحراء
تحياتى واتعذارى ليك مجداا
سومه_87

مواطن مصرى نايم يقول...

يا بنتى انا مزعلتش و الله
و بالنسبة لإسراء انا عارف انها طلعت
ادخلى بقى انتى بلوج جبهة التهييس
ههههههههه
الخبر فيها من اول ما افرج عنها
بس انا كنت محضرة و حبيت برضوا انزله
حتى بعد ما خرجت
و مجددااا
انا و الله مزعلتش بس انا بحب اوضح وجهة نظرى
و كنت قاصد اوضحها لعم صلاح
اوك
سلامى ليكى

Muslima يقول...

اولا احب اهنيك على البلوج الرائع

وفعلا ليه اللى يقول كلمة الحق فى البلد دى بيكون جزاته زى اسراء

برضو لسة فى امل
واحنا بادينا نغيرها

مع تحياتى

فرنسا هانم يقول...

مبروك خروج اسراء
وربنا مع كل وطنى بيحب بلده باخلاص

غير معرف يقول...

حقيقي مدونة أكثر من رائعة

ردا على سؤالك بخصوص فكرة الإعتصام وظهورها لأول مرة
في مدونة وائل عباس الوعي المصري وتحديدا في بوست صور قتيل جزاري الشرطة فالرابط هو

http://misrdigital.blogspirit.com/archive/2007/08/14/%D8%B5%D9%88%D8%B1-%D9%82%D8%AA%D9%8A%D9%84-%D8%AC%D8%B2%D8%A7%D8%B1%D9%8A-%D8%A7%D9%84%D8%B4%D8%B1%D8%B7%D8%A9-%D8%A7%D9%84%D8%B7%D9%81%D9%84.html

وتجد الفكرة بدأت يوم ١٥ أغسطس من العام الماضي بإمضاء أنا المستقبل والأمل وتوالت المناقشات في نفس البوست بعد ذلك ولازال البوست والتعليقات موجودين

معذرة في تأخر الرد ومع خالص تحياتي

Tamer Nabil Moussa يقول...

الف مبروك خروج اسراء

وبالنسبة للتفكير جميل ومطلب اساسى داخل كل انسان مازال يعلم انة انسان


ربنا يوفقك

تحياتى

الفارس الملثم يقول...

انا سعدت جدا انهم افرجوا عنها , رغم اني مش عارف هما قبضوا عليها ليه اصلا ..

دلوقتي بقوا بيحاسبونا علي افكارنا , ياتري ايجي اليوم اللي انتحاسب فيه علي النوايا ...

بالنسبة للعقل بيني وبينك المخيخ اليومين دول بيهنج كتير

تحياتي
محمد

صحفية روشة يقول...

بوست جامد جدا يا مان

Empress appy يقول...

المشكله ان الفكرة نجحت بس اسراء طلعت بس اتخطفت فى ظروف غامضه يعنى افرج عنها ومش لقينها الله اعلم هى فين
اممممممممم خلى دماغك تقولنا بقى

Desert cat يقول...

هى اسراء فعلا النائب العام امر بالافراج عنها
لكن لسها فى امن الدولة بالقليوبية ليه وعلشان ايه مش عارفه بجد

Asmaa mahaba يقول...

مواطن مكتوب فى الاخبار انها اتخطفت؟؟؟؟دا صحيح

ناجي العلي 2000 يقول...

اولا الف مبروك لاسراء وعقبال زمايلها

...........

ماكنتش اعرف يا مواطن انك فيلاسوف من النوع المتين بالشكل دة :) ـ
انا سعيد ان لسة لغاية دلوقت في ناس بتفكر بعقولها .... كنت فاكرهم انقرضو خلاص

عقبال بقيت الامصريين لما يشغلو الجمجمة

مواطن مصرى نايم يقول...

LightMoon
شكرا جدا على المجاملة
و فعلا كلامك صح
مش عارف و الله نعمل اية
تحياتى ليكى و شكرا على الزيارة و التعليق

مواطن مصرى نايم يقول...

فرنسا هانم
مبروك لاسراء و يا رب كل زمايلها يطلعوا
و امن الدولة تفرج عنها بعد
ما خطفوها
تحياتى ليكى

مواطن مصرى نايم يقول...

زيزو باشا
شكرا يا باشا
على الاهتمام و الزيارة و التعليق و الرابط و المجاملة
بجد نورتنى
تحياتى ليك

مواطن مصرى نايم يقول...

Tamer Nabil
شكرا يا جميل على التعليق
و الدعوة الحلوه اللى فى الاخر
اما بقى بالنسبة لإسراء
فبعد الافراج عنها
تم اختطافها
و طبعا انت عارف مين اللى خطفها
بس ان شاء الله حتطلع
تحياتى ليك

مواطن مصرى نايم يقول...

الفارس الملثم
شكرا يا جميل على التعليق الجميل ده
اما بالنسبة لإسراء فبعد ما افرجوا عنها خطفوها
و يوم اننا نتحاسب على النوايا
بدأ من زماااااااان
و الا ايه رأيك ؟
تحياتى ليك

مواطن مصرى نايم يقول...

صحفية روشة
شكرا يا جميل و نورتينى بالزيارة
و ربنا يخليكى على المجاملة
تحياتى ليكى

مواطن مصرى نايم يقول...

appy
اه يا ايبى ما انا عرفت بموضوع إسراء ده
من بدرى بس كنت بره
و اكيد انتى عارفة هى فين
الحكاية مش محتاجة مخ
و الا انتى اية رأيك ؟
المحامى بتاعها كمان رأية من رأيى
و قدم بلاغ للنائب العام
بالحكاية دى
و دى مشكلة ليهم لو مافرجوش عنها
تحياتى ليكى

مواطن مصرى نايم يقول...

Desert cat
ما هى تلاقيها من القليوبية
و دى حاجة اساسية ان اسمها يكون فى المحافظة بتاعتها
لازم تروح امن الدولة فى القليوبية
و يتم الافراج عنها من هناك
بس بعد ما ترجع من عند امن الدولة اللى خطفوها
حتروح تخلص الموضوع ده
و هى حترجع ان شاء الله غظباً عن عنيهم
تحياتى ليكى

مواطن مصرى نايم يقول...

somaa
اه يا سومه صحيح
بس المحامى بتاعها اتهم امن الدولة
و رفع الموضوع ده للنائب العام
فى بلاغ و ان شاء الله حترجع
دا و هما زى ......(اكمل النقاط)اوك
تحياتى ليكى

مواطن مصرى نايم يقول...

ناجي العلي
اولا نورت البلوج
و شكرا جدا على الكلام الكبير اللى انا مش مصدق انى نصه حتى
بس شكرا و ربنا يخليك
سلامى ليك يا باشا

ghoneem يقول...

اهلاً بيك
الواحد والله بيتكسف من نفسه لما يلاقي بنت مصرية بالأخلاص ده وتتعرض للأذي وكل ده عشان ايه...تهمتها ايه...
للأسف انها بتحب البلد دي

بس والله بنات مصر حاجة تشرف وأسراء دي نموذج لكتير غيرها
والله انا فرحان جداًانها الحمد لله خرجت بالسلامة ربنا يحفظها وكل مخلص للبلد دي ويرد مصر بسلام لأهلها الطيبين المخلصين اللي بيعرفو ازاي يتعاملو معاها وتتعامل معاهم

تحياتي

بالتوفيق......

مواطن مصرى نايم يقول...

ghoneem
عندك حق فعلا يا غنيم
لكن لو راجعت التعليقات
حتعرف انها اتخطفت
بعد ما خرجت
تحياتى ليك

ghoneem يقول...

اهلاً بيك
انا والله مش عارف غير منك
بس هية لما تروح أمن الدولة يبقي اتخطفت ؟؟؟؟؟
ياعم دول ناس طيبين عايزين بس يشوفو مين وراها مين قدامها
بتاكل ايه ....
والله حاجة تقرف
...
كفاية كلام أحسن
سلام يابني

مواطن مصرى نايم يقول...

غنيم
مينفعش نبطل كلام
لأن كلامنا هو اللى بيخوفهم
تحياتى ليك

اهو ده عيبه يقول...

موضوع حلو بجد
وحسيت ان دماغى تعبت من مجرد التفكير فى اللى حصل واللى بيحصل

للاسف احنا مطالبين فى البلد دى اننا نلغى دماغنا خالص

مواطن مصرى نايم يقول...

اهو ده عيبه
بجد فعلا
شوفتى بقى التفكير بيعمل اية
دا حاجة بجد صعبة جدا
بس مينفعش نلغى دماغنا
شكرا على الزيارة والتعليق
تحياتى ليكى
eslam

mostafa rayan يقول...

اسراء بنت بس بألف راجل
كفايةانها خوفت النظام كله وبينت لينا كلنا انه هش وجبان واتفه مما نتصور
اسراء عملت وفكرت ونفذت وامتي احنا نعمل زيها
صدقني لوفي في بلدنا الف او الفين واحد زي اسراء كنا بقينا احسن دولة في العالم
اسراء بطلة والأبطال دايما بيدفعوا ثمن بطولتهم وفي النهاية يذهب من عاقبوهم إلي مزبلةالتاريخ ويبقوهم
تقدر تقولي اسم الضابط اللي قبض عليهاولااللي حقق معاها ايه ماحدش عارفه لكن كلنا عارفين بطولة اسراء
تحياتي لك ولمووضعك وأرجوك لو كنت تعلم ايميل اسراء ارسل لها هذه الكلمات
اخبرها انها من انسان كم يود ان يراها حتى يقبل جبينها ويرفع القبعة لها احتراما

مواطن مصرى نايم يقول...

mostafarayan
فعلا و الله ابسط رد
انها بالف راجل
ربنا معاها
تحياتى ليك يا باشا

الزباين

الزباين و يا رب ابعد عننا الضرايب