الأحد، 6 أبريل 2008

اخر اخبار الاضراب


الصورة السابقة صورة قديمة مش من صور الاضراب
اخر اخبار الاضراب
ـــــــــــــــــــــــــــــــــــــــــــــــــ
شوارع المعادي الجديدة خالية ونصف المحلات مغلقة وتواجد امني كثيف في الشوارع يسالون أي تجمعات من الشباب عن سبب وقوفهم
ـــــــــــــــــــــــــــــــــــــــــــــــــ
الشرطة تتحرك في مجموعات من 5 افراد بالزي المدني مع ضابط بزي الشرطة وتفتش المواطنين المتجهين لمحطتي مترو منشية الصدر وكوبري القبة والدمرداش
ــــــــــــــــــــــــــــــــــــــــــــــــ
الشوارع خالية تماما في حدائق القبة وغالبية المحلات مغلقة وبوكسات شرطة تمر وتنادي على اصحاب المحال الساكنين بالمنطقة لفتح محلاتهم
ـــــــــــــــــــــــــــــــــــــــــــــــــ
تم تأجيل الامتحانات ببعض المدارس لان المدرسين شاركوا بالاضراب
ــــــــــــــــــــــــــــــــــــــــــــــــــ
شهود عيان: شوارع كبرى بالقاهرة والاسكندرية خالية ومعظم المحلات مغلقة ومواقف الميكروباص خالية وسيولة بالمرور ونسبة غياب كبيرة للموظفين
ــــــــــــــــــــــــــــــــــــــــــــــــــ
القبض على أحد الأمهات التي جاءت للمشاركة في الإضراب في ميدان التحرير وترك طفليها وحدهم في الشارع
ــــــــــــــــــــــــــــــــــــــــــــــــــ
فتيات الجامعة الأمريكية المقبوض عليهن وقفوا امام اسماعيل الشاعر بارغفة خبر يقضمونها ويبصقونها احتجاجا على رداءة الرغيف فقبضت عليهم الشرطة
ــــــــــــــــــــــــــــــــــــــــــــــــــ
القبض على مجدي أحمد حسين وضياء الصاوي وعدد من نشطاء حزب العمل بمصر القديمة
ــــــــــــــــــــــــــــــــــــــــــــــــــ
اسماء جديدة للمقبوض عليهم من البورصة - المدون احمد بدوي ومحمد فؤاد ومحمد عبد الوهاب - وسارة فكري وسارة عبد الرزاق من ميدان التحرير -محمد علي محمد سلامة محمد محمود احمد فوزي حازم المليجي رامي يحي عبدالله عبد الناصر هيثم عبد النبي مجدي احمد حسين محمد عواد
ــــــــــــــــــــــــــــــــــــــــــــــــــ
قوات الامن تعتدي بالضرب على ثلاث فتيات من الجامعة الأمريكية وتلقي القبض عليهم والقاء القبض على عدد من نشطاء الغد من ميدان التحرير وطلعت حرب
ــــــــــــــــــــــــــــــــــــــــــــــــــ
اسماعيل الشاعر يجلس في ميدان التحرير بنفسه مرتديا ملابس مدنية وتشويش واضح وضعف في اتصالات المحمول في ميدان التحرير برغم كل محطات التقوي
ــــــــــــــــــــــــــــــــــــــــــــــــــ
القبض على حوالي ثمانية نشطاء من قهوة البورصة والقهاوي المحيطة وهم الان في سيارة ترحيلات ومنهم محمد عواد واسراء عبد الفتاح وشادي العدل وحازم
ــــــــــــــــــــــــــــــــــــــــــــــــــ
مصدر في وزارة الداخلية - 900 سيارة أمن مركزي في شوارع مصر اليوم - بدء العمل المنتظم بالوردية في مصانع المحل
ــــــــــــــــــــــــــــــــــــــــــــــــــ
اعتقال المدون احمد الجيزاوي والامن يجبر عمال المحلة على العمل بالضرب وانباء عن اعتقالات في صفوف العمال
ــــــــــــــــــــــــــــــــــــــــــــــــــ
قوات كثيفة من الشرطة على رصيف قطار محطة المحلة الكبرى
ــــــــــــــــــــــــــــــــــــــــــــــــــ
خبر مؤكد - قيادات العمال تعلن الغاء اضراب المحلة واحمد السقا يوقف تصوير فيلمه اليوم تضامنا مع الإضراب
ــــــــــــــــــــــــــــــــــــــــــــــــــ
يوجد تجمع من حوالي خمسون شخصا أمام هارديز ميدان التحرير ناصية الجامعة الأمريكة
ــــــــــــــــــــــــــــــــــــــــــــــــــ
قسم شرطة الشيخ زايد يرفض تحرير محضر باختطاف الشرقاوي وينفي وجوده في حجز القسم
ــــــــــــــــــــــــــــــــــــــــــــــــــ
امن بملابس مدنية يسيطر على بوابات مصانع المحلة ويمنع تجمع العمال
ــــــــــــــــــــــــــــــــــــــــــــــــــ
القبض على الناشط فتحي فريد وتهديد كل من يقف في ميدان التحري
ــــــــــــــــــــــــــــــــــــــــــــــــــ
شهود عيان: محمد عبد القدوس كان بيشتري جرايد في ميدان التحرير تم جرجرته وخطفه في سيارة
ــــــــــــــــــــــــــــــــــــــــــــــــــ
عاجل - القبض على محمد الأشقر من مكتبه الهندسي بالجيزة
ــــــــــــــــــــــــــــــــــــــــــــــــــ
تم الحصول على الاخبار السابقة من مدونة
مصر ديجيتال
بتاعت وائل عباس

على فكرة انا مش حضيف
اى تحديث يحصل لاخبار الاضراب من مدونة وائل عباس
لو عاوز تتابع ادخل البلوج بتاعة
بس متنساش العبد لله فى التعليقات
ــــــــــــــــــــــــــــــــــــــــــــــــــ
فى اسكندرية دى بقى حصرى عندى انا
قوات الامن المركزى فى كل مكان
و حالة من القلق و التوتر فى البيوت داخل اسكندرية
مع هدوء نسبى فى شوارع الاسكندرية
على غير المعتاد
يعنى فى ناس كتيير مضربة
و منزلتش
انا نازل تانى دلوقتى و ححاول اعرف اخبار الاضراب
فى المنشية عند الحقانية
_________________
وده كمان من ضمن الحصرى
______________
إستمرار عمليات القبض العشوائى ، وتعذيب ثلاثة منهم (بقسم شرطة المنشية )
القاهرة:
محمد عبد القدوس من أمام بائع الجرائد.
محمد الشرقاوي من الشيخ زايد.
محمد الأشقر من مكتبه .
فتحي فريد من ميدان التحرير.
رامى يحي ميدان التحرير،
بهاء صابر .
محمد على .
أحمد الجيزاوى
احمد عبد الجواد
أحمد بدوى .
اسراء رشيد .
شادى العدل .ِ
محمد فؤاد
محمد عواد
سارة عبد الرازق
سارة فخرى
احمد الهوارى
عمر احمد
ضياء الصاوى
مجدى حسين
محمد حمد
إبراهيم فؤاد .
أحمد محمد السيد
محمد سطوحى
عبدالله يحى
غادة محمد جميل
علا كمال محمد
كما تم القاء القبض على عشرون شابا جارى حصر اسمائهم ، ويتم ترحيلهم الى معسكرات الامن المركزى.
وبالأمس ألقى القبض على مالك مصطفى سوف يعرض على النيابة اليوم، أما أكرم ايرانى ، و حسن عبد الله ،و احمد سعيد فتم عرضه بالأمس على نيابة مصر القديمة وتقرر عرضه مرة أخرى صباح اليوم ،وحالياً تم القبض على .

الإسكندرية


تم القبض على
محمد الوسيمى - وكيل حزب الغد
نجلاء فوزى وكيل حزب الغد .
احمد عراقي نصار
، قطب حسانين
، احمد ماجد
، السيدة احمد فوده

كما تم القاء القبض على 25 مواطن بالاسكندرية وجارى حصر اسمائهم
وتم الإفراج عن ( جانيت عبد العليم – وهديل محمد خاطر – أحمد عزت )

مظاهرتين طلابتين بجامعتى حلوان والقاهرة تندد بارتفاع الاسعار، ومظاهرة ثالثة بجامعة المنصورة، ووقفة احتجاجية لعمال طرة الاسمنت من الواحدة والنصف حتى الثانية.

وتم القبض على - سامح حسانين بلطيم

ــــــــــــــــــــــــــــــــــــــــــــــــــــ
الاضراب ناجح فى اسكندرية بنسبة 99 %
المحلات مغلقة
و الاسواق كذلك
و مفيش اى عملية بيع و شراء
الا بنسب قلية
ـــــــــــــــــــــــــــــــــــــــــــــــــ
اضافة للحصريات
الصور دى لبعض اهم الشوارع فى اسكندرية
فى الايام العادية الشوارع دى بتكون زحمة
و صور لمحلات مغلقة
التصوير باوقات مختلفة طوال اليوم



ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الصور اللى جاية بقى
من مدونة مصر ديجيتال
بتاعت وائل عباس
من تصوير
الزميلة المدونة شاهيناز عبد السلام
والتي واجهت مصاعب كثيرة هذا اليوم
منها محاولة الأمن مصادرة تليفونها المحمول وكاميرتها الديجيتال ولكن الله سلم
صور للقاهرة


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اما بقى الصور اللى جاية دى
من مدون زميل
بس للاسف
مش عارف اسم المدونة بتاعتة
اللى اعرفه
masterx00@gmail.com
ــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــ
فيديو للى حصل فى المحلة
حسبنا الله و نعم الوكيل
بهدلوا الناس منهم لله



ـــــــــــــــــــــــــــــــــــــــــــــــــــــــــــــــــــــــــــــــــــــــــــ
ودى كمان صور للمحلة و الجرائم اللى حصلت
هناك فى حق الناس



















ـــــــــــــــــــــــــــــــــــــــــــــــــــــــــــــــــــــــــــــــ
تحديث اليوم 7/4/2008
ـــــــــــــــــــــــــــــــــــــــــــــــــــــــــــ
صور لثلاثة من الذين تم القبض عليه امس

( من اليمين : حسن عبد الله - أحمد دومة - أكرم الإيرانى )
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الصور دى من موقع حزب العمل
و هى لعساكر الامن الركزى يحاولون
تحطيم زجاج احدى المدرعات
ليتم اتهام المتظاهرين بهذا العمل



ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وده فيديو لبعض اللى حصل فى القاهرة
تصوير الزميلة المدونة شاهيناز عبد السلام
صاحبة مدونة بنت مصرية
و تم الحصول على هذا الفيديو من مدونة
الوعى المصرى
بتاعت وائل عباس


تابعونا لدينا المزيد


51 قول و لا يهمك:

Desert cat يقول...

مازلت متابعه مع حضرتك الاخبار

مواطن مصرى نايم يقول...

Desert cat
شكرا على الزيارة و التعليق
و ان شاء الله احوال اجيب كل الاخبار
تحياتى ليكى
و ربنا يجبر بخاطرك على التعليق رفعتى من معنوياتى
كله يدخل يقرا و ميعلقش
شكرا ليكى

أم أحمد يقول...

مبسوطة مش عارفة ليه ؟
انا عارفة تلاقي مدونتك متراقبة ... بس مش قادرة اداري فرحتي حتي لوالإضراب خفيف المرة دي بس حسيت بأمل .. واننا شعب مصر ممكن نبقي ايد واحدة
تحياتي الطيبة

مواطن مصرى نايم يقول...

ام احمد
تحياتى ليكى
انا برضوا فرحان جدا
و فعلا احنا نقدر نبقى ايد واحدة
انتى عارفة الشوارع فى اسكندرية فاضية
انا حنزل الصوز دلوقتى عشان تشوفوا
تحياتى ليكى و شكرا على الزيارة و التعليق

غير معرف يقول...

تعليق بسيط بخصوص موضوع الإضراب يوم ٦ أبريل.... أول مرة طرحت الفكرة دي والمناقشات حولها كانت في مدونة وائل عباس الوعي المصري وتحديدا في بوست صور قتيل جزاري الشرطة الطفل وبدأت يوم ١٥ أغسطس من العام الماضي بفكرة بإمضاء أنا المستقبل والأمل وتوالت المناقشات في نفس البوست بعد ذلك ولازال البوست والتعليقات موجودين .... وشكرا

مواطن مصرى نايم يقول...

زيزو باشا
رغم انى عارف انك وائل عباس حبيبى
لكن مش مشكلة يا وائل زيزو باشا
لكن شكرا على التعليق و الزيارة
بس كنت سبت الرابط بتاع الموضوع كمان
تحياتى ليك يا جميل

غير معرف يقول...

أحب بس أقولك إن أنا مش وائل عباس ولا وائل عباس هو زيزو باشا وعموما شكرا لك

مواطن مصرى نايم يقول...

يا زيزو
سواء انت وائل و الا زيزو
مش حتفرق
المهم انك شرفتنى بالزيارة
تحياتى ليك يا زيزو ياللى مش وائل عباس

Asmaa mahaba يقول...

اذا كان الاضراب نجح 99 فى المائه فقد نجت الحكومه فى اعتقال المصريين بس والله الغلطه غلطتنا لو 10 مليون بس كانوا خرجوا كانت حتبقى ثوره
جاتنا خيبه
سومه_87

مواطن مصرى نايم يقول...

يا سومة اللى خرجوا كتيير برضوا
و الحمد لله على كده
حسينا ان الشعب لسة بيحب مصر
و ممكن نكون ايد واحدة
تحياتى ليكى

NoNa يقول...

موقف كويس جدااااا

انا مشاركتش فى الاضراب

بس كويس ان حصل كدة اهو ناس تعبر على الفى نفسها

ربنا يستر

مشكور جداااا على موضوع والتغطية الجميلة دى

مواطن مصرى نايم يقول...

nona
تحياتى ليكى
ربنا يخليكى على المجاملة
انا اللى خلانى اتابع كده
انى بجد نفسى البلد وضعها يتغير
و الحمد لله
ــــــــــــــ
على فكرة انا بعت لك الرسالة فى المنتدى

only spot يقول...

سلام عليكم
احيك على ها التغطيه ويعنى كنت اتمنى الاضراب يمشى بنفس الكيفيه الى مشى بيها فى الاسكندريه والقاهره لكن المجازر الى حصلت بالمحله دى بجد حرام من كل الجهات
تحياتى

zOzO يقول...

السلام عليكم
اولا انت مشكور علي كل المجهود ده
بجد مشكور جدا
مش عارفه اقولك ايه بس اللي حصل في المحله ده مجزره والله
في ايه هو احنا في فلسطين ولا ايه
يارب علي الظالم بجد والمفتري
واحنا معاك متابعين

أشرف حمدي يقول...

ايه ده ؟؟؟ ده في مصر ولا اسرائيل الكلام ده ؟؟؟ الصور دي في مصر ؟؟؟
أمال ايه التعتيم الإعلامي المقرف اللي حصل ده ؟ أنا امبارح طول اليوم قاعد في البيت بتابع الأخبار وماكنش فيه حاجة ، ومعتز الدمرداش عمل أهبل وماقلش كلمة واحدة عن الإضراب واتكلم عن الخماسين والجو وحوار على الهاتف مع خبير الأرصاد وحاجة مسخرة ، والعاشرة مساء كانت التغطية واهية جدا وغير جديرة بالبرنامج ، وكمان سمعت في أكتر من قناة مصرية وعربية عن خبر : فشل إضراب السادس من ابريل ، بجد جالي احباط شديد وفضلت مطبق لحد الصبح أحرق في نفسي ، الحاجة التانية اللي لاحظتها ان عدد الزيارات في مدونتي تضاعف فجأة امبارح واليومين اللي قبليها دون سبب واضح إلا أن يكون الأمن مراقب المدونة .
بجد شكرا جدا علي التغطية وتوضيح الصورة
ربنا معاك

أشرف حمدي يقول...

انا لسة مش مستوعب ، هو الإضراب نجح ولا فشل ولا ايه اللي حصل بالظبط ، بس اللي فاهمه ان الأمن قدر يحبط أي مظاهرات أو ثورات في القاهرة والاسكندرية ، وكان أي اتنين ماشيين مع بعض امبارح يتم توقيفهم وسؤالهم عن وجهتهم ، انا شايف ان ماعدش ينفع يتعمل مظاهرات في التحرير ، لازم المظاهرة تبدأ من حي شعبي أو منطقة عشوائية وتتجه للتحرير ، عقبال ما توصل هناك تكون جمعت مائة ألف شخص على الأقل وساعتها لا أمن حينفع يقف قصادها ولا الجيش نفسه يقدر
وشكرا بجد كمان مرة على التغطية والمتابعة والمجهود الكبير المبذول في البوست ده
تحياتي

مواطن مصرى نايم يقول...

zozo
تحياتى ليكى شكرا بجد على التعليق
اللى حصل فى المحلة دا جريمة والله
جريمة بكل المقاييس
الناس بتموت
بس ده دليل ان الاضراب نجح
شكرا على المرور و التعليق
تحياتى ليكى

مواطن مصرى نايم يقول...

دكتور اشرف
بجد تحياتى ليك
بس اللى يقول ان الاضراب نجح
كل الصور دى
انت عارف لو الاضراب نجح فى المحلة بس
برضوا يبقى نجح
انت شايف الصور
حرب مجزرة مش اعتصام و فض اعتصام
اسكندرية انا حاطط الصور دى
لمناطق فى الطبيعى انها
بتكون مزحومة
زى الشاطبى و الازريطة
الشوارع فاضيه خالص يمكن الصور موضحة شوية
و القاهرة اهوه زى ما انت شايف
الصور الاولانية
تصوير المدونة شاهيناز عبد السلام
صاحبة بلوج بنت مصرية
يعنى مش صور امريكانى
و الصور بتاعت اسكندرية انا اللى مصورها
و اللصور اللى تحت برضوا واثق فى المصدر
و الفيديو و كل حاجة
و صور المحلة
كله كله
و التعتيم الاعلامى كان مقصود فعلا
و عشان كمان معرفوش يعملوا التغطية
للاحداث
انت عارف
لو اللى فى الصور بس هما اللى كانوا مضربيين يبقى الاضراب نجح برضوا
و الحمد لله على كل حال
تحياتى ليك يا دكترة

مواطن مصرى نايم يقول...

only spot
تحياتى ليكى بجد
يا ريت فعلا كان حصل كده
احسن ما الناس كانت تموت
زى ما الصور موضحه
بس قدر الله و ما شاء فعل
الحمد لله
تحياتى ليكى على الزيارة و التعليق

Ahmed Al-Sabbagh يقول...



رااااااااائع

تغطية جامدة جدا جدا

ايه يا بنى الجمال ده

وكمان وصلت للمعادى الجديدة

طيب ما جبتش ليه التغطية جوا بيتنا ههههه

لا بجد تسلم ايدك من اروع التغطيات

انا همررها لصحابى

تحياتى لك

احمد الصباغ

مواطن مصرى نايم يقول...

ربنا يخليك يا ابو حميد يا جميل
تحياتى ليك
بس اوعدك الاضراب الجاى ان بيتكوا حيكون
اول حاجة فى البوست
هههههههههههه
تحياتى ليك

واحد من البلد دى يقول...

والله أنا ماعرفتش موضوع الإضراب ده غير إمبارح العصر.:كان فيه واحد بيضرب مراته وصوتهم كان جايب أخر الشارع.والناس اتلمت .ولما سألوه على السبب...قال ...الله.إنتوا رجعتوا فى كلامكوا والا إيه...مش النهاردة إضراب ...قالولوا ..أيوه...قالهم..خلاص يبقى أضرب زى ما أنا عايز.......وبعيدا عن صاحبنا ده ومفهومه..أحب أقول إن الأهم من الإضراب .إننا نفهم الناس الأول يعنى إيه إضراب..والله العظيم فيه ناس كتيرة أوى ماتعرفش معناه...عاملين بالظبط زى (أمينة)مرات (سى السيد)فى الثلاثية.لما إبنها كان عايز يطلع مدرس وأبوه مش راضى .وعلشان يخليها تقنع أبوه.قالها يا أمى ده أحمد شوقى بيقول(كاد المعلم أن يكون رسولا)...عارفين قالتله إيه؟؟؟؟؟؟؟؟؟؟عليه الصلاة والسلام................وسلام

مواطن مصرى نايم يقول...

علية الصلاة والسلام
بس لعلمك يا خال
و الله الناس اللى ما كنتش عارفة معنى الاضراب
هى السبب الرئيسى ان الاضراب ينجح
و هما دلوقتى عرفوا معنى الاضراب
المهم انه نجح
الحمد لله

مهندس مصري بيحب مصر يقول...

الله ينور تغطية مية مية

مواطن مصرى نايم يقول...

مهندس مصرى
بجد ربنا يكرمك
مش اقل من تغطيتك للموضوع برضوا
تحياتى ليك على التعليق و الزيارة

موناليزا يقول...

أشكرك جدا على هذا المجهود وهذه المعلومات انا كانت معلوماتى على اللى حصل فى المحلة وبس لدرجة انى شكيت فى الاضراب على مستوى الجمهورية وفكرته محصور فى المحلة وبس
ربنا معانا ويارب تعبنا ييجى بفايدة
فى انتظار الباقى

ghoneem يقول...

اهلاااابيك

ماشاء الله مجهود متميز بس الفوضي دي مش كويسة
المحلة بقت ضلمة وعلي فكرة عمال الغزل معملوش أكتر من الاعتصام بس الامن ضرب فيهم فكل المحلوية ولعوها
صاحب مطعم البغل ده مشغل عمالة كتير ومأكل المحلة واللي حواليها كمان كل محلاته اتدمرت
المحلة متبهدلة بجد انا رايي ده مش كويس خالص وأكيد مش يرضي ربنا
زي اللي بيعملوه فينا لا يرضي ربنا ايضااا

ربنا يهدي حكامنا ويحفظ رباط الامصريين ليوم الدين

تحياتي

بالتوفيق......

الشريف / جمال طة يقول...

الى المواطن المصرى اليقظ الصاحى قووووووووى

شكرا لزيارتك لمدونتى وشكرا لتضامنك وشكرا لمشاعرك وكذا شكرا على اسلوبك المهذب والمحترم متمنيا دوام التواصل وهذا رقم تليفونى أكون سعيد جدا بسماع صوتك
ت / 0104710778

مواطن مصرى نايم يقول...

monaliza
شكرا ليكى
و ان شاء الله تعبنا حيكون بفايده
بس يا رب ميقولوش لنا
مش انتوا عملتوا اضراب
طب احنا كمان حنعمل اضراب
و مفيش فلوس و لا اى حاجة
و الاسعار حتغلى
و حنطلع عنيكوا
و كل ده يعنى
ربنا معانا
تحياتى ليكى
دائما مشرفانى بالزيارة اشكرك جدا

مواطن مصرى نايم يقول...

ghoneem
اشكرك غنيم على الزيارة
و فعلا عندك حق مكنش المفروض يحصل كده
بس الحكومة هى اللى اجبرتهم على كده
و الا انت شابف غير كده

مواطن مصرى نايم يقول...

الشريف / جمال طة
تحياتى ليك
و ربنا معاك
و ان شاء الله حقك يرجع لك
انا بجد حزين على اللى بيعملوه مع المصريين
و لعلمك الكلام ده بيحصل مع المصريين بس
بس كل اللى نقدر نعمله
اننا نحاول
و اولا و اخيرا قدر الله و ما شاء فعل
و إن شاء الله حكلمك فى اقرب فرصة
تحياتى لك
و ربنا معاك

ghoneem يقول...

مواطن مصري

انا موافق ومعاك بس دي كارثة
اللي حصل في المحلة مهزلة بكل الصور
وللاسف محدش بيعبرهم ولا فيه مسئول حتي فكر يروح المحلة
انا مش موافق علي سياسة الحكومة وبردو مش موافق علي اللي بيحصل ده

لازم هدوء في الوقت ده الناس متبهدلة
وكلهم عيال وشباب سهل اثارته واهي خناقة وكلنا بنضرب في الظبط والعساكر وادينا بنلعب ونسلي نفسنا

هوة العيال الصغيرة شايفة لسة مشاكل ايه ؟؟؟؟؟؟؟؟؟؟

ياريت تفهم قصدي
انا متفق مع الاضراب وترك المشاكل بدون حل لازم يبقي ليه نهاية
بس كدة هتبقي فعلااااا النهاية
نهاية كل شئ

تحياتي

بالتوفيق

مواطن مصرى نايم يقول...

ما انا بقولك
انى مش موافق على اللى حصل
و لعلمك العساكر دول غلابة جدا
لان فى منهم اللى من المحلة
و بيضرب فى اهل بلده
بس هو عبد المأمور
العيال الصغيرة دى
بتشتغل فى المصانع اللى فى المحلة
اغلب اللى كانوا فى اللى حصل امبارح كانوا العمال
و الا صورة الست اللى بتحدف الحجر دى
اكيد حاجة كبيييييييييرة
هى اللى دفعتها لكده
لعلمك انا مش ضد كل الحكومة
يعنى رغم ان الكهربا اسعارها ارتفعت
لكن الوزير حسن يونس
وزير كفئ و محترم
لكن اهو لو الحكومة اتشالت واحد زية حيتاخد فى الرجلين
و الحمد لله على كل حال
شكرا لك غنيم
تحياتى لك

غير معرف يقول...

"السلااااااام عليكم يانايم
اوعى اكون صحيتك والله لو في ازعاج امشي عادي انا كمان بتخنق من اللي يصحيني من النوم
بس انا من رأيي كفاية نووم بئى العملية ابتدت تولع أهه
تغطيتك هايله بجد وياريت يكون كل يوم اضراب عشان نشوف صحفيين كويسين زيك كده

صورك اول مره اشوف منها حاجات فعلاً
وبصراحة اللي حصل فالمحلة شئ هايل بس السواق بتاع القطر مالوش ذنب والله

بس سيبك انت الحكومة خايفة وياحنا يا انتي ياحكومة فالبلد دي

تحياتي ............

هروح أنشر الغسيل وأجي اكمل رغي بعد اذنك حتى تكون فوقت انت من النوم"

v
v
v
v

نااااااايم
انا طلعت انا اللي نايمة ومسطولـــــة كمان التعليق ده كان المفروض على البوست ده بس انا الحول مسكني وحطيته فالتاني ليه معرفش

تقريباً ده نتيجة الاضراب ماعلينا

المشبك وقع يانايم وانا بنشر وزعلت عليه اوي الواحد مش لائي عيش ولا مشابك فالزمن ده

مواطن مصرى نايم يقول...

يالا مش مشكلة خيرها فى غيرها
انا قولت انتى مش عاوزة تعلقى على
الموضوع اللى فيه التغطية خايفة تكون المدونة متراقبة زى ما فى ناس قالتى كتيييير
بس برضوا مش مشكلة
المهم انك زورتينى
دى اهم حاجة عندى
حتى و الله من غير تعليق خالص
و تحياتى ليكى
و حافظى على المشابك
حتغلى و بعد كده يكون فى اضراب عشان المشابك

بنوته مصرية يقول...

الله بجد تغطية جميلة جدااا


وانا بشوف الصور اكن بشوف صور يوم سقوط العراق والله

الحكومه في منتهي الغباء

حسبي الله ونعم الوكيل في نظيف واعوانه

بهدل الشعب وخرجه برا شعورة

الحرب علي الابواب شكلنا هنبقي زي العراق هنضرب في بعض

بس بجد اهل المحلة رجاله بجد

وبجد انا مبسوطه اني المصرين صحيو من النوم
اعبالك انت كمان
ههههههههه

تحياتي
رودي

مواطن مصرى نايم يقول...

ههههههههههههههه
تحيياتى ليكى بنوتة مصرية
و الحمد لله ان التغطية عجبتك
و انا خلاص اهو بحاول اصحى يعنى
بس لسة مدروخ شوية
و تصبحى على خير
قصدى تحياتى ليكى

Zianour يقول...

جهد رائع يا مواطن وانا منذ اول امس مع النت لان الاعلام خلاص كل عام وانتم بخير وفعلا شفت لصور دي في الوعي المصري ويللا نفضحهم
ربنا يوفقك
زيانور

مواطن مصرى نايم يقول...

ام نور
ربنا يخليكى
و شكرا على الزيارة
بس لعلمك الصور مش كلها وعى مصرى
فى حاجات كتير مجهود العبد لله
زى صور اسكندرية
انا ضيفت بتوع الوعى المصرى عشان صور من القاهرة
و انا فى اسكندرية
الحمد لله ان الموضوع لامم كل حاجة
اسكندرية القاهرة و المحلة
و تحياتى ليكى
و سلمي لى على نور و زياد

غير معرف يقول...

يانهارك ابيض
دى تغطية ولا بتاعت السي ان ان
بجد مجهودك موضع فخر واعجاب
دى اول زياره ليا واكيد مش الاخيره
----
بالنسبه لحلقة الناس وانا
انا باعتبرها نقله بالنسبالى اكتر من اى حد تانى
يكفى انها اول مره الناس تمزج بين خيال ماكانتش عارفاه وواقع ملموس قدامها
حسيت ان بلوجر من لحم ودم مش مجرد وصلات واسلاك ونت
---
اللى كانوا فى الحلقه على الترتيب
من ناحية حسين فهمى للآخر
خالد الصاوى
عاليا حليم
ياسر حسين
انا
بنت بلد
البراء أشرف
ايمي
ودكتور اشرف حمدى
دى فرقة المجاهدين بتاعتنا
وطبعا اكيد لو كان عندى الفيديو الكامل ماكنتش بخلت بيه عليك
تصور انى لحد دلوقتى ماشفتنيش ولا مره؟؟
والنسخه اللى ماليه النت اللى نزلها ياسر حسين مضروبه والجزء بتاعى مش موجود فيها
بحاول اكلم معدى البرنامج يمكن يلحقونى بس ماحدش عنده
بليز لو لقيتنى تبقى تقولى
:)

غير معرف يقول...

ايه ده اضراب على المشابك ده انا بوقع مشابك بديني يانهااااااار
كويس انك قولتلي هاخد بالي بعد كده
بس مش مشكلة كده كده بتقع في جنينة البيت يعني ممكن ابئى انزل اجيبها محدش هيقربلها

شكراً عالمعلومة يارايق وعن اذنك هروح بئى اطبع المنشور بتاع خافوا عالمشابك
عشان احذر الناس

مدونتي باظت يارايق
عاااااااااااااااااااااااااااااا

مواطن مصرى نايم يقول...

وينكى
بجد لو تشوفينى دلوقتى
انا فرحاااااااااااان
جدا جدا جدا
انك دخلتى البلوج بتاعى
بجد و الله مش مجاملة انا بعزك جدا والله
و بعدين حلقة الناس و انا
زى ما هى نقلة بالنسبة لك
هى اهم خطوة بالنسبة لى
هى بدايتى فى التدوين
و الحمد لله
انى ربنا وفقنى
و بإذن الله
اول ما الاقيكى حقولك
انا عندى الفيديو بتاع الفنان ياسر حسين
و حدور لك فى اى حتة على الفيديو الكامل يا رب الاقية
بجد شكرا ليكى

مواطن مصرى نايم يقول...

نورة
خلى بالك كمان من المشابك الخشب اكتر من البلاستيك
اصل الخشب حيغلى اكتر و اكتر لسه
و بجد انا بقيت بستنى تعليق منك
دمك خفيف جدا جدا
ديما كده منورانى
تحياتى ليكى

mohamed يقول...

ياه الواحد كل ما بيدخل مدونة ويلاقي كلام ع الاضراب وكل ما يمشى فى الشارع ويلاقى الناس بتتكلم ولا بتخافش بيحس بفرحة كبيرة قوى

مواطن مصرى نايم يقول...

محمد شكرا على الزيارة والتعليق

و زى ما عمنا صلا جاهين قال
ــــــــــــــــــــــــ
سمعت نقطة ميه جوه المحيـــــــط

بتقول لنقطه ما تنزليش في الغويط

أخاف عليكي م الغرق .. قلـــــت أنا

ده اللي يخاف م الوعد يبقي عبيط

عجبي !!!

غير معرف يقول...

عارف يانايم وانا صغيرة ده بجد والله مش بهزر

كنت اقف مع ماما وهى بتنشرالغسيل قال يعني بساعدها واقعد اكسر فالمشابك واطوحها من البلكونة

كنت مؤذيه اوي وانا صغيرة الست بصراحة كان بيبئى نفسها ترميني ورا المشبك

مواطن مصرى نايم يقول...

هههههههههههه
انتى موضوع المشابك دا
ممكن يعملك عقده
انا بقى عمرى ما رميت مشبك و انا صغير
كنت بكسرهم بس

هههههههههههههه

غير معرف يقول...

ياسلام
كل ده عشان اول مره زياره؟؟
هانشوف هاتعمل ايه لما تلاقينى بانطلك كل شويه
بجد مدونتك خطيييره

مواطن مصرى نايم يقول...

وينكى
يا سلام وينكى تانى مرة
يا لاالهول
و كمان بتقولى حنطلك كل شوية
يا سلام
دا انا اكون اخر ظأططه
ربنا يخليكى يا وينكى
و يخلى لك القلم الطويل اللى فى الصورة
بتاعت البروفيل

غير معرف يقول...

هههههههههه
والله انت شكلك مشكله
مستنيه تغطيات جديده
:)

مواطن مصرى نايم يقول...

وينكى تالت مرة
counter على اساس ان انا مركب
لزياراتك بس
هههههههههههه
دا مشكلة دى
(حاجة صغنونة من غير فذلكة)
دا انا حغطى لك كل حاجة طالما التغطيات هى اللى بتجيبك هنا
دا انا حشترى بطنية للبلوج
و حغطيه كله
و الله يا وينكى اخجلتم تواضعنا
بس البوست الجاى مش حيكون تغطية دا حيكون الموضوع بتاع الناس و انا
ان شاء الله

الزباين

الزباين و يا رب ابعد عننا الضرايب