الجمعة، 4 أبريل 2008

اضراب عام لشعب مصر

انا مضرب يوم 6/4/2008
و مش حشترى اى حاجة ولا حروح الكلية
و يا ريت تساعدونا
و تعملوا كده





facebook الجروب بتاع الاضراب على


عامل شغل جامد


حيبعتوا خطاب اقروا دا جزء منه


ــــــــــــــــــــــــــــــــــــــــــــــــــــــــــــــــــــــــــ


بسم الله


السيد الرئيس/ محمد حسني مبارك - رئيس الجمهورية


السيد رئيس الوزراء/ أحمد نظيف


السيد وزير التنمية المحلية/ محمد عبد السلام المحجوب


السيد الوزير / حبيب العادلي - وزير الداخلية


نقدم لسيادتكم هذا الخطاب نحن مواطنون مصريون انهكتهم الظروف المجتمعية للبلاد في هذه الآونة نود أن نوجه عناية سيادتكم - وأنتم أعلم منا وأوسع منظوراً للوضع الراهن للمجتمع ببلدنا الحبيب مصر – إلى انه على الرغم من نشاة كل منا واختلاف الطبقات الإجتماعية والشرائح الثقافية ما بيننا تفاوتا صريحاً، قد اجتمعنا جميعاً على شعور بالوهن مترتبا على ما تمر به من الوضع الراهن للبلاد نحن وأغلبنا من ابناء الثلاثون عاما الماضية قد احسسنا بامس الحاجة بالحنين لهذا الوطن– ونحن ابناءه – ولا اكثر ، فرغم كل ما يجتاح ابناء جيلنا خاصة من أزمات معيشية وحياتية بل ومعنوية إلا اننا نحتفي بانتمائنا لهذا البلد مصر.فقد كنا اول المحتفين بها على كل المستويات وابرزهم المستوي الرياضي حيث خرجنا جميعاً لنعبر عن مشاعرنا هذه ونظهرها للعالم اجمع ( كم نحن فخورون بهذا البلد – مصر ) ، سيادة الرئيس ،السادة الوزراء لكم تمنينا ان تزول كل أزماتنا وتنفرج فى ظل التقدم العالمي – فنحن جيل نعلم اننا نستطيع فعل الكثيرلأجل هذا الوطن كطاقة شبابية. لكن طاق بنا الوثاق حتى اصبحت الحياة مريرة مؤلمة فلا نشعر إلا ان احوالنا تسوء وما تلبث أزمة ان تسكن – مؤقتاً – حتى تظهر اخرى اعظم منها ثم تعود الأول ادراجها تدريجياً.نحن مواطنون مصريون - دون ايه انتماءات إلا لمصر - نحب هذا البلد قبل انفسنا ونريد لنا جميعا الكرامة والصدارة ونحن نعلم ان هذا هو هدفكم ايضا، سيادة الرئيس غن ما ندعو اليه بيوم 6 إبريل ليس كما يحاول البعض تشويهه بإطلاق العصيان المدني تعريفا له، بل هو احتياج للتعبير عن شعور يقاتل داخلنا للخروج ، للإعلان عن هوية شعب يريد لهذه البلد العزة والكرامة بأيدينا جميعاً.بهذا اليوم اتفقنا على حب مصر وعلى الإعتراض على قوى الفساد التى بدأت تستشري في مجتمعنا من تلاعب وتحايل فما نحاول إلا ان نضع ايدينا على بعص نقاط ضعف نراها بمجتمعنا آملين ان نستطيع حلها سويا في اطار تعاون مثمر فعال بين الشعب والحكومة في سبيل مصر أفضل للجميعالبعض منا رآى مقاطعة الشراء
والبعض التوقف عن العمل إظهارا لمحاولاته في إيجاد معيشة أفضل والبعض راى الإعتصام بالميادين العامه

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ


تقدروا تنضموا للجروب ده



34 قول و لا يهمك:

بنوته مصرية يقول...

يسعدني اني اكون اول تعليق

ان شاء الله وانا كمان مضربة ان شاء الله يوم الاحد

ياريت تبعت الرساله دي لي كل اللي عندك

عجبتني الرساله اووي

تحياتي

zOzO يقول...

تحياتي ليك
دي اول زياره ليا
وان شاء الله مش الاخيره
وان شاء الله نعمل حاجه بالكلام ده
رسالتك عجبتني
تحياتي

مواطن مصرى نايم يقول...

بنوته مصرية
شكرا جدا على الزيارة و التعليق
ان شاء الله ححاول ابعتها لكل اللى اعرفهم
تحياتى ليكى

مواطن مصرى نايم يقول...

zOzO
شكراااااااااااااااا
جدا جدا جدا على الزيارة
و يا رب فعلا متكنش الاخيرة
و يكون البلوج عجبك
و يا رب فعلا نقدر نعمل حاجة
تحياتى ليكى

Nostor Azzuro يقول...

كلنا معاك يا كنج

بس انت غنى واحنا معاك

ويا مسهل

بس على رأى سعد زغلول
مفيش فايدة

بس احنا لازم نعمل اللى علينا وخلاص

سلام وأشوفك يوم الأضراب

NEO

مواطن مصرى نايم يقول...

Nostor Azzuro
يا حبيبى والله انا بحب اشوف تعليقك
انت الكنج يا باشا
و على رأى مصطفى كامل
لا يأس مع الحياة و لا حياة مع اليأس
تحياتى ليك يا جميل

مهندس مصري بيحب مصر يقول...

مضرب ان شاء الله

مواطن مصرى نايم يقول...

مهندس مصرى
ان شاء الله
يا رب كلنا
تحياتى ليك
و شكرا على الزيارة

NoNa يقول...

بجد نفسى الاضراب دة يحصل

كدة كدة مش بشترى حاجة دى حاجة مضومونى الى ممكن اعملها

بس مش مضمون انى كدة كدة هروح الشغل

:(

عشان دة شغل خاص مش حكومى

:(

يلا بقى ربنا معانا بجد نفسى الاضراب يحصل

تانى حاجة مدونة بتاعتك بجد بجد رووووووووعة اوووووى وعجبنى جدااااااااا

بجد عامل فيها حاجات جميلة جداا

ممكن ابقى استغلك واعرف حاجات منك فى بلوج شوية اوبشن ياعنى

مواطن مصرى نايم يقول...

nona
اولا انتى تؤمرى
لو عايزة البلوج ده خدية
من تستغلينى
اللى انتى عايزاه
انا تحت امرك
------------
و يا رب فعلا الاضراب ده ينجح
و كون انك مجبرة تروحى الشغل مش مشكله
هو الاضراب له شكلين
مقاطعة الشراء
او عدم الذهاب لمكان العمل
او الاتنين معا

alshared يقول...

أنا ليه رأي تاني

اللي يخلي الناس تقعد في بيوتها اليوم ده ليه ماتنزلش من بيتها

ليه ما تحصلش مظاهره مليونيه في اليوم ده

ليه مانغيرش نظام الحكم في اليوم ده

الثوره الفرنسيه كان الناس في الشارع
ثورة 19 كان الناس بيتحركوا
ثورة الجياع سنة 77 كانت في الشارع

الشارع هو أصل التغيير
الحركه وليس السكون

الحريه لا توهب ولكن تنتزع

خالص تحياتي

ghoneem يقول...

اهلااااا بيك

ازيك ياباشا انا مضرب مضرب مضرب

بس تفتكر فيه نتيجة من كدة ؟؟؟؟؟
ع العموم انا متفائل جدااااا

انا كتبت شعر لحاكم مصر روح اقراه كدة وقوللي رأيك

تحياتي

بالتوفيق.......

مواطن مصرى نايم يقول...

alshared
اولا ربنا يخليك يا جميل على الزيارة
ثانيا
مين قال انهم يقعدوا فى البيت
اللى عاوز يقعد يقعد
لكن هى اساسا اعتصام
ثالثا هى مش انقلاب زى الثورة الفرنسية
و مينفش فى وقت الشده ان احنا نستعمل الشدة
دا ممكن يؤدى بنا الى طريق مسدود
تحياتى ليك
و ارجو تكرار الزيارة

مواطن مصرى نايم يقول...

ghoneem
اكيد الضراب له فايدة طبعا
العيار اللى مبيصبش بيدوش
و انا رايح حالا اهوه اشوف الشعر يا جميل
تحياتى ليك

Unknown يقول...

أحلى مواطن مصرى مش هيبقى نايم تانى من يوم الاحد 6 أبريل إن شاء الله أنا خدت البانر اللى أنت حاطه حطيته فى المدونة بتاعتى وإن شاء الله أنا مضرب زى ناس كتير وإن شاء الله نقدر نعمل حاجة
تحياتى

مواطن مصرى نايم يقول...

ayman badr
هههههههههههه
يا رب كلنا نصحى
و خد اللى انت عاوزة يا باشا
و ان شاء الله كل مصر تضرب يوم 6
تحياتى ليك يا جميل

Ahmed Al-Sabbagh يقول...




مدفع الإضــــراب .. إضراااااااااب


لما الفسـاد وقــّـفوه حـــارس على وطنى
ولهيب الغلا كوانى .. وحتّ ف بدنى
لما الحرامى سرق منى اللقمة والميه
وسرق هدوءى وسكنى .. حتى من سكنى
لما الحلم حتى اتسرق .. من يومى .. من زمنى
لما النظام نسج - فى عز الشباب - كفنى
أنا قلت هعلن العصيان
فى يوم حزين مـَدنى

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما سألت عالعيش .. قالوا مفيش
وقالو العيش على الأبونية
وسألت عالزيت .. وعزّيت
لما عرفت إن الزيت بتسعة جنيه
وسألت على حديد البُــنا
قالوا الحديد .. خلاص فى كرش البيه

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما البشر والحجر
ووادى النيل ببنى أدمينــــه
لما زمان الوطن بايامة وشهورة وسنينه
لما الصغير والكبير
قالوا كفاية مش عايزينــة
كفاية علينا حكم سنين
تخرج الواحـــــد من دينـه

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما المبيد صبح سرطان
يهرى ف ارضنا .. فى الزرع .. فى مواطن
لما بؤ الميه صبح وسخ داكن
لما خرب الاقتصاد .. واحد على تلـّـــهَ
قاعد وشارب وواكل وساكن
لما الشباب بيصرخ .. فى ذل ومهانة
ولا شغل ولا توظيف ولا شقة ومساكن

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم

تحياتى : أحمد الصباغ



مواطن مصرى نايم يقول...

Ahmed Al-Sabbagh
بجد شرفتنى زيارتك
و القصيدة الجميلة دى يا ابو حميد
روعة بجد
تحياتى ليك

micheal يقول...

يا رب ينجح و لو بدرجه بسيطه...ساعتها ممكن الامور تتطور مستقبلا

مواطن مصرى نايم يقول...

يا رب
يسمع من بؤك ربنا
يا مايك
نفسى المرة دى يحصل حاجة

فرنسا هانم يقول...

وانا كمان مضربه
رغم عدم اقتناعى بنجاح الاضراب
وعدم تفألى بنجاحه
وان كنت اتمنى النجاح
لان نجاح الاضراب معناه اظهار عين الشعب الحمراء للحكومه
وعمل الف حساب للشعب فى المستقبل
اما الفشل معناه
عواقب اكثر وخامه

مواطن مصرى نايم يقول...

فرنسا هانم
نورتى البلوج بجد
انا كمان مش متفائل لكن لازم نعمل اللى علينا
و يا رب ينجح
تحياتى ليكى

rona يقول...

المهم نقدر نعمل حاجه بجد وربنا يوفق

مواطن مصرى نايم يقول...

rona
يا اهلا و سهلا بيكى
و يا رب فعلا نقدر نعمل حاجة
تحياتى ليكى

NoNa يقول...

السلام عليكم

شرا ليك يا محمد على ردك

ربنا يخليك

بجد عجبنى اووى اوبشنات الى انت عاملها

عايزة اعرف عاملها ازى

زى مربع البيجى لما تفتح بلوج

انت ازى مصمم تصميم دة ؟

ازى جبت برنامج شات على يمين

مواطن مصرى نايم يقول...

حاضر انا حكتب لك كل الحاجات دى فى ملف txt
و حرفعه على اى موقع و احط لك الرابط بتاعة فى تعليق عندك فى البلوج

NoNa يقول...

مرسى ربنا يخليك

ممكن ابعتة ليا رسلة خاصة فى منتدى شباب صح

مش انت هناك فى منتدى ؟

اسمك egy

تقريبا انا هناك بى اسم نونا اوك

مواطن مصرى نايم يقول...

اوك حاضر
انتى تؤمرى

أسماء علي يقول...

طبعا في الإضراب
خلاص وبكرة هنعرف كل حاجة
حتى لو ماحصلش حاجة الإضراب ده هيكون بداية
بداية اننا نبطل نُسكت
نبطل نخاف
نعرف إن لينا حقوق نطالب بيها
مش نقول آمين حتى لو على موتنا
...
المدونة عجباني جدا
وبافكر جديا اني
اديها عييييييين ..!

مواطن مصرى نايم يقول...

د\أسماء علي
شكرا جدا على الزيارة
و يا رب يحصل حاجة بكرة
لو حصل فعلا مصر حتتغير
---------------
اما بقى بالنسبة للمدونة
اديها عين عادى مفيش مشكلة فداكى
و لو عاوزانى اوصلهالك لغاية البيت
او ابعتهالك فى البوستة عينى
متغلاش عليكى

غير معرف يقول...

السلااااااام عليكم يانايم
اوعى اكون صحيتك والله لو في ازعاج امشي عادي انا كمان بتخنق من اللي يصحيني من النوم
بس انا من رأيي كفاية نووم بئى العملية ابتدت تولع أهه
تغطيتك هايله بجد وياريت يكون كل يوم اضراب عشان نشوف صحفيين كويسين زيك كده

صورك اول مره اشوف منها حاجات فعلاً
وبصراحة اللي حصل فالمحلة شئ هايل بس السواق بتاع القطر مالوش ذنب والله

بس سيبك انت الحكومة خايفة وياحنا يا انتي ياحكومة فالبلد دي

تحياتي ............

هروح أنشر الغسيل وأجي اكمل رغي بعد اذنك حتى تكون فوقت انت من النوم

مواطن مصرى نايم يقول...

نوره
تحياتى ليكى بجد
اما بالنسبة للنوم
انا شربت اتنين تلاتة قهوه عشان افوق
و فوقت وعملت الموضوع بتاع الاضراب
و الحمد لله انه عجبك
انا بجد اول مرة احس انى عامل مدونة
حسيت انى لى دور لازم اقوم بية
و الحمد لله ربنا قدرنى
و كمان كان فى حاجات حصرى عندى
قبل ما اى مدونة تانية تنزلها
و فى حاجات انا اللى مصورها
و انا المصدر بتاعها
ـــــــــــــــــــــ
اه صحيح
لما تخلصى نشر الغسيل انا مستنى
لو عاوزة مشابك قولى لى ابعت لك عشرين جوز مشابك والا حاجة
تحياتى ليكى

دعاء مواجهات يقول...

طبعاً لازم نقوول ونقوول هو احنا بقى عندنا غير الكلااام

المهم يكون بفايدة

بوست جاااااااامد جااااااااااامد

مواطن مصرى نايم يقول...

دعاء
تحياتى ليكى
و شكرا جدا على الزيارة و التعليق
و اكيد لازم
نقوول
و نتكلم
و ان شاء الله تيجى بفايدة

الزباين

الزباين و يا رب ابعد عننا الضرايب