الجمعة، 31 أكتوبر 2008

مين اللى حيمسك الرياسة يا برعى ؟؟ هه مين

ادخل بكاميرا تلاتة يا برعى
زوووم على وش ابو لهب
---------
فيلم مين اللى حيمسك الرياسة
مشهد الانتخابات
(شادر ابو لهب)
كلاكيت سادس مره
---------
يبدأ المشهد بزوووم من اعلى شادر ممتلئ ببعض الاشخاص.
يقطع ابو لهب الصمت قائلا : دى مش مجرد وعود يا جماعة
انا حجيب لكل واحد موبايلn73
بس اول ما اسمك الرياسة
--------
ينتفض شاب من مكانة طيب و انا حستفاد ايه ما انا معايا موبايل n73
انا كنت عاوزn95
و بعدين البرنامج الانتخابى بتاع الحزب الوثنى
اللى حضرتك يا ابو لهب باشا رئيسه
بيقول ان فى اعانة بطالة للشباب اللى مش لاقى شغل
--------
يقطع احد الجالسين فى الشادر حديث هذا الشاب قائلا
(ابو لهب يا بلاش زى اللحمة فالجلاش)
و ثلاثة من الاشخاص ممن يوصف اشكالهم و يقال
عريض المنكبين شلولح
يأخذوا هذا الشاب و يخرجوه خارج الشادر
--------
يكمل ابو لهب حديثة قائلا
و حجيب لكل واحد جمل جديد موديل 2008
و اللى مش عاوز جمل حجيب له حمار
--------
يقوم احد الجالسين فالشادر هاتفا
(لا تقولى حمار و لا جمل ابو لهب هو الامل)
--------
ابو لهب مبتسماً لا داعى للهتاف دعونا نسرق فى صمت
--------
يقطع هنا المخرج الحوار قائلا
stooooop
ادخل عالشادر التانى يا برعى بكاميرا اتنين
و ادخل زوووم عالساعة اللى فإيد ابو جهل
عشان عاوز اعرف الساعة كام
---------
فيلم مين اللى حيمسك الرياسة
مشهد الانتخابات
(شادر ابو جهل)
كلاكيت اول مره
---------
يرفع برعى الكاميرا من على يد ابو جهل
بعد ان صور الساعة
متجها الى وجه ابو جهل
المرشح الثانى للرياسة
رئيس حزب المد
--------
ابو جهل يبدأ بالكلام قائلا
لو ابو لهب هو اللى حيمسك يا جماعة
يبقى ابنه لهب حيمسك بعده
و احنا لازم نبقى ايد واحدة
ضد ابو لهب و ابنه
--------
يقطع الحديث احد الاشخاص قائلا
(ابو جهل مين اده حط الكلابش ف يده)
--------
يقطع هنا المخرج الحوار قائلا
stooooop
ادخل على استديو اربعة يا برعى و خد معاك كاميرا خمسة
اللقاء التليفزيونى يا برعى
-------
فيلم مين اللى حيمسك الرياسة
مشهد لقاء التليفزيون
كلاكيت اول مره
-------
يخرج برعى بالزووم من جوا بؤ المذيعة
الى بؤ ابن ابو لهب
امين لجنة السياسات فالحزب الوثنى
و هو قائلا دا كل برنامجنا الانتخابى
و هنا تقول المذيعة : استمتعنا بالحوار مع حضرتك
و بعد توضيح البرنامج كاملا
ارجو من كل الشعب التصويت
لابو الاستاذ لهب لرئاسة جمهورية قريش
--------
هنا تسمع ام زعبله توصيه المذيعة
بالتصويت لابو لهب
و مع العلم ان ام زعبله شغلتها
معدده
فقامت بواجبها الوطنى
و قعدت تلطم
فهل انت ستصوت لابو لهب ام ستلطم له هو و ابو جهل ؟؟
سؤال يطرح نفسة
و فى نهاية برنامج الكاميرا الخفية
لو قلت ذيع حنذيع
ESLAM

51 قول و لا يهمك:

كـــيــــــــارا يقول...

اوووول تعليق

كـــيــــــــارا يقول...

وتاني تعليق

كـــيــــــــارا يقول...

وتالت تعليق

زي ناس فاكر

كـــيــــــــارا يقول...

المره دي بقي انا باكد حجز الاولاني والتاني والتالت

مواطن مصرى نايم يقول...

هههههههههههههههههه
ماشى يا كيارا
هههههههههه
اه فاكر الناس دى فعلا
ههههههههههه
احجزى ماشى

كـــيــــــــارا يقول...

ههههههههههههههههههههههه

لا تقول حمار ولا جمل ابولهب هو الامل

قطعا هو الاملللللللللللللل

الامل والنووووووووور فاهمني طبعا

هههههههههههههههههههه

--------

ويبقي السوال يطرح نفسه

والموضوع مذاااااااااااااااع

كـــيــــــــارا يقول...

هههههههههههههههههههه

طبعا يبني لازم احجز

وكووووويس انك فاكر الناس دي

هههههههههههههههههههههه

مواطن مصرى نايم يقول...

اه النور و الامل فعلا
دا احنا شوية علينا اللى احنا فيه
و السؤال يطرح نفسه فعلا
بس احنا حنعمل ايه
مش مذاكرين كويس عشان نجاوب

و نورتينا فبرنامج الكاميرا الخفية يا كيارا
ههههههههههههههههه

مواطن مصرى نايم يقول...

اه فاكرهم يا كيارا
بس باين هما حجزوا اول تعليقين و اكدوا فالتالت بس
هههههههههههههه

كـــيــــــــارا يقول...

ههههههههههههههههههههههه


منا قلت ازود بقي

اشمعني هما

ده انا كنت هحجز 4 واكد في الخامس

بس قولت يلا

خليها عليكي يابت ياكيارا

ههههههههههههههههههه

مواطن مصرى نايم يقول...

هههههههههههههههههههه
ماشى يا كيارا
البلوج بلوجك
بلوجهم بلوجنا كلنا
هههههههههههه

سميرة يقول...

جااااااااامد اوي البوست يا اسلام
بس اللي محيرني بجد هو مين بقى ابو لهب ؟؟؟؟؟ ومين ابو جهل ؟؟؟؟
:))))))))))))))))
بس تعرف انا عندي امل ان شاء الله في مرشح جديد خاااااالص اسمه ابوجهب :))
وهو مرشح جديد نوفي هاتسمع عنه في الايام اللي جاية ودا خليط من ابولهب وابوجهل ودا طبعا باين من اسمه..

آه فيه سؤال محيرني برضه ، هو مين برعي؟؟؟
معلهش اسألتي كترت ، اصل انا اموووووت وافهم

آه اسلام
اشكرك بجد على كلامك عن البوست الاخير ، وانا بجد اسفة اني اخيب ظنك ، انا مش بنزل البوست بمواعيد محددة ، لما تطق فكرة في دماغي بنزلها على طول
بس اوعدك اني انزل قريب ان شاء الله
اشكرك مرة تانية

مواطن مصرى نايم يقول...

سميرة
===
مش عارفه ابو لهب ؟؟
دا من الكفار
ههههههههه
و كمان ابو جهل

بس ابو جهب ده اللى شكلة حياكل الجو

انا عارف انك مش بتنزلى البوست بمعاد بس كنت عاوز اوصل لك انك اتأخرتى فالبوست الجديد بس

يعنى بضغط عليكى ههههههههههه
اه عشان تنزلى بوست بسرعة

بس حستنى البوست برضوا

وقت ما تنزليه انا مستنى

منورانى دايما و الله و بتحرجينى بمجاملتك و الله

adel يقول...

ههههههه لو هيدوا موبايل n95
انا وش هرشح اي حد منهم

احنا بقينا كده .... كل واحد ماشي ورا مصلحته

(انا بتكلم جد هدي صوتي لاي حد
مدام خمسة وتسعين ....ملعون ابو البلد)

ههههههههه

http://elbald-dy.blogspot.com/

مواطن مصرى نايم يقول...

عادل
=====
انا و الله يا عادل بقى ممكن اوافق عشان الجمل
ههههههههههههه
منورنى يا ريس

غير معرف يقول...

أنا شايف إن أبو كهل (من الكهولة) والشهير بأبو رياله فيه كل صفات الإتنين التانيين بالإضافة أن الديموقراطيين في أمريكا بيحبوه وخلوا صورته هي رمز الحزب بتاعهم

صبرني يارب يقول...

ههههههههههههههههههههه

حلو اوي بجد وعموما ما تقلقوش نفسكم من ابو لهب لابو جهل مش هاتفرق كتير
تحياتي لك

الكحيان يقول...

ممتع والله ياإسلام، لقد فطست على روحي من الضحك، لكن الفيلم ممكن يفشل في مهرجان السينما الجاهلي بسبب الساعة التي في يد أبي جهل؛ مثلما فشل فيلم عظيم عن صلاح الدين بسبب ارتداء الممثل للساعة، لكن ممكن تحط مكانها مزولة وتربطها بحبل من مسد لزوم المعاصرة، لكن أنت ديكتاتوري ياإسلام لأنك نسيت الكثيرين من صناديد قريش وهم ألعن من أبي جهل وأحق منه بالرئاسة، وإدارة شؤون الفقر على أكمل وجه . وشكرا لك على ظرفك وعبقريتك

غير معرف يقول...

لا تقوللي أبو جهل أو أبو لهب--أبو كهل حبيبنا هو إللي سرق ونهب

تايه في وسط البلد يقول...

اهلا اسلام
ابو لهب لو اترشح عندنا يفوز باكتساح

علي الاقل الراجل كان شبعااااااان

تحياتي

mohamed ghalia يقول...

نا هقلهم كفاااااااااااااااية بقى
ولا انت ولا هو
تحياتى
سلم لك قلمك ودمت مبدعا

خمسة فضفضة يقول...

السلام عليكم ورحمة الله وبركاته

ضربو الاعور علي عينه قال ماهي خربانه خربانه
ذييييييييع يا عم خلي الشعب يعيش ولا يهمك من اي حد


وسمعني سلام الدنيا خرباااانه يا عم خربااااااااااانه

اقصوصه يقول...

ذيـــــــــــــــع!!

Empress appy يقول...

انا اللى همسك الحكم
عجبك ولا لا
عموما انا مش موافقه على حد وهروح اعلم على الاتنين علامه اكس ينفع

Unknown يقول...

هيتقبض علينا احنا الخمسة....يا خراااااااااااااابى انت تحفة بس المفروض بتاع حزب المد كان انفعل وقالك باحلامنا قادمون حتى ولو تخلف الاخرون وكدة يعنى فاهم طبعا.....وللا الحزب الوثنى دة كمان تحفة بس كرافتة لهب كان لونها ايه؟؟؟ زرقا بردو؟؟ بس هو واد شيك شيك........مبروك عليك المعتقل يا اسلام افندى مين اللى هيذلنى على القهوة من بعدك يا اسلام

عالم ماريونت يقول...

لا يا اسلام انا مش هعلق
انا اخاف على نفسي واكل عيشي برضة وغلبانة وشعاري في الحياة الجري هو الجدعنة كلها
خد بالك من نفسك بقى
على مسجات بقى ها
ولا اقولك
حتى المسجات سيبك منها بعد اللي كتبته ده
هههههههههههههههههه

maxbeta3zaman يقول...
أزال المؤلف هذا التعليق.
احمد الجيزاوى يقول...

تحياتى الى ابو لهب
هههههههههه
احمد الجيزاوى

غير معرف يقول...

خلاصة الموضوع يابنى فى الكام بيت اللى جايين دول وحضر الحلاوة الطحينيه
الكرسى- الورث
كرسى الرياسة بمغنطيس جامد يشد المقعده
قاعد عليه حالف ماهو قــــايم ولو كره العدا
والمسندين متغريين فى الكوع بماده مقدده
والضهر ملزوق فى الكتاف وفى الضلوع بأمير....وده
عذره ماهو قاعد.. ماهوش قادر يقوم.. م البغدده
أصله بيدى اللى عليه العز والجاه .. موش كده؟

كرسى الرياسة بيتورث م الأب لابنه لما يموت كمان
والجوقه تعزف لحن نصبه بالناى والعود والكمــــان
والنمل يهتف بالدموع شيلو الملك هاتو المليك والكل فان
أهوده عرفناه والسلام ..أحسن من المجهول .. ولو كان ألعوبان
طب ماحنا زى السورى زى الليبى زى المغربى والأمريكان
موش بوش كبير ..راح مًًَّدى كرسيه للولا البوش الجبان ؟
والأردنى قام من سرير الموت .. وجه ..قلوظ لأبنه الصولجان
والسورى عّدل في القانون ... والصبح بدري كان شاغل المكان
والمغربى شال نعش ابوه وقبل مايشيلو الصوان كان اسمه منقوش عالحيطان
عاش المليك... مات المليك... والزمبليك راكب حصان
والشعب بيعيط... ودمعه م الفرح الحزين يملا جفان
دا الشرع ... والقانون .. ودستور البلد والأمر باين للعيان
الواد بيورث ملك ابوه ..... ويورثـــــــه لابنـــــــه كمــــان
فيه حد بيسيب شقته لما يموت غير العويل والأهطلان ؟؟
والحكم زى الشقة .. بالقانون كده تتورث ....حكم الزمان
الكرسى والمال والشعوب ... دول للوريث ..صدر البيان!

mohamed ghalia يقول...

أخى العزيز
ليك تاج عندى
ياريت تشرفنى وتجاوب عليه
اوعى ترفض الهدية هزعل قوى
ههههههههه
تحياتى ليك

Asmaa mahaba يقول...

هععععععععععععععع ال ابو لهب ال
اسمه ابو قردان ابقى اقرى كويس

Asmaa mahaba يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههه
فاتتنى قصه الحمار جامده جدااااا
هههههههههههههههههههههههههههههههههههههههههههههههههههههههه
يخربيت كدا انت ايه يا ابنى بتجيب الكلام دا منين

Asmaa mahaba يقول...

بمناسبه الراجل اللى مراته ضارباه بالشبشب ...اصل ابو ورده شاحح فى السوق وعليه اقبال فعاوزه منك عنوانها اخد منها فرده سلف يمكن تنفع فى المستقبل بطيخ وولا حاجه لالالا متفهمش غلط احنا معندناش رجاله تنضرب انا بس حعلقه على الحيطه عشان لو صرصار هاجم المنزل ولا حاجه بطيخ يعرف يقتله

Asmaa mahaba يقول...

اما بخصوص الصباع المدوحس فدا كان مسؤليه الحكومه واحب اديك ثقافه ليه الصباع دوحس شوف يا سيدى
الموضوع بدا من اول الحكومه ما فرضت ضرايب على المصانع فضيقوا مقاسات الجزم ...ام ايه جزمه الراجل انخرمت والشارع مكانش مرصوف جه فى رجه ظلطه دوحستله صباع رجليه قام دعى على الحكومه
لازم تفهم السر برضك ويبقى عندك ثقافه المدوحس:))

غير معرف يقول...

عالم جهله جهله يا اسلام يا ابنى برعى اتقفش بقاله يومين عشان كدا مش حيعرف يجاوبك

Yasser Hussein يقول...

اولا ألف مبروك على شكل مدونتك الجديد
أنا بقالي فترة مدخلتش وعجبني جدا التصميم الجديد
ثانيا أنت ضحكتني لدرجة القهقهة
:)))))))))))))))))))))))))))))
خصوصا الهتافات الانتخابية المبتكرة
مسخــــــــــــــــــــرة
ثالثا عنوان موقعى الرسمي الحالي
هو نفسه ولكن دوت نت وليس دوت كوم كما تفضلت مشكورا بوضع اللنك عندك
www.yassertoon.NET

خالص تحياتي

Unknown يقول...

ابو لهب ام لهب
المهم ان فى لهب الناس تتحرق بيه
ربنا معاك يا اسلام ويارب تكون بخير

Unknown يقول...

يوم الجمعه 14/11بأذن الله
هنروح نزور دار ايتام فى بورسعيد اللى يحب يشرفنا
ياريت تنورنا ونحاول نرسم بسمه ونتعاون على البر والتقوى
وبعدها هنقعد مع بعض شوية طبعا لو تحبوا
التفاصيل عندى بالمدونة
اعتذر لكنه ليس اعلان لكنها دعوه للخير

فشكووول يقول...

انا اللى حمسك الرياسه يا برعى .. وبعدين البت سومه المجنونه بنت اختى فعلا بس هى مجنونه وفنانه وحاجه حلوه خالص .. وبعدين ما بحبش الحمير بحب الجمال عشان نقدر ندبحها وناكل لحمها اما الحمير ماذا تفيدنا لا ناكلها بس نركبها وانا بحب الاكل مش الركوب

Asmaa mahaba يقول...

استنى منى بوست حطلع منه على مارينا عدل هههههههههه كله بسببك يا مواطن

maxbeta3zaman يقول...

الحقيقه دى تانى مره أعلق على الموضوع ده ...وما ذلك إلا لفرط إعجابى به وبصوره الساخره والسيناريو الجميل جدا جدا والكوميديا التى تتخلله ..أنت أيها النايم أكثر يقظة من المفنجلين ...وانت لو كتبت سيناريوهات للسيما تطلع أحسن ميت مره من اللى بيتعمل حاليا وبكره نسمع عنك ...تحياتى وشديد إعجابى بالمحتوى

☼♫♪ عمــاد الدين يــوسف ☼♫♪ يقول...

إسوووووووووووو

اول زياره ومتهيألي لازم تتحملني لأنها مش هتكون الاخيره :d

انا مش عارف احنا حاقدين على الحزب ليه .. مع انو بيدي عشرين جنيه للصوت في الانتخابات يعني الناس مقدره تعبكو اومال ليه العوأ ده يناس ... عموما احنا منستاهلش البشوات اصحاب القلوب والايدي ناصعة البياض ( تلاقيهم صحاب توكيلات لوكس وفا ...الخ )
البشوات دول يشوفولهم شعب تاني يطمر فيه انما احنا ولاد تييييييييييييييييت

وندائي لاسيادنا البشوات اوروبا فيها شعوب نفسها في بشوات زييكو وكمان انا اعرف راجل ممكن يوديكو عن طريق البحر وليبيا وكده بس لازم تتعلمو العوم الاول
انما احنا .........

تحياتي وتقبل مروري ودعوتي لزيارتي ومدونتك في المفضله عندي بعد اذنك


سلاااااااااااحف :d

مـجـنـووون يقول...

والله كتر خير ابو لهب أنه اصلا عمل انتخابات

هو كده حينحسد

وبعدين لأزم يعمل انتخابات علشان الشعب يقول إلي هو عايزه وبردوا هو حيعمل الي في دماغه هههههههههههه


تقبل مروري
مجنووون

Maha Shahen يقول...

هايل هايل هايل
ذيع يا سيدى خلى الشعب ينبسط
زي ما تقول كدا يا أحمد من أبو لهب لأبو جهل يا قلبى لا تحزن
وأنزل بتتر يعوض الله يعوض الله
هههههههههههههههههههه
مدونتك هايله وأستايلها جميل ومضمونها رائع
خالص تحياتى ليك

ahmed_k يقول...

أبو لهب يا بلاش زي اللحمه في الجلاش
ههههههههههههه
أول مره أقرأ تغطيه إنتخابيه
وأمخمخ منها بالشكل ده,
أيه يا سلم الجمال ده
وكمان لا تقولى حمار و لا جمل ابو لهب هو الامل
آه هو أمل بصحيح, أمل مين ؟؟؟؟!!!!
أحييك على التغطيه الإعلاميه الذيذه دي يا سلم واللي جات في معايا في يوم الإنتخابات الأمريكيه
أصلي لسه كنت بتفرج على التغطيه بتاعتها في التليفزيون


تقبل تحياتي

رئيس جمهوريه نفسى يقول...

قشطات يا برنس عرفت مين اللى حيتكلبش انا
طب انا حغير الموبيل حجيب n95 مش حينفع معاية البرنامج دة لا لو غير الحملة وقال حجيب لاب توب لكل مواطن
المهم يا اسلام بخصوص سوالك في موضوع يا بجاحتكم الصفى اللى كتب المقال عادل حمود فى جريدة الفجر والمادة وصور المستندات موجودة على موقع الفجر وممكن نخاطب المجلة عن طريق النت المهم ايميل فى البروفيل ابعت لية ايميلك ونرتب مع بعض ونتوكل على اللة فى الحملة بين المدونات والفيس بوك

Unknown يقول...

اسلام.....انا قريت تعليقك عند اشرف حمدى على اخر بوست... انت بتتكلم جد يا اسلام؟؟؟

غير معرف يقول...

ندعوكم للانضمام لجروب
لا للعنف ضد اطفالنا بالمدارس
وهذا هو لنك الجروب على الفيس بوك
http://www.facebook.com/group.php?gid=43106767017

maha zein يقول...

يخرب بيت دماغك يا احمد
انت ايه يا عم انت
مش خايف علي عمرك
يا وحش انت
تحفة تحفة بجد
قال ذي اللحمة في الجلاش قال
ايه يا عم ده
تحفة فعلا
يلا سلام بقه يا عم الحق اروح قبل الكبسة اللى هتحصل دلوقت

شفـقــة و إحســــان يقول...

تعالوا اوام امسكوا الراجل ده
انا هبلغ عنك حالا وفورا
بس تعرف انا بتعجبنى دماغك وافكارك ولفك فى الحوار
بس لو اتمسكت ما تقولش انك تعرفنا فاهم

غير معرف يقول...

هههههههههههههه

مدونة جامدة جدا تسلم ايد اللي عاملها

الزباين

الزباين و يا رب ابعد عننا الضرايب