.jpg)
تحديث
ـــــــــــــــ
مها زين
صاحبة مدونة
نجحت يا بشر
و كان لابد و حتما و من الواجب انى اكتب لها تهنئة
لانها نجحت فى الماجستير يا بنى ادمين
يعنى بقت
دكتورة اسنان
ههههههههههههههه
بهزر طبعا
مبروك يا مها
عقبال الدكتوراه
ايه و جى دبور---A & G DABOR==================
قالوا فى المثل الشاطرة تغزل برجل حمار
طب لو الشاطرة دى اساسا هى الحمار
طب حد عارف مين الشاطرة و مين الحمار
ـــــــــــــــــــــــــــــــــــــــــــــــــــــــــــــــــــــــــ
بيقولوا ان ليس كل حاكم فيلسوف و لكن كل فيلسوف حاكم
طب هو مين الحاكم و مين الفيلسوف و مين اللى بيقول ده هاتوه اطلع عين جمله
لا ما هو الجمال جمال الروح
(انتوا و ضميركم بقى)
ــــــــــــــــــــــــــــــــــــــــــــــــــــــــــــــــــــــــــــ
سمعت ان اللى بنى مصر كان فى الاصل حلوانى
لو سمحت خلى الحلوانى ده يبعت كيلو بيتى فور لوزارة الاسكان
يمكن تحس على دمها ان اللى بنى مصر
حلوانى
و اللى ماسك مصر
حلوانى
(افهموا اللى تفهموه حلوانى الاولى معناها غير التانية)
ـــــــــــــــــــــــــــــــــــــــــــــــــــــــــــــــــــــــــــــــــ
شفت الريس حميدو بتاع 2008
اللى غرق نورمندى تو
و هرب بره البلد
و الباز افندى طلعه براءه
( انا الصراحة مش فاهم ايه العبارة فى حكاية العبارة نورمندى تو طبعا)
ما هى نورمندى ون غرقت فى الحرب العلمية
نورمندى 95 : نورمندى 98
و كلنا نورمندى
و نسمع (سلام ) غرقنى يا معلم
ـــــــــــــــــــــــــــــــــــــــــــــــــــــــــــــــــــــــــــــ
ماشى فى نور الله ادعى و اقول يا رب
رد عليا واحد جاى من بعيد قال ياخده
(يا ترى قصده على مين)
لا دا واحد صاحبة كان بيقوله
ان واحد صاحبة تانى اتعرض علية موبايل مسروق
و علية نمر الشعب هدية
و بيسألة ياخدة و الا لا
قال
(ياخده)
ـــــــــــــــــــــــــــــــــــــــــــــــــــــــــــــــــــــــــ
واحد عريس جديد
بقاله بيكون نفسة من تلاتين سنة
(ركزوا تلاتين)
يوم الدخلة
واحد صاحبة
قاله
مبارك عليك
قالة ما هو راكب بقاله تلاتين سنة
عقبالك
ـــــــــــــــــــــــــــــــــــــــــــــــــــــــــــــــ
واحد حرامى بيسرق فى ( عز ) الظهر
و هو بينط من بيت لبيت
رشق فى سيخ حديد
راح اتعالج فى مستشفى الدخيلة
و اخد وسام السيخ الوطنى
ــــــــــــــــــــــــــــــــــــــــــــــــــــــــــــــ
اعطنى حريتى اطلق يديا
هو لو عارضت تتكلبش ايديا
يا سلام يا ست .....هـ ابريل
ـــــــــــــــــــــــــــــــــــــــــــــــــــــــــــــــ
تضامنا مع الموافقة على قانون الزاوج الجديد
لقد قررت و بصفة نهائية ان اتنحى عن اى منصب رسمى
و ان اقف فى صفوف الجماهير عشان احلل
(اللى قرء القانون حيفهم)
ـــــــــــــــــــــــــــــــــــــــــــــــــــــــــــــ
بيقولوا مصر امنا صح
احمد مكى قال
قلبى على ولدى انفطر و قلب و لدى عليا
(مازر فكر)
اعرب ما بين الاقواس
مع التشكيل
(لا مش التشكيل الوزارى)
ثم ضع التشكيل الوزارى و مازر فكر فى جملة واحده
ـــــــــــــــــــــــــــــــــــــــــــــــــــــــ
كفاية عليكم كده
يو يو يو
داااااااااااااااام يووووووووو
E-DABOR
ESLAM-DABOR
RSS Feed (xml)
55 قول و لا يهمك:
اسلاااااااااام
حمدالله على السلامة
بس ايه الصورة المصيبة دى
ارجع انقطع يا اسلام احسن .. مش مستغنين عنك
انا بحجز بس اول تعليق
وراجعة تانى ان شاء الله
مممم
أنا عجبني أوي كاريكاتير الحمار .. بس ما ممكن الحمار يرد ويقول هو أنا كنت انتخبتك أولاني؟
صحيح .. ما هو مش لازم الحمار يكون انتخبه .. ما كتير منهم جايين بالتزوير والبلطجه .. ولا رأيك ايه؟
(سواء كنت تقصد البيج بوس -اللي محدش انتخبه أولاني- أو أعضاء مجلس الشعب)
اولا مبروك علينا رجوعك يا اسلام لانك بجد لو مكنتش رجعت كانت هتبقى خسارتنا كبيرة
لانك من الناس اللى بحترمهم وبقدرهم وبثق فى آرائهم ووجهات نظرهم للأمور .. وبحس انك اكبر من سنك بكتير .. ربنا يحفظك ويحميك
وبالنسبة للموضوع اللى كان مضايقك فطالما عملت استخارة وربنا بعدهم عنك يبقوا شر خفى والحمد لله الف مرة ان ربنا قدرك تبعد عنهم ويقيك شرهم
بالنسبة لموضوعك يا اسلام .. اعتقد ان الرد عليه يتلخص فى كلمة واحدة
يااااااااااااااااااارب
( وانت عارف الباقى )
دمت بخير وهنا وراحة بال
سالى
انت بتتكلم فى مواضيع غريبة كدة ليه
ماتشوفلنا حاجة من اللى احنا عايشنها
سياسة مثلا او اقتصاد اوى اى حاجة من احوال البلد p:
...........
اسلوبك فى عرض الافكار حلو اوى :)
حمد اللة على السلامة يا اسلام
ايوة كدة ارجع مدونتك كدة منور واللهى بقولك اية عملت مدونة دينية وعاوزاك تشترك معانا ابعتلى ميلك على مدونتى عشان ابعتلك دعوة اشتراك
حمد اللة على السلامة صحيح زور مدونتى ومتقطعش الزيارات
تحياتى
راجع جامد ياسولى
انت بجد هلكتنى من الضحك يابنى
خد البوسة دى بقى
امووووووااااااااه
واد عسل بجد
حمد لله على سلامتك وبجد جميل اوى ايه و جى دبور ونقدك الساخر بجد جميل اوى
يا عينى عليك
حسره عليها يا حسره عليها
والله كنت طيب يا اسلام يا ابنى
طيب هو مين الحمار ومين الرجل
بص انا قولت لك اهمد بره انت مفيش فايده انتى اهو جاى معايا
يخرب بيت الشووز البنى دى انت يا ابنى فاكر هتحميك
هكلتنى على روحى من الضحك
هههههههههههههههههههههه
دا انت مصيبة يا اسلام
حمد الله على سلامتك
و البوست أكتر من رائع فعلاً
سلام
ياخبر ابيض
دى نكت تودى هاواى
اقصد وراى الشمس
ربنا يستر
هههههههه
تتنحى وتقف مع الجماهير
ههههههههههههههههه يخرب بيت مخك بجد
اقف يا اخويا وربنا يسهل بقى
اصلها تساهيل وانت سيد العارفين
هو انا كنت شايفه انه من اول الحمار كان كفاية اوى
وتروح تقعد على دكة الاحتياطة
الا كمان دخلت جميل جمال وعز
ده انت هتشوف ايام لون شعر صدر تامر حسنى
الحق اعمل توكيل من دلوقتى
تحياتى
دبووووووور باشا
ايه ياباشا الشغل ده
بس انت كدة بدأت تسخن وتغلط ف عز انت كمان ؟
ليه التقليد ده بقي
انت مش كنت سايبلي عز وخوازيقه
انت رجعت ف كلامك ونفسك اتفتحت ع الخوازيق
ع العموم ياللا تنور هوة كريم والله وعنده خوازيق كتيييييييييييييير ربنا يعينك وتستحمل بس
بوست جميل بجد ودمه خفيف جداااااااااااااااا
كالعادة يعني
تحياتي
بالتوفيق.........................
حمد الله ع السلامة يا اسلام
بس هي البعد عن المدونة حبة بيعمل دماغ جامدة اوي كدة؟
انت مستغني عن نفسك ولا اية؟
مقلتليش برضة:اية القوة اللي خلتك ترجع تاني؟
بجد محتاجة ارجع للدنيا تاني بعد ما حسيت اني انسحبت منها
تحياتي
مرة واحد كتب بوست زي ده قام لعب في عداد عمره
تم ترارالم.. لم لم
اوروفوار
ايه ده كلله يا إسلام
حيرتني أعلق علي ايه ولا ايه
أقولك مش حعلق خاااالص علي أي حاجه
ولا ليه أروح أعلق عالشماعه وخلاص
بس عايز أقول ان نورماندي اللي غرقت السنادي تبقي نورماندي 98
وأجدع سلام للمعلم حميدووووو
من عز لجمجم
يا قلبى لا تحزن..
ههههههههههه
ههههههههههههههههه
هستريا ضحك
البوست بجد تحفه
حلو اوي
دخلت ف القرار الوزاري ليه يا عم الاختيار انت
ههههههههههههههه
سيم ها ؟
هههههههههههههههه
انا الحمد لله تمام والله
كنت ف المصيف بس
يارب تكون بخير
ههههههه جامد اوى كاريكاتير الحمار دة
البوست بجد هايل
واسلوبه جميل
اسلام انا قلقت بجد
لما شفت تعليقك عند سمسمه ( بحبك يا مصر)
انا هقولك كلمه واحده بس لسه بدرى اوى اوى على ما تزعل
وصدقنى مفيش حاجه تستاهل واى حاجه مهما كنت حاسس انها كبيره فهى صغيره جدا بالنسبه لناس تانيه
فاحمد ربنا انك زعلان على حاجه صغيره واعرف انها صغيره فبلاش تكبرها
ايه يامخفي مختفي فين يابني انت
انت لسه مكتئب اكتئاباً
لألألأ ضايقتني بجد
يارب تكون بخير ياتتح
وطبعاً مش هقولك عالبوست طول عمرك مسخرة .. تربيتي :-))
هههههههههههههه
ده مش راكب بقالو تلاتين سنة عليه لوحده
ده على سبعين مليون
إلا بالحق
هو هيفقس أمتى
هههههههههههههههههه
بتاعة أخر واحدة دى مش فاهمها ياريت تشرحهالى فى التعليقات بعد إذنك
معرفتش أعرب
أصلى مصيبة فى النحو بعيد عنك
سلام
اسلام
حلو
جميل
لذيذ
لطيف
ظريف
مش بقولك راسم على حبسنا
انا كمان ناويه انزل ببوست
يلا اهو نتحبس
ايه اللى هيجري يعنى
اهو تغيير
ههههههههههههههههه
اسلام انا عاوزة اقولك حاجه
شكرا يااسلام
تحفة البوست
بس علي فكرة اللى بنا مصر كان حلواني يعني من جامعة حلوان مش بتاع بسبوسة وكينافة
بوست حلو اوي
هو انت الي مئلفة بجد
ولا هي نكت
ولا ايه
دمك خفيف فيه جدا
شاطر يا قهوجي
سالى
الله يسلمك من كل سوء يا رب
ايه الصورة دى انا اللى عاملها
(اعتراف رسمى اهوه)
ههههههههههههههههههه
لا ما هو يا انا يا هما فى البلد دى
تفاتيفو
منورنى يا باشا
بس الحمار اخرس
مش عارف يرد عليه
و الا ايه رأيك
يا باشا انا و لا اقصد بيج بوس و لا سمول بوس
انا ماشى جمب الحيط
(الحيط مهدود)
هههههههههههه
تحياتى يا جميل
اسلام
سالى
الله يسلمك بجد و لا كانت حتبقى خساره و لا حاجة
دا انا واجع دماغكوا عالفاضى
و ربنا يخليكى بجد عالكلام الكبير ده
بس انا زعلان انك بتتأخرى فى تنزيل بوست
اما حكاية
ياااااااااااا رب
و انا كمان بقول يا رب
هههههههههههههه
تحياتى
اسلام
اوريجينال هارت
لا انا مش بحب اكتب فى السياسة و الحاجات اللى تودى الواحد ورا الشمس
ههههههههههههههه
ربنا يخليكى عالتعليق الجميل ده
تحياتى
اسلام
سارة على
مش حقول حاجة خالص
غير انى زعلان منك
و انتى عارفة ليه
كده نرجع انا و سمسم و انتى تمشى
انا مستنى اشوف بوست جديد
تحياتى
اسلام
مدحت محمد
هات البوسه
ربنا يخليك يا جميل دا من زوقك بس
الحمد لله ان البوست عجبك
تحياتى
اسلام
نيرة احمد
ربنا يخليكى يا نيرة الف شكر عالسؤال
ما تعملى بلوج ليكى عشان نبقى ندخل نعلق عندك
حستنى بلوجك
تحياتى
اسلام
ايبى
هههههههههههههه
لا دا الشوز كمان ممكن تبقى معاهم ساعتها
ممكن اتضرب بيها
هههههههههههههههه
بس متخافيش اخوكى وحش
قلبى جامد و مش بيهمنى الجن
تصدقنى انى نفسى اشوف جن او عفريت بجد
تخيلى واحد بيفكر كده و مش همة الجن و الا العفريت يبقى حيخاف منهم
و النبى يا ايبى لو شفتى جن و الا عفريت
ابقى ابعتيهولى
تحياتى
اسلام
مهيج الجماهير
حبيبى يا خلود
دا انت اللى مصيبة
الله يسلمك
شكرا يا باشا عالسؤال
تحياتى
اسلام
نهر الحب
ربنا يستر
و هاواى هى اللى تيجى عندنا مش احنا اللى نروح لها
هههههههه
تحياتى
اسلام
بطوط حبوب
هههههههههههه
اه يا حودة ربنا يسهل ساعتها بقى
احنا نعمل اللى علينا
هههههههههههههه
تحياتى يا باشا
اسلام
قطه الصحراء
و الله هو بالنسبة للون شعر صدر تامر حسنى
يبقى انا موافق بس بعد ما نحلق له
ههههههههههههههه
تحياتى
اسلام
مدونة الدفاع
اسامة حبيبى انت اللى حتدافع عنى بقى
انا سلمت امرى لربنا
و خلاص اعمل انت التوكيل
و امسك الموضوع كله
هههههههههههههه
تحياتى
اسلام
غنيم
حبيب قلبى نورت البلوج يا باشا
بس انا اتكلمت على عز كام مرة قبل كده
بس خطف يعنى عالطاير كده
ههههههههههههههههه
كده بسخن
ههههههه
تحياتى يا باشا
اسلام
يوميات نائمة فى الارياف
رنا
لا هو مش البعد اللى بيعمل دماغ
دا الهم و الخنقة اللى بتعمل الدماغ الجامده دى
هههههههههههه
اما بقى اللى رجعنى للدنيا
قوى و جامد اكتر من الاول
مش حينفع يتقال عالملئ كده
لان الموضوع كبير كبير
تحياتى
اسلام
طهقانة
ههههههههههههههههه
بالنسبة للعداد انا عندى وصل للصفر
يعنى هانت
كلها ايام
تحياتى
و اورفوار
ههههههه
اسلام
ahmed_k
هههههههههههههههه
علق عالشماعة
بس اهم حاجة ان حقنا فى نورمندى 98 ناخده
و ربنا يستر عالمعلم حميدووو
ههههههههههههه
تحياتى يا باشا
اسلام
صباح الصباج
على رأيك
كلهم واحد
تحياتى
اسلام
زوزو
اختيار
و سيم كمان ؟؟
ماشى سيحى انتى بس يا عجوز
ههههههههههههههه
سيم برضوا
هههههههههههههههه
حمدالله عالسلامة
روحتى مصيف ماشى ماشى
هههههههههههه
تحياتى
اسلام
ندا
نورتى البلوج يا ندا
كويس ان البوست عجبك الحمد لله
تحياتى
اسلام
جميل جدا موضوعك وكويس انك مصر انك تكتب فى النقد الساخر ومبقتش تتراجع
اسلام
الف الف الف الف الف الف مليون حمد لله ع السلامة ما تعرفش انا مبسوطة علشانك قد ايه!!!!
اما بقى بالنسبة للي مكتوب المرة دي ففعلاً عوداً حميدا، ايه الجمال دا يا إسلام ، بجد بجد انت موهوب في موضوع الكتابة الساخرة دا...والصورة تجنن.
ربنا يوفقك
طب ما تقول يا اسلام في السكرتة
واوعدك اني مقولش لحد
قول متخفش مفيش حد هنا غريب
ايييييييييه ده يخرم جيبك ياشيخ
اللى انت كاتبه ده تحفه من تحف الزمن مابطلتش ضحك كلامك جامد
يو يو يو
نونااااااا
حمد لله على سلامتك يااسلام
يارب تكون بخير دلوقتى
ههههههههههه ايه الحاجات دى كلها تموت من الضحك يااخى
حلو الكلام تحياتى
هات واحد شاى ياد يا دسوقى للمعلم اسلام كفاره يا جدع
هههههههههههههههههههههه
اتقى الله يا شيخ
بتفترى كدا على الخلق حتروح مارينا عشان انت شرير
افرض ان اصلا الحمار هو اللى انت المفروض تنتخبه فى الحاله دى تعمل ايه؟؟؟
بجد جامده قوى تسلم يا متعدد الاسامى
انا عرفت حاطط ميت اسم ليه تمويه صوح عاد ولا لع
هههههه
تحياتى ليك سومه_87
على فكره كنت عاوزاك فى موضوع مهم ابقى فوت عليا فى المدونه حسيبلك بوست فى ارشيف تخاريف زى ما بنعمل فى الضاحكون ان شاء الله
مبروك لمها يا سيدي و عقبال عندك
اوروفوار
السلام عليكم
ازيك يا اسلام اخبارك ايه ؟يارب تكون بخير
من ناحية البورصة فطبعا اتعاملنا معاها هو انا مخنوقة من شوية
عندى بوست جديد فى مدونة " واحة الفكر والقلم " وهو حملة لمساعدة اطفال الشوارع اتمنى ان تشارك معنا
وده الرابط المباشر
http://wa7et-elfkr.blogspot.com/2008/08/blog-post.html
خالص احترامى
سالى
إرسال تعليق