الأربعاء، 13 أغسطس 2008

مرسى ابن المعلم زناتى اتشهر يا مينز

( دى الصفحة الاولى لجريدة وشوشة عنوان المقال عن الجروب اول عنوان فيها)
(اضغط على الصورة لترها بحجم اكبر)
ــــــــــــــــــــــــــــــــــــــــــــــــــــــــــــــــ
دى صورة المقال اللى اتنشر فى جريدة وشوشة عن الجروب بتاع تامر حسنى
طبعا اسمى اتكتب فى المقال و كمان اسم المدونة بتاعتى
اللى انا عامل عليهم خط احمر فى الصورة فوق
يعنى انا بقيت مشهور يا بنى ادمين
يعنى بعد كده قبل ما تدخلوا البلوج تخبطوا عالباب الاول
او تتصلوا بالسكرتارية تحجزوا زيارة للبلوج
هههههههههههههههه
لا طبعا بهزر
حتى بعد الشهرة مش حتغير معاكوا
النجومية مش حتخلينى اتغر فى نفسى
ههههههههههههههه
يا جماعة اللى عاوزنى امضى له عالتي شيرت او على البلوج بتاعة
يقولى عشان انا معنديش قلم
اعمل حسابى الاول و انزل اشترى واحد
للاشتراك فى الجروب
ــــــــــــــــــــــــــــــــــ
كان معكم النجم إسلام (احمد عبدالله) بعد الشهرة
ESLAM

42 قول و لا يهمك:

خالد كامل يقول...

أول تعليق هعلق و أرجع

خالد كامل يقول...

صباح الصباااااح يا معلم
مبروك يا اسلام
بس أنا عاوز أقولك ان السينيما و الأغانى و الحاجت دى باظت خلاص
و الدنيا خربناة
و نانسى هتخش النا و روبى هتخش النار
تلبس هتخش الجنة تقلع هتخش النار
سمعت الأغنية دى ؟

الدفاع يقول...

النجم الكبير اسلام
انت يا بنى افضل من كل النجوم اللى بنشوفهم
مبروك يا نجم
انا راى انكوا بنشر الموضوع ده حلقتوله فعلا شعره كله عقبال بقى لما تقصقصوله ريشه ولسانه
على فكره تامر حسنى كان عاوز يبطل يغنى عشان حرام
اللوم على اللى اقنعه يرجع وماتابعوش
تحياتى يا اسلام

فاتيما يقول...

إحم إحم
أنا بتنحنح أهو قبل ما ادخل
مبروك يا إسلام
و عقبال ما نقرى أخبار عن نجاحاتك فى دراستك و حياتك كلها
بصراحة أنا مبحبش تامر حسنى من ساسه لراسه من اول ما ظهر و زاد تمسكى برأيى بعد قضيته اللى كان المفروض يخرج منها يتكسف على دمه و يتدارى
و العكس اللى حصل
و كأنه بيقولنا اللى إختشوا ماتوا خلاص و إن كان عاجبكم
ربنا يوفقك فى كل خطوة يا إسلام
و شكراً لسؤالك عليا

oRiGiNaL HeArT يقول...

ههههههههه
انت اللى شخبطت بجد؟؟
مش ممكن طيب انا عازوة امضاء على البلوج بتاعتى وكمان ياريت صورة وتكون ممضية بردو
وربنا معاك فى طريقك للشهرة :)
من غير غرور بقى

semsem يقول...

يعنى كده معدتش هعرف اكلمك تانى
:((((((((((((
عموما يا سيدي ربنا يوفقك ويصلح لك الحال

Mahmoud البطراوى يقول...

اسلام باشا
ابن الجيران متخرج بقاله سنين ممكن تكلمنا حد من المسئولين يشغله

ربنا يكرمك

ومبرووووووووووووك احنا فرحنالك اوى اوى

بس امانه متنساش ابن الجيران
:D

سميرة يقول...

اسلام باشا
ايه التواضع الفظيع دا يابني ، انا دلوقتي بدور على اي حاجة تمضي لي عليها ، وبقى لي ساعة قاعدة ع النت ومستنية ادخل ع البلوج الملكي.
10000000 مبروك يا اسلام انا مبسوطة علشانك اوي اوي ، بس هاكون مبسوطة اكتر لو اديتني الكارت بتاعك اهو امشي بيه مصالحي في الاتوبيسات ، طبعا فاهمنى كويس.
تحياتي ليك وإلى الامام دائما واوعى تنسى تدخل ع البلوج بتاعي وسط مشاغلك الكتيييير ، وربنا يوسع عليك
:))))))))

kochia يقول...

انا حبيت اسجل حضور عندك وانت مشهور
يمكن لما يقروا التعليقات يقروا اسمي كمان


انا كوشيا صاحبة مدونة قصاقيص

علي العموم مبروك
والكلام الكويس كويس
بيظهر لازم مع الوقت

تحياتي

غير معرف يقول...

إسلام حبيبي

مين ده تامر حسني ومين جريدة وشوشة دي؟ هو كل واحد عايز يشتهر ييجي يتلزق فيك!!

صباح الصباح يقول...

هههههههة
انا ماليش دعوة.. انا عاوز عدد من المجلة دى..
دمت بكل خير

ana ga3an يقول...

اسلا ولا احمد
ولا شعر الصدر حسين
مبروك يا برنس
والي الامام دائما
بس متنساش المثلت

الميكروباص يقول...

طيب نعمل ايه والعيال كلها دلوقت في الشارع عماله تردد جملة دبور " خد فطيرك" ؟
أما عن شعر تامر حسني
فهو معذور- عاوز يثبت للناس انه راجل بالعافيه
ولو اني متأكد ان الستات لا يتشرفن بأنه يكون واحد منهن

عالم ماريونت يقول...

ألف مبروك يا مرسي
مع اني ليا تحفظات جامدة جدا
على الجروب
وعلى موضوعة
بس انت اخ عزيز افرح لفرحك حتى مع اختلاف وجهات النظر اللي مفروض ميفسدش الود مع انه ساعات كتير بيفسد
وعقبال البشوية يامرسي
قصدي يا إسلام
تحياتي
رنـــــا

ahmed_k يقول...

مبروووووووووك يا إسلام
أخيرا بقيت نجم
والله فرحتلك
بس لما تهل عليك عروض السيما
أوعى تطلع وتبين شعرك ههههههه
لحسن تلاقي اللي عامل حمله ضدك

خللي بالك
وأبقى أفتكرنا يا عم

سلااااااااااام

Empress appy يقول...

يا اسلام يا جامد مش قولت لك من ساعه لما بقيت بتقول شوز وبقيت جامد
وبعدين يا ابنى طبعا مش انا اختك لازم تطلع عبقرى والدنيا تكتب عنك
مبروك يا اسلام بجد
عقبال اشوف صورتك وانت عريس طبعا بتتنطط من الفرح من الكلمه دى ههههههههههه

zOzO يقول...

نخطب
دا احنا ؟
ومالوا بقي
احنا نيجي ف اي وقت براحتنا يعني
هههههههههههههههههههه


الف مليون مبروك
وعقبال ما تحقق نجاحات اكتر
يارب

رصيف نمره خمســــــه يقول...

ااااايون اتشهرت

وواحد يتنحنح قبل ما يدخل لعى حضرتك
ويمسح جزمتة والقصص دى

ونعلق بمعاد ونيجى بتليفون قبلها

لااااا انا عرفاك مش هتتغرغر علينا ده انت محترم

بس انا هطلب منك طلب ....

تمضيلى على اول طوبة فى رصيفى هههههه

يارب تبقة دايما مبسووووط ومش متغرغر هههه

تحياتى يااسلااااام

آه وكفى يقول...

هييييييييييه ياسمسم
مبرووووووووووك ياجمييل

فرحتلك اوي والله هو يستاهل تامر الحقيقة شعرو اتقل من جسمه وانت كمان تستاهل
اه تستاهل وستين تستاهل عندك مانع
طبعا تسستاهل يتنشر اسمك وتكون مشهور مانت زي العسل يبئى تستاهل ولا لأ وانت شوية يابني
دانت 10 شويات في بعض .. مبروك ياجميل وهروح اشترك في الجروب بتاعك حالاً اهو

جايلك عالسرييييييييييييع

تجربه المحب يقول...

مبروك يا باشا مدام انت فرحان يبقى وجب اننا نبارك ونهنى
وبعدين ايه الهبل الى مكتوب ف المجله دى؟.
وبعدين كمان يعنى ايه كل اعضاء الفيس بوك جواسيس يعنى ايه يعنى؟ يعنى انا جسوسه
طب كويس نى عرفت
وبعدين ايه المواضيع الهادفه دى خلاص الدنيا داقت ع المواضيع مبقاش فيه غير شعر صدر تامر حسنى؟؟ يادى الهنا
وكمان انا فعلا بقيت مشمأزه من الارف الى بيتعمل ف افلام السينما
بصوا انا زهت
سلام

ندا منير يقول...

مبروووووووووووووووك يا اسلام
انت تستاهل كل خير يارب دايما كدة تتوفق دايما فى كل حاجة وتوصل لكل اللى انت عايزه

maha zein يقول...

هههههههههههههههههههههه
ايه ده
انت مالك ومال شعر تامر حسني يعني
يا شيخ اتقى الله
ارحموا من فى الارض
ههههههههههههههههههههههههه
بس مبرووووووووووووووووووووووووك
ولا وبقيت حلاق كبير
اقصد كاتب عريق
ايون يا عم
وش بيغمز كده بجنب عينه وعينه بتحدف شوية
الله يسهلوا بقه
طب ايه طيب
شوفلى طيب اي حاجة طيب
اي حاجة
طب سطرين معاك
بس فهمني بجد
مالك ومال شعره طيب
مش بعيد تعملوا حملة شعواء علي شعر الغوريلات في الزووو
تحياتي يا اسلام
يا متوهني

غير معرف يقول...

انا معجبة جداا بالاستايل بتاع البلوج ونظامها ومقالاتك

لكن انا مش عجبنى اللى مكتوب على تامر حسنى لانى بيعجبنى اغانية

ومش عارفة اية حملة اعداء النجاح اللى علية دية هو كيوت خالص ومعملش حاجة اوفر عشان يستهال كل دة

وانا بعتقد ان كلامنا على اى فنان يكون فى حياتة الفنية بس اما حياتة الخاصة ومش عارف اية دا كلام مش حلو خالص سو سورى لو فى كلام معجبكش او معكبش احد القارئين

دا رأى الشخصى واللى كنت هموت لو مش قلته

ومبروك على شهرة البلوج عقبالنا

سارة العطار يقول...
أزال المؤلف هذا التعليق.
غير معرف يقول...

البويز بيعكسوا با أى اغانى مش شرط تامر حسنى ياعنى
لو تفتكر فيلم احلام الفتى الطايش كان لية اغنية عايزانى اخس وكان كتير عملنها لبانة
وانا اللى مش عجبنى ان انتوا بتستهتروا بية بطريقة مشمئزة جداا ومش عارفة اشمعنة هو ما فى كتير وبيغنوا اغانى رهيبة ولا تصورها سواء مغنين ولا مغنيات
وانا مش شايفة انه خارج اوى زى مابتقولوا فى الجروب

وانا مقصودش انكم اعداء النجاج انا اقصد مجموعة الحملات الىى قيمة ضدة وبيحاربوة بالشكل الرهيب دة ولا عشان نجاحة على عمرو دياب

على العموم انا لسة معجبة بالبلوج الجامد دة

والخلاف فى الرأى لا يفسد للود قضية

غير معرف يقول...

وميرسى على الكومنت بتاعك على البلوج بتاعتى

غير معرف يقول...

والدليل على انى معجبة جامد بالبلوج انى ضفت رابطها عندى فى البلوج بتاعتى

أسماء علي يقول...

ان ان اااااااااان

يعني مونكن تمضيلي على ورقة على بياض طيب ..

مبروك الشهرة يا باشا ..

Asmaa mahaba يقول...

قال مشهور قال انت يا عم النايم اعملينا اتنين شاى فى الخمسينه وتعالى خلينا ننجز البلاعات العموميه ضاربه وانت قاعدلى فى المدونات سباكين اخر زمن
هههههههه متزعلش يا اسلام يا اخويا هى البت سومه كدا لسانها متبرى منها على العموم مبروك تعالى امضيلى فى البلوج وشوف اختك اتبهدلت ازاى
اعااااااااا
سومه_87

Nada يقول...

اولا الف الف مبرووووك
ربنا يوفقك ياااارب
بس عندى طلب صغييير اد كدة
اوعى تعمل زى الفنانين المجانين بتوع اليومين دول
عاوزينك تعللى صوت الفن الهادف

Unknown يقول...

مبروك مبروك
يا اسلام
وان شاء الله ابقى ارسلى 10جم موقعة منك
هههههههه

bastokka طهقانة يقول...

نوك نوك نوك
ممكن ادخل
المجموعة دي اكيد صاحبها حلاق و طمعان في قرشين من ورا حلاقة شعر عدو البيئة تامغ اللي ما يتسمى

اوروفوار

شفـقــة و إحســــان يقول...

مبروك يا اسلام بس اوعى تنسى اخواتك المجانين شفقة واحسان

سالي محمد يقول...

أيوه ياعم
اللى وصل وصل خلاص
اتاريك مش بتقرب من البلوج بتاعى ...خلاص عليك يا سولوم
والله تستاهل كل خير يابنى

Noha El-arabi يقول...

ممكن امضاء علي المدونتين و ورقة كراسة من النص اعلقها علي الحيط
:)

حنين.. يقول...

الف مبروووووووووووووووووووور
ومش عارفه يعنى
مفرود بعد ما قريت البوست انق ولا احسد
هههههههههههههههههههه
لا بجد مبرررررررررروك
وبالله عليكى وصى على الدكتره فى الكليه,
ووصى المسئولين يجبونا الميه, وبعد كدا..
رشح نفسك فى مجلس الشعوب
تحياتى
حنين

همس الاحباب يقول...

عايزين نشوفك يوم الثلاثاء
فى اسكندرية يا اسكندرانى
روخ ضوف التفاصيل هنا
http://hams07.blogspot.com/2008/08/blog-post_12.html

Unknown يقول...

يا باشا تتقل علينا براحتك بس المهم متنساش شوية شعر ليا وعاوزهم فرز اول مقص
تحياتى ليك على الجروب والمقال اللى اتنشر

☼♫♪ عمــاد الدين يــوسف ☼♫♪ يقول...

اللــــه يسهـــلوا يعم ، الي اداك بالــ.... يدينا بالشراب ههههههههه
بهزر يباشا .

غير معرف يقول...

الله على النجومية يا ريس

خلاص من دلوقتى هندخل المدونة دي بالإذن
ههههههههههه

بس بد تواضع رهيب منك
ومجهودك رهيب ربنا يكرمك عليه

ويلا كفاية كده بقى علشان مطولش

سلام

Ahmed El-Agouz يقول...

ايه التواضع ده كله يا مان مبروك النجومية
ويا ريت تسمحلي اشرب معاك فنجان قهوة في الوقت اللي سيدتك تحدده

ههههههههههههههههه
ربنا يكرمك
العجوز

مواطن مصرى نايم يقول...

يا جماعة يا حبيبى يا اخواتى يا احلى ناس
معلش انى مرديتش عالتعليقات
و الله متبعتى للجروب هى اللى مضيعة الدنيا خالص
بس ان شاء الله
حرد ف البوست الجديد على كل كومنت اول بأول عشان ما اتزنقش كده ف الرد


الله يبارك فيكم كلكم
و اى حد متخيل انى كده بقيت مشهور و الكلام ده يكبر دماغة لان ما طار طيرا و ارتفع الا كما طار وقع
يعنى انا مش فرقه معايا الموضوع
و بجد مش مغير منى
و لا حاسس انى بقيت حد مهم يعنى
و مش معقول اكبر على حد فيكم
لان كلكم اخواتى
و انتم السبب ان مدون معرف نسبيا
اسمه مواطن مصرى نايم
بجد بشكركم كلكم فردا فرد و كل شخص بعينة

تحياتى يا اجمل مدونين ف الدنيا
اخوكم اللى فرحان بجد انه فى وسطكم

اسلام

الزباين

الزباين و يا رب ابعد عننا الضرايب