.jpg)
بوست خفيف كده عالماشى
عشان بس جروب تامر واخد اغلب الوقت
قلت احسن من انى منزلش بوست انزل بوست خفيف
لغاية ما امخمخ فى بوست تمام ان شاء الله
ـــــــــــــــــــــــــــــــــــــــــــــــــــــــــــــــــــــ
فى كام جمله كده مش بعرف ارد عليهم لما حد بيقولهم لى و ساعات برد غلط
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يعنى لما حد يقولى ف رعاية الله
مكنتش بعرف اقول ايه
لدرجة انى مرة فى نهاية مكالمة تليفونية
اللى كنت بكلمة قالى ف رعاية الله
رديك عليه و قولت
(الله يلعنك)
ـــــــــــــــــــــــــــــــــــــــ
و الا لما حد يقولى شفيتم
هاه ايه رأيكم انتوا؟؟
يعنى انا ايه المطلوب منى ف الوضع ده؟؟
واحد قالك شفيتم
كنت بعمل زى اللمبى فى فيلم اللى باللى بالك
لما كان بيلسم عالناس اللى بيقدموا له نفسهم بس بالانجليزى و هو مش فاهم
لما كان بيرد و يقول
(اوكيه ، باركيه)
و انت عارف بقى يا رب
ـــــــــــــــــــــــــــــــــــــــــ
عادة انا لما برد عالتليفون
بقول :سلام عليكم
كنت الاول بقول ألو
بس طبعا الحاجة عندى فالبيت قالت لى
لازم تقول سلام عليكم
الكلام ده من زمان يعنى مش دلوقتى
مرة بقى كنت لسه مش واخد انى اقول سلام عليكم فالتليفون
و انا رديت عالتليفون و هى جنبى
و ناسى المفروض اقول ايه
و لو قلت ألو يبقى جبت لنفسى التهزيق
هههههههههههههه
روحت قلت
بسم الله الرحمن الرحيم
هههههههههههه
و من الكسوف قفلت السكه ف وش اللى طالب
هههههههههه
ــــــــــــــــــــــــــــــــــ
و الا لما كنت اعزى حد ف ميت
كنت بتلغبط
مش عارف اقول ايه
نسيت كلمة البركة فيك
روحت قلت :الف مبروك
ههههههههههههههه
المشكلة بقى ان اللى انا قلت له الف مبروك
قالى : الله يبارك فيك
هههههههههههههو
ده كان ميت على فكره
ــــــــــــــــــــــــــــــــــ
و الا لما ابارك لحد ف فرح ابنه مثلا او بنته
اقوله : الف مبروك و (عقبالك)
و على كده بيكون
ابنه اللى بيتجوز يعنى هو اكيد متجوز
هههههههههههههههههه
ــــــــــــــــــــــــــــــــ
و الا لما كنت ازور حد مريض ف مستشفى
و اقوله : الف سلامة
يقولى : ربنا يخليك يا اسلام
ما نجليكش ف حاجة وحشة
اقوله : عقبال اولادك ان شاء الله
ههههههههههههههههه
ــــــــــــــــــــــــــــــ
يا جماعة طبعا انا عامل تعديلات عن الحقيقة يعنى مش لازم اللى قلته ده يبقى حصل و فيه منهم حصل فعلا
كان معكم الواد اللى كان ملغبط الدنيا
ESLAM
RSS Feed (xml)
54 قول و لا يهمك:
هههههههههههههههه الله يخرب بيت فقرك مره بنت خالتى جدتها ماتت فقولت اعزيها والده بابها لقتني بقولها مغلش يا دندو بقى مش مهم لقيتها فى وسط العزا اتفجرت فى الضحك هههههههههههه
هههههههههههههههههههههههههه
انت طلعت منهم ولا ايه؟؟
انا ها بتدي اقلق ؟ بس تعرف انا ساعات كتير بضرب لخمة زيك كدا برضه ، وما بعرفش اقول ايه؟ عموماً الحالة دي منتشرة ، يعني ما تقلقش مش انت لوحدك يابني ، وربنا معانا
:)))))))))))))
ايبى
يعنى دندو و بتدلعيها و هى عندها ميت ماشى مش مشكله
لكن ايه هو اللى مش مهم بقى
ههههههههههههههههه
و الله يا ايبى كنت لسه من حوالى اربع ايام ف عزا ام واحد صاحبى
كنت قاعد فى العزا اكنى قاعد فى فرح
قاعد بضحك بطريقة رهيبة
و الله العظيم حسيت انى حتضرب
و اوقل للى جنبى نكت و يضحك
عملت زى يحيى الفخرانى فى فيلم الكيف
هههههههههههههههههه
تحياتى الى اختى ايبى هانم و سلامى الخاص للخروف البمبى
اسلام
سميرة
لا يا سميرة انا كنت منهم
اتعالجت الحمد لله
ههههههههههههههه
اه دلوقتى انسان طبيعى
كائن يعيش و يتعايش
له اربعة اطراف و نضارة
اه glasses
بس انا كانت الحكاية معايا زيادة عن الطبيعى
ههههههههههههههههههه
تحياتى لسميرة مالكة الاوتوبيس
متخصصه وسائل مواصلات
اسلام
ههههههههههه
انا برضه بقول سلام عليكم فى لما برد على التليفون
ومره كنت بتصل واحد صاحبى مسيحيى
فماما قالتلى متبدأش بسلام عليكم
وانا قعدت اقول الووووو
الوووووو
الوووووووو
اول ما رد قلتله سلام عليكم
وانفجرت ضحك وقفلت السكه
:D
حتى بوستاتك الخفيفه دمها اخف
هههههههههههههههههه
هههههههههههههههههههههههههههه
هموت من الضحك
هههههههههه
ههههههههههههههههههههه
هههههههههههههههههه
العلم نوووووووووور
هههههههه
اوكيه .. باركيه .. ده انت مبروك بشكل !!
هموت من الضحك .. عقبالك !!
انت بجد سو كيوت و سو نيس
البوست جامد ودمة خفيف موت
امال بقا لومكانش بويت ع خفيف
انا مقصدش احسد ماشاء الله
ومنتظرين الجديد اللى اكيد جامد
هههههههههه
اية يابنى دة .. هوة انتا عامل قاموس مفردات لوحدك؟؟
تحياتى
والله يا اسلام مش عارفه ايه اللى مش مهم باين علشان جدتها ماتت فقولت لها مش مهم
طيب اقولك رايحه فرح واحده صحبتى قومت بسلم على العريس قولت لع كل سنه وانت طيب هههههههه
بص انا اساسا بطلت اروح افراح ولا عزاء مش ناقصه لخبطه يا خويا والله
اول مرة ازورك لقيت البوست معبر جدا عن اسمك كمواطن مصري نايم
هههههههههههههه
تصبح علي خير
قصدي سلامو عليكم
هههههههههههههه ايه ده
والله كنت بعمل كده لحد دلوقتى بتغلبط فى حاجات اكتر من كده
انت عملت ايه عشان تنظبط ؟
قولى عشان ربنا يكرمنى واتعدل انا كمان مينفعش ابقة طويلةكده ومعرفش ارد على الناس عيب يعنى
سلااااام يااسلام
هههههههههههههههههه
هههههههههههههههههه
لا بجد بوست خفيف جدااااااا
فعلا الواحد اوقات بيتوه فى الرد على الحاجات دى فعلا
كل سنه وانت طيب ورمضان كريم
ههههههههههههه...يا باشا ..احنا حافظين مش فاهمين
دي الحكاية ببساطة
تحياتي
يابنى انت مشكلة و ربنا
مش هقدر أقول غير كدة
و انا موقف العزا ده حصل معايا كتيييييييييييير لدرجة انى مبقتش أروح أى عزا تانى
:D
لأ أنا عادة برد بحاجات من أمثلة : هشششش تكشششش بتتتتتت نننن
" الترجمة : كلام مش مفهوم "
كتير بحس إني عاوزة قاعدة كده مع حد كبير يعملني الكلام المناسب في الموقف المناسب :D
-
مدونة حضرتك جميلة جدا :)
هههههههههههههه
أيه يا سلم التحيات الجميله دي
بتحصل اللخبطه دي والله
أنا لما بكون رايح مناسبه كده
بذاكر قبل ما أدخل أقول أيه
كان الكلام ده بيحصل زمان
لكن دلوقتي الحمد لله الواحد إتشطر
وعرف كلمات كل مناسبه أيه
وأيه الردود بتاعتها
وسلاااااام يا صاحبي
انت كدة دخلت منطقة نفوذى انا اجدع واحدة ترد على التليفون تقول عليكم السلام قبل سلامو عليكو... ولما بانادى على جارتنا بابقى مجهزة نفسى انها لما تطلع هاقول لها سلامو عليكو فتلاقينى بانادى سلامو عليكووو..لما حد يقوللى هتوحشينى باقول انت اوحش..لما حد بيقول لى صباح الخير باقول له عليكم السلام..لما حد يقول لى عقبالك اقول له وانت مالك ......وخد من دة كتييييير
انت مشكلة يااسلام
السلام عليكم
بعد التحية و السلام نفيدكم علما بأن مدونة
شباب الصحبة
بدأت المرحلة الاولي من العمل و نحن نقدم الان أجرأ و أكثر المقالات التي تتنوع ,, نرجو منكم المشاركة من جديد ابداء الرأي علي المواضيع وبدأ التعليق
دة أمل ليا و شرف ,, انا حكون سعيد لو تمنحهولي
و جزاكم الله خيرا علي كافة الاحوال
http://so7bah.blogspot.com/
هههههه أنا مرة رحت مع مامتي و صحبتها عزاء في قطر و جينا نمشي فصحبة أمي بتقول للست البقية في حياتك و خير اللهم أجعله خير لاقينا العزاء كله بيزعق في نفس الوقت يعني إزاي تقول كلمة زي دي ؟!! و أنا ماما اللي هو فطسنا من الضحك ...
تحياتي
الكلام ده شكله بجد مش هزار
إيه ياعم ده ركز شوية
تقول للراجل فى العزى ألف مبروك
إنتى شكلك بتحب ومش مركز
كل سنة وإنتا طيب بمناسبة رمضان
دمت بود وفى رعاية الله
تحياتى
ههههههههههههههههههههههههههههههههههههههههههههههههههههههههههههههههههه
اوحش حاجة بجد لما تتوتر كدا و ماتعرفش تتصرف....احلى حاجة بسم الله الرحمن الرحيم دى..عملتها مرة ..بس رديت و قلت الله اكبر.... و اعدت اضحك انا و اللى بيتصل
ههههههههههه
ههههه والله يا استاذ احمد فكرتنى بحجات عملتها من نفس النوع بس اصحابي عملوها ليه ذله جامده اووووووى
ف يوم واحنل راجعين من مدرسه الثانوى (بنات) كلها طبعا وماشيه مع اصحابي مروحين عشان يدووووووب نغير زفت المدرسه ونلبس الهدوم الحلوه بتاعت الدرس وطبعا بما اننا لسه بنات صغيرين ف ثانويه عامه فقلنا نشترى حاجه حلوه ناكلها واحنا مروحين قلنا ندخل نشترى ايس كريم زى الناس النضيفه وخصوصا ان الجاو نااااااااااار جو مدارس يعنى وخروج التلاميذ والموظفين وحاجه تقرف
المهم طبعا احنا مقتنعين اننا مش هندخل المحل كلنا لاننا لو وقفنا ف شارع بالعرض هنقفله ورسي العطا عليه انا وواحده اننا ندخل نجيب وطبعا لمينا من بعضنا وحطينا القرش على القرش ودخلت انا وهى وطبعا من اللبخه دخلت قلت للراجل بدل سلام عليكم رحت قايله بكل ثقه بسم الله الرحمن الرحيم والراجل طبعاااااا ضحك وصاحبتى فضحتنى امام الشله يلا كله خير
ده طبعا غير الكلام اللى الواحده بتخرف بيه اول م تصحى من النوم يااااااه وانسي بعده
وطبعا مساله عدم معرفه الرد على بعض الكلمات فدى كتير يعنى فعلا لو حد عزانى وقالي البقيه ف حياتك مبعرفش ارد ولا عقبالك مثلا
يلا انا طولت اوى بقه سلالالالالالالالالام
ايه البوست اللى كله رغايين دة
هههههههههههههههههههههه
...........
لذيذ البوست دا اهو حاجة تفرفشنا شوية كدة احسن من النكد
شكرا يا اسلام فرفشتنى شوية
بوست لذيذ وبتحصل فى احسن العائلات
وعجبنى موقف التليفون دا :D
ايه يا ابنى ده بقى دى ردود دى
بس بجد انت تحفيشن يا اسلام
ههههههههههههههههههه
جميل اوي المواقف دي
وضحكتني علي فكرة
اه مش بصوت بس بوقي ابتسم اوي
وغصب عني
وده دليل هعلي خفة دمك
بجد الله يحظك يا محظوظ
قال بسم الله الرحمن الرحيم قال
عملتها مرة علي فكرة
هههههههههههههههههههه
لوووووووووووووووووووووووولى واخيرا المدونه بتاعتك ظهرت تلات ايام حاطالك سؤال عند فرنسا وانت مفيش رد والبت ايبى تقولى مواطن اصله نايم
يادى الخيبه على دى غيبوبه وانا مقفوشه وانت لسه نايم
انا برضوا كنت بتلخبط قوى اما حد يقول البقاء لله كنت بحتاس ارد بايه
تحياتى ليك سومه_87
هههههههههههه حلو قوى ايبى مش مهم دى
مواطن بيقولوا انك وقعت فى بلاعه ياله خيرها فى غيرها
نعلن نحن مخابرات السيكا سيكا ان مواطن ملوش لازمه ولسه نايم
نعلن نحن المخابرات المضاضه لمخابرات السيكا سيكا ان مواطن ضارب كابيتشينوا وممسوك فى قسم الانفوشى محطه البرررم
على فكرا انا كنت النهارده عندك فى الكسندريا وكدا يبقى ليا عندك اكله سمك
ههههههههههههههههههههههههههه
يالهووووووووي
انا مرة واحد زميلي من لخبطته وهو بيعزيني في بابا الله يرحمه قالي
كل سنة وانتي طيبة
طبعا مسكت روحي من الضحك وهو لحق بسرعة ظبط كلامه ..
والله فكرتني بيه
ههههههههههههههههههههه
ازيك يابلوى
عامل ايه يامصيبة
بئالك يومين مش بتدخل اون لاين ليه ياكارثة
انت كويس ياداهية
ازيك يابلوى
عامل ايه يامصيبة
بئالك يومين مش بتدخل اون لاين ليه ياكارثة
انت كويس ياداهية
بجد ساعات بتحصل معايا واتلخبط ويبقى موقف محرج جدا
وثانيا عاملين شغل جامد قوى مع الجروب بجد اهنيكم عليه انت واشرف
تحياتى
ههههههههههههه
ياخبر ابيض طيب بجد بجد كم واحد فتح لك دماغك ؟؟
لازم اكيد تكون فاكر !!
لانى لو مكانهم مكنتيش اترددت ابداا
انت فين يا اسلام طمنى عليك لا يكون الواد رفع عليك قضيه بجد وافتكر انك هتقص شعر صدرة يا لهوى ادى اخرة اللعب
ليك تاج عندى يا بيه يا نايم
انا نفسى اعرف حتصحى امتى ان شاء الله
اسلام انت كويس والنت فاصل ولا نايم ولا مطنش ايه الحوكايه بالظبط اوعى يكون سى كعبوره ضايقك والنعمه اشردله اه اللى يضايقك نرشه بالبيبس وخصوصا انه بيجيب هشاشه عظام وبيغسلوا بيه التواليت فى امريكا يعنى قمه التهزيق
اختك سومه
وراك رجاله ياكلوا باتون ساليه لا تقلق
كلة يوسع ......وسعوا كدة ايوة ايوة ههههههههههههههه
ازيك يا اسلام
عارفاك قولت موت وارتحت من تعليقاتى بس على مين يا بنى انا بسبع ارواح وبعدين انا عاوزة صندوق الساقع بتاعى من القهوة على بيتنا ديلفرى هههههههههههه شوف بقالى قد اية مجتش هنا واللهى البلوج وحشنى ياااااااااة طلعت من المصباح هههههههههههه
اومال مفكرنى يعنى مش هرجع ادون قال اعتزل قال ههههههههههه بس يعنى فين الكابتشينو عمالة اكتب وخلصت الحبر والورق عندك هنا
صحيح اية اخبار اسكندرية ؟ بقولك مش عارفة اشكرك ازاى على سؤالك عليا بس برضو هارجع اخد صندوق الساقع
ههههههههههههه
تحياتى
تانى مرة ......ههههههههه معلش بعوض بعدى عن الرخامة بقولك اية انا متضامنة معاكم فى حكاية جروب تامر حسنى بس معنديش فيس بووك عندى حنفية تنفع ههههههههههه
بجد واللهى كنت قاعدة اتفرج كدة على ام بى سى فور يا اسلام وفى فاصل مسلسل نور اللى يا رب يخلص بقى لقيتهم يا اخويا جايبين فى الاعلانات مجلة روتانا وفيها كاتبين عنكم وازاى عاوزين توقفوا تامر عند حدة كانت جنبى جيجى اختى قولتلها اة الجروب دة ناس جدعان ومحترمين وزعيمهم بيعلق عندى فى مدونتى واخد بالك من زعيمهم هههههههههه اتشهرت خلاص يا اسلام ومحدش هيعرف يكلمك هههههههههه بس برضو موصلنيش صندوق الساقع هعملكم غرامة تاخير
سلاااااااااااااااااااام
صحيح دة انا كنت هنسى
كدة ابعتلك دعوة مدونة نور الجنة متقبلهاش ماشى ما انت اتشهرت خلاص يا بنى شارك معانا عشان رمضان كريم وعشان كمان انت دعايا للمدونة ماشى انت وسمسمة مقبلتوش الدعوة بس برضو يعنى اتشهرت متنسناش هههههههههههه
عاوزة بقى واحد شاى بالسحلب ومعاة بسكوت من بتاع العيد الصغير هههههههههههههه
سلام عشان كدة هتطردنى خالص من المدونة هههههههههه
ههههههههه
ايه الروقان ده ؟ هيييييه دونيا
دي بوستات الناس اللي لسة مشتغلتش في الساقية ولا اتجوزت ولا خلفت :)
تحياتي يا باشا
بجد انت مشكلة يا اسلام
ايه يا ابنى الردود التحفة دى
بقالك كتير مش باين شكلك واخد تعسيلة زى بتوع اهل الكهف
شفقة
بوست لذيذ يا اسلام وواقعى كمان
انا كمان بيحصل معايا كده احيانا بس ده لما بكون فاصل ونايم على نفسى وخاصة فى العزاء او الدفنة لانى مش بكون مركز فبلحق نفسى بالعافية قبل ما ابارك لأهل الميت!!!!!
ضحكتنى بجد على موضوع مبروك اللة يبارك فيك فى العزاء ده
كل سنة وانت طيب يا اسلام والاسرة الكريمة بخير ويتقبل الله منا ومنكم ومن جميع المسلمين صالح الاعمال ان شاء اللة
السلام عليكم
زيارة اولى وانش اء الله مش الاخيرة
بوست حلو جدا
وبيحصل معانا كتيييييييييييير بس كان زمان بردوا
:))
وعادى جدا يعنى انك تفتح الباب وتقول الو
:)))
تحياتى
كل سنة وانت طيب
تقبل مرورى
يارب
كلما طرق هذا العبد بابك
أفتح له كنوزك
و سخر له عبيدك
و ابسط له رحمتك
اللهم اجعله من الصائمين القاثمين
الركع السجود
و بارك له فى شعبان و بلغه رمضان
فى يسر و سلامة و امان
اللهم امين
كل سنة و انت الى الله اقرب
والله موتني من الضحك
بتبقى مواقف رهيبه وانا بحب الغلطات دي قوي :)
رمضان كريم
طيب طيب ماشي ماشي
اديك فكرتني بالفضيحه الكبرى
هقول ورزقي على الله
يوم امتحان الفيزيا في الثانوية العامه
المدرس اصر اننا نروح نراجع معاه الصبح بدري
وانا مكنتش نمت طبعاااا
المهم
رحت المراجعه وخلصت وفاضل يادوبك نص ساعه على الامتحان
لقيت قدامي اتوبيس هينزلني قدام المدرسة
قلت ياللا وركبت
ادور في جيبي مفيش الا عشرين جنيه ورقة واحده
ههههههههههههه
اديها للراجل الكمساري
يقولي مفيش فكة يابنتي
خلاص اقعدي
وانا بقى كبرت في دماغي
ولازمن ادفع
فضلت الف على الناس
من فضلك يا عمو معاك فكه عشرين؟
يقولي لا
اروح للي بعده
لغايه ما واحد قالي ما تاخدي يا بنتي ربع جنيه تدفعيهوله وتريحي نفسك
اتكسفت وسيبته ومشيت
روحت للراجل اللي بعديه ومن كتر اللخبطه قلتله
ممكن يا عمو ربع جنيه؟؟
ولك أن تتخيل كسفتي والراجل مذبهل
والاوتوبيس كله بيضحك عليا
:s
ياللا كانت ايام
بس البوست دمه خفيف كالعاده
:)
إرسال تعليق