الأحد، 29 يونيو 2008

تاج و الا طربوش مش حتفرق

تحديث هااااااااااااااااااااااااااااااام
و كمان اول مره احط تحديث فوق عشان هو بجد هام
ـــــــــــــــــــــــــــــــــــــــــــــــــ
كنت من قريب علقت عند حبيبى
صاحب مدونة شاب شنكوتى
و الظاهر ان التعليق كان رزل
بس و الله انا كنت بهزر
قلت له انه بيعلق عند البنات
بس و الله دا عشان هو كا ن قايلها لى فى تعليق عن نفسة
يعنى و الله كان هزااااااااااااااار
و انتوا عارفين انى بحب اهزر
لقيته زعل و فوجئت انه منزل تدوينة و كاتب فى الاخر انه حينقطع لفترة بسبب الموضوع ده
بس هو رجع الحمد لله لانى كنت حزعل من نفسى جدااااااااااااااااااااااااااااااااااا
انى اكون سبب زعل البوب
i am sooooooooooooooo
sorry
انا قلت له برضوا فى تعليق الكلام ده
يا رب ميكنش زعلان
و يا عم ما انت كنت معلق عندى
يعنى انا فعلا كنت بهزر
اوعى تكون زعلان
و اللى بيدخل عنده يقوله يا جماعة انى نزلت اعتذار له
عشان بجد انا زعلان انه فهم هزارى غلط
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
دوخت على صورة تاج رجالى مش لاقى واحد عدل

قلت يبقى الطربوش احسن




اول تاج يجى للعبد لله



من العزيزة



zozo
****
(1)
بالنسبه ليا

ـــــــــــــــــــ



انا و لا فخر احمد عبدالله



معروف خارج نطاق الدراسة بإسم إسلام



16/12/1987 تاريخ ميلادى

هدايا بقى هه

انا مستنى

برج القوس

و برجى الصينى الارنب

اللى انا فعلا ينطبق على صفات هذا البرج تماما

بعض من خصائص برج الارنب

الشخصية
ــــــــــــــــــــــ

يرمز الأرنب للحياة المديدة ، وغالبًا ما يعيش حتى سن متأخرة. الأرنب ليس ضعيفًا ، إنما يتجنب الخلافات فقط . دبلوماسي جيد ومفاوض ماهر.‏ بيت الأرنب جميل ، ويحتوي على الأثاث الفاخر، وهذا يسعد الأرنب. حيث إنه يفضل تمضية وقته في البيت مع العائلة على التسلية في الخارج.بالرغم من أن مولود برج الأرنب لا يحب صفة الجبن في نفسه إلا أنه بالفعل جبان ولكنه جذاب وهو عادة شخص لا يميل إلى المواجهة. مولود الأرنب هو شخص له شعبيته مع الأصدقاء والعائلة. إنه بطبعه حنون ويميل إلى حماية أولئك الذين يهتم بشأنهم هو. يقوم مواليد الأرنب بالنظر والتعامل مع علاقاتهم بمثالية كما يقدمون من أنفسهم أكثر من المطلوب. لحسن الحظ غالباً ما يقوم مولود الأرنب بإحاطة نفسه بالأصدقاء والعائلة والذين سيساعدوه للعودة إلى توازنه عندما يتعرض لهجر عاطفي. غالباً ما يكون مولود الأرنب ذا حساسية مفرطة بعض الشيء لذلك هو يحتاج إلى دعامات وأسس اجتماعية للمحافظة على التقدم والازدهار، وبدون عائلة قوية وأصدقاء حميمين لن يستطيع مولود الأرنب الوقوف في وجه الظروف السيئة والحظ العاثر. مولود الأرنب شخص حساس جداً فيما يتعلق بعواطفه ، حتى أن أي انزعاج عاطفي قد يؤدي إلى درجة المرض الجسماني . يمكن أن يكون مواليد الأرنب في حالة تشاؤم في حال شعروا أن حياتهم تقف في حالة ركود. هناك طبع متأصل في مولود الأرنب وهو الشعور بعدم الأمان في مكانهم في هذا العالم. يتحرك مولود برج الأرنب بالخطوات التي يراها مناسبةً له وهو من الأشخاص المتأملين في الحياة والذين يؤجلون أمورهم.مواليد الأرنب يحبون البيت والحياة، وفي ضمن إطار عائلي قوي قد يجد الأرنب الأمان الذي يحتاجه لكي يتقدم ويصبح واثقاً من نفسه أكثر فأكثر

نقاط القوّة
ــــــــــــــــــــــ

الأرنب هو أكثر الأبراج الصينية حساسية، سريع البكاء، ومحب للسلام، هادئ، خجول، عذب، محبوب، ويفضل الحياة المنظمة.‏

رومانسي* مخلص* ذكي، ويتمتع بذاكرة قوية*خفيف الظل يحب الكوميديا

المشاهير من برجى

ـــــــــــــــــــــــــــــــــــ

أحمد بهاء الدين ، يوسف إدريس ، حسين صدقي ، الحبيب بورقيبه ، مصطفى النحاس باشا ، هدى شعراوي ، محمد طلعت حرب ، محمد على جناح ، فرانك سيناترا، ماري كوري ، مايكل أنجلو ، نابليون بونابرت ، ألبرت أينشتاين ، سيغموند فرويد ، ستالين ، الملكة فيكتوريا، إيديت بياف.هاري بيلافونت ، إنغريد بيرغمان ، لويس كارول ، جون كليز، بيتر فولك ، بيتر فوندا، جيمس فوكس، ديفيد فروست ، غاري غرانت، أوليفر هاردي ، بوب هوب ، ويتني هيوستون، جون هيرت ، مايكل كيتين ، جون كيتس ، جوليان لينون، آرثر ميلر، روجر مور، تاتوم أونيل ، جورج أويل ، نيل سايمون، جين سيمور، دستي سبرينغفيلد، ستينغ، أوسون ويلز، نورمان ويزدام
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
(2)
بالنسبه لعلاقتى بالله
ـــــــــــــــــــــــــــــــــــ
لا اظن ان التحدث عنها سيفيد

فإنها بينى و بين الله

و لكنى و الحمد لله اعرف من امور الدين الكثير

و عن سيرة الرسول عليه الصلاة و السلام الكثير

مما يجعلنى و الحمد لله

استطيع مجاراة عالم دين فى الحديث و تجاذب اطرافة عن الدين و الرسول

صلى الله علية و سلم

إلى اقصى درجة

فإنى قارئ نهم عموما

و قارئ دينى جيد خصوصا

و لكننى فقير الى الله فى العلم

لست داعية و لكن علمى المحدود لى وحدى

الا اذا طلب منى توضيح شئ ليس به فتوى

فإنى بإذن الله افعل قصارى جهدى لذلك
ـــــــــــــــــــــــــــــــــــــــــــــــــــــــــــــــــــــــــــــــــــ
(3)
بالنسبه لعلاقتى باهلى

ــــــــــــــــــــــــــــــــــــــ
اجتماعى جداااااااااااااا

والدى و والدتى و اختى اقرب حد لى فى الكون كله

و لكن والدتى اقرب الى حياتى الخاصة

يعنى تعرف عنى كل شئ طبعا

احب جو المرح و الفكاهه

و اذا اجتمعت انا


يبقى صباح جو الضحك اللى بيسود المكان من قفيهاتنا

يعنى احنا و الحمد لله من اللى بيتقال عليهم قاعدتهم حلوه

مش نكد
ـــــــــــــــــــــــــــــــــــــــــــــــــــــــــــــــــــــــــــــــــــــــ
(4)
بالنسبه لصحابى

ـــــــــــــــــــــــــــــــــ

محبوب بينهم جدا و الحمد لله
و بحبهم جدا جدا
و مخزن سر اغلبهم

و لكن ينتابنى فى بعض الاحيان شعور يبعدنى عنهم لفترة

و سرعان ما نعود لبعض

بحب اخرج معاهم جدااااا

و هما كمان بيحبوا خروجى معاهم

لانى بضيف جو من المرح على الخروجه

على حد قولهم

و انا بستغرب

ههههههههه
ــــــــــــــــــــــــــــــــــــــــــــــــــــــــــــــــــــــــ
(5)
الاطفال

ــــــــــــــــــــــــــــــــــــ

انا طبيعى بحب الاطفال لكن مش بحب اشيل طفل
مش عارف ليه
و بحب الواد مودى ابن خالى دا عسل

و الواد يويه (يوسف) ابن خالتى دا بقى مصيبة

و الواد (محمد ) ابن خالى

و كيموو ابن خالتى

و عمووور ابن خالتى

دول كل اللى يتراوح عمرهم بين

ال 2 و ال3 سنوات

و نفسى اخلف سواء ولد او بنت

مش حتفرق

بس انا بحب البنات لان اختى هى الوحيدة اللى ليا من الاخوات

و لم اتعامل مع ولد فى صله قرابة كهذة

لهذا احب البنات

و بحب الولاد طبعا

و نفسى اسمى لو جبت و لد و بنت ان شاء الله

البنت يكون اسمها

نور

و الولد يكون اسمه

سيف الدين

ادعوا لى بذلك
ــــــــــــــــــــــــــــــــــــــــــــــــــــــــــ
(6)
امنياتى
ـــــــــــــــــــــ
يرجع الاسلام زى ايام الصحابة

بحلم بزوجة صالحة

و بيت هادئ

و عمل استريح به يكون بشهادتى

بنك مثلا او شركة

نفسى اكون لى شأن فى المجتمع

و لذلك اعد فكرى و نفسى بإذن الله لذلك

حيث اننى اتمنى ترشيح نفسى فى مجلس الشعب حينما يتثنى لى ذلك

و نفسى اشوف مصر بلد ينفع ان اولادى تعيش فيها

و اعمل جاهدا لتحقيق ذلك

و يا رب ربنا يديم الصحة على والدى و والدتى بإذن الله

عربية بقى وتبقى الحياة رز بلبن
ـــــــــــــــــــــــــــــــــــــــــــــــــــــــــــــــــــــــ
(7)
التكنولوجيا

ــــــــــــــــــــ
النت : روحى و حبيب قلبى و كفاءة

الكمبيوتر : دا بجانب انه اداه ترفية و اتصال الا انه مهنة بالنسبة لى كمان

بشتغل فى شركة كمبيوتر فى الفترة الصيفية

المحمول : فى فترة من الفترات كان شغلى الشاغل الموبايل

ايام ما كان النوكيا

6600
ب
4000
جنية

و اشتغلت فى مجال الموبايل فترة حيث انى استطعت ان اكون فى فترة من الفترات

مزود لمحلات الموبايل بالبرامج و الالعاب و السوفت وير بتاع الموبايل كله

لانى كنت بعدل فى البرامج و اعربها

و كذلك الالعاب و اى شئ اخر فى الموبايلات حتى الصيانة

و ذلك فى فترة كان قليل اللى يعرف يعنى ايه بلوتوث

اى شئ يتعلق بالتكنولوجيا و اى شئ جديد فى هذا المجال يشد انتباهى و اعرف عنة الكثير

و إذا اندرجت المدونات تحت هذا البند

فإنى من اوائل من عملوا مدونة

فى العام الماضى

بعد الكبار طبعا اللى بدأوا فى
2006
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
(8)
الحياة
ــــــــــــــــــــ
غمض عينيك و امشى بخفة و دلع

الدنيا هي الشابة و انت الــــــــجدع

تشوف رشاقة خطوتك تعبــــــــدك

لكن انت لو بصيت لرجليك ....تـقع
عجبي
ــــــــــــــــــــــــــــــــــــــــــــــــــــــــــــــــــــــــــــــ
(9)
التسامح
ــــــــــــــــــــــــ
بزعل بسرعة و بسامح اسرع

ـــــــــــــــــــــــــــــــــــــــــــــــــــــــــــــــــــــــــــــ
(10)
الناس
ــــــــــــــــ
على رأى المثل

الجنة من غير ناس ما تنداس

****************************
شكرا جدا لزوزو انها خلتينى اكتب عن نفسى فى التاج اللى هى مررته لى

بجد انا بشكرها جداااااااااااا
___________________
امرر التاج لكل من


سومة مجنونة فى بلد عاقل

sou

نورة الخشن

وائل

الفارس الملثم

ايمن بدر

و كل اللى لم يمر علية التاج


Eslam

41 قول و لا يهمك:

Empress appy يقول...

سيبك من كل ده انت طلعت برج القوس زى اهلا وانا اقول الدماغ دى منين

zOzO يقول...

بجد حلو يا اسلام التاج
اجابات كلها حلوه اوي
ربنا يبارك فيك يارب
وتحقق كل احلامك دي
ويرزقك الزوجه الصالحه والذريه الصالحه يارب


ولا شكر ع واجب
بالنسبه لتمرير التاج
تحياتي ليك

غير معرف يقول...

اسلام ياسمسم

ايه يابني الحلم الجميل ده بتاع الشغل بشهادتك يارب
ولو لقيت هاتلي معاك واحد شغل بشهادتي انا كمان
اهي شهادتي دي بئى اللي عند ام تيتي بجد

حلو برجك يا اسلام خصوصاً فالصبيان

ةمتشكرة جداً على التاج وميرسي اوي انك افتكرتني انشاء الله يكون البوست القادم ولا ايه رأيك نعملو عندك هنا؟؟؟؟؟؟؟؟؟؟؟؟؟؟

اللي يريحك

غير معرف يقول...

!إسلام

هقولك على حاجة واحتمال كبير مش تصدقني

هو انت يا مش هتصدقني يا هتف عليا

و ده أقل واجب يعني والله

فاكر موضوع الكود اللي كان بيمنع السرقة من المدونة

فاكرة؟

اكتشفت دلوقتي بس وبعد مراجعة غير دقيقة للتعليقات وبصّة غير متفحصة بالمرة انك كنت شارحلي اني عشان احط الكود احطه مكان كلمة
body
انا بئى مكنتش بعمل كده لأ كنت بعمله كوبي وارميه فأي مصيبة تشيلني وبس
وعشان كده مكنش بيدي نتيجة

ااااااااااااااه ايوه غبية وشيخة الاغبياء صح معاك حق
خلاص ياعم كفاية تفافة انا عارفة انت زمانك بتقول أحسن حل فيكي نحطك في ميدان عام ونلم المدونين كلهم وتحدفوني بالطوب

((((((((((حقك والله))))))))))

واوعى اسألك فحاجة تاني وتجاوبني انا اكتشفت اني مستفزة
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
ممكن سؤال
هو انت ازاي بئى ياترى كاتب جملة لو عايز اي حاجة من البلوج أطلبها في رسالة خاصة؟؟؟؟؟؟؟؟

ايه ايه ايه انت هتجاوب ولا ايه عشان رشيتلك شوية نقط فوق لحقت تنسى
ده انت قلبك ابيض اوي

رئـــــيسـة حزب الأحلام يقول...

بدل التاج طربوش
ايه دة اول مرة اعرف
بس تاج جميل عرفنا كتير عنك
وسلملى على خالك
تحياتى

موناليزا يقول...

جميل تحدثك عن نفسك بهذه الشجاعة ولكن ملحوظتى الوحيدة على حكاية الابراج سواء بقى مصرى او صينى
لانه كذب المنجمون ولو صدقوا
يارب تحقق كل ماتتمنى

مواطن مصرى نايم يقول...

appy

اهلا اهلا هو انتى كمان برج القوس
شوفتى بقى يا ايبى
عشان تعرفى بس
انا الدماغ دى متكلفه
نورتى البلوج انتى و خرفانك
eslam

مواطن مصرى نايم يقول...

zOzO

ربنا يخليكى
شكرا جدا على الدعوة الجميلة دى
ربنا يكرمك يا رب
و بجد شكرا على التاج
eslam

مواطن مصرى نايم يقول...

نوره الخشن ــ آي و كفاية

هههههههه
نورة اوعدك بجد والله لما الاقى شغل بشهادتى
و المكان ده فى مجال لكلية الاداب
حشغلك فيه
بس بعد ما ادخل مجلش الشعب
ههههههههههه
اما بقى لو عاوزة تعملى التاج فى بوست
دا لو ينفع عندك
لو عاوزة تجاوبيه هنا
دا مكانك
مش عاوزة تجاوبية دى حياتك انتى

اما بقى بالنسبة للكود
انا ساعتها قلت لك
انتى عامله حاجة غلط
ههههههههههه
يالا مش مهم
انا حطيت لك الكود بتاع الرسالة
فى التعليق عندك
انتى تؤمرى يا نوارة
eslam

مواطن مصرى نايم يقول...

رئـــــيسـة حزب الأحلام

اه بدل التاج طربوش
ما انا مش لاقى تاج رجالى عدل
كلهم شكلهم وحش
و حاضر حسلم لك على ابو مودى
يوصل ان شاء الله
نورتى البلوج
eslam

مواطن مصرى نايم يقول...

موناليزا

دى صراحة اكثر ما هى شجاعة
اما بقى بالنسبة للابراج
انا مش بتابع الابراج
و لا بقراها يوميا فى الجورنال
و لا بعتمد عليها فى حياتى
حتى اننى لم اتحدث عن برج القوس اللى
اغلب الناس بتمشى على الابراج دى
مع ان قرأت كثيرا عنه
و برج الارنب الصينى
انا حبيت اضيف معلومة لبعض الناس اللى ميعرفوش يعنى اية برج صينى
و برضوا مش بتابع
بس خصائص الشخصية مثل شخصيتى تماما
و لا اهتم بها ايضا
و فعلا كذب المنجون و لو صدقوا
ربنا يخليكى انك لفتى نظرى فى الحكاية دى
بس انا الحمد لله بعيد عنها خالص
مجرد معلومات
العلم بالشئ خير من الجهل به
تحياتى
نورتى البلوج بالتعليق الجميل ده والله
eslam

رئيس جمهوريه نفسى يقول...

فى حد مش بيحب يشيل الاطفال يا راجل حرام عليك دول عثل عثل عثل
ربنا يكرمك ويوفقك يارب

مواطن مصرى نايم يقول...

رئيس جمهوريه نفسى

يااااااااااااااااه
يا حوده
يا راجل دا انا قلت ان المدونة بتاعتى بعيدة عليك
دى الزيارة التانية كما يهيأ لى
نورت يا اجدع ريس
ما هو انا قلت الطفال عثل عثل عثل عثل
بس مش بحب اشيلهم
لانى غالبا مش بعرف اشيلهم صح
فبخاف عليهم
نورت البلوج يا باشا
eslam

بحبك يامصر يقول...

ريحة الدخان بتتعبنى بلاش شيش فى القهوه
اول مرور لى عندك عرفنى بيك عرفت تتكلم عن نفسك كويس شجاعه تحسد عليها
تحياتى ليك

سالي محمد يقول...

علي أد ماهيا متعه انك تكتب عن نفسك أنا برضه استمعت وانا بقرا البوست ده
ربنا يحققلك احلامك

Empress appy يقول...

اسلام والله العظيم لو دورت هتلاقينى رده مرتين على ايمن بدر الرد الاول بتاعك انا اتلخبط معلش اسفه هو انا اقدر دا انت اخويا الصغير روح شوف تانى وانا هرد تانى والله لوحدك

Unknown يقول...

يا واد يا واد انت يا جامد ياهادى يا رومانسى يا لذيذ......... والله باين عليك شخصية لذيذة موت اكيد طبعا لذيذ لانك اسكندرانى ....... انا كمان على فكرة باحب خالو جدا بس احنا افكارنا غير بعض خالص يعنى بس باحبه بردو ايه الرغى دة المهم انت عسسسسسسسسسسسسسسسل بس الله يلزقك الله يلزقك تعالى عندى هو انا هاشحتك وللا اييييييييه؟

Unknown يقول...

ايه دة ازاى نسيت اقولك ربنا يحقق لك احلامك يااااااااااارب وتبقى حياتك رز بلبن ومهلبية كمان

ghoneem يقول...

السلام عليكم

أنا اتشرفت بمعرفتك من خلال مواضيعك
ومن خلال تعليقاتك الجميلة
ولكن التاج ده بجد عرفني بيك أكتر وحببني فيك وف مدونتك أكتر

جميلة أحلامك ربنا يحققهالك
ويرزقك صلاح الزوجة والذرية
ويبارك فيك وف أحبابك

تحياتي ليك
بالتوفيق.....................

ذربونة هانم يقول...

ده تالت تاج اقراه النهاردة
بس برضه ردودك جميله
و تصدق بأيه انا لسه كنت بدور على صورة طربوش للبوست الجديد بتاعى

dina يقول...

فعلا انت فيك كتير من صفات برجك....بس اهم حاجة ترشح نفسك و انا اول من يصوت
تحياتى

مدحت محمد يقول...

عيد ميلادك مع بنت اختى

بس انا بصراحة مش بؤمن بموضوع الابراج ده

عاجبنى اوى يااسلام لما بتقول

انا نفسى الاسلام يرجع زى ايام الصحابة

اللهم امين

ربنا يوفقك ان شاء الله يااسلام

كيكى عوووووو يقول...

عوووووووووووووووووووو
انا جيت اتخديت
......................
تاج ولا طربوش مش هتفرق
عندك حق
ياااااااااااارب تحقق كل احلامك
ويوفقك يارررررررررررب
تحياتى
حلوة اوووووووووووى بجد نظام القهوة دى
ممكن اطلب طبق كشرى بالدقة بدل
الكرابنشينو
بليزززززززززززززز
عووووووووووووووووووووو

Miss. Sosa يقول...

السلام عليكم

جميل اوى روحك الجميلك واعتذارك لما حسيت انك زعلت حد منك ربنا يديم عليك طيبة القلب والروح الجميلة

===
عجبني اوي الطربوش ده كنت بدور على واحد لابس طربوش من فترة مالاقتش طربوش خيالي

===
واضح اوي اهتمامك بالابراج وتعريفك لنفسك من خلال صفات برج انا كمان مهتمة بالابراج وبعز برجي الغامض

وبحب الارانب اوي خصوصا اللي لسه صغيرين اوي بحب اوي اصورهم بيبقى منظرهم تحفة

ربنا يخليلك اختك ومامتك وينعم عليك بالحب والسعادة

======
بخصوص الموبايل الحمد لله موبايلي معايا حي يرن ويبعث فيبراشن واس ام اس
القصة اللي كتبتها علشان البنات بس يصحوا انهم مايثقوش في مجهول ويتنصب عليهم
هم النصابين بيلعبوا على احتياجتنا ورغبتنا وينصبوا علينا
زي النصاب اللي انت حكيته عنه هو عارف ان اغلب المدونين بيحلموا بنشر اعمالهم فلعب ع الوتر ده

يلا ربنا يحفظنا من النصابين والحرامية

دمت بكل خير وسعادة

Unknown يقول...

إجابات جميلة يا اسلام
وشكرا يا باشا على تمرير التاج
وان شاء الله هجاوبه النهاردة
تحياتى

رحلة بحث عن الله .. يقول...
أزال أحد مشرفي المدونة هذا التعليق.
رحلة بحث عن الله .. يقول...
أزال أحد مشرفي المدونة هذا التعليق.
مواطن مصرى نايم يقول...

بحبك يامصر

نورت البلوج
يا عم بجد مش عارف اقولك ايه
تعليق جميل
ربنا يخليك و يا رب متكونش الزيارة الاخيرة
تحياتى
ESLAM

مواطن مصرى نايم يقول...

سالي محمد

ربنا يخليكى
بجد مش للدرجة دى
دا انا اقل من ان حد يستمتع بقراءة شخصيتى
مجاملة كبيرة
ESLAM

مواطن مصرى نايم يقول...

appy

لو سمحتى متتأسفيش عن اى حاجة تانية
انا عارف انك مش قصدك اكيد كنت بهزر
انا مش ممكن ازعلب من ايبى ابدا
انتى عارفة
ESLAM

مواطن مصرى نايم يقول...

enjy

ههههههههههههههه
تعليق جميل
انتى اللى عسل
ربنا يخليكى
يا رب
يااجمل اسكندرانية
انتى مش ممكن تشحتينى ابدا
دا سهو اعذرينى
انا غلطان و اقر و اعترف بالذنب
اوعى تزعلى
نورتينى
ESLAM

مواطن مصرى نايم يقول...

ghoneem

ربنا يخليك يا ابو حميد
بجد ربنا يكرمك
انت اللى احسن والله
دايما بتحرجنى بتعليقاتك
ربنا يديم المحبة يا رب
تحياتى
اخوك ESLAM

مواطن مصرى نايم يقول...

ذربونة هانم

ربنا يخليكى
و يا رب تلاقى
الطربوش
ههههههههه
نورتينى يا دكتورة

ESLAM

مواطن مصرى نايم يقول...

dina

اكيد ان شاء الله
حرشح نفسى
و انتى تصوتى
و انا الطم
هههههههه
نورتينى يا دينا
و يا رب تدخلى طب طالما المجمع مش عاجبك
هههههههههههه
نورتينى
ESLAM

مواطن مصرى نايم يقول...

مدحت محمد

طب بقى يعنى مش حتنسى تجيب الهدية
انا كمان مش بؤمن بالابراج
و يا رب دعتوتى بجد تتحقق
نورتنى
اخوك
ESLAM

مواطن مصرى نايم يقول...

كيكى

ربنا يخليكى
يا ام دم عسل
انتى شكلك مشكلة
يا رب متكنش اخر زيارة
و يا رب اكون زى اخوكى مصطفى
تحياتى
اخوكى
ESLAM

مواطن مصرى نايم يقول...

Miss. Sosa

نورتينى يا ميس
احلى تحية للزيارة ديه
ربنا يخليكى على التعليق الجميل ده
الحمد لله ان الموضوع دا محصلش معاكى انتى
دا انا كنت متضايق جدا
بجد
و كنت عاوز اساعد
ربنا يخليكى
تحياتى
ESLAM

مواطن مصرى نايم يقول...

Desert cat

حاضر يا قطة
رايح اجاوب عالسؤال

مواطن مصرى نايم يقول...

ayman badr

يا بوب لا شكر على واجب
يا رب ما اكنش تقلت عليك
بتمرير التاج
اصل فى ناس بتتضايق
و لو عجبك يبقى الحمد لله
تحياتى
ESLAM

NoNa يقول...

السلام عليكم

اية الجمال دة يااسلام

حلو اوى توبيك الجميل دة

بجد خرافة

بجد تحفة يااسلام

ربنا معاك يارب ويصلح حالك

:)

على فكرة كلمات الى انت كاتبها
على كومينت روعة
انا ضفتك على فيس بوك ياريت تبقى تقبل الدعوة اوك

مواطن مصرى نايم يقول...

NONA

نونا ربنا يخليكى يا رب
دايما كده بتحرجينى بزوقك
بالنسبة للفيس بوك
دا شئ اساسى انى اقبل اضافتك
هو انا اطول
دا انتى من اعز الناس عندى والله
ربنا يكرمك يارب
تحياتى
ESLAM

الزباين

الزباين و يا رب ابعد عننا الضرايب