الأحد، 15 يونيو 2008

(ابوس رجليلك ( على جنب يا اسطى





تخيل انك شاورت لتاكسى


و قلت له يوديك مكان معين


راح لف بالعربية


فى طريق عكس اللى انت رايحه


و قلت له ان مش ده الطريق


رد و قال لك لا هو


حتعمل ايه


طب تخيل انه استمر فى السير 30 سنة


و كل شوية نقولة على جنب يا اسطى احنا عاوزين ننزل


ابدا


و هو متخيل ان الطريق ده هو الطريق الصح


و كل ده وهو مشغل العداد و عمال ياخد منك الفلوس اللى العداد بيعدها


و انت تقوله ابوس رجليك على جنب يا اسطى


و هو ابدا


و فجأه راح واقف فى مكان معين و هو قافل عليك العربية


و لقيت واحد ركب مكانة


و بيعمل زى ما كان بيعمل الاولانى


و تعرف انه ده ابن السواق


و ورث التاكسى عن ابوه




و الحدق يفهم

62 قول و لا يهمك:

حاجات جوايا يقول...

أول رد بعد طول الغياب



هلف وارجع تانى

حاجات جوايا يقول...

هههههههههههههههههه
انت شكلك مش ناوى تجيبها لبر
تاكسى ماشى بيك 30 سنة
ده تاكسى فول اوبشن بقى ولا ايه
يوووووووووه
قصدى متعدد الامكانيات


بس أحلى حاجة انه بيمشى فى الطريق المعاكس
أصل هو ادرى

بص أنا عن نفسى هصوووت
وافتح الازاز واستعين بلجان حقوق الانسان اللى قاعدين عالقهاوى .. متنساش ان فيه ديموقراطية ومن حقك تقول رأيك فى التاكسى وسواقه


بس المهم حد يلحق التاكسى قبل ما يخبط فى شجرة ولا يقع فى بحر

ربنا يسترررررررررررر


بوست مميز يا اسلام

ونصيحة اخوية معدتش تركب تاكسى
هههههههههههههههههه

صباح الخير يا مصر يقول...

قهوة : نام يا مصرى
*******************
الحقيقه انا مش فاهم انت بتتكلم عن ايه..فرضا انه خد منك الفلوس الكتيره دى.. طب هو ما شبعش ؟او مازهقش طول المده دى؟ طبعا مش ممكن.. و انت فين رد فعلك ؟ و ايه الخنوع اللى انت فيه ده؟...طب ولما ركن على جنب عشان يسلم التاكسى لابنه طب كنت صرخ و لم الناس...انت عايز رأى؟.. تستاهل كل اللى حاصل فيك ده
بس الجزء اللى مش واضح هو ابنه استلم التاكسى و لا لسه


تحياتى يا بطل

نوره الخشن يقول...

ههههههههههههههههههههههههه
هههههههههههههههههههههههههههه
ههههههههههههههههههههههه
هههههههههههههههههههههههههههه

يخرب عقلك حلوة مووووووت

بس ده اكيد ماتقصدناش بيه عشان احنا بنركب ميكروباسات صح

بس جامدة جدا انت عارفني امووت فالتورية والكلام المتداري

طب بئولك ايه ليا اقتراح
ماتيجي نجيب مارشدير كده يمكن نعرف نرجع تاني ولا اي بتنجان
لحسن الطريق بئى غامق اوييييييي

استر ياللي بتستر

تحياتي ونايس باك ولك وحشة وربنا

بلوجر نور من تاني

سومه...مجنونه فى بلد عاقل يقول...

عرفتوااااااااااااا العجل فى بطن امه
هيييييييييييييه
انزل من التاكسى يا اسلام ولو معرفتش تنزل نط منه اوقولك خلى فى جيبك مطوه عشان تغزه بيها الا بقى لو كان محمى زى سواق التاكسى بتاعك وسلملى على سونه
تحياتى ليك سومه_87

ٍSOU يقول...

حمدالله على السلامة يا اسلام ..كفارة يا باشا

لو انا ركبت فى تاكسى كدة اما هديلة على دماغة عشان يسمعنى اماهنط م التاكسى و الاعمار بيد الله

نعكشة يقول...

إديلوا بالبوكس في مناخيرو ( علي رأي معرفش اسمها إية في مسرحية الواد سيد)

سبحان الله والله

ربنا يديلوا الصحة و يرحموا

بس هوه نزل : إزاي نزل
ماماتش؟؟؟؟؟؟؟

قصدي جة يموت قام إبنو لحقوا :D
لا معتقدش انو ممكن يتخذ القرار الحكيم دة
ويبعد عنك و يسيبك

وبعدين دة مش تاكسي راكب فيه لوحدك

دة اتوبيس :D

سلامون عليك

appy يقول...

هديله على قفاه علشان يقف بس الاول نجمع الادين اصل قفاه كبير
والحدق فاهم من بدرى بس واكل مستعبطه ومستهبله
ومتقوقز فى القوقاز حمد لله على سلامتك

ياسر حسين يقول...

معقول في تاكسي يفضل ماشي ثلاثين سنة من غير ما يركن في محطة بنزين علشان يمون
ومن غير ما يروح السواق يجدد الرخصة اللي بتتجدد كل 10 سنين في المرور
ولا يدفع المخالفات بتاعة كل سنة
وكمان ماشي عكس السير وملبسش في لوري ولا حتى تاكسي زميل
ده أكيد سواق خارق ولا واخد منشطات
المصيبة ان ابنه اللي هيورث التاكسي ده ممكن يكون مش بيعرف يسوق
انا لو منك وهو بيبدل وأبنه طالع يركب
نط من التاكسي قبل ما يفضل سايق هو كمان ثلاثين سنة تانين
والحدق طلعت روحه من كتر ما فهم من أول سطرين
:)))))))))

خالص تحياتي

may يقول...

هههههههههه
يعني مثلا مفيش عقل
يقوم يضرب السواق علي دماغه
بحاجه وينزل :D
انا بقول علي السواق علي فكره :)

zOzO يقول...

هههههههههههههههههههه
مش عارفه اقولك ايه ؟
بس هو اكيد ادري
انت اللي مش عارف حاجه
ههههههههههههههههههههه


هو ممكن عمل كده عشان ياخد فلوس اكتر
مش عارفه
ومش لاقيه مبرر ليه ؟
وانت دفعت ليه كام ؟

وايه كمان ابنه اللي وارث الصنعه عنه ده
هههههههههههههههه


ربنا يشفي
المهم انت عامل ايه يا احمد ؟

واحد من البلد دى يقول...

السلام عليكم
طيب يا عم إسلام
هما بتوع المرور ما بيسحبوش الرخصة منه ليه؟؟؟
مش العربية برضه كلها فاميه و عليها أعلام على الجانبين
ههههههههههههههههههههههه
حمد الله على السلامة

uogena يقول...

مافعله السابقون يفعله اللاحقون..الا هم 25 سنه ولا 30 من كثرة انتكاسات صاحب التاكسى بات راكبه عاجزا عن العد ..

اول ما قرأت العنوان ظننته عن الفيلم المعروض حالياً فى السينما , وبعد قراءته وجدته الفيلم المستمر فى العرض منذ سنين ويحتمل بقائه ..

خمسة فضفضة يقول...

السلام عليكم ورحمة الله وبركاته

انت اكيد غلط في الحساب هما 27 سنة بس

وطول ما صاحب التاكسي شايفنا كده بنغلط في الحساب هايفضل مستكردنا ومدينا علي قفانا ويمكن يكملهم 127 والبونديره شغاله والساعه بخمسه جنيه والحسابه بتحسب

سلام

مدحت محمد يقول...

هههههههههههههههههههههههه


ابوس ايدك على جنب ياسطى

اللى متعرفوش بقى انى التاكس مش بتاعه

بس هو اخده كمان بلطجة

وهيسيبه لابنه برضه بالبلطجة

Bongo يقول...

طيب العيش و الحلاوة نوديهم علي فين ؟؟

مش محتاجه حداقة علشان نفهم هههههه

Tamer Nabil يقول...

فين الرد بتاعى انا رديت على البوست دة قبل كدة

على العموم شكرا

مواطن مصرى نايم يقول...

حاجات جوايا

سالى
اشكرك جدا جدا جدا على المتابعة

اما بقى حكاية انى اجيبها لبر

دا انا غلباااااااااااان

و قصدى على سواق التاكسى بجد

مش اى سواق تانى

دا مش فووول اوبشن

دا مالتى فول اوبشن

اما بقى الازاز خلاص راحت الفرصه عليه

و التاكسى عمال يخبط فى الشجر و المطبات لحد ما اتدمر

و فعلا ربنا يستر

و ربنا يخليكى على الرد الجميل ده
و المجامله اللى هى اكبر منى

شكرا جداا

مواطن مصرى نايم يقول...

صباح الخير يا مصر

بص بالسبة لحكاية استلم التاكسى و الا لسه

هو قدام الناس لسه
بس بينه و بين ابوه استلمه من زمان

واخد بالك انت

شكرا يا باشا

مواطن مصرى نايم يقول...

نورة

هههههههههه
انا ضحكت من كتر الضحك اللى ضحكتيه
لا طبعا مش احنا و لاننا اساسا بنمشى
و لا ميكروباص و لا مينى باص
و الحمد لله ان اول بوست ليا بعد العوده
يعجبك كده
بس لو عملنا مرشدير يبقى بنرجع لورا
نكون متخلفين
لا احنا نطلع قدام بمزاجنا
و الا ايه ؟
و انت اللى دايما منورة البوجر

شكرا يا جميل

مواطن مصرى نايم يقول...

سومة

ههههههههههههههه
كويس انك عرفتيه
بس انا لو نزلت يبقى ببيع قضية التاكسى
و الا ايه
و المطواه مش حتعمل حاجة مع السواق

نورتينى يا زميلة الكفاح

مواطن مصرى نايم يقول...

sou

الله يسلمك
بس لو نطيتى من التاكس انتى اللى حتنضرى
و هو ده اللى عاوزة السواق

خالص الشكر على الاهتمام
بجد نورتينى

مواطن مصرى نايم يقول...

نعكشة

اولا نورتينى
اسم نعكشة جامد جدا و مميز
عجبنى
و هو بقى سواء نزل او مات المحصلة واحده
ابنة اللى حيكمل سواقه
حيسوق الهبل عالشيطنة

تحياتى ليكى

مواطن مصرى نايم يقول...

ايبى

لا يا حاجه
قفاه ايه اهدى كده و صلى على النبى
متنسيش ان التاكسى متراقب
و نجمع ايادى ايه
لا لا كده ممكن التاكس ياخد مخالفة
او يسحبوا الرخصة
هههههههههه

نورتيى يا شمس التدوين
و الله يسلمك

مواطن مصرى نايم يقول...

الفنان ياسر حسين

ايه يا باشا انت عاوز الركاب يعتقلوا
اكيد فى تاكسى يفضل ماشى 30 سنة
و اكيد السواق خارق
سوبر م......ان
السواق صاحب اول ضربه كلاكسيه
يعنى اول حد استعمل الكلاكس
و عمل بيب
قال يعنى من غير البيب بتاعتة
كان الطريق مش حيفتح
و الحمد لله ان الكلام وصل
من اول سطرين
اصل الطريق كان طويل

نورتنى يا فنان

مواطن مصرى نايم يقول...

may

لا مفيش عقل
و بعدين انا عارف انك بتقولى
على السواق
امال على مين يعنى
اكيييييييد هو السواق

نورتي البلوج

مواطن مصرى نايم يقول...

زوزو

هههههههههههههه
اه هو ادرى فعلا
انا بقى مدفعتش حاجة
دا هو اللى مد ايده فى جيبى و اخد
اللى هو عاوزة
و ابنة ورث الصنعه من زمان

نورتى البلوج
انا الحمد لله تمام
بجد شكرا جدا على السؤال
ربنا يخليكى

مواطن مصرى نايم يقول...

واحد من البلد دى

ايه يا خالى
ناقص تقول انها مرسيدس
و بيحرسها عربيات تانية
و السواق اللى انا قصدى عليه بيركب ورا
ههههههه
ماشى يا عم
لكن من اول قفا حعترف عليك على طول

مواطن مصرى نايم يقول...

يوجينا

بجد تعليق تحفة
و السطرين اللى فى الاخر
هما فعلا كانوا قصدى من العنوان
بجد والله
شكرا على الزيارة
نورتينى

مواطن مصرى نايم يقول...

خمسة فضفضة

لا هما مش 27
و بعدين تمويه
اعتبار ما سيكون
و الا ايه رايك
يا رب تيجى على 127 سنة بس
و متكنش 1270
يالا ربنا على الظالم

نورتينى بجد
شكرا على الزيارة و التعليق

مواطن مصرى نايم يقول...

مدحت محمد

لا و الله انا عارف
و كل الناس عارفه
بس انت قلت بلطجى
و احنا عالم غلابة
حنعمل ايه مع بلطجى

نورت يا باشا

مواطن مصرى نايم يقول...

بونجو

بالنسبة للعيش و الحلاوة
مش حينفعوا
اصلى عامل دايت
لو فى خضار سوتية
و كانز دايت
تبقى ميه ميه

نورت الحبس يا باشا

مواطن مصرى نايم يقول...

تامر نبيل

و الله يا تموره انا و الله مشفتش تعليقك
الهى اطفحة لو كنت شفته
و بعدين انا مش بمس اى تعليق حتى لو كان شتيمة
و بعدين المهم انك دخلت عندى
كفاية انك نورت البلوج
بس بجد انت معلقتش قبل كده
انا ساعات بحسب انى علقت و بفتكر بعد كده

سلام يا باشا

semsem يقول...

ياه وحشتنى القهوه اوى اوى يا اسلام
انا جايه اسلم مش جايه اعلق
بجد وحشتنى القهوه اوى

مواطن مصرى نايم يقول...

سمسم

بجد و الله العظيم
تعليقك من التعليقات اللى بفرح لما بشوفها
لانك بجد انسانة كويسه جدا
و بعدين القهوة قهوتك تعلقتى تسلمى تقرى و تمشى
دا مكانك و انتى حرة فية

نورتينى يا سمسم

شفقة هانم واحسان بك يقول...

شكلك كده مشاغب.....بس انا هعلق على طريقه كتابتك وكمان التشبيه مش ممكن بجد تحفة ...انت بتكتب حلو اوى بلس بلاش تودى نفسك وتودينا فى داهية معاك
شفقة

اهو ده عيبه يقول...

اولا حمدلله على السلامة
عود احمد
بص يا سيدى سواق التاكسى بقاله 28 سنة مش 30 انت عايز تزود سنتين كمان من عمرنا حرام عليك
اما ليه مش بيسمعوا ويقفوا ويعدلوا المسار علشان بعيد عنك وقعوا وهما صغيرين على ودانهم اصنجوا
او جايز فى الاصل كانوا عربجية كارو ومالهومش فى حوار سواقه التاكسيات من اساسه
بس الحق مش عليهم الحق على اللى مستحمل يقعد فى التاكسى كل ده

سلام

حنين.. يقول...

سمعت انى فى واحد هيروح لابن السواق وهيقوله لايجوز تسوووق التاكسى... الناس استغربت واتلمت حواليه لايجوووز.. قالهم اه ... قاللوله ليه... قالهم لاتنكحوا ما نكح ابائكم..... وتحياتى ليك وعقبال ما ابن التاكسىىىىىىىى وسواقه ......

موناليزا يقول...

تشبيه جامد
ولقيت ان فيه حلين بس الاتنين اصعب من بعض

محمد حلمي مخلوف يقول...

بص اخي اعتقد ان ابن السواق مش هيطلع سواق كفاية ال30 سنه اللي كنا راجعين فيها لورا
كفايه قوي

محمد حلمي مخلوف يقول...

وبعدين التاكسي بياخد فلوس كتير ماله الميكروباص

الشريف / جمال طة يقول...

همتـــــم معانا

هذا النصاب لم يتم القبض عليه حتى الآن


نصاب الشقق التمليك بالمعادى / محافظة القاهرة
الـــــى السيد المستشار / النائب العام
الى السيد اللواء / حبيب العادلى وزير الداخلية
الى السيد اللواء / أحمد جمال الدين
مساعد وزير الداخلية مدير ادارة تنفيذ ألأحكام
الى السيد اللواء / مدير مباحث أمن الدولة
الى السيد اللواء/ مدير مباحث ألأموال العامة
الى السيد اللواء/ فاروق لاشين مدير مباحث العاصمـــــــة
مطلـــــــــوب القبــــــض
علـــــى نصاب عائلـة الزينــــى
نصاب الشقق التمليك بزهراء المعادى / بالمعادى / بمحافظة القاهرة
المهندس / ايهاب فراج محمد ابراهيم الزينى
وهذا النصاب تم تأييد الحكم علية بالسجن فــى القضية رقم 9443 لسنة 2007 م جلسة 11/4 /2007 م وهـذا النصاب صادرا ضدة اكثر من خمسون حكما قضائيا
وعنوان سكنه وعنوان الشركة
شركة الزينى للتعمير 56 طريق مصرحلوان الزراعى / برج بدر أمام فندق المعادى
بطاقة رقم 27003211203839و النصاب يتنقل بين
مدينة 6 أكتوبر بمحافظة الجيزه
و مدينة المنصورة بمحافظة الدقهلية
ومركز بشبيش بطنطا بمحاظة الغربية
واليكم على سبيل المثال لا الحصر بعضا من القضايا المحكوم فيها على هذا النصاب وهــــى :ــ
ـقضية رقم 5124 لسنة 2007 م ثلاث سنوات جلسة 6/12/2007م
قضية رقم 4075 لسنة 2007م جلسة 3/12/2007 م
قضيه رقم 4073 لسنة 2007م جلسة 3/12/2007م
قضية رقم 28965 لسنة 2006 م جلسة 5/11/2007م
قضية رقم 32112 لسنة 2004 م جلسة 29/7/2007م
قضية رقم 13421 لسنة 2003م سنه حضورى جلسة 12/3/2005و
ما خفى كان أعظم وجميع ألأحكام ضده نصب واحتيا ل

ت/ 0104710778

عاليا حليم يقول...

مممممممممم

كل شئ انكشفن و بان
:)
مفهموم يا فندم مفهوم
بوست فى الصميم
:)

مواطن مصرى نايم يقول...

شفقة هانم واحسان بك

شفقه
انتى اولا نورتى البلوج بتاعى
و شكرا جدا على ثناءك على اسلوببى
ثانيا
ان شاء الله مفيش حد حيروح فى داهية
شوفى انتى عاوزة تروحى فين و انا اقول
لسواق التاكسى يوصلك

خالص تحياتى

micheal يقول...

ههههههههه..أهو أنا بقي مفهمتعاش فير من كلمة ورث
:)
تحياتي

مواطن مصرى نايم يقول...

اهو ده عيبه

الله يسلمك
و بعدين ال 30 دول اعتبار ما سيكون
نهاية فترة السواقة الاخيرة يعنى
اما بقى فى حوار السواقه
فهو ميعرفش اصلا يعنى ايه عربية
دا كبيرة توك توك

نورتى البلوج
eslam

مواطن مصرى نايم يقول...

حنين

نورتينى بزيارتك
بالنسبة لحكاية لا يجوز
مش حتفرق معاهم
دى عالم ملهمش و لا زمة و لا دين
يا رب يفهموا بقى
ان التاكسى نفسة زهق

تحياتى
eslam

مواطن مصرى نايم يقول...

موناليزا

نورتينى بجد ليكى طله فى التعليقات
انا عرفت وحد من الحلين
بس التانى
ممكن اخد رأى الجمهور او احذف وزارتين

تحياتى
eslam

مواطن مصرى نايم يقول...

محمد حلمي مخلوف

فعلا عندك حق بس حد يقول
لابن السواق
هو اساسا غبى
مش بيفهم

نورت يا فندم

مواطن مصرى نايم يقول...

الشريف / جمال طة

و الله الراجل ده لو نصاب
دا انا اشوفه بس
حكله

مواطن مصرى نايم يقول...

عاليا حليم

نورتى البلوج
و الحمد لله ان اللى باللى بالك اتفهم
بس ربنا يستر
و البوست اللى فى الصميم
ما يجيش على دماغنا

تحياتى يا عاليا
eslam

مواطن مصرى نايم يقول...

micheal

يا مايك ما هو لازم
الغبط اللى باللى بالك
و الا يمسكوا علينا غلطه
انت اكيد واخد بالك
وحشتنى تعليقاتك يا باشا

نورت البلوج يا مايك

enjy يقول...

هو لما السواق ركب ابنه ما لاحظتش انه ركب معاه حد من اعز اصحابه؟؟؟؟
واعز اصحابه قاعد جنبك عمال يخنق فيك وابن السواق سايق الهبل على الشيطنة والسواق بقى قاعد بيشيك ويباشر سير العملية الاستهبالية........ جامد موت

enjy يقول...

اه نسيت اقولك انى اسكندرانية بلدياتك

مواطن مصرى نايم يقول...

enjy

و الله الناس كلها ملاحظة
بس مين يقدر يعمل حاجة
يالا ربنا على الظالم
نورتى البلوج
يا بنت بلدى

eslam

أشرف حمدي يقول...

انت عاوز تودينا في داهية انا عارف
البلوجات حتتلغي بسبب قريب

والله يا مان أنا لو مكانك حرمي نفسي من التاكسي
هههههههههههه
طبعا انت عارف اقصد ايه

الا بالحق هي المركب اللي رايحة ايطاليا بتطلع الساعة كام ؟

dina يقول...

ما المفروض اللى راكب يعمل حاجة بدل ما هما جرينه كدا فى الطريق الغلط

مواطن مصرى نايم يقول...

dina

حيعمل ايه يعنى
ما هو مجبور
عصبا عنه

Zika يقول...

انا هعمل نفسي مش واخد بالي
:D:D

مواطن مصرى نايم يقول...

زيكا

و اخرة اننا نعمل نفسنا مش واخدين بالنا

ست البيت يقول...

هاتوووووووووووووووووه
حنصرفلك سنتين سجن يا باشا عشان تتفرغ للمدونة براحتك
واهو برضك تشوف الناس اللي بتكتب عنهم ع الطبيعة
وسلملي ع الفراعنة

اجار الدين كشمش يقول...

بعد مشربت قهوتك وانا من الكويت ...اقول ..الابن لما يسوق مش احسن من سواق تاني ميعرفش لا العربيه ولا الطريق

والابن ح يسوق فيك كمان 30 سنه زي ابوه ..ح يسوق من القاهره الي الحدود بس كون مرتاح ..مش ح يقتلك ولا يغتصب عائلتك وحيخليك تصرخ وتقول نزلني يا اسطى مش ح يرد عليك

احسن بكتير من سواق لسه جوعان ولسه ح يشبع ويزورك بالفجر ويركبك التكسي ولا يرقعك بيتكم ايد

خليييك بسواقك زينا في الكويت معندناش مشاكل ابدا ..عارفين من هو سواق المستقبل

ف ارتحنا

في امان الله

الزباين

الزباين و يا رب ابعد عننا الضرايب