الاثنين، 1 ديسمبر 2008

عييييييب عليك..دا عيش و ملح

ايه نقول خلاص ؟؟؟

عيب

بجد عيب اوى

التدوين بياخد سكة تانية بجد

سكة ضلمة

ازاى حد يرضى على نفسة انه يتكلم على مدون من وراه

كلام ملوش لزمة

ازاى راجل و سنة تخطى الثلاثين يتكلم على بنت

عيب

بجد عيب اوى



عيب لما تتكلم على حد من وراه بسوء

و كمان ما بالك انها بنت



مش عاوز اقول هى مين

و لا هو مين

بس اكيد حيفهم
مش حكتب اسماء خالص



دا موقف و مش عاوز اخوض فيه اكتر من كده

لأنى بجد محروج له

مينفعش الراجل يقعد قعدة فسحه

و يتكلم على واحدة

على ما اعتقد

كلوا مع بعض عيش وملح



عييييييييييييييب

=================

يا ريت يا جماعة روح التدوين الحلوة ترجع تانى

بلاش يبقى عبارة عن غيرة و صراع داخلى و ننسى اننا فيوم من الايام عملنا ضجة فالبلد

و الحكومة خافت مننا

يا ريت اللى حاسس انه اتغير و بقى مغرور

او بقى وحش

او بقى بيغير من مدون لأنة اشهر منه

او متغاظ من واحدة لانها بتقول الحق

او متغاظة من واحد لانة بيقول الحق

او اتخاذ التدوين ستار للتعارف و خلاص



يغير من نفسة و يحاول يبقى مدون

(نضيف)



انا الحمد لله

99 %

من اللى اتعاملت معاهم من المدونين

محترمين بجد

بس لاحظت التغير ده فجزء كنت متخيل انهم من كبار المدونين

لقيتهم غير كده

=============

البوست ده مش حاجة شخصية ليا انا

لكن بجد

انا بدأت اكره التدوين بسبب الصراعات اللى من ورا الضهر دى

فى ناس كتير متعرفش ايه اللى بيحصل

بجد انا بقول لهم و الاحسن انكم متعرفوش

المهم انك مدون محترم

============



طبعا كلنا نعرف بابا ابو خالد

و عارفين انه مبتعد عن التدوين



انا بجد محصليش الشرف انى اتعاملت معاه



بس دلوقتى بجد

فهمت ليه

هو بعد عن التدوين ليه



يا رب كل اللى شايف نفسه فيه حاجة غلط يغيرها

=============

و انا برضوا حغير حاجات فنفسى

لأن مفيش حد مثالى

100%



ــــــــــــــــــــــــــ

29 قول و لا يهمك:

صبرني يارب يقول...

عارف لولا الاشاره البايخه بتاعتك عن الاسم

كنت رفعت لك القبعه عن كلامك

فعلا ما احبش الموضوع يبقى كده ابدا بين المدونين

الى انا باعتبرهم نقطة نور وامل فى الظلمه الىاحنا فيها

محمد الكومي يقول...

اومال لو شفت موقعة الجايكو كنت كتبت ايه يا احمد

adel يقول...

مممممممممممم

للي مايقدرش يحترمك و يقولك في وشك بني ادم جبان و و اللي يتكلم علي قبنت يبقي غير محترم
بي اا مستغربك يا اسلام ....دا الشعب كله بقي كده ياعم

يلا فين ايام زمان و ناس زمان :):)

عادل
http://elbald-dy.blogspot.com/

Mohamed Hamdy يقول...

انا فعلا ملاحظ ان الكل بيتكلم عن واقعه معينه .. كنت فى البدايه بحسبه مجرد كلام عام لكن واضح ان حصل حاجه معينه

عموما ربنا يهدى الجميع ويحفظ الوسط التدوينى نضيف ومحترم

تحياتى

~*§¦§ Appy §¦§*~ يقول...

اسلام الواحد لازم يؤمن بكلمه واحده بس ان ربنا كبير وربنا موجود وهو رقيب على تصرفات كل واحد واللى حقه مش فى الدنيا بياخده بياخده فى الاخره فاعرض عن الجاهلين

ملحوظه اللى نواره كاتبه عنه تقريبا انت متعرفوش عن مين بس فى نفس السكه ناس برضه بتخوض فى اعراض وزبالات تانيه بالافتراء والكدب وكل الناس بتقول حسبى الله ونعم الوكيل يا ريت تعمل مودريشين او شيل كلام البايخ اللى بيتكلم ده علشان الناس متتاذيش ومتردش على حد لو سمحت

مواطن مصرى نايم يقول...

صبرنى يا رب
========
نعرفى انا مش حكاية اشارة او حاجة
بس و الله انا كنت كات اللى بالعربى الاول
جت بالصدفة
اللى بالانجلش
قلت خليها مش مشكلة
بس ممكن الغيها فعلا
هو انتى تعرفى الموضوع ؟؟؟
بجد حاجة مستفزة

مواطن مصرى نايم يقول...

كومى
=====
بجد الموضوع زاد عن حده
فعلا
مش عارف ايه اللى قلب الدنيا كده بجد

مواطن مصرى نايم يقول...

عادل
====
عادل مش عليا الكلام بس على اخت بعزها اوىىىىىىىى بجد
و لازم ازعل

مواطن مصرى نايم يقول...

وائل عباس
=========
انا مسحت التعليق التانى اللى يخص المدونين اللى يعلقوا
و مش من حقك تشتمهم
دا اولا

ثانيا بنا انك بتقول انك وائل عباس
فا انا مجبتش سيرتك خالص اصلا
البوست لا يتعلق بيك نهائيا
انا لسانى طويل برضوا
طويل جداااااااااااااااااا
بس حق التدوين عليا يمنعنى انى ارد
مش حمسح تعليقك
حسيبه كده

بس انت كده شتمت فيا من غير سبب
عموما

راجع البوست يمكن تفهم ان مفيش حاجة تخصك
الله اعلم انت فهمت ايه
بس على فكرة

الكلام بعيد تماما عنك

مواطن مصرى نايم يقول...

ايبى
======
لأ يا ايبى سيبى اللى يشتم يشتم
انا لو قاصد وائل عباس بالبوست ده
كنت كتبت انا اصلا مش بخاف
بس و الله انتى عارفة انى مش قاصده خالص
و انتى عارفة انا اقصد مين
بس على فكرة انا عارف نوارة بتتكلم عن مين و الله
ربنا يهدى بجد

مواطن مصرى نايم يقول...

ملحوظة
========
انا مكنتش ححذف و لا كومنت بس بعد ما ايبى طلبت فأكيد الناس كلها الكلام حيضايقها
فلازم احذفهم

حتى تعليق وائل عباس اللى مكنتش ححذفه
حضطر لحذفه

مواطن مصرى نايم يقول...

محمد حمدى
========
و الله انا بتكلم عن حاجة معينة يا محمد بس ربنا يهدى بجد
و الله حاجة تضايق جداااااا
مش عارف ايه ده

maha zein يقول...

امممممممممممممممم
اكيد انت عارف راى في الموضوع ده
وانا والحمد لله من الناس اللى متعرفش هو في ايه
وافضل افضل كده معرفش في ايه
ادون وخلاص من اجل التدوين
شطور يا اسلام

خمسة فضفضة يقول...

السلام عليكم ورحمة الله وبركاته

لا فض فوك يا اسلام

بس التعليقات السافله دي مش وائل عباس دا واحد عامل بروفايل باسمه( تلاحظ ان تاريخه نوفمبر 2008 ) وداير يشتم في المدونين عشان يشعلل الخناقه ،دخل عندي برضو وساب تعليقات سافله وزباله زيه ، كويس انك عملت موديراشن للتعليقات احذف تعليقاته السافله وريح دماغك ،

سلام

ياسر حسين يقول...

افضل ما في عالم التدوين انك ما تاكلش عيش وملح مع حد .. يعني من الفضل أنه يكون عالم افتراضي بيجمعنا في الفضاء التدويني.. لأن أحيانا لما بتتعرف على الشخص على الطبيعة خصوصا لو مش من نفس جنسك ذكر أو أنثى ، وايضا لو من نفس مهنتك .. منافس لك يعني في الواقع، ممكن تحصل مواقف تزعل الناس من بعضها ، أنا شخصيا اتعرضت لمثل هذه المواقف ومن لحظتها قررت ألا تتعدى علاقاتي بالتدوين خارج المدونة ، وبصراحة ارتحت كتير
:)
خالص احتراماتي

mohamed ghalia يقول...

هدى نفسك بس ياعمى إسلام
الى يزعلك يزعلنا
ربنا يهدى النفوس
تحياتى حبيب قلبى

حاجــ عيال ــات يقول...

السلام عليكم
انا قريت البوست كويس أوي ومقتنعه بكل كلمة فيه..بجد يااسلام
وبما إني جديدة في التدوين ومش عارفة اي حاجة عنه قبل كده ..فياريت ماأغريش فكرتي عن الروح الجميلة اللي سمعتها وعيشتها كمان في الفترة القليلة دي
وأضم صوتي لإسلام وأقول
ياريت نكمل مع بعض ببركة العيش والملح

تحياتي
جهاد مشالي

ناجي العلي 2000 يقول...

سلام عليكم
انا حقيقة مش عارف انت بتتكلم عن اية ومين
انا جيت اسلم عليك بس عشان وحشتني
:)

وعلي فكرة : الكريكاتير بتاعي ازداد شرف بوضه في مدونتك

مواطن مصرى نايم يقول...

مها زين
========
اه عارف يا مها بس تعرفى دا فى حاجات جديدة كمان مكنتش اعرفها انا كمان
بجد احسن ان الواحد يبعد و الله

مواطن مصرى نايم يقول...

خمسة فضفضة
==========
و الله انا مسحت تعليقات اللى بيقول انه وائل
بس بغض النظر عن كونة وائل او لأ
المشكلة اكبر من ان حد يشتمنى انا
المشكلة ان البنات اللى بتتشتم دى
و اللى المفروض لو هو الشخص ده راجل
يحترم كونهم بنات
انا بجد متضايق جدااا على الحال ده
و الله بدات اجيب اخرى
و احتمال ابعد انا كمان عن التدوين قريب

مواطن مصرى نايم يقول...

ياسر حسين
========
و الله يا فنان ممكن يكون عندك حق لأنى اعرف موقف من اللى انت اتعرضت لهم
بس معرفة الناس كنوز برضوا
المشكلة بقى انى مش بحب اشوف حاجة غلط و اسكت عنها و عيب جدا لما الاقى بنت بيتغلط فيها و اسكت
بحس ان الغلط فيا انا كمان
و بجد انا فعلا بفكر جديا ابعد خالص

نورتنى يا فنان

مواطن مصرى نايم يقول...

محمد غالى
=========
و الله يا محمد
انا هادى
و اللى يزعلنى انا مش مشكلة
لكن اللى يزعل حد اعرفة دى اكبر مشكلة
و اللى يغلط فبنت يبقى قليل الادب و عاوز يتربى
حتى لو كبير فالسن

مواطن مصرى نايم يقول...

حاجات عيال
=========
و الله يا جهاد احسن لك انك متعرفيش غير الروح الجميلة اللى انتى دخلتى عليها
و الله الواحد مش عارف يقول ايه
لكن اللى بيحصل كتيييييييير اوى

مواطن مصرى نايم يقول...

ناجى العلى 2000
==================
حزوم حبيب قلبى
و انت كمان وحشنى يا ريس
و البلوج بتاعى هو اللى اتشرف برسمتك يا جميل

تحياتى ليك

نيرة و منةالله يقول...

لالالالالالالالا
انت بتتكلم بجد
هو انا دايما كدة اخر من يعلم بكل شىء
ايه الى جرا
الحق اخرج من عالم التدوين دة قبل ما اتعلق بية والا ايه؟
لا بجد ليه كدة يعنى
اووووووووووووووف
هاه
اقفل المدونة واشوف حالى بدل ما اتبهدل فى يوم
والا اكمل
لا بجد
انا مكنتش اعرف انه هيبقى وحش كدة
لو كدة بجد نقفلها
:( :(

مواطن مصرى نايم يقول...

نيرة و منة الله
==============
و الله يا نيرة
مش عارف اقول لك ايه بس بجد
انا حزين من الوضع ده
و بجد حزين على الكلام اللى وصل للاعراض كمان و محدش مقدر ابدا
اللى مش عاجبهم و من ضمنهم انا
اتشتمنا
بس انا بقى مش ممن اسكت عن الحق لو على رقبتى و الله

صدى الصمت يقول...

فعلاً يا إسلام الموقف إختلف دلوقت وبدل ما المدونين يشجعوا بعض ويساندوا بعض أصبح بعضهم للأسف بيهاجم بعض

marmar يقول...

ايه ده بقى ايه ده بقى ايه ده بقى ده بقى ده بقى معقوووووله فيه كده !!!!!!!!!!!!!! انا مش عارفه ارد اقول ايه بجد ناس قليله الذوق بالفعل يا اسلام لا كلام من ورا الضهر وشتايم كمان !!! احييييييه بجد المفروض الواحد مش يسكت بس في نفس الوقت هينزل لمستوى ناس زباله ويرد هتبقى وحشه في حقه عشان نزل للمستوى الدنئ ده بجد وكمان بنت يعني قمه قله الذوق اسمع كلامي وجيب اتنين صعايده وروح للواد ابن التيييييييييييييييييييت خليهم يظبطه تيييييييييييييييييييييت الي نفضوه "مش عارفه الصوت بيقطع كتير ليه"

صبرني يارب يقول...

اسلام انا ما اعرفش اي حاجه عن الموضوع على فكره

وكمان مش عايزه اعرف والله

لان كلام تعبان اكيد

الى يدي ودنه لحد هو الى غلطان كمان
مش بس الى قال

على فكره متعوده اي حد يجي يقولي كلمه فى ودني عن حد

باخليه ينددددددددددددم

ولو ما كانش يقوم من قدام بيخر ميه من كل منطقه ما استريحش وطبعا بتبقى ااااااااخر مره يعمل كده معايا

الزباين

الزباين و يا رب ابعد عننا الضرايب