الأحد، 7 ديسمبر 2008

كل سنة و انتم طيبين و السنة الجاية على عرفات واقفين

تحديت هام جدا جدا
ـــــــــــــــــــــــــــــــــــــــــ
نضرب 21 طلقة فالجو دا اقل حاجة
بكرة ان شاء الله
11 ديسمبر
عيد ميلاد اجدع اخت فالكون
كل سنة و انتى طيبة يا ابى
و عقبال مليون سنة
و يا رب ديما بصحة و بسلامة يا رب
و دايما مبسوطة يا امبراطوريتنا
ـــــــــــــــــــــــــــــــــــــــــــــــــــــــــ

التاج ده من ام دودو
مدونة
حاجات جوايا
هى اللى عملاه
بشكرها انها افتكرتنى بيه


ماذا يمثل لك العيد ؟ وما أكثر شئ يبهجك في مظاهر العيد ؟



ــــــــــــــــــــــــــــــــــــــــــــــــــــــــــــــــــــــــــــ



فعلا سؤال صعب



مش لاقى حاجة بتمثل لى العيد



غير انى بصلى العيد



بحس بالانتماء لما بلاقى ناس كتير حواليا



بحس ان المصريين دول اطيب ناس



ابسط حاجة تجمعهم و ابسط حاجة تفرقم



بحس انى عاوز احس بالعيد بس بقالى فترة مش عارف



**********************



اوصف لنا طقوسك في العيد .. من ليلة العيد لآخر يوم ؟



ــــــــــــــــــــــــــــــــــــــــــــــــــــــــــــــــــــــــــــ



بننزل الصلى



و بعدين نزور المتوفيين من العيلة



و بعدين نطلع عالدبيح



بعد الدبيح لو حيدبسونى فتوزيع لحمة



بنزل اوزعها



و لو مفيش برجع البيت اخد دش و انام شوية



و اليوم بيخلص قدام الكمبيوتر او التليفزيون



الايام اللى بعد كده



غالبا بتبقى سينما



كل الافلام اللى فالسينمات بدخلها مع صحابى



بس خلاص



عشان كده مش بحس بالعيد



و كمان فالعيد حذاكر(تخيلوا) اه و الله



**********************



احكي لنا أطرف موقف حصلك في العيد ؟



ــــــــــــــــــــــــــــــــــــــــــــــــــــــــــــــــــــــــــــ



كنت نازل تمام اوى و لابس و كل حاجة و مظبط انى خارج



كانت الدنيا بتشتى



اتزحلقت سهواً



و طلعت تانى البيت و خلاص مفيش خروج



(دا زمان)



انا كبرت و ما بقتش بتزحلق



هههههههههههههههههه



**********************



بتحرص على تهنئة الأهل والأقارب والأصدقاء بالعيد .. ولا مش بتهتم ؟؟



ــــــــــــــــــــــــــــــــــــــــــــــــــــــــــــــــــــــــــــ



مش كلهم



كنت زمان بهتم بالكل



لكن لما تحسس الشخص انك مهتم بيه اوى



يحسب انه ابن رئيس مراجيح مولد النبى



فقررت اقدر اللى يقدرنى بس



**********************



مين أول حد تزوره أو تكلمه في التليفون /الموبايل عشان تهنيه بالعيد ؟



ــــــــــــــــــــــــــــــــــــــــــــــــــــــــــــــــــــــــــــ



مش بتعمد خالص انى ارتب اللى بتصل بيهم



بس غالبا



(حد معين)



و بس



;)

بس حاليا خلاص


**********************



إيه الفرق بين العيد الحالي .. وعيد (أيام الطفولة )؟







ــــــــــــــــــــــــــــــــــــــــــــــــــــــــــــــــــــــــــــ



الفرق حرف الواو



العيد الحالى (و) العيد ايام الطفولة



**********************



كلمنا عن ذكرياتك في العيد



ــــــــــــــــــــــــــــــــــــــــــــــــــــــــــــــــــــــــــــ



و الله علمى علمكم



انا اصلا مش فاكر اكلت ايه امبارح



(الا صحيح هو انا اسمى ايه؟؟)



ههههههههههههههه



**********************



تفتكر الحياة من غير عيد .. هتفرق كتير ؟؟؟



ــــــــــــــــــــــــــــــــــــــــــــــــــــــــــــــــــــــــــــ



اااااااااااااااااااه



العيد الكبير بالذات



لأن كم الروحانيات فيه بيبقى عالى جدا



من يوم الواقفة تحس ان فى احساس استسلام يتملك الشخص



و رجاء انه السنة اللى بعدها يكون فوسط الناس اللى واقفة على عرفات



ربنا يكتبها لنا جميعا



(حتى الاخوة الاقباط)



هههههههههههههههههه



اه وحده وطنية



**********************



إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين ؟؟



ــــــــــــــــــــــــــــــــــــــــــــــــــــــــــــــــــــــــــــ



اه كانت رسالة مهمة جدا



اتصل ب8777



لتحصل على الف رسالة مجانية من فودافون لأهل اسكندرية فقط



فعلا حسيت ساعتها بالعيد



هههههههههههههههه



(العرض ده حقيقى على فكرة)







لا بجد هى :



بأحرف أرق من رزاز المطر و همس انعم من صوت الشجر



اهنيك بالعيد قبل كل البشر







دى اول رسالة جت لى



من مين ؟؟



من واحدة صاحبة اختى



(صريح انا اهوه)



**********************



احم احم .. لسه بتاخد عيدية ؟؟ من مين ؟؟ وبتديها لمين ؟



ــــــــــــــــــــــــــــــــــــــــــــــــــــــــــــــــــــــــــــ



عيدية



انا طول عمرى من و انا طفل اصلا



كنت بتحرج اخد عيدية من حد عكس العيال كلهم



بس يعنى بعد مشاحنات و مشادات بضطر مجبرنا انى اخدها



(واد تقيل من يومى)



اه مش اى حاجة يعنى



احنا جامدين اوى



بس انا مش بحب فعلا اخد حاجة من حد خالص



خالص خالص خالص خالص خالص خالص



طول عمرى كده



ممكن ادى



لكن اخد بتبقى صعبة عليا شوية



**********************



إيه رأيك في التاج ؟



ــــــــــــــــــــــــــــــــــــــــــــــــــــــــــــــــــــــــــــ



التاج جميل جداااااااا



و تسلم ايدك يا ام دودو عالتاج الجميل ده



و شكرا انك افتكرتينى بيه



**********************



تحب تمرره لمين من المدونين ؟ اذكر على الأقل 10



ــــــــــــــــــــــــــــــــــــــــــــــــــــــــــــــــــــــــــــ



اغلب اللى كنت حمرره ليهم اتمرر ليهم فعلا



بس نقول كل اللى فالحتة الشمال



(الريدر مش قلبى)



ههههههههههههههه







و بيتهيأ لى فى كام حد مش موجود فالريدر برضوا ياخدوه



التاج تاج الجميع



و تاج







مها زين



نورا الخشن

(مش لازم عشان انتى مدونتك شعرية)



أبى

(جاوبت عليه خلاص)



مرررررمررررر
(ريم سويلم)



انجى



محمد غالى



صدى الصمت و جوزها شيكابالا



شفقة و احسان



سومه...مجنونه فى بلد عاقل



و حروح اغش من عند محمد غالى



لانة كان كاتب ناس كتير اوى قبل كده فتاج



غنيم مدونة حتى لاانسى



كيارا مدونة مولان



نبض الروح



همس الأحباب



عاقلة على أرض الجنون



بنوته مصرية



oRiGiNaL HeArT



Beram ElMasry



سميرة



يوميات نائمة في الأرياف



M.K



بطوط الحبوب



نهر الحب



اقصوصه



موناليزا



همس



banouta masreya



mostafa rayan



قهوة بالفانيليا - شيماء علي



ندا منير



Ahmed El-Agouz



د.مادو



طرئعة دماغ



الفارس الملثم



blue-wave



رحــــيـل



nour shahen



norahaty



سمسم



سميرة



د/اشرف حمدى



كوشيا



احمد -دردشة عربى



رصيف نمرة خمسة



الفنان ياسر حسين



عاليا حليم



سارة على



ندا منير



اسامة عبدالله - الدفاع



ايمن بدر



مايكل



اسلام- انا جعان



محمود- رئيس جمهورية نفسى



نهر الحب



دينا



مدحت محمد



مهيج الجماهير



سالى محمد



طهقانة



زيزو باشا- معندوش مدونة

 

احمد غنيم



فاتيما



مصطفى ريان



اهو دا عيبه



حنين



نيرة احمد-معندهاش مدونة



ناجى العلى



انجى-ستيل بيوتى



وينكى



كيكى



رئيسة حزب الاحلام



الشنكوتى الكبير



رودى-بنوتة مصرية



نونا



ميس سوسا



كاميليا





وائل





خمسة فضفضه


 




29 قول و لا يهمك:

mohamed ghalia يقول...

كل سنة وانت طيب أخى العزيز
ربنا يسعدك دايما
دمت فى حفظ الرحمن

marmar يقول...

حماااااااااااااااااااااده كل سنة وانت طيب يا قمر بمناسبه عرفات والعيد والكريسماس وعيد ميلادك ونص السنة والفلانتين كدة خلاص ملكش حاجة عندي .. وعيد ميلادي كمان :d "هديتي محفوظة هاااا " (K)
وضيف لطقوسك في العيد رخامة مرمر :d

Unknown يقول...

عيد سعيد
وكل عيد اضحى وانت بخير
وان شاء الله العام القادم على عرفات متجمعين

ahmed_k يقول...

الحمد لله أسمي مش مكتوب ههههههههههه
كل سنه وأنت طيب يا سلم
وبعوده عليك الأيام بخير وسعاده
وكل عيد اضحى وانت وكل احبابك بخير وسعاده

mido يقول...

كل سنة وأنت طيب يا مواطن يا غلبان :))

مش بتيجى كتير على الجايكو ليه ؟ فى انتظارك

عيد سعيد

مهرة سالم يقول...

كـــل عـــام وأنـــت بخــير ..
وعيـــد سعيـــد....

حاجات جوايا يقول...

كل سنة وانت طيب يا اسلام
ويارب العيد السنة دى يكون احلى الاعياد
بينى وبينك أن شبهك فى انى مش بعيد عالكل ..الواحد يحب يبقى فيه أخد وعطاء كده .. مش عطاء طول الوقت ومحدش يسأل فينا
بس فيه ناس بحرص جدا انى اسبقهم بالتهنئة قبل ما يهنونى لانهم اصحاب واجب .. يعنى تبقى تهنئة مع السبق والاصرار مش صدفة ههههههههه ودول هم الناس اللى مهمة عندى فى كل المناسبات مش فى العيد بس

اجابات جميلة ومرحة كعادتك يا اسلام
فرحتنا معاك بالعيد
كل عيد وانت سعيد
وكل تاج وانت طيب

Kiara يقول...

يالهووووووووووووووووي

كل دول بعتهولهم التاج

لن انسي لك هذا الموقف

زحلانه منك بقي هه بس

********

بجد اجاباتك اسلوبها بيتوتي وبيوصل علطول

كل سنه وانت طيب

adel يقول...

كل سنة و انت طيب يا اسلام :):)

بس فين اسمي ... انا زعلان يا عم :):)

عادل
http://elbald-dy.blogspot.com/

صبرني يارب يقول...

كل سنه وانت طيب

وبالف خير وسلام


بس عندي كلمه واحده بس عايزه اقولهالك وما تقولش عليا رخمه

واصل الرحم هو من يصل من يقطعه مش الى يصل من يصله


احنا فى العيد
فكر فى كل الناس
وجبر الخواطر على الله

انشاله برساله

جميل التاج بتاعك بس على فكره كده تهريج يا فندم انا جايلي نفس التاج برضه حضرتك هديته للمدونين كلهم تقريبا ايه بقى

اعمل انا ايه دلوقتي

كل سنه وانت طيب تاني مره

صدى الصمت - عاشقة الورد - يقول...

كل سنة وانت طيب
أشكرك على التاج
وأكيد هأرد علية على رواقة

Unknown يقول...

كل سنة وانت طييييييييييييييييب العيد فرحة مااااااااااء ازيك يا واااااااد يا اسلام؟؟؟؟ عامل ايه يا ابنى كل سنة وانت زى الفل

Unknown يقول...

اييييييييييييييييييييه دة انت لسة عامل مودريشن ياض؟؟؟؟؟؟؟
بقوللك ايه هى القهوة بيقدموا فيها لحمة وللا ايييييييييه؟؟؟؟
عايزين لحمة ياااااض

Unknown يقول...

ولا يا اسلام انت بتصلى مع الاخوان ياض؟؟؟؟؟ طب شفت الخطبة اللى خطبوها النهاردة؟؟؟؟
كل سنة وانت طيب تاااااااااااااانى

Unknown يقول...

والنعمة لاقرفك عشان المودريشن دة...احم احم ازيك يا اسلااااااام وعامل ايه كدة واخبارك؟؟؟؟
اديت اختك عيدية؟؟؟

Unknown يقول...

هو انا علقت كام تعليق؟؟؟؟
اصلى اكلت اللحمة ونمت وصحيت ومش لاقية حاجة اعملها قلت اسليك شوية...بلاش؟؟؟؟
طب خلاص كفاية كدة رخامة بقى..سلام

saragebaly يقول...

كل عام وانت بالف خير

ويارب يكون عيد اضحى سعيد عليك وعلى كل احبابك

بس ابقى ذاااااااكر كويس بقى في العيد

اخييييرا في حد زيي بيذاكر في العيد

بقالي 3 سنين مش بعيد في العيد الكبير لان امتحاناتي بعد العيد مبااشرة

ربنا يوفقنا جميعا ياااااارب

تحياتي وكل التقدير

سارة

dina يقول...

بدخل مدونتك بحس انى حقوم اقف و الله احتراما للحس الوطنى اللى فيها بعيدا عن التدبيسة فى التاج بس مقبولة و كل سنة و انت طيب

son's egypt يقول...

السلام عليكم
كل عام وانت بخير
وتقبل الله منا ومنك

son's egypt يقول...

السلام عليكم
كل عام وانت بخير
وتقبل الله منا ومنك

حاجــ عيال ــات يقول...

السلام عليكم

كل سنة وانت طيب ومعيد وفرحان يااسلام
ويارب كل عيد يكون فيه عيدية كتير
ومبروك التاج
وعلى فكرة أخدت بالي من حاجة انت اعترفت بيها من غير ما تقصد
انك مش بتاخد الدش بتاعك غير لما بتيجي من الصلاة...حُماية العيد متأخرة اوي يااسلام.!ههههههه

كل سنة وانت طيب يارب

جهاد مشالي

اقصوصه يقول...

طل عام وانته بخير :)

Unknown يقول...

ولا يا اسلام احترس نفسك ونزل التعليقات ياض....هنقفل لك القهوة دى والنعمة بقى اخلص ونزل التعليقات الموكان كله محاصر يا اسطى...اخلص بقى واشترى عمرك

maha zein يقول...

وربنا كنت مستنيالك غلطة يا اسلام يا بتاع العدايا
وانت عارفها
لكن انت طلعت شطور
برافو
ليك عندي جايزة

بس للاسف
خلاص العيد خلص بقه
اجاوب ايه انا بقه
ده انت راجل رخم

كل سنة وانت طيب يا اسلام
شد حيلك في المذاكرة
الا العرض ده موبينيل ولا فودافون
ولاسكندرية بس يعني

ما تحولي رصيد يا عم انت
ولا انت خلاص

Empress appy يقول...

احسن حاجه انى خلعت وجاوبته فى عقر داره هههههه كل سنه وانت طيب يا سمسم

Empress appy يقول...

كزفتنى يا سمسم ربنا يخليك ليه يا اجدع اخ فى الدنيا والله مش عارفه اقولك ايه بس لا تكلك لما تنزل على كايرو هعمل احتفال اوجيب لكم تورته كبيرررررررررره اوي وانت واحده ليك لوحدك

ندا منير يقول...

اولا كل سنة وانت طيب مع انها جاية متاخر قوى

وميرسى انك بتهدى التاج ليا
بس برده متاخر قوى العيد فات من زمان

وربنا معاك فى الامتحانات يارب

Kiara يقول...

اخيرا رجعت

حمد الله علي السلامه

طمني عملت ايه في الامتحانات

مواطن مصرى نايم يقول...

الحمد لله يا كيارا
كانت صعبة جداااااا
بس الحمد لله
ربنا يستر فالنتيجة بجد
شكرا يا كيارا عالسؤال ربنا يخليكى يا رب

الزباين

الزباين و يا رب ابعد عننا الضرايب