.jpg)
و تتوالى الصدمات
بس بعد مباحثات نفسية
اكتشفت انى غلطان
اه و الله
غلطان
مش مهم ازاى غلطان بس المهم انى فعلا كنت عايش حلم
و صحيت من النوم
و اتصدمت ان كل ده كان حلم
و الحلم خلص
يبقى ازاى الواحد يتمسك بحلم
بس بعد مباحثات نفسية
اكتشفت انى غلطان
اه و الله
غلطان
مش مهم ازاى غلطان بس المهم انى فعلا كنت عايش حلم
و صحيت من النوم
و اتصدمت ان كل ده كان حلم
و الحلم خلص
يبقى ازاى الواحد يتمسك بحلم
تخيل كده لما الحلم ذات نفسه بيسيبك اول ما عينك تفتح
ازاى بقى تزعل من حلم
او تزعل انك فوقت
اه انا الحلم واحشنى اوى
و عاوز كنت اكمل فيه
و كنت راسم طريق طويل
و اعمده النور على الجنبين
و الطريق منور جدااااا
و مرة واحده النور اتطفى
و الطريق بقى ضلمة
و انا مش شايف اى حاجة خالص
صعب اوى احساس ان حد يبيعك
رغم انك كنت شاريه جدا
و كنت ممكن تضحى بكل حاجة عشانه
بس انا حفضل انا و مش حتغير خلاص
مهما اتصدمت
مش زعلان من اللى كان سبب الصدمة و الله ابدا
ازاى ازعل من حد كنت ممكن ابيع الدنيا عشانه
و انا عارف ان ما فيش بإيده حاجة
ممكن اكون متخيل ان مفيش بإيده حاجة
بس برضوا انا اسلام و حفضل اسلام
و حهزر و حضحك لاخر يوم فعمرى
اللى بتمنى انه يكون امبارح قبل بكره
(اهلا به و مرحبا فالموت افضل من الحياة كالاموات)
مقولة عمك الحاج اسلام يرحمة الله
شكرا جداااااااااااااا
لكل اللى سأل عليا
او اهتم بمتابعتى حتى اعود
ــــــــــــــــــــــــــــــــــــــ
و شكر خااااااااااص جدااااااااااااا جداااااااااااااا
ل appy هانم بتنجانى
شكرا ليكى يا اجدع اخت فالعالم
الهى يا رب اشوفك صاحبة مجرة اد الدنيا مش كوكب بس
RSS Feed (xml)
29 قول و لا يهمك:
ولا يهمك يموت المعلم ولا يتعلم
وعسى ان تكرهوا شيئا
ما تتمناش تموت عشان الدنيا مش عاجباك
الى مش عاجبك غيره
الي يدلك ضهره اديله ضهرك وامشي وسيبه
واتعود داماتخلي الى يسيبك هو الى يخسرك وانت زي ما انت ماتخسرش حاجه
والضربه الما تموتش تقوي انت عارف
اجمممممممممد ياما هاتشوف
اولا الف مبروك العودة
والف مبروك القالب الجديد واوعى تفكر تقفل المدونة تانى
ملحوظة
انت حاطط مدونتك فى القائمة لية
حمدا لله على السلامة
والله أنا زعلت جدا لما قرأت إنى المدونة مغلقة
عارف لما تكون ليك صديق وبتعزه قوى وخايف تفقده
هو ده الإحساس الى حسيته
أنا معرفتش مدونتك غير قريب ورغم كده ارتبطت بيها جدااااااااا
بجد سعيد جدا بعودتك
وواحد فى شخصيتك يقدر يتغلب على التديات إلى تقبله
تقبل تحياتى
دمت بود وفى سعادة
حمدالله على السلامة يا اسلام
ولا يهمك .. كله بيعدى
خيرها فى غيرها ان شاء الله
ياريت كل هموم الدنيا على أد كده وبس
المهم انت روق .. واسعى للهدف اللى حددته لنفسك وان شاء الله هتتفوق على نفسك
وبجد فعلا زى ما صبرنى قالت " الضربة اللى متموتش بتقوى " وهتعرف كده بنفسك ان شاء الله
ربنا يكتبلك كل الخير
اجمل تحية
اولا انا فرحااااااااااااااااااااااانه انك رجعت وكنت هزعل لو مش رجعت
ثانيا بقي حمد الله علي السلامه
ثالثا بقي
ايه ده هو كله بقي بقي خلاص خلاص بلاش ضرب
حمد الله علي السلامه ومش تعملها تاني
رابعا بقي
تاني بقي تاني انتي
معلش بقي لازم اقول اللي في نفسي
شدتني جمله انت كتبتها
-------
صعب اوى احساس ان حد يبيعك
رغم انك كنت شاريه جدا
و كنت ممكن تضحى بكل حاجة عشانه
----------
يااااااااااااه يااسلام بجد احساس صعب اوي ومحدش هيحس بيه الا اللي مجربه
مش عاوزاك تتغير وخليك زي ماانت واوعي اي تجربه تخليك تتغير اي تجربه بتخليك اقوي مش اضعف
اوكش
اختك كيارا
اسلام
ولو ايه اللي حصل خلي مدونتك
سندك لعبور اليأس والألم
اتمنى ان تكون افضل وان تمتعنا دوما بتدويناتك الجميلة
دمت بكل خير
تقبل تحياتي
انا قلت انت قفلتها عشان المشاريب خلصت ورحت تستورد غيرها
الحياة تجارب
ومن غيرها مفيش خبرة ومفيش حكمة
كلام مالوش دعوة بالموضوع
بس بعد 10 سنين هتلاقي نفسك اتقل فكرا وعقلا باي تجربة مريت بيها
الموت افضل من الحياة كالاموات
جامدة علي فكرة
الحياة تجارب
و مفيش تجربة الواخد بيخسر فيها اخم حاجة يتعلم
احم احم
يا واد فين الاصطباحه
وبعدين ايه الشبوره دى انت هتسيح ولاايه
انت كنت قافل علشان التجديدات وبنعمل افتتاح اه هو النور طان مطفى بس عادى الماس كان فى مشوار
ههههههههههههه
ايوه والبنى ارجع مش ناقص الهسس اللى فى اماكن تانيه الواحد بيقراه انت عارف انا بحب كلامك وخاصه لما تكرر كلامى وتقول الشوز واللى هيزعلك انا هديله بالشوز برضه
ههههههههههههههه
الاصطباحه بقى اجرى وبطل لك ههههههههه
اهلا اهلا يا اسلام كويس اوى انك رجعت اصلي لما دخلت القهوه لقيتها مقفوله زعلت والله اوى .....
اتمنى تكون دايما اسلام اللى بيضحك وضحك الكل
وعلى فكره انا بدعوك تيجيهنا مره تقول رايك كده؟
http://ahaleena.blogspot.com/
أحمد ، إسلام
انا مش فاهمك خالص !!!!!
عموما يارب تكون بخير
العزيز اسلام:
نتيجة لظروف معينة مكنتش بتابع بس طبعا اول ما الظروف دي الحمد لله زالت رجعت افتح المدونات وسبحان الله لما لقيتك عامل closedاتصدمت اوي ولسة هكتبلك تعليق لقيتك نزلت البوست الجديد ولسة دلوقتي قدرت اكتب تعليق
ـــــــــــــــــــــــــــــــــ
مبدئيا كدة مينفعش كل ما حاجة تحصل تعمل closed دي لأن ده معناه ضعف واستسلام واعتقد انك مش من النوع ده تقدر تبعد شوية لغاية ما تبقى كويس بس بلاش closed دي عشان بتعمل لي اكتئاب
ـــــــــــــــــــــــــــــــــ
عايزة اقولك ان الدنيا مش بتقف عشان حاجة ولا عشان حد الدنيا ماشية ماشية لو انت فرحان او انت مكتئب وعشان كدة انا بحييك على الابتسامة دي ومهما حصل خليك مبتسم وان شاء الله ربنا يعوضك كل خير عن الخسارة اللي خسرتها
وبعدين انت متعرفش مش جايز مش خسارة اصلا وان ربنا رايدلك انت والطرف التاني كل خير؟
ربنا معاك ويوفقك وعودة حميدة وفي انتظار البوست الجديد
رنا
اخخخخخخخخخخخ شكلها فيها عفريت ياد انا مش بعتالك ميل راح فين الرد عليه اخص على البشر
بعدين ازاى يعنى انت اسلام وحتفضل اسلام وانت اصلا احمد عبد الله انت حتشتغلنا ولا ايه؟؟
هى ايه الحكايه هم العيال عماله يجيلها احباط ويتفرقعلهم كدا ليه بس اقولك على حاجه انتوا اللى غلطانين
وحبقى اقولك ليه ؟؟
ودا جزاءك عشان شتمت فى البطيخ اخر مره والبطيخ دا منه واليه
بعيدن تعالى هنا هى فين المشاريب دى انت حتهرج ولا ايه
اسمع يا اسلام ان مكنتش تفرق بيبس انا حفنجر المدعونه واخلي التيمبلت فى ناحيه والكلام فى ناحيه تانيه خالص
وحشتنا يا اسلام يارب تكون دلوقت احسن ، كنا قلقنين بجد..
بس تعرف ماحدش بيتعلم ببلاش ويارب تكون استفدت من الدرس ، واكيد بكره هايكون احسن...
اقولك ما تيجي تركب معايا الاتوبيس وانت تبقى فل الفل :)))))
تحياتي
حمد لله على السلامة
ومنور يا باشا المدونة
وسيبك انت من ده كله
فين المشاريب يا عم
ولا ده كلام فى كلام
تحياتى
اسلام اخيرا صحيت اقصد اخيرا رجعت
حمد الله على السلامة يا راجل وحشتنا
وبعدين يا عم سيبك وكبر دماغك وخليك فى القهوة اكل عيشك بلا صدمات بلا حب وعواطف
يا شيخ بلا هم .....بعدين ما كنتش اتصور انك رقيق كده وبتاكل رقاق كتير
ههههههههه
لا بجد اللى يسيبك اوعى عمرك تفكر فيه ولا تلتفت حتى تبص عليه لانه ما يستاهلش
وكفاية انك كان عندك استعداد تشتريه وتضحى علشانه وهو باعك
صدقنى مفيش حاجة تستاهل واسال مجرب
وشوية وهتعدى
فك بقة وخليك فريش وهات اتنين كابيتشينو من اللى بيعمل شنب ده
شفقة
طيب تعالي يااسلام شوف رد عمر اللي قبليك علطول ....
هالوووووو اسلام
احنا جايين نعزمك على عيد ميلاد سمكه
التفاصيل في البوست الحالى والحفله قريب
بس طبعا بما انك عندك قهوه بحالها يبقي مشاريب الحفله على حسابك كلهااااااا لكل المدونيين وهعتبر دى هديتك
اى حد يقرا الدعوه يعتبر نفسه معزوم
سلاموووووز
إسلام أنا باحاول أكلمك على ياهو ماسنجر أنا موجود طول اليوم في البيت النهارده
إسلام حبيبي
فعلاأنا مبسوط أني أخيرا عرفت أتكلم معاك وإن شاء الله تنول كل إللي أنت عايزه
أولا ياريت واحد شاي على ميه بيضه
والسكر بررررره
وبعد ما أمخمخ أقول
حمدالله على السلامه يا سلم
وربنا يبارك فيك ويديلك العمر الطويل
والحلم مهما طال فكان لابد من الإستيقاظ
لأنه ببساطه حلم
فمش حلم اللي يخلينا نزعل وننغلق على أنفسنا
وخليك واثق أنك طالما تحيا في دنيا البشر فستلتقي بمن يخونك ومن يهجرك
ومن يفقدك الثقه في كل الناس
ولكنك ببعض البصيره ستجد آخرون
يحفظوك ويتقربوا إليك ويزيدونك ثقة في كل الناس
فيجب أن توازي بين الجميع وتهيئ نفسك دوما لكل الإحتمالات
وتأكد إذا كان الشر موجود
فالخير أيضا موجود
وتقبل خالص تحياتي
تجاربنا فالحياه اكيد نستفد منها
بالحالتين..لو نجحنا او فشلنا فيها
احنا الكسبانين:)
الشي اللي ما يقدر يكسرك..يخليك اقوى اكيد
تمنياتي بالتوفيق :)
أهلا بالعودة
تحياتي
لا يا عم مشاريبك عندى انا نسكافيه وقهوة عشان تفوق... وحاجة ساقعة عشان تنعنش ..... وسحلب عشان الشتا جه....... وشربات عشان رجعت .... وعصير موز باللبن عشان انا بحبه... ايه ياعم اللون الغامق دة بس؟؟؟ يعنى تقعد تقول هفضل اضحك واهزر لحد اخر يوم فى عمرى وفى الاخر تقول يارب يبقى امبارح قبل بكرة؟؟؟ ينفع؟؟؟ لا مينفعش طبعا اللى حصل حصل خلاص والحاجات الوحشة اللى بتحصل لنا خليك متاكد ان الترتيبات بعدها بتبقى زى الفل ..طب والله الموقف دة هيحصل بناء عليه حاجات كويسة جدا جدا وهتشوف ... و بعدين اكيد اكيد الخيرة فيما اختاره الله وانا عارفة ومتاكدة انك عارف الكلام دة كويس بس انت متلخبط شوية واحنا ياعم هنستحملك الشوية دول ولا يهمك اتدلع زى ما انت عايز ........ بس بقوللك ايه انا شخصيا مستنية اسلام الحلو الجدع دة يرجع كدة ويتريق تانى على خلق الله ماشى؟؟ والله وحشتنا يا اسلام .. بقوللك ايه عارف لو سمعت كلامى ورجعت كدة عسول و بطلت الكلام دة؟؟ هعملك شربات من عندى وافتح لك قهوة مخصوص اعزمك فيها ونعمل فرح كبير وفى الاخر انت اللى تحاسب وانا ولا اعرفك ... طولت عليك انا عارفة بس والله مش عارفة ابطل كلام واخر حاجة بقى يا اسلااااااااام بالله عليك روق كدة....
اه
بص دى اخرة اغلب الاحلام لا تصحى من الحلم لا الحلم ينقلب بقدرة قادر لكابوس
المهم انك تتعلم وربنا يعدى الحلم وتوابعه على خير
ربنا يوفقك وتلاقى حلم مناسب لك
وتقدر تكمل معاه
ايه يا ابنى القهوه السايبه دى ملهاش معلمين ولا ايه انت فين يا معنمى
شكرا ليكوا كلكوا بجد
استفدت من تعليقاتكم جدااااااا
و ان شاء الله يغير الحال لاحسن
ربنا يسهل
و شكرا لكل اللى زارىونى لاول مرة
و الله زيارتكم و تعليكم اسعدنى
و حزوركم واحد واحد
و واحدة واحدة
ربنا يبارك لكم كلكم
تحياتى
اسلام
إرسال تعليق