الجمعة، 3 أكتوبر 2008

سنة تخريفيه ميه ميه

التاريخ
2/10/2007
اى قبل عام من الان
هو تاريخ انشائى لهذا البلوج
و دخولى لعالم اجهل تماما اى شئ عنه
و اجهل معنى كلمة بوست حتى
و اجهل التعامل مع التيمبليت
و اجل لغة الجافا
و اجهل و اجهل و اجهل
ـــــــــــــــــــــــــــــ
التاريخ
2/10/2008
اى الان
هو تاريخ يدل على انى اتممت عام من التدوين
اى عيد ميلاد البلوج
اى عيد ميلاد دخولى لعالم الحمد لله اصحبت بكم و بشهادتكم من المدونين لن اقول المتميزين بل سأقول الغير سيئين
بعد سنه من التدوين
بجد كسبت حاجات كتير
اهم حاجة كسبتها كانت خلال اخر شهرين
و ربنا يسهل و الحاجة دى تتم على خير

و كسبت ناس كتير
اعتبرهم اكثر من اصدقاء
يمثلون لى مكانة الاخ او الاخت

و حقول لكم كام حاجة من اول الحاجات اللى حصلت لى خلال التدوين
ــــــــــــــــــــــــــــــــــــــــــــــــــ
اول تعليق
كان لدكتور طنطاوى
صاحب بلوج مصرنا
ــــــــــــــــــــــــــــــــــــــــــــــــــ
اول بلوج ازوره
كان بلوج الفنان خالد الصاوى
مدونة الخبز و الحريه
ــــــــــــــــــــــــــــــــــــــــــــــــــ
اول تعليق دائم عندى
سومة
صاحبة بلوج مجنونة فبلد عاقل
ــــــــــــــــــــــــــــــــــــــــــــــــــ
اول تعليق افرح بيه
تعليق الفنان اشرف حمدى قبل ان يعرفنى
مدونة كاريكاطظ
ــــــــــــــــــــــــــــــــــــــــــــــــــ
اول تعليق بعد او اثناء وضع التيمبليت الاخير للبلوج
تعليق ابى
بلوج كوكب ابى
ــــــــــــــــــــــــــــــــــــــــــــــــــ
اول تعليق بستناه سواء كان علبلوج او عالايميل
تعليق حد مهم عندى
هو عارف نفسة
و باخد رأيه فالبوست قبل ما ينزل عالبلوج
ــــــــــــــــــــــــــــــــــــــــــــــــــ
اول تاج جالى كان من زوزو
بلوج نبضات القلب
فرحت بيه اوى
ــــــــــــــــــــــــــــــــــــــــــــــــــ
اول تعليق من غير معرف
كان تعليق زيزو باشا
كنت شاكك فيه فالاول انه وائل عباس
بس عرفت انه مش هو
بس من اعز الناس عندى دلوقتى
ـــــــــــــــــــــــــــــــــــــــــــــــــ
اول حاجة فى طريق الشهره
كانت مقاله على جريده وشوشة
ــــــــــــــــــــــــــــــــــــــــــــــــــ
اول تيمبليت من تصميمى
تيمبليت لاحلى و احسن سمسم فالدنيا
بلوج عالم سمسم (بحبك يا مصر) سابقا
ــــــــــــــــــــــــــــــــــــــــــــــــــــ

خلال السنه دى عدد الزيارات للبلوج حوالى 17 الف زيارة
عدد البوستات حوالى 87 بوست


كفاية كده بقى
و احب اقول للبلوج بتاعى كل سنه و هو طيب
و هديتى له حتبقى عبارة عن انى حغير التيمبليت قريب ان شاء الله
و تيمبيلت من تصميمى ان شاء الله

تحياتى للجميع

ESLAM




76 قول و لا يهمك:

Empress appy يقول...

كل سنه وانت جميل ومعانا وقارفنا فى حياتنا هههههههههههه يا اجدع سمسم فى الدنيا

Empress appy يقول...

وادي اول وتاني تعليق فى البوست الثانوي ابسط بقى بقيت انا صاحبه القهوه وانا المعلم

semsem يقول...

كل سنه وانت طيب
وسنه مش تخريفيه سنه جميله ومتميزة وحلوة
ربنا يريح بالك
والف مبرووووووووووووووووووووووك




هههههههههههههههههه
اختك سمسم

Ahmed Al-Sabbagh يقول...

واخر تعليق جه مدونتك فى هذة اللحظة
هو تعليق احمد الصباغ
هههههههههه
كل سنة وانت طيب يا اجمل صديق
وايام سعيدة عليك
احمد

Miss. Sosa يقول...

كل سنة ومدونتك في تألق دائم
وانت في تطور ونجاحات مستمرة

ربنا يوفقك يارب

رئيس جمهوريه نفسى يقول...

كل سنة وانت طيب وسنة سعيدة عليك فى التدوين ان شاء اللة

صبرني يارب يقول...

كل سنه وانت طيب انت والمدونه والمدونين كلهم

طب بما اانك بقيت ضليع فى التدوين والتمبلت

ممكن تشوفلي حد يدينى درس اصل انا خايبه بدرجه بشعه جدا مع اني بادون بقالي 8 شهور
حسيت انى فهمي تقل على فكره


كل سنه وانت طيب تاني

كـــيــــــــارا يقول...

كل سنه وانت والبلوج طيب

ودايما منور التدوووووووووين

kochia يقول...

كل سنة وانت طيب
وحلوة اوي البوست ده
وعلي فكرة ينفع تاج حلو لكل اللي كمل سنة علي بلوجر
مش كدة ولا ايه
عقبال 100 سنة

تحياتي

عالم ماريونت يقول...

كل سنة وانت ومدونتك طيبين وبالف صحة وسلامة
عموما مش هقولك غير ربنا يكرمك انت والحد المهم بالنسبة لك ويجمعكم على خير لأنك انسان طيب اوي
(وش بيغمز)

همس الاحباب يقول...

كل سنة وانت طيب
وعيد سعيد عليك
وكل سنة وانت والمدونة بخير
ودايما فى تقدم ورقى
وعقبال مليون سنة
تحياتى

Mahmoud البطراوى يقول...

كل سنه وانت طيب يا اسلام وياااااااااارب نكون سوا دايما ومنفترقش ابدا

حنين.. يقول...

كل سنه وانت طيب
ومنور عالم التدويننننننننننننن
علطوووووووووووووول
دمت سااااالم

Asmaa mahaba يقول...

الا قولى يا اسلام هو مين الاخ اجهل دا اصل انا بشبه عليه
كل سنه وانت نايم يا نايم
المفروض جايزه للى بيعلق عندك على طول تجيبله عربيه جيب شيروكى
ولا تجيبله طقم سنان او مروحه حتى
مش تحط اسمه بس عندك انت منوفى ياجدع ولا ايه
طيب بعد كدا تعليقى مش حيتحط هنا غير اما تدينى على الواحد سته جنيه ونص
نص ينطح نص
وتجيبلى ام الخلول معاك وانت جاى وياسلام لو حتتين فسيخ على ملوحه وسردين دا انا كنت ابيت هنا ومطلعش خالص من البلوج

Asmaa mahaba يقول...

اسكت اما انا نزلت برنامج اسمه جوجل ايرث وجايب البيت بتاعى انا طلعت فى القمر الصناعى لوووووووووووووووولى

Asmaa mahaba يقول...

كتبت كلمه امريكا جابلى بنها هههههههه
معرفش ايه علاقه بنها بامريكا

Unknown يقول...

كل سنة وانت طيييييييييب والبلوج طيييييييييييب وزوار القهوة طيبييييييييييييين ....
الا قوللى يا اسلام يا اخويا هى ايه لغة الجافا دى والحاجات التانية اللى انت كاتبها احسن تكون ممنوعات وللا حاجة ربونا يستر....
والله يا اسلام مدونتك من الحاجات اللى بتسعدنى بجد بافرح لما الاقى ناس بتفهم ودمهم خفيف فى نفس ذات الوقت اتنين فى واحد يعنى.........
طب ايه بقى؟؟؟؟ مش هتكشف هوية الشخص اللى يهمك تعليقه؟؟؟ دة على اساس انى مفهمتش يعنى اصل انت عارف انى ساذجة....منور الدنيا والله يا اسلام بمدونتك ... هو فى اعياد الميلاد مش بيقدموا حاجة سا قعة بيبس وللا انت عامل فيها عبيط؟؟؟ طب انا موافقة بقهوة سكر زيادة...يللا كفاية رغى كدة طولت عليك بس براحتى يعنى المهم كل سنة وانت طيب بقى سلااااااااام.....

اهو ده عيبه يقول...

كل سنة وانت طيب
وعقبال 100 سنة تدوين ودايما كده تسعدنا بموضوعاتك الجميلة
انت بجد من اجمل الشخصيات اللى اتعرفت بيها حتى ولو متقابلناش فى الحقيقة
سعيدة بجد انى عرفت مدونتك واتمنالك دوام التوفيق ان شاء الله

مهرة سالم يقول...

وكل عام وانت متميز في عالم التدوين..
وكل سنه وانت ومدونتك طيبين يا اسلام..
تحياتي

الدفاع يقول...

كل سنه وانت طيب ياسمسم ويارب السنه دى تحقق كل اهدافك من التدوين وتحقق كل الى نفسك فيه عموما وتفضل معانا دايما على خير يارب
تحياتى

سميرة يقول...

كل سنة وانت طيب يا اسلام
ويارب تفضل تدون كدا لمدة 100سنة كمان
ويارب نكون دايما ع الخير والحب متجمعين
تحياتي

غير معرف يقول...

كل سنة وأنت طيب وبالتوفيق دايما يارب
حقيقي ياإسلام مدونتك أنت ووائل عباس ومينا ذكري بس اللي باأشوفهم يوميا وحقيقي أتوقع لك مستقبل رائع

ملاحظة: أنت واخد بالك أن أنا لما بآجي عندك باأمسك لساني من تهزئ العيال إياهم

غير معرف يقول...

نسيت أقولك أن أنا متفق مع أنجي أن أنت فعلا واحد من الناس اللي بتفهم ودمك خفيف

Zianour يقول...

كل سنة وانت اسعد
وبتضحكنا

بس خد بالك من سيريلانكا واللي يجي منها
:))

تحياتي

شفـقــة و إحســــان يقول...

كل سنة وانت مدون
بس ما تغيبش علينا

ahmed_k يقول...

كلنه وإنت طيب يا إسلام
كل سنه ومدونتك الجميله من نجاح إلى نجاح
كل سنه وإنت منور البلوج بكتاباتك الجميله وآرائك الرائعه وإسلوبك المميز
وعقبال ما تحتفل باليوبيل الذهبي لمدونتك الجميله

وتقبل مني خالص التحيه

zOzO يقول...

كل سنه وانتي طيب يا اسلام وعقبال كدا ما ربنا يتم اللي انت بتتمناه
انت اكيد تستاهل كل خير
ربنا يوفقك

مواطن مصرى نايم يقول...

appy
ــــ

و انتى طيبة يا ابى و انتى كمان حتكملى سنة شهر اتناشر نردهالك فالافراح
بس انا اقدم منك
(وش مطلع لسانه)
هههههههههههههه
و انتى صاحب القهوة و المعلم يا فندم دا اقل واجب

كل سنه و انتى طيبه

مواطن مصرى نايم يقول...

سمسمتى
ــــ
و انتى طيبه يا اجمل و احلى و احسن سمسم فالدنيا كلها
بس بما انك اختى سمسم يبقى ردى مش حيكمل لانى كنت ممكن ارد اكتر من كده لو الرد بتاعك لو لم يحتوى على هذة الكلمة
ههههههههههههههههههههههه
اى خدمة
علنى اهوه
عشان تحرمى

مواطن مصرى نايم يقول...

احمد الصباغ
ــــــــــ
حبيبى يا ابو حميد
انتم السابقون فاتمام العام و نحن الاحقون يا صباغ
كل سنة و انت طيب يا باشا
و يا رب كلنا من نجاح لنجاح
و ربنا يخليك يا كبير
و ان شاء الله نتقابل فأقرب فرصة يا باشا

كل سنة و انت طيب

مواطن مصرى نايم يقول...

ميس سوسا
ــــــــ
حمدالله بالسلامة
نورتى البلوج بكل بناراته و جافاهاته و اسكريباته و تعليقاته
كل سنة و انتى طيبة يا رب
عقبال البوست السنوى بتاعك يا رب

مواطن مصرى نايم يقول...

رئيس جمهورية نفسى
ــــــــــــــــ
و انت طيب و جميل يا ابو حنفى
ربنا يخليك يا رب
انت من اجمل الشخصيات اللى عرفتها من خلال التدوين و الله
و ان شاء الله اشوفك فأقرب فرصه

مواطن مصرى نايم يقول...

صبرني يارب
ـــــــــ
كل سنة و انتى طيبة يا رب
و يا فندم انتى تؤمرى شوفى عاوزة تعرفى ايه و انا اقوله لك
هى عاوزة حد بس بيتعامل مع الكمبيوتر اصلا كويس
مش نت بس يعنى
يعنى يبقى بيحب الكمبيوتر زياده حبتين عن البشر الطبيعين

كل سنة و انتى طيبه

مواطن مصرى نايم يقول...

كيارا
ـــــ
و انتى طيبة يا كيارا يا رب
و تنورى التدوين برضوا زى ما انتى منوراة

مواطن مصرى نايم يقول...

kochia
ــــــ
و كل سنة و انتى طيبة يا رب
على فكرة و انا بعمل البوست فكرت زى ما انتى بتقولى كده
بس مينفعش اهديه لحد
لانى مش عارف مين اللى كمل سنه و مين اللى لسه ما كملش
بس فعلا انا فكرت فكده برضوا
و عقبال لما تكملى سنه
ابقى اعملى التاج ده بقى
و ده اهداء رسمى
ههههههههههه
دبستك
(;

مواطن مصرى نايم يقول...

يوميات نائمة فالارياف
ـــــــــــــــــ
يا رنا
وش بيغمز
ماااااااااشى مااااااااشى
هههههههههههههههههه
ربنا يخليكى يا رب
دا من زوقك بس انك تقولى انى طيب
ربنا يكرمك يا رب
و يوفقك فحياتك كلها ان شاء الله
و يحقق الدعوة اللى دعيتيها لى يا رب
كل سنه و انتى طيبه و عقبال لما تكملى سنة برضوا

مواطن مصرى نايم يقول...

همس الحباب
ـــــــــ
خالد باشا
منور البلوج يا خلود
و كل سنه و انت بخير و بصحه و سلامة
و عقبال يا رب لما تكمل سنة برضوا
و كل سنة و انت طيب يا باشا

مواطن مصرى نايم يقول...

بطوط حبوب
ـــــــــ
يا حودا ربنا يكرمك يا رب
و كل سنة و انت طيب عقبال ما تكمل سنه انت كمان يا بطوط ان شاء الله
و ان شاء الله اشوفك فأقرب فرصة ان شاء الله

مواطن مصرى نايم يقول...

حنين
ــــ
و كل سنة و انتى طيبة يا حنين يا رب
و تنورى التدوين اكتر انتى كمان يا رب و عقبال لما تكملى سنه انتى كمان
كل سنة و انتى طيبه

maha zein يقول...

كل سنة وانت طيب
ومدونتك بخير

micheal يقول...

ألف مبروك وعقبال مليون سنة تدوين

mohamed ghalia يقول...

كل سنة وحضرتك ومدونتك بخير ولقلوب الناس أقرب ويارب دايما فى سعادة وهنا وسرور
وددت لو شرفتنى بالزيارة لعلى أكون من ممكن ستكتب عنهم العام القادم
تحياتى

شفـقــة و إحســــان يقول...

كل سنة والبلوج طيب
وعالم التدوين كسب واحد نايم

ندا منير يقول...

هاى اسلام
عيد ميلاد سعيد عليك وعلى مدونتك
وطبعا انت مش بس احسن السيئين انت بجد مدونتك متميزة جدا جدا
ومواضيعك كلها جميلة ورائعة

ربنا يوفقك دايما يارب

مواطن مصرى نايم يقول...

سومة
ـــــ
قال ايه سته جنية و نص
يا سلام
دا انتى قبل ما تدخلى بعد كده تسيبى ستة جنية و نصى على باب البلوج
و كمان تستأذنى قبل ما تدخلى
ههههههههههههههه
كل سنة و انتى طيبة يا سومة
عقبال لما نبارك لك على جوازك يا رب
و بنها ولايه من ولايات امريكا
تبع قسم واشنطن

مواطن مصرى نايم يقول...

انجى
ــــ
كل سنة و انتى طيبه يا انجى و بصة و سلامة يا رب
لو عاوزة تعرفى الشخص راجعى التعليقات و ردى عالتعليقات
ممكن تفهمى هو مين كمان
و اكيد حتعرفى
و عاوزة بيبس كمان
يعنى عاوزة تعرفى مين الشخص و اجيب بيبس
ماشى يا سيتى
اجيب لك صندوق حالا

مواطن مصرى نايم يقول...

اهو دا عيبة
ــــــــــــ
ربنا يخليكى يا داليا يا رب
و الله انتى اللى من احسن الشخصيات اللى بجد سعيد بمعرفتها رغم اننا متقابلناش برضوا لكن و الله بعتز بيكى جدا
ربنا يوفقك انتى كمان يا رب
كل سنة و انتى طيبة

Unknown يقول...

كل سنة و انت طيب و قهوتك منورنا و تصميماتها مش على حد

دمت بود

Asmaa mahaba يقول...

مبروك النيولوك

Nigm يقول...

مبرووووووووووووووووووووووووووووووووووووووووووووووووووووووووووووووك


نجم شباب صح

:)

مواطن مصرى نايم يقول...

m.k
ــــ
ربنا يخليكى يا رب
و كل سنة و انتى طيبة و عقبال لما اقولك مبروك 100 سنة تدوين
بالتوفيق ان شاء الله

مواطن مصرى نايم يقول...

الدفاع
ــــــــ
يا متر يا حبيب قلبى ربنا يخليك يا رب
كل سنة و انت بصحة و سلامة و يا رب تكون اشهر محامى مدون فمصر كلها
ربنا يكرمك يا رب

مواطن مصرى نايم يقول...

سميرة
ــــ
يا ميس كل سنة و انتى طيبة يا رب
و ربنا يوفقك فحياتك و عملك و تدوينك كمان
لانك من المدونين المميزين بجد
ربنا يخليكى و كل سنة و انتى طيبة

مواطن مصرى نايم يقول...

زيزو باشا
ـــــــــــ
يا حبيب قلبى ربنا يكرمك
انت بجد اللى حد جميل و الله و انا بعتز بجد انى عرفتك
ربنا يديم الصداقه بينا يا رب
و انا بجد شرف ليا ان بلوجى يشد انتباهك بجد زى بلوج وائل عباس و ميان ذكرى ربنا يكرمك

و اشتم يا باشا براحتك فأى حد
دايما كده منورنى بجد
ان شاء الله اخلص و اخلع و ابقى عندك ان شاء الله

مواطن مصرى نايم يقول...

زيانور
ـــــــ
و كل سنة و انتى و نور و زياد و ابو نور و زياد بخير و بصحة و سلامة يا رب
ربنا يكرمك
و حاضر حخلى بالى من سريلانكا
انتى تؤمرى
ههههههه
بس حتكلم عن سنغافورا

Unknown يقول...

يا واد يا اسلام باشا فين البيبس؟؟؟؟
انا جاية اقولك مبروك على النيو لوك الجديد جامد بجد.......مقلتليش ايه الحاجات اللى انت قلت عليها هى ممنوعات يا واد وللا ايه؟؟؟؟
يللا مش مهم خللى الشعب يعيش

الشريف / جمال طة يقول...

حق التعبير وابداء الرأى كقله الدستور المصرى
أطالـــب بطـــــرد كــــــــل مــــــن : ـــــ
أولا :ـــ السفــــــير السعـــــــــــــــــودى من مصر
ثانيا :ـــ الغـــــــاء اللجنـــــــــــه المصرية السعـــودية المشتركة
ثالثا :ـــــ منـع السـعودى من دخــــــول بلدى بدون تأشيرة وكفيل لتكون المعاملة بالمثل
رابعا :ــــ طـــــــــرد ألأمير طــــلال بن عبد العزيز من مصــــــــر
خامسا :ــــ طــــــــــرد ألأمير تركـى بن عبد العزيز من مصـــــــر
سادسا : ــــ منع ألأمــير الولـــيد بــــن طــــلال من دخـــــــول مصــــــر
وجميعهم يعلمون بمأساتى فى السعودية والتى دامت على مدى ثلاثة عشر عاما والتى
بدأت من 2/11/1992م وحتى عودتى لبلدى مصر فى 8/5/2005م وعلمهم بكل
ماتعرضت له من ظلم وقهــــــــر وقمــــــــع ولم يحركوا ساكنا لأن المصرى دمه وماله
وان لـــم يكن عرضه مستباح للسعودى فى بلدهم
علآوة على كذب الداخلية والخارجية السعودية فى كتاباتهم للقنصلية المصرية بجده
والذى كشفته وفضحته بالمستندات وفوق كل هـــذا امعانا فى الظلم والقهر تدخل الملك
عبدالله بن عبد العزيز فى القضاء لضياع حقى يوم أن كان وليا للعهــــد
وأخيرا وليس بآخر أتحدى مناظرة علنيـــة مع أى مسئول سعودى رجل دولة أو رجل دين
ممن يتاجرون سواءا بالدين أو بالعلاقات الثنائية بين مصر والسعودية أو العلاقات بين
الشعبين السعودى والمصرى
وهـــــذا رجاءا الى كل من يطلع على هذا البوست نشــــــــره على مدونته وجميع مواقع
المنظمات الدولية لحقوق ألأنسان وكذا جمعيات حماية حقوق الحيوان فى العالم
وذلك لاصابتى نتيجة للظلم والقهر والقمع فى السعودية بمرض السكر ومضاعفاته
ومرض القلب وكذا مرض الضغط وتعرضى لفقد البصر لولا تدخل السفير المصرى
بنقلى الى احدى المستشفيات الخاصة لأننى كأجنبى ممنوعا من العلاج فى السعودية

Empress appy يقول...

سمسم حلو اللوك الجديد يا برعى

Asmaa mahaba يقول...

انت فينك يا عم الحج اسلام انت يا تحط كل يوم بوست يا تغيب وتقول عدولى
ولا خلاص النيولوك ماثر معاك وكبرت علينا
شكرا ع الدعوه
وان شاء الله يا خويا امين بحق جاه النبى يبعتلى بطيخ فى السريع خلينا نخلص بقى
واجيب فاطمه ورقيه وذينب ومريم ومصطفى ومحمد واحمد وطه والواد يوسف وخديجه دول جايين غلطه ويقولولك يا خااااااااااال ههههه
بس ساعتها انا اللى حاخد منك فلوس اما اتداين انا وبطيخ :))
وشيل بقى يا عم

Asmaa mahaba يقول...

نسيت اقولك انى حعمل بيهم فريق كوره وندخل كاس العالم بلا اهلى بلا زمالك فريق ابناء سومه وبطيخ يكسبوا

أحلى حياة يقول...

كل سنه وانت والمدونه طيبين وبخير يارب
ولو انها متاخره حبتين بس معلش بقى :)

مواطن مصرى نايم يقول...

شفقه و إحسان
ــــــــــــــــ
ربنا يخيليكى يا شفقه يا رب انتى و إحسان
و كل سنة و انتوا طيبين و مدونين ناجحين

مواطن مصرى نايم يقول...

ندا منير
ـــــــــ
كل سنة و انتى طيبة يا ندا
و عقبال لما نقولك مبروك على تعيينك فالاهرام و الا الجمهورية

مواطن مصرى نايم يقول...

ahmed_k
ـــــــــ
و انت طيب يا رب و بجد ديما منورنى و ديما كده من اجدع الناس اللى عرفتهم بجد ربنا يبارك لك
كل سنة و انت احسن الاصدقاء

مواطن مصرى نايم يقول...

زوزو
ــــ
ربنا يكرمك و يا رب يستجيب منك ربنا
انتى برضوا حد جدع يا زهرة عقبال ما نقولك مبروك عالجواز ان شاء الله

مواطن مصرى نايم يقول...

مها زين
ــــــــــ
و انتى طيبة يا مها و عقبال لما نبارك لك عالدكتوراة و الجواز ان شاء الله
شدى حيلك فالرسالة بقى

مواطن مصرى نايم يقول...

مايكل باشا
ـــــــــ
ربنا يخليك يا جميل
انتم السابقون و نحن اللاحقون يا ريس

مواطن مصرى نايم يقول...

mohamed ghalia
ـــــــــــــ
كل سنة و انت بخير و بصحة و عقبالك يا جميل يا رب
و انا رايح البلوج حالا عندك
دا شرف ليا يا باشا

مواطن مصرى نايم يقول...

عاليا حليم
ــــــــــــــ
كل سنة و انتى طيبة يا عاليا و متنسيش انك من الناس اللى عرفت التدوين عن

طريقهم

مواطن مصرى نايم يقول...

سومة
ــــــــــ
الله يبارك فيكى يا سومة
بس انا لسه بظبط فيه عشان تقيل شويه

مواطن مصرى نايم يقول...

نجم
ــــــ
الله يبارك فيك يا شريف عقبال لما تكمل سنة تدوين يا رب
كل سنة و انت طيب و شباب صح متألق اكتر و اكتر

مواطن مصرى نايم يقول...

انجى
ــــــ
حاضر البيبس جاى حالا
الله يبارك فيكى
الجافا و كده من لغات البرمجة و شغل التيمبليت
و خلى الشعب يعيش

مواطن مصرى نايم يقول...

ابى
ــــــــ
تمام يا باشا اللوك لسه بظبط فيه كمان
عشان يبقى اخف من كده شوية

مواطن مصرى نايم يقول...

سومة
ـــــــــــ
فريق كورو يا شيخة حرام عليكى
كده الحضرى و ابو تريكه حيبطلوا لعب بسببك
ههههههههههههههههههههه
بس ربنا يكرمك و تجيبى فريقين مش فريق واحد
هههههههههههه

مواطن مصرى نايم يقول...

احلى حياة
ــــــــــــــــــــ
كل سنة و انتى طيبه و مش متأخرة و لا حاجة كفاية انك نورتينى بالزيارة

وفاء بركات يقول...

وأديني جيت وقعدت علي القهوةولا شربنا الشاى
ولاقهوة ولا حد عبرنا. ولاهو كلام والسلام
راح نعمل اللي علينا والمشاريب بعدين
المدونه جميله جريئه .
كل سنه وانت طيب وفي انتظار زيارتك
وتشريفك لمدونتا المتواضعه

الزباين

الزباين و يا رب ابعد عننا الضرايب