الجمعة، 5 سبتمبر 2008

رابطة المدونات المصرية و اصدارات المدونين الادبية

دا البانر بتاع الجروب
اه بتقولوا جروب ايه ؟؟
اقول لكم
دا جروب عالفيس بوك اسمة زى عنوان البوست
رابطة المدونات المصرية و اصدارات المدونين الادبية
فكرتة جديدة و حتساعد كل المدونين
حتساعد فإية؟؟؟
اقول لكم
اولا
حيكون فالجروب دليل للمدونات المصرية
يعنى كل واحد عاوز يضيف مدونتة يدخل يضيفها
او يكتب لى الرابط و اسم المدونة و الاسم التدوينى بتاع صاحب المدونة فالتعليقات هنا.
ثانيا
اى مدون حيكون عنده كتاب نازل او اى مطبوعة نازلة
حنعمل له الدعاية على الجروب و على الفيس بوك عموما
و ده حيساعد بشكل كبير بمعرفة المدونين الاخرين لموعد صدور و اماكن توزيع الكتاب
و كل الدعاية و اى حاجة بعد كده زى تغطية اى حفلة للكتاب او اى تجمع مدونين بخصوص الكتاب
حيكون بدون مقابل طبعا لاننا كلنا لازم نبقى ايد واحده.

ثالثا
حيكون ان شاء الله فى مسابقة اسبوعية بين ثلاث مدونات سيتم اخيارهم من دليل المدونات فالجروب
و المسابقة عبارة عن تصويت من الاعضاء لاختيار مدونة من الثلاث و مناقشة اسلوب الكتابة بها و المواضيع التى تتناولها
و طبعا ده حيساعد بشكل كبيييير فى تنشيط المدونة لان اللى مش حيكون عارفها حيحب يعرفها و كمان حيحب يشوف المدونتين التانين اللى فالسباق
يعنى بمعنى اصح هى مش مسابقة اوى اكتر من كونها دعاية للمدونة
و ده طبعا حيكون بمشاركتكم فيها
و ان شاء الله تساعد المدونين فعلا
يا رب تكون الفكرة عجبتكم
للاشتراك فالجروب

23 قول و لا يهمك:

عالم ماريونت يقول...

ايييييييية ده!!!!
أول تعليق؟
اقرا وارجع تاني

عالم ماريونت يقول...

فكرة تحفة يا اسلام
ممكن تحط الارياف بتاعتي هناك؟
ده طبعا في مقابل الدعوة الحلوة اللي دعيتهالك؟!!!

Empress appy يقول...

حلوه يا اسلام الفكره حطنى فيها غصب عنك وانافسك انا ههههههههههههه
كل سنه وانت كيب وافكارك حلوة

ahmed_k يقول...

أفكار جميله بحق يا إسلام
وتستحق التقدير

أطيب أمنياتي لكل الجروب بالتوفيق

وجهد كبير
تستحقون الشكر عليه

في أمان الله

kochia يقول...

فكرة حلوة جدا وفعالة

بس اللي ضعيف علي الفيس بوك بقي يعمل ايه؟

Unknown يقول...

فين الزبادو بتاع الموضوع اللى فات؟؟؟
كدة ازعل والنعمة.......
المهم انت قريت تعليقى اللى فات؟؟؟
طب اعمل ايه انا الفكرة حلوة جدا جدا والله وهاحاول اخد كورس فى الفيس بوك واحاول اخلصه قبل 12548سنة واشترك معاكم ........يارب اعرف..
والنبى يا بيه اتحملونى فى الفيس بوك دة وماتقولوش علية غبية او متخلفة عقليا انا بس نتخلفة فيس بوكيا

Unknown يقول...

يا اسلااااااااااااااااااام دخلت ومش عارفة اتحرك ولا اروح ولا اجى الموضوع معقد قوى قوى معايا وشكلى مش هانضم
اههههههههه سيبنى عشان انا دلوقتى باصوت مش فاضية.........
لو ينفع حد يحط الرابط بتاعى يبقى يا ريت الجهل نور يا رجاااااااااالة

رصيف نمره خمســــــه يقول...

الفكرة حلوة اوى

بس مش ليا ده الفيس بوك
ممنوع
ممنوع
ممنوع زى مفقود مفقود مفقود كده
بسبب باباياالعزيز
طيب اعمل ايه ؟
حطنى انت بقة يااسلام

سلاااااااااام

سميرة يقول...

هاي اسلام
كل سنة وانت طيب
فكرة جميلة وربنا يوفقك
بس للاسف مش هاقدر اشارك فيها !!!
ليه؟؟؟
اولاً: احنا في رمضان كل سنة وانت طيب وانا طول النهار بجري ورا الاتوبيسات لعل وعسى الحق اي اتوبيس علشان الفطار وكدا، دا انا حتى خسيت النص من كتر الجري.
ثانياً: المدارس قربت ولازم نحضر الادوات يعني كشكول التحضير ودفاتر اعمال السنة والجو الكئيب الممل بتاع كل سنة
يعني باختصار كدا ادعي لاختك.
ثالثاً: انا لسه مش جامدة اوي في موضوع التدوين ، يعني لسه شوية عليا
تحياتي
:))))

dina seliman يقول...

فكره جامده
انا رايحه اعمل جوين حالا

ندا منير يقول...

ازيك يا اسلم
طبعا فكرتك حلوة قوى
وربنا يكرمك على اللى بتعمله دا

maha zein يقول...

فكرة اكثر من رائعة
وفعلا اتحمست ليها
هدخل واشوف اذاي اشترك
يا رب يبقه الاشتراك سهل بقه
عشان انا بتخنق
وبزمء
بسرعة

مقاطعـــــــــــــون يقول...

فكره رائعه جداا وفقك الله
http://mokat3een.blogspot.com/
شارك حمله مقاطعون نحن نرفض اى قرش يدفعه العرب للتتربح من ورائه اسرائيل وغيرها رافعه شعار ان العرب يستفيدون من وراء شركاتهم ولا تتسببوا فى قطع ارزاق الناس انهم يضغطون علينا بلقمه خبز
فسحقا لاى لقمه تاتينا منهم فى مقابلها الاف يموتون من اموالنا شارك ولا تتردد
وجزاكم الله كل خير

الدفاع يقول...

فكره حلوه زيك يا جميل كل سنه وانت طيب
لو لقيت ان المدونه بتاعتى تستحق انها تبقى فى الجروب ده ابقى ضيفها مع خالص شكرى
كل سنه وانت طيب

بيكيا للبيع يقول...

يوم السبت 13 سبتمبر
معادنا اننا نزور الاطفال المرضى
تحب تشارك معنا ؟
لو تحب تشارك زورنا هنا

http://kouskoza7.blogspot.com/

http://bekyaforsale.blogspot.com/

Unknown يقول...

الفكرة جميلة يا أحمد واشتركت فيها على فكرة اعتذر الاول عن الغياب وراجع ان شاء الله اليومين دول ونزلت بوست ومستنى تعليقك
ومعلش مأجل التاج بتاعك مع تاجات تانية وهجاوبهم كلهم مع بعض
تحياتى ليك

FreeKiller يقول...

فكرة جميلة

يا ريت تضيفني لو سمحت

Unknown يقول...

تغطية شاملة للقافلة المتوجهة لغزة
الامن بعد أن سمح للقافلة بالعبور من بوابة الاسماعيلية
تم توقيفها ثانية على بعد 50 متر
والقافلة تتكون من أربع حافلات بالإضافة للسيارات الخاصة
وتعدادها حوالي 200 فرد

فضيحة كبرى...الأمن يسرق قوافل الإغاثة
الأمن يتفق مع ساقين الحافلة الأولى والثانية في القافلة الإغاثية المتجة لغزة
وتسير الحافلتان بدون الركاب الذين كانوا على الأرض إلى وجهة غير معلومة
والجدير بالذكر أن هاتان الحافلتان همه المحملتان بالطعام والشراب للمسافرين الصائمين النتجين لغزة
كما أنهما يحملان البضائع الإغاثية للفلسطينيين
وبالإتصال بأصحاب الشركات التي تملك الأتوبيسات
وجد أنهم قد أغلقوا موبايلاتهم
ولا يردوا على الأرضي
أي أن الأمن سرق البضائع الإغاثية
وترك الركاب على الأرض
أمن مصر القذر

الأمن المركزي القذر يواصل الفضيحة
الأمن يمنع قافلة الأطباء المصرية من الذهاب إلى غزة بكردون ضخم جدااا
ويحاصر النقابة
بالإضافة إلى منعه للقافلة الأولى
وسرقة الاتوبيسين المحملة بطعامهم والمعونات
...........................
تحديث
قافلة الأطباء تتفاوض مع الأمن
ويسمح لها بالعبور
وهيه محملة بمؤنة تكفي القافلة السابقة
وبها أماكن لبعضهم
يبدو أن الأمن القذر يخطط لسرقة أكبر
أدعو الله أن ينتصروا ويصلوا بأمان ويكسروا الحصار
اخر الاخبار
ــ الان اتجه الاستاذ مجدى حسين ومعه مجموعه من المشاركين عددهم 13 مجاهد
فى سيارة نقل واتخذوا طريقا غير معرفوة للامن نحو العريش ومنها لغزة
ربنا معاهم
ــ المرابطين فى الاسماعيليه ينتظرون عودة احد الاتوبيسات التى هربت
وارسل الشباب مجموعه مشاركين لكى يستلموا اشيائهم المفقودة من الأتوبيسات المسروقة
ــ قافلة الاطباء بعد اتصالات عديده معهم تقرر ارسال اماكن فاضية علشان ناس القافلة الاولى وكذلك اكل وافطار لهم
ربنا معاهم


القافلة الثانية
القافلة الطبية الثانية تجاوز عددها ال250 مشارك
وتتكون من أوتوبيسات ضخمة
وسيارات شركات
وسيارات خاصة
ومشاة يبحثون عمن يقلهم
والقافلة الأولى رجع بعضها
والاخرون ذهبوا متسللين مع الاستاذ مجدي حسين
ووصلوا إلى كوبري السلام
وإن شاء الله نتابعكم بآخر الأخبار

Ahmed Al-Sabbagh يقول...

انت شغلك على الفيس بوك جامد اوى

Beram ElMasry يقول...

ان كنت ممن يتذوقون الشعر العامى والزجل ، ارجو زيارة مدونتى والتفضل بالنقد والتعليق ، فالنقد كالنصح ، والدال على الخير كفاعله

Beram ElMasry يقول...

صديقى المواطن المصرى
لثقتى فى ذوقك الرفيع دخلت الى المدونة التى دعونتى اليها وشاركت بالتعليق قبل الرد عليك ، شكرا لك على تعليقكم ولا تحرمنى الزيارة والنقد على ما كتبت واكتب

محمد حمدي يقول...

فكره رائعه .. وهشترك حالا

غير معرف يقول...

لجروب فعلا ناجح اوى فى فترة قصيرة

بهنيك علية

استمر

الزباين

الزباين و يا رب ابعد عننا الضرايب