السبت، 2 أغسطس، 2008

من بوش لاوباما او ماكين و اللوبى الصهيونى برضوا زفت و طين

تحديث رقم 2
ـــــــــــــــــــــ
فى موقع مفتاحى
ـــــــــــــــــــــــــــــــــــــــــــــــــــــــــــــــ
تحديث
ـــــــــــــ
الجروب بتاعى انا و الفنان اشرف حمدى رسام الكاريكاتير
عالفيس بوك
كتبت الصحفية : رشا لطفي



من بوش لاوباما او ماكين و اللوبى الصهيونى برضوا زفت و طين

ـــــــــــــــــــــــــــــــــــــــــــ


حد عارف ليه كلينتون اتعملت له فضيحة كبيرة قبل انتهاء فترة حكمة؟؟؟؟

طب حد يعرف ليه هيلارى كلينتون فشلت فى الانتخابات التمهيدية لانتحاب رئيس امريكا؟؟؟؟

طب حد عارف ليه اللى فضل و نجحوا فى الانتخابات التمهيدية هما(اوباما)و (ماكين)؟؟؟؟


(ممكن اجاوب انا)


اولا : قبل الاجابة لازم نفهم كام حاجة

-ايه هو اللوبى الصهيونى : هو جماعة صهيونية اسرائيلية فى امريكا غير شرعية تتخذ اساليب غير شرعية لتحقيق اهداف معينة لصالح اسرائيل و هى لها تأثير كبييير على الحكم داخل امريكا رغم عدم شرعيتها .
كلمة (لوبى) يعنى دهليز يعنى طريق خفى و سرى
ــــــــــــــــــ

=نجاوب بقى=

-----------

السؤال الاول

اتعملت فضيحة لكلينتون مع مونيكا عشان يسيب الحكم

و كان اللى واقفين ورا الموضوع ده اللوبى الصهيونى

لان كلينتون فى اخر ايام حكمة كان قرر ان خلاص موضوع فلسطين حيتحل و كان قرار جاد جدا

اتدخل اللوبى الصهيونى و استطاعوا توريطه فى فضيحة مونيكا

و الموضوع خلص لما كلينتون كبر دماغة عن موضوع فلسطين بسبب الضغط علية من اللوبى

ــــــــــــــــــــــــــــــــــــ

السؤال التانى

سبب فشل هيلارى كلينتون فى الانتخابات التمهيدية

تخوف اسرائيل منها لانها زوجة كلينتون

و عدم دعم اللوبى الصهيونى لها

ــــــــــــــــــــــــــــــــــــ

السؤال التالت

ليه نجح ( اوباما ) و (ماكين) فى الانتخابات التمهيدية

اولا اوباما

اثبت ولاءه لاسرائيل بمجرد ترشيحة و تعهد بجعل القدس عاصمة اسرائيل

تم دعمه من اللوبى الصهيونى

ثانيا ماكين

يا جماعة عارفين ماكين ده لو بقى رئيس امريكا

ممكن تقوم حرب عالمية تالتة

لانه اسء من بوش

و حيكون اسوء و اكثر دموية من اى رئيس امريكى سابق

بيكره العرب بطريقة رهيبة

قريب جداااا من اللوبى الصهيونى و الحكومة الاسرائيلية

من الناس المؤيده للحرب على العراق

يعنى دمار الدمار

و اكيد فرصتة كبيرة برضوا انه يمسك

ـــــــــــــــــــــــــــــــــــــــــــ


ايه رأيكوا بقى؟؟؟

شوفتوا ان اسرائيل هى اللى بتحكم امريكا مش امريكا هى اللى بتحكم اسرائيل


حد من الحكام العرب له كلمه على امريكا ؟؟؟

عارفين ليه لا

عشان هما اصلا مش بيفكروا فى حاجة غير مص دم الشعوب


الريس الوحيد اللى كان له كلمة على اى دولة و كان كله بيخاف منه

الله يرحمة

الرئيس الراحل محمد انور السادات

عاش عظيما و مات شهيدا

بجد الراجل ده انا كان نفسى كنت اموت بداله

لانه لو كان لسه حاكم مصر

كنا بقينا اقوى دولة فى العلم

امريكا و اسرائيل كانوا

بيترعبوا منه


اول مرة اشوف الاخوان بيقولوا ان قتل السادات كان غلطة

خليهم يشربوا

عاجبهم اللى موجود يعنى

ربنا عالظالم


ESLAM

24 قول و لا يهمك:

649 lotto results يقول...
أزال أحد مشرفي المدونة هذا التعليق.
Two in One يقول...

السلام عليكم

هو انا ماليش في السياسة اوي

بس عموما الامريكان كلهم انيل من بعض ومش متوقع منهم خير لان لو طلع منهم حد عادل نوعيا هيغتالوه او مش هيسمحوله يوصل من اساسه ومش بيوصلوا للرئاسة الا الناس اللي تكمل تنفيذ خططهم وافكارهم والشرق الاوسط الجديد اللي هو حلم اسرائيل القديم بدولة من النيل للفرات يعنى كل الطرق تؤدي الي تل ابيب

اما السادات وعبد الناصر فكل واحد له ما له وله ما عليه بس المحصلة انهم كانوا زعماء حقيقيين قادرين عل اخد قرارات صعبة فى مواقف اصعب وكان عندهم كرامة ونخوة اختفت في العصر الحالي

لا يغير الله مابقوم حتى يغيروا ما بانفسهم .. لو احنا شعب صالح كان حكمنا زعيم صالح .. لكن للاسف !!

semsem يقول...

اولا ازيك يااسلام
عامل ايه؟يارب خير دايما
بص بقى
اولا بالنسبه للصورة بجد مررررررعبه
انا اتخضيت من شكلهم على فكره
فما بالك باعمالهم
ربنا يستر
ثانيا
متشكرين اوى ع المعلومات القيمه والشراح السهل ده
بجد انت دمااااااااااااااغ
ثالثا بقى
انا حرمت احب تامر حسنى
او اقولك حاجه بعد كده
هههههههههههههههههههههههههه
ههههههههههههههههههههههه
تامر حسنى مين وبتاع مين
انا بحب الشيخ مصطفى قمر

يوميات نائمة في الأرياف يقول...

ازيك يا اسلام عايزة اقولك حاجة مهمة اوي
انت كل اللي قلته فوقده صح طبعا
بس لازم بدل ما نعد نندب حظنا ونقول امريكا واسرائيل نشوف نقدرنعمل اية معاهم
هما لازم يحاربونا لأنهم اعداءنا
ليه بنندبحظنا على ده
بدل كدة لازم نقوم من التوهة دي
ولا اية؟

سارة علي يقول...

السلام عليكم
ازيك يا اسلام
عارف طبقا للقواعد المتعارف عليها بنسبة 99 المية اوباما هو اللى هيكسب لان الديموقراطيين ليهم شعبية اكبر فى امريكا اكتر من حزب ماكين الجمهورى
الجمهوريين دايما تفكيرهم دموى وبيميل للخراب
اللى بستغربة هل امريكا فعلا مستعدة لتقبل رئيس افريقى الاصل ؟؟؟؟؟
الحقيقة انهم استبعدوا هيلارى لان خطة هيلارى اصلاح امريكا داخليا والبعد تماما عن الحروب والامتداد الصهيونى لان دة كان هدف هيلارى من ايام ما كانت فى البيت الابيض مع كلينتون بدليل ان فى عهد كلينتون ارتفع شأن الصحة العامة والاحوال الداخلية بس طبعا لان فعلا دةمش على هوى اليهود فلازم يستبعدوها على فكرة الست دى كانت كويسة نوعا ما احسنهم
اوباما ::: احسن حالا من ماكين ولكنة كارثة على العرب بجد ربنا يستر
تحياتى بجد بوست مهم اوى يا اسلام محتاجين توعية للناس بالشئون الخارجية برة مصر

enjy يقول...

هو انت يا سيدى بتاع الجروب الجامد دة؟؟؟ صحيح الحاجات دى ماتطلعش غير منك انت ........
نيجى بقى للموضوع التانى بس عشان اعرف اوزن الكلام واحد قهوة سكر زيادة وفى كوباية مش فنجان المهم.. تصدق عيب قوى اى والله عيب نبقى مستنيين نشوف مين اللى هيكسب انتخابات امريكا احنا كدة بنعترف ضمنيا ان اللى هيحكم هناك هو اللى هيحكم هنا يعنى اسرائيل بتحكم امريكا وامريكا بتحكمنا حلو قوى..تفتكر يا اسلام ممكن ييجى اليوم اللى نحط رجل على رجل كدة ولاااايهمنا مين بيعمل ايه؟؟؟

فاتيما يقول...
أزال المؤلف هذا التعليق.
فاتيما يقول...

إسلام
ازيك الاول
بص كلامك تمام
أنا من البداية و أنا بقول أوباما دا مزيف كدا و خبيث و لا بصدق اى تعبير على وشه غير إنه بيكدب
بيكدب و بس
اما ماكين دا فكل ما أشوفه أفتكر الضباع مش عارفة ليه
و لا عارفة
عشان بحس إنه شر خالص
بس أتصور إن أوباما فرصته أقوى
بس الملخص إن الأيام الجاية اسود من السواد
و أنا من الناس اللى بتحترم أنور السادات فى فكره و علاقاته مع العالم
لما شوفت خطابه فى الكنيست
قولت الراجل دا قلبه حديد و شجاعته مفرطة
يللا أيام و راحت
أنا دوشتك يا إسلام
بس الموضوع إستفزنى

ahmed_k يقول...

يا إسلام أولا أرجوا منك حذف أول تعليق لأنه قد يكون فيرس
ثانيا رأيك وتحليلك عجبني جدا وبأيدك فيه أوي
بس مكتبتش ليه أسباب ان السادات هو الوحيد اللي كان له كلمه علي دول تانيه
رغم ان معاهدة كامب ديفيد مكانش فيها أي مميزات لمصر سوي استلام سيناء إداريا ومحكومه من حيث عدد التسليح بها والقوه الأمنيه
أرد وأقول أن بنود المعاهده كانت مرحله لحين تغير الظروف ونمو قدرات القوات المسلحه التي كانت قدراتها محدوده في حينها
وكانت لديه خطط لم يفصح عنها بخصوص سيناء بالتأكيد
لأن رجل كالسادات لم يكن ليقبل بدوام كون سيناء ساحه مكشوفه لأسرائيل طوال تلك المده
رحم الله السادات
وأنا متخوف جدا من فوز ماكين في الإنتخابات لأنه سيكون كما أوضحت أكثر تدميرا علي العالم من سيده بوش

وتقبل خالص تحياتي

appy يقول...

تدخل اللوبى الصهيونى و استطاعوا توريطه فى فضيحة مونيكا
و الموضوع خلص لما كلينتون كبر دماغة عن موضوع فلسطين بسبب الضغط علية من اللوبى
لما كبر دماغه بقى مش سابوه ليه يا اسلام ممكن اعرف ليه برضه شالوه

وومن يقول...

اسلام

يعني هو علي حسب معرفتي بالإنتخابات الآمريكية ان اصلا مفيش رئيس بيحكم اكتر من مدتين
وكلينتون كان خلاص فعلا خلصهم يعني كان ماشي ماشي

اما بخصوص اوباما ومكين فعلي رأي امثال جدتي

ما اسخم من ستي الا سيدي الا تنين انيل من بعض بس خلينا نتمني علي الآقل ان الشعب الأمريكي يختار اهون الأمرين بالنسبة لينا وهو اوباما طبعا لآنه علي الآقل الأقل مش مع الحرب علي العراق

ونرجع نقول للساسة العرب كتكم خيبة فضحتونا

Desert cat يقول...

تدخل الوبى الصهيونى كان لبث روح الرعب لدى اى حاكم يفكر يقف قدام اسرائيل او ماما امريكا العراق مش بعيده ...

مدحت محمد يقول...

التساؤلات جميلة

والاجابات اجمل يااسلام

وربنا يرحم السادات

والمفروض ممنتظرش امريكا تدينا حريتنا

حريتنا لازم نصنعها باايدينا

تحياتى وتقديرى

Sharm يقول...

ربنا يستر علينا ..

بطوط حبوب يقول...

تعرف فى كل الاحوال الى جاى اسوأ مش لسبب غير لاننا بنزيد سوء عن كل يوم ولازم ربنا يسلط علينا اذل خلق الله يمكن نرجع

سميرة يقول...

هاي اسلام ، ايه الكلام الجامد دا، انا عاوزه اقول حاجة .. مش مهم مين يمسك الحكم في أمريكا - قصدي يحكم العالم - لأن يابني دي سياسة وخطة مدروسة كويس اوي لكل جزء في العالم من سنين طويلة والمطلوب من اللي يدخل البيت الأبيض انه ينفذ الخطة او جزء منها واللي يحاول يتمرد يطلع بره على طول زي عمنا كلينتون وطبعا المحرك الاساسي لكل دا اسرائيل وانا متفقة معاك تماماً ان اسرائيل هي اللي بتحكم العالم وهي اللي بتحرك امريكا ، بس انا عندي سؤال مهم ازاي اللوبي اليهودي قدر يكون بالقوة دي؟؟؟ وعمل ايه علشان يكون قوي ومؤثر كدا ، يا بني اللوبي اليهودي متحكم في اقتصاد العالم من اول وول ستريت في امريكا لغاية اكبر المحطات الفضائية الاخبارية وكمان صناعة الافلام والسينما في امريكا اليهود متحكمين فيها ... احنا بقى كعرب عملنا ايه بالمليارات الملقحة في بنوك امريكا ؟؟؟ ولا حاجة ، ليه احنا ما بنحاولش نعمل حاجة بالفلوس دي علشان نحسن صورة العربي والمسلم عند الشعب الامريكي ، على فكرة الشعب الامريكي معذور لأنه بيسمع من جهة واحدة بس اللي متحكم فيها اللوبي اليهودي اللي طبعا مش هايتكلم عننا بكل خير ، ليه ما نحاولش نعمل محطة فضائية تتكلم عننا وتكون بلغتهم ،اكيد هاتعمل فرق ، وطبعا نقدر نعمل حاجات تانية كتير ، على الاقل نقلل من نسبة الامية المنتشرة في العالم العربي ، دا طبعا بالاضافة ان ما فيش ديمقراطية ولا بنشم ريحتها حتى في اي بلد عربي ، على فكرة اسرائيل كدولة فيها ديمقراطية اكتر من اي دولة ممكن تسمع عنها ، بس بقى كفاية كدا انا ورمت دماغك بس انت اللي فتحتني بكلامك الجميل ، ياللا بقى باي باي وربنا يوفقك
ملحوظة
مادام حساب المشاريب عليك انا عاوزه اقول اني شربت عشرة شاي وخمسة قهوة علشان اقدر اقول الكلام الجامد دا

أمل عبد الحكيم يقول...

السلام عليكم اولا
ثانيا بقه ندخل فى التعليق استعنا على الشقي لالله
بص ياسيدى الفاضل كل الاميكان نوعيه واحدة صحيح فى منهم انواع لسه عندها شويه من الاحمريكا اللى بيجرى فى العروق لكن اليهود مبيسبوهوش يتهنى بالضمير لازم يكتموة ولو حكمت يقتلوة
زى ماقلتوا الرئيس اللى مش فاكرة اسمه ايه دلوقتى بس كان بيعمل اتفاقيه سلام هبقى افتكرلك اسمه بعدين
المهم ياسيدى قوم ايه مفيش حد هيجى من برانا يدور على مصلحتنا
وكفايه ان كل اللى برة بيشوفوا خبيتنا لما بنقف نقتل فى بعض يبقى الطبيعى ان اليهود يسوقوا العالم ويسوقوا الهبل على الشيطنه ويسوقوا اى حاجه فى اى حاجه
والسلام خير ختام

ana ga3an يقول...

الله ينور عليك يا سلم

صباح الصباح يقول...

احييييييك وبشدة.. انور السادات... الثعلب الماكر... عقلية وفكر واسلوب لن يتكرر

appy يقول...

اسلام فيه اغنيه حطاها عندي تشجيعا ليك
ههههههههههه
وش مطلع لسانه وبيرقص حواجبيته

حنين.. يقول...

"من بوش لاوباما او ماكين و اللوبى الصهيونى >>>ياقلبى لاتحزن ولا تتصعب ولا تتستغرب ولا تستنى مين اللى هيكسب.
وبعدين انا حاسه ان ماكين دا... هو اللى هيكسب, وكلاممك كمان ياكد احساسى.
ربنا يستر.
بس بجد احييك على التحليل الرياضى الفظيع دا.
ولا السادات ولا مبارك ولا عبد الناصر ولا حد,
تعرف انا عندى احساس برده. انى محمد نجيب كان احسنهم, عشان كدا ما قعدش يومين.
دمت سالم
تحياتى
فى انتظار مزيد من التحليلات والاخبار والبوستات
حنين

يوميات نائمة في الأرياف يقول...

طيب
المرة دي انا ناوية بس اتكلم عن قصة شعر تامر حسني
انا عايزة اعرف مين تامر بتاعة ده اللي الدنيا كلها مقلوبة علية؟
يطلع مين يعني واية اللي عملة في حياتة انا عايزة افهم؟
الشعب كلة ساب الجيش والانجليز والمماليك وقعدو يمضو على اطباق(قصدي يتكلمو على تامر بتاع ده)!!!!!
المفروض ان الناس المثقفة الواعية المستنيرة تفوق الناس وتخليهم يشوفو حياتهم احسن
تلاقيهم برضة سابو الجيش والانجليز وقعدو يتكلمو على تامر؟!!!!!
الأكادة بقى انكم مش بتتكلمو عن تامر انتو بتتكلمو عن بعضة(شعرة يعني) ودي المصيبة
والمصيبة الاكبر انكو عملتو جروب طويل عريض تتحدثو فية عن انجازاتكو المبهرة للبشرية ومطالبتكو بمش عارف اية؟
انا اسفة ان نقدي كان لاذع بس انتو لازم تقبلو الاراء كلها على اختلافها حتى اللي متفقش معاكو
والمرة دي انا اللي هدفع الحساب عشان محدش يزعل
تحياتي برضة

tote يقول...

السلام عليكم
مدونة جميلة جدا وبوست روعة بجد
اول مرة ليه هنا ومش اخر مرة ان شاء الله اكيد
وتحليلك جامد جدا وحليت الاسئلة بسهولة جدا احيك
وياريت تشرفنى

Manamino يقول...

انا اول مرة اعدي هنا
بس ان شاء الله مش اخر مرة
بس بجد معاك حق
مااوسخ من ستي الا سيدي
كلهم زي بعض ومافيش فرق بين بوش واوباما
وعلي رايك
الاخوان عرفوا الحقيقة
يعني هو اللي موجود احسن من مين اصلا
يالله ربنا يسترها علينا
ماتنساش تعدي عندي
http://efta72lbak.blogspot.com/

الزباين

الزباين و يا رب ابعد عننا الضرايب