الخميس، 31 يوليو 2008

لو لم اكن تجاريا لوددت ان اكون تجاريا.....(نصيبى)....!!!!!!

الف الف الف الف الف الف
مبروك
النجاح
نورا الخشن نجحت يا بشر
صاحبة مدونة
جيد
الف مبروك يا نورا
ـــــــــــــــــــــــــــــــــــــــــــ
الف الف الف الف الف الف
مبروك
النجاح
نجحت مبروك النجاح
جيد جدا الا حته
هى اللى قالت كده


انا نجحت انا نجحت انا نجحت انا نجحت انا نجحت انا نجحت
انا نجحت انا نجحت انا نجحت انا نجحت انا نجحت انا نجحت

طظ

انا نجحت انا نجحت انا نجحت انا نجحت انا نجحت انا نجحت
انا نجحت انا نجحت انا نجحت انا نجحت انا نجحت انا نجحت

طظ

انا نجحت انا نجحت انا نجحت انا نجحت انا نجحت انا نجحت
انا نجحت انا نجحت انا نجحت انا نجحت انا نجحت انا نجحت

طظ

انا نجحت انا نجحت انا نجحت انا نجحت انا نجحت انا نجحت
انا نجحت انا نجحت انا نجحت انا نجحت انا نجحت انا نجحت

طظ

انا نجحت انا نجحت انا نجحت انا نجحت انا نجحت انا نجحت
انا نجحت انا نجحت انا نجحت انا نجحت انا نجحت انا نجحت

طظ

و زى ما قلت لكم قبل كده فى بوست


ان فى دكاترة اصحاب ضمائر حية
و دكتارة اصحاب ضمائر واطيه
بس الحمد لله نجحت
كفاية بقى و بلاش اسيح عالتقدير الى انا اتظلمت فيه جدااااااااا

الحمد لله
الحمد لله


يا جماعة ما فيش نجاح بيجى بالساهل
كل واحد لازم يتعب فى حياتة عشان يلاقى
لو عاوز تنجح حب اللى انت بتعمله
و حط لك هدف عاوز تنجح عشانة


الفترة اللى انا ريحت فيها اللى كانت قبل الامتحانات بشهر
انا كنت ميت مذاكرة
ما كنتش بنام
ربنا كلل تعبى بالنجاح
اى نعم اتظلمت فى التقدير
لكن انا عارف ان عمر ما ربنا بيشيل من حاجة
الا و بيحطها فى حاجة تانية
يعنى اكيد انا حاخد حقى
انا نفسى بجد
كلنا نبقى همنا على نجاح البلد دى
لانى بجد بحب مصر جداااااا
و نفسى ابقى حاجة كويسة فى البلد
عشان انفع نفسى و بلدى و اولادى و شريكة حياتى
لازم كل واحد فينا يشيل مسئوليه
فرحتى بالنجاح مش كاملة
اولا لسه فى ناس ما اطمئنتش عليهم نتيجتهم لسه ما طلعتش
ثانيا كان نفسى كل واحد ياخد حقه
(فى كل شئ)
ـــــــــــــــــــــــــــــــــــــــــــ
متضايق شوية يا جماعة
(مش من النتيجة)
حبقى احاول ارد على التعليقات اللى فاتت بس مش دلوقتى
معلش اعذرونى
مش حنقطع عن التدوين
(حسبى الله و نعم الوكيل)


ESLAM

65 قول و لا يهمك:

رصيف نمره خمســــــه يقول...

السلام عليكم

الف مليووووون تيرليووووون مبروك

بجد انا عارفه الاحساس ده والتقدير فى تجارة مبيجيش بالساهل بس احسن حاجة انك مقتنع انك عملت اللى عليك


ربنا يفرحك كمان وكمان

ايه ده هو انا اول تعلق واول زيارة ليا هنا عايزة جايزة لو سمحت ولا تجيبلى كتاب ادارة هدية


سلاااااااااااااام

مواطن مصرى نايم يقول...

رصيف نمرة خمسة

و الله العظيم و الله العظيم
انا كنت فاتح البلوج بتاعك دلوقتى و لسه بقرا فى موضوع النجاح
و لسه حسيب تعليق
اهوه فاتح صفحة التعليقات و بكتب
حاجة قالت لى روح بص عالبلوج
لقيت تعليقك
بجد قلت دا انا ملبوس بقى
هههههههههههههههه
نورتينى
الله يبارك فيكى
و الف مبروك ليكى انتى كمان عقبال اخر سنة
بس تبقى جيد و حتة مش الا حتة
هههههههههههههههه
تحياتى
اسلام

سارة علي يقول...

لولولو لولىىىىىىىىى
ااااااااااااالف مبروك يا اسلام عاوزة حلاوة النجاح اة ماليش دعوة ههههههههههه الف مبروك القهوة تشتغل بقى كانزات وحلويات
متنقطعش عن التدوين الفترة الجاية فى احداث كتير محتاجة بوستاتك النشيطة والواعية وميهمكش ربنا يعوضك التقدير وطالما تعبت يبقى ربنا دايما هيديك خير
الف مبروك
تحياتى

غير معرف يقول...

الف مبروك وعقبال الدكتوراه يارب

مواطن مصرى نايم يقول...

سارة على

الله يبارك فيكى
ربنا يخليكى يا رب دايما قايمه بالواجب
و بالنسبة للحلاوة
بعت اجيب لك واحد بار حلاوة الرشيدى الميزان
ههههههههههه
دا انتى تؤمرى
بالنسبة للكانزات حبقى افكر فى الموضوع ده
ههههههههههه
لا ان شاء الله مش حنقطع عن التدوين
ربنا يسهل
تحياتى
اسلام

مواطن مصرى نايم يقول...

زيزو باشا حبيب هارتى
صديقى الصدوق

منورنى يا رب دايما
ربنا يخليك يا رب
الله يبارك فيك
بجد دايما على طول كده قايم معايا باحلى واجب
انا شوفت تعليقك اللى فات
اكيد ان شاء الله يا باشا
بس اخلص الكلية النحس دى
ربنا يسهل ان شاء الله
نورتنى
تحياتى
اسلام

semsem يقول...

الف مليون مبروووووووووووووك
مبرووووووووووووووووووووووووووك
مبروووووووووووووووووووووووووووك
وعقبال البكالوريوس
يااااااااااااااااااااارب
بجد فرحت اوى
وخد وقتك لو متضايق
المهم ترجعلنا بالف سلامه
اختك سمسم
استنى هروح افضحك على مدونتى بقى
هههههههههههههههههههه

مواطن مصرى نايم يقول...

سمسم

الله يبارك فيكى يا رب
ربنا يكرمك
(بلاش فضايح استرى عليا ربنا يستر عليكى)
ههههههههههههههههههه
بجد ربنا يخليكى يا رب
لا انا مش حنقطع عن التدوين
انا لازق هنا
اه هو انتى فاكرة عشان متضايق مش حهزر
لا دا انا ببقى مبدع و انا متضايق
ههههههههههههههههه
تحياتى يا سمسم
اسلام

Mahmoud البطراوى يقول...

مبرووووووووووووووك وعقبال العروسه

المنسى يقول...

مبروووووووووووووووووووووووك يامواطن
الف مبروك
وعقبال ما تحقق إللى تتمناه لبلدك ياااااااارب أمين
أدعوك لزيارة مدونتى
أود أن تتعرف على مشروع ممر التنمية والتعمير
ربما نتعاون سويا
http://www.elmancy2000.blogspot.com/
تحياتى

Unknown يقول...

مبروك مبروك مبروك مبروك مبروك مبروك مبروك
للولولولولولوللولوىىىىىىىىىىى

يا عم فرفش كويس انك رجعت بالسلامة

عالم ماريونت يقول...

الف الف مبروووووووووووك
مش عارفة لية مش لايق عليك انك تكون طالب؟

kochia يقول...

مبروك
المهم انك نجحت والتقدير ده حاجة علي فكرة مش مقياس لكل الناس

وطبعا ابقي طمنا علي اصحابك

تحياتي

Unknown يقول...

مبروك ياسيدى كدة مناسباتك كترت هالاحق عليك هدايا منين؟؟؟؟؟ الاول فرح اختك ودلوقتى نجاحك كدة مش كويس على المصروف.
بس ايه يعنى افراح ونجاح وماحدش شاف منك كوباية شربات من غير موز حتى هى القهوة دى مانعين فيها الشربات وللا ايييييييييييييييييه؟؟؟؟
طب عندك واحد نسكافيه باللبن بس اللبن المبستر دة او من عند مصباح ماشى لكن التمساح لا..فاهمنى طبعا

مواطن مصرى نايم يقول...

بطووووووووووووط
الله يبارك فيك يا جميل
ربنا يخليك يا رب
ادعى للعروسة انها تنجح الاول
ههههههههههههههه
تحياتى يا باشا
اسلام

مواطن مصرى نايم يقول...

المنسى

الله يبارك فيك يا باشا
ربنا يخليك
اما المشروع بتاع فاروق الباز دا انا عارفة
بس اكيد حشوف ايه نظامة عندك
تحياتى يا جميل
اسلام

مواطن مصرى نايم يقول...

عاليا حليم

الله يبارك فيكى يا رب
بس ما كنتش اعرف انك بتعرفى تزغرطى
هههههههههههههه
الف شكر يا عاليا عالزغروطى اللى سمعت بينا البلوجات اللى جنبنا
ربنا يخليكى
تحياتى
اسلام

مواطن مصرى نايم يقول...

يوميات نائمة فى الارياف

الله يبارك فيكى يا رب
الف شكر بجد
كلك واجب و الله

ههههههههههههههههههه
اشمعنى يعنى مش لايق عليا انى ابقى طالب
ههههههههههههههههههههه
يعنى المفروض انى اكبر و الا اصغر
و ايه السبب
هههههههههههههه

انتى عارفه اول مره اركز انك انتى كمان نايمة

مش كفاية انا نايم
حتنامى انتى كمان
هههههههههههه
تحياتى
اسلام

مواطن مصرى نايم يقول...

كوشيا

الله يبارك فيكى يا رب
و الله مش زعل عالتقدير اد ما هو احباط من الظلم اللى بيتفشى فى مجتمعنا
ربنا عالظالم
اكيد ان شاء الله حطمنك على (زمايلى)
تحياتى
اسلام

مواطن مصرى نايم يقول...

انجى

اوعى عينك تكون وحشة
اوعى
لا النهاردة الخميس و البوم كاظم الساهر نازل يوم 5
و انا حنام الساعة خمسة
بس بعد ما اعلق خرزة زرقة على باب البلوج
هههههههههههههههههه
شوفتى الحتة الحريمى اللى فاتت دى
جامده صح
تحسى انى بقعد فى الفاسحه كتيييير
هههههههههههههه
لا انا فقرى خلى بالك

بس لعلمك كمان فى لسه افراح تانية
يوم 8/8
و يوم 24/8
بنات خالتى
دخلة و خطوبة
يعنى احسدى بقى
خلى المشاريب بعد الفرحين دول
و يا سيتى حجيب لك اللبن من عند التمساح بتاع الساعة كمان
او مصباح بتاع سيدى بشر
تحياتى يا انجى
و الله يبارك فيكى يا رب
الف شكر يا جميل

اسلام

Mkjwe يقول...

الف مليون مبروك للي نجحوا كلهم ومبروك النجاح لك طبعاً ... وقول الحمدلله على كل شيء. في غيرك مش عارف ينجح مع انه حاسس انه كان عامل مجهود بس ادي الله وادي حكمته والحمدلله على كل شيء.
تقبل تحياتي.

مواطن مصرى نايم يقول...

لفلى جوست

و الله يا جميل قلت الحمد لله
حتلاقيها فى البوست كتيييير اوووى
بس مش بحب الظلم
و الله يبارك فيك طبعا
شكرا يا جميل ربنا يخليك يا رب
تحياتى
اسلام

ندا منير يقول...

الف الف مبروك يا اسلام
ويارب دايما التوفيق
وبجد انا دلوقتى بس حسيت ان مصر لسة بخير لما لقيت حد بيقول انه بيحب مصر وانه عايز يبقى حاجة مهمة فيها
بجد كويس قوى انك تفكر كدة ولو معظم الشباب بيفكروا كدة اكيد كان حالنا بقى احسن بكتير وبجد مصر تستاهل انها تتحب والشعب المصرى مفيش زيه بس المشكلة سوء الاحوال اللى بتمر بيها مصر دلوقتى مخلية الشعب مش طايقها بس برده احنا لو حطينا ايدينا فى ايد بعض اكيد نقدر نغير حاجات كتير قوى فى مصر
بجد ربنا يوفقك دايما
ويعوضك ربنا فى التقدير اللى اتظلمت فيه
وتبقى حاجة كبيرة زى ما انت عايز

ندا منير يقول...

اه نسيت اقول الف مليون مبروك
لصاحبة المدونة
رصيف نمرة خمسة
واه وكفى
الف مبروك ليكم كلكم يا جماعة ويارب كدة دايما

dina يقول...

الففففففففففف مبروك
بجد كلامك مهم جدا خصوصا فى الوقت اللى كتير مننا احبط و ان شاء الله انا كمان اقدر اعمل كدا فى كليتى بقى بما انى داخلة مرحلة جديدة و نفسى مصر تدخل معايا مرحلة جديدة هى كمان بيا و بيك و بينا كلنا.....ربنا معاك بجد لانك همك علينا كلنا و على بلدنا
مع تحيات:الباشمهندسة دينا و الحمد لله

Empress appy يقول...

الف مبروك يا اسلام بجد فرحت لك ولكل اللى نجحوا

بس الا قولى هى ايه الضفائر الحيه دى هو الموضوع ده لسه فى مصر اصلى نسيته خالص هههههههههههههههههههه


بقولك ما تشيل بانر اسراء البنت خرجت عيب عليك بقى بدل ما يجلها عريس يلاقها على النت كده هههههههههههههههه

oRiGiNaL HeArT يقول...

الف مبروووووك
ومتاخدش فى بالك بالنسبة للتقديرات
مش هتلاقى حاجة طبيعية خالص فى النتيجة مادام انت فى جامعة مصرية
:)

اهو ده عيبه يقول...

الف الف مبروك للجميع على النجاح
ومبروك مقدما للى لسه نتيجته مظهرتش
ويارب دايما بالتوفيق

ahmed_k يقول...

ألف ألف مبروك عالنجاح يا إسلام
وربنا يعوضك خير علي التقدير
وتحقق كل أمانيك
مع خالص دعواتي لك بالتوفيق في حياتك العمليه القادمه
بس خلص الجيش وبعدين تتظبط ههههههه

دمت بكل خير

عايش... ولكن !!!! يقول...

مبروووووك
مبروووووك
اول زياره ووشى حلو عليك
هات بقا حاجه ساقعه
هههههههههه

آه وكفى يقول...

يتحرجنييييييييييييييييي بذوقك
والله خليت رقبتي اد الفاصوليايا
ألف مبروك ياسالام الف مليون مبروك واهم حاجة تاخد الاربع سنين في الاربع سنين بل تقدير بلا خيبة اساسا في الكليات النظري مابيبئاش له قيمة عندهم هما دكاترة ولا حلوة اساساً
بس حركة جريئة وجميلة من معلم زي العسل زيك
عوبال السنة الجاية وكل سنة ياقمر
بس المصيبة انك عامل زيي تلعب طوووووووووول السنة وتيجي فالاخر وتتزنق وماتنمش .. ياسلاااااام نفس الدماغ الضاربة
وماتغبش عن التدوين عشان لما بتسيب بلوجر مش بنلائي قهوة غيرك نقعد نرغي فيها

تحياتي ياجميل

حاجات جوايا يقول...

ألف مبرووووووووووووووك يا اسلام
ربنا يوفقك دايما ومن نجاح لنجاح يارب
وميهمكش من التقدير .. يعنى اللى خدوا حقهم فى التقدير عملوا ايه ؟؟؟ ما كلنا قاعدين اهه


الحمد لله والف مبروك لك ولكل الناجحين للمرة المليون

دمت بخير وسعادة

سالى

zOzO يقول...

الف الف مبرووووووووووووووك
بجد فرحتلك اوي
ربنا يوفقك يارب


ونشوفك اكبر محاسب
كدا
ويحققلك كل ما تتمني
تحياتي

رصيف نمره خمســــــه يقول...

السلام عليكم

ازيك يااسلام والله انت احرجتنى كده تفضحنى هههههه على الملأ

والنبى انت زووووق


سلااااام

mostafa rayan يقول...

مبروك على النجاح

mostafa rayan يقول...

مبروك على النجاح

mostafa rayan يقول...

مبروك على النجاح

seven يقول...

بص هوه حوار التقدير ده حاجة معروفة فى الجامعات
عادى يعنى انا حصل معايا نفس الموقف
بس الواحد مزعلش عشان التفدير فى حد ذاته بس
عشان مفيش عدل وديه اهم حاجة
فمتحطش الموضوع فى دماغك
والف مبروك وعقبال الاولاد كده
ههههههه
سلام

الدفاع يقول...

الف مبروك يا استاذ اسلام
انا جيت عشان اثبتلك انى مش زعلان لقيتك نجحت فقلت ابارك ووالله انا فرحت لك قوى
وكنت عاوز بس اوضحلك انى لا اتكلمت بحد ولا كنت اقصد صلاح حجازى بشئ انما الموضوع انا بتكلم فيه بصوره عامه لان ما يصحش احنا كمدونين يبقى مظهرنا اننا قاعدين مستنين اللى هايجى يختار اى حاجه نكتبها وماهنصدق انه هو ينشرها
انا اسف بس الواقع ان احنا مش كده احنا فينا ناس كتير مبدعين وعندنا انتاج جميل ورائع ولكن الظاهر ان فيه حد مستكتر علينا ده ولانه مش عارف يكون زينا ومعندوش ابداع ومش بيقدر ينتج شئ يقوم ياخد منك طيب انا موافق انك تاخد من المدونين بسى يا اخى استئذن منهم الاول ماتحسسهمش انهم ماهيصدقوا
وعشان وجهة نظرى تكون واضحه اقرا البوست بتاع ظهرنا فى الراديو عند الطائر الحزين و التعليقات اللى عليه
انما يا اسلام انا مش ممكن ازعل منك انا متابعك كويس وقرتلك كتير وبحبك فى الله
ازاى ماحبش واحد اسمه احمد عبدالله وانا اسمى اسامه عبدالله
انما انا فعلا اخدت موقف من الضاحكين لان محدش رد الاهانات اللى اتعرضت ليها على مدونتهم واعتقد ان فى سر فى الحكايه دى انا مش عارفه
وعشان كده قررت انى لا اشارك عندهم باى شئ برغم احترامى وتقديرى لجهدهم وبرغم انى عندى حاجات كتير كنت عاوز اتشرف وانشرها هناك
مش عاوز اقطع فرحتك بالنجاح
مبروك يا اسلام واوعى انتى اللى تزعل منى

آه وكفى يقول...

ممكن اقتلك؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ghoneem يقول...

اسلام باشا

مبرووووووووووووووووووووووووووووووك
مبرووووووووووووووووووووووووووووووك
مبرووووووووووووووووووووووووووووووك

فرحتني جدا جدا ياباشا
ربنا يوفقك وألف مبروك لكل الناس اللي نجحت ويارب دايماً بالتوفيق

فرحان جدا بجد ودايماً نسمع عنك أخبار زي العسل زيك كدة

أشكرك جدا يا باشا لزياراتك واعذرني ف اني بتأخر في الرد أو الزيارة

تحياتي وكمان مرة ألف مبروك

بالتوفيق.....................

نونو يقول...

الف مبررررررررررروك
ربنا يفرحك كمان وكمان
بس تفتكرى الاحباط موجود بنسبة اد اية ؟
دة يا بنتى بدا يتغلغل فى الدم

maha zein يقول...

مبروك مبروك بجد
ربنا يسعدك اكتر انت وكل الي نجحوا
وربنا ينجح الي لسة مظهرتش نتايجهم
ربنا ينجحني انا وزمايلي
جدع وسيبك من التقدير
صدقني ربك الي بيمشيها ذي ما هو مكتوبلك
الحمد الله انك عديت
مبروك مبروك

مواطن مصرى نايم يقول...

ندا منير

ربنا يخليكى يا رب
الله يبارك فيكى عقبال كده ما نبارك لك عالدكتوراة
و انتى قلتى كلام كبييير اووووى عليا
ربنا يكرمك
تحياتى
اسلام

مواطن مصرى نايم يقول...

دينا

لا

الباشمندسة دينا
الله يبارك فيكى يا رب
عقبال ما نقولك بقى مبروك بتاعة النجاح فى الكلية
ربنا يكرمك
تحياتى يا اجدع بنت بلد
اسلام

مواطن مصرى نايم يقول...

ايبى

الله يبارك فى يا ايبى يا رب كده ابارك لك يوم فرحك
(حتعزمينى غصبا عنك)
بالنسبة للضمائر يا ايبى فيه حى و الله
اسألى نفسك ضميرك حى و الا لا ؟
و بالنسبة لبانر اسراء
اولا دا شرف للى حيتقدم لها انه ياخد واحده زيها
بس انا شيلته عشان خاطرك يا ايبى
(مقدرش اكسر لك كلمة يا باشا)
تحياتى
اسلام

مواطن مصرى نايم يقول...

اوريجنال هارت

ربنا يبارك فيكى
بجد نورتى البلوج باول زيارة
و بتعليقك
و مش حاخد فى بالى عشان خاطرك
تحياتى
اسلام

مواطن مصرى نايم يقول...

اهو ده عيبة

الله يبارك فيكى يا داليا ربنا يكرمك
و ميرسى بجد عالتعليق
و يارب اللى لسه النتيجة بتاعتهم ما طلعتش تبقى نتيجتهم كويسة
تحياتى
اسلام

مواطن مصرى نايم يقول...

AHMED_K

ربنا يكرمك يا باشا
ربنك يخليك يارب و يبارك فيك
بس انا مش حدخل الجيش ان شاء الله
(وحيد)
ربنا يسهل ان شاء اله و نلاقى شغل بعد الكلية
فى كام حاجة كده فى دماغى
ربنا يسهل بيهم
تحياتى يا باشا
اسلام

مواطن مصرى نايم يقول...

عايش ولكن

يا باشا حتى من غير الزيارة خالص
وشك حلو و الحاجة الساقعة لغاية عندك توصل
تحياتى
اسلام

مواطن مصرى نايم يقول...

نورة الخشن

يا بنتى على ايه بس دا انتى اختى يا نور
و لا تتحرجى و لا حاجة
(و بعدين هو انتى بتتحرجى اصلا)
هههههههههههههههههه
بهزر طبعا انتى عارفة انى بحب ازاولك
الف مبروك ليكى انتى كمان
و الحمد لله على كل حال
بس انا كليتى مش نظرى يا باشا
انا عملى جدا
احصاء - محاسبة - نظم معلومات محاسبية
و كل ده شغل جامد عملى و كمان حاجات تبع الكمبيوتر
الحمد لله
تحياتى
اسلام

مواطن مصرى نايم يقول...

حاجات جوايا

سالى الله يبارك فيكى يا رب
و حمدالله بالسلامة
بلوجر كان مضلم من غيرك
ربنا يكرمك يا رب
تحياتى
اسلام

مواطن مصرى نايم يقول...

زوزو

ربنا يبارك لك يا رب
ربنا يخليكى عالتعليق الجميل ده
عقبالك يا رب و انا ببارك لك فى فرحك
تحياتى
اسلام

مواطن مصرى نايم يقول...

رصيف نمرة خمسة

لا ولا احراج ولا حاجة هو انا عملت ايه
دا انتم كلكوا اخواتى
ربنا يكرمكم كلكم
بس اسمك ايه
عشان مش على طول حقولك رصيف نمرة خمسة
افرضى شوفتك فى شارع انادى عليكى اقولك يا رصيف
ههههههه
تحياتى
اسلام

مواطن مصرى نايم يقول...

مصطفى ريان

الله يبارك فيك
يا رب نورتنى
تحياتى
اسلام
(1)

مواطن مصرى نايم يقول...

مصطفى ريان

الله يبارك فيك
يا رب نورتنى
تحياتى
اسلام
(2)

مواطن مصرى نايم يقول...

مصطفى ريان

الله يبارك فيك
يا رب نورتنى
تحياتى
اسلام
(3)

مواطن مصرى نايم يقول...

سفن

الله يبارك فيك يا رب
فعلا عندك حق
خلاص بقى الحمد لله
نورتنى يا باشا
تحياتى
اسلام

مواطن مصرى نايم يقول...

مدونة الدفاع

يا باشا ربنا يكرمك و الله يبارك فيك
الحمد لله انك مش زعلان منى
لكن بالنسبة للضاحكون و الله انت ما تعرفش احنا قلنا ايه بينا و بين بعض
بره التعليقات
اوعى تزعل
انت يا اسامة و الله حد محترم و منقدرش نزعله
بلاش تاخد الموقف اننا كنا ضدك و الله ابدا
دا كله بس عشان نوقف الموضوع
و اوعى تزعل من اى حد فى الضاحكون
تحياتى
اسلام

مواطن مصرى نايم يقول...

نورة الخشن

روحى العبى بعيد يا ماما
تقتلى مين
اجرى
اجرى
هههههههههههه
(وش مطلع لسانة)
تحياتى
اسلام

مواطن مصرى نايم يقول...

غنييم

ربنا يبارك لك دا انت اللى زى العسل
و بعدين بتتأسف على الزيارات يا راجل هو احنا يعنى كل اللى بينا زيارات
يا باشا كفاية انى عرفت حد جدع زيك
ربنا يكرمك يا دكتور
تحياتى
اسلام

مواطن مصرى نايم يقول...

نونو

الله يبارك فيكى يا رب
الف شكر عالزيارة يا نونو
ربنا يكرمك
ملحوظة بسيطة : انا ولد
اسمى اسلام
انتى اتكلمتى بصيغة المؤنث
ميهمكيش طبعا
المهم انك نورتينى
تحياتى
اسلام

مواطن مصرى نايم يقول...

مها زين

الله يبارك فيكى يا فتاة جامعة حلوان
ربنا ينجحك انتى و صحابك يا رب
ان شاء الله تيجبى تقدير كويس كمان
ربنا يبارك لك
نورتينى
تحياتى
اسلام

غير معرف يقول...

السلالالالالالالالالالالالالالام عليكم مبروك يا اسلام بجد فرحتلك وان شاء الله هتتعوض اكيد فى حاجة احسن ومبروك اصاحبة مدونة رصيف نمرة 5 واةوكفى ومبروك بجد وعقبالنا

ٍSOU يقول...

مبارك النجاح عقبال كل سنة

الزباين

الزباين و يا رب ابعد عننا الضرايب