الجمعة، 11 يوليو 2008

خمسة ملاكى و بنتاكور و شيشة و استرتش و ضحكة حريمى

تحديث هام هام يعنى
ـــــــــــــــــــــــــــــــ
الف الف الف مبروك
دينا
صاحبة مدونة
نجحت فى الثانوية العامة
و جابت مجموع جميل
بسم الله ما شاء الله
و يا رب
ربنا يكرمها بالكلية اللى هى عاوزاها
الف مبروك يا دينا
تحديث هاااااااااااااااااااااااااام
ــــــــــــــــــــــــــــــــــــــــ
الف مبروك النجاح
سمسم صاحبة مدونة
نجحت
الف مبروك يا اسماء
و يا رب ديما من نجاح لنجاح
عقبال البكالريوس
و الدكتوراة
يا مشرفانا
الف الف الف
مبروك
-------------
و كمان زوزو
صاحبة مدونة
نجحت يا جدعان
الف الف الف
مبروك
و عقبال البكالريوس
و الماجستير
و الدكتوراة
الف مبروك يا زوزو
ــــــــــــــــــــــــــــــــــــــــــــــــــــــــــــــــــــــــــــــــــــــــ
مفيش كيف فى الصيف
ـــــــــــــــــــــــــــــــــ


فى حاجات بتقل المزاج فى الصيف فى اسكندرية
وبالنسبة لى
هما كالاتى :

اولا : السيارات

ــــــــــــــــــــــ

خمسه ملاكى
ــــــــــــــــــــ

ملاكى القاهرة
ملاكى الجيزة
ملاكى البحيرة
ملاكى القليوبية
ملاكى الغربية

تلاتة جمرك
ــــــــــــــــــ

جمرك سفاجا
جمرك البحر الاحمر
جمرك السلوم

تلاتة سياحة
ــــــــــــــــ

سياحة اسكندرية
سياحة الجيزة
سياحة القاهرة

اربعه اجرة
ــــــــــــــــ

اجرة الفيوم
اجرة سوهاج
اجرة المنيا
اجرة المنوفية

و اوتوبيس الرحلات بكافة انواعة و بلاده

ـــــــــــــــــــــــــــــــــــ

ثانيا : الملابس
ـــــــــــــــــــــ

البنطلون الاستريتش – للبناات طبعا............ مش عارف ايه الغرض منه الصراحة و الواحده تبقى لابسة الطرحة و لابسه استريتش لا و نعم التدين
و البادى الكارينا – للبنات طبعا
و البارمودا – للولاد و البنات..............حاجة مخنقة زيه زى البنتاكور بس اهيه تسميات و خلاص
و البنتاكور – للولاد والبنات .............. بينتشروا بشكل بشع فى الصيف لدرجة انك تبقى ماشى شايف رجلين طول اليوم
و التيشيرت الحمالات – للولاد..............الواد يبقى عضمضم خالص و يقول انا لابسه عشان العضلات لا يا شيخ طب قول عشان العضمات

ـــــــــــــــــــــــــــــــــــــــــــــــــــــــ
ثالثا : اشياء متنوعة
ــــــــــــــــــــــــــــــــ
الشيشة – للولاد و البنات ...........بس البنات اكتر تبقى الواحده من دول واخده ابنها على حجرها و بتشيش
لا و نعم الام على كده اقل واجب ان ابنك بعد كده يلف سجاير

كلمة موزه , موز – بتنتشر الكلمة دى ما بين الجنسين و خصوصا فى الصيف مش عارف ليه (عارف طبعا) بجد بتنرفز منها لما بسمعها و كمان تخيل لما تتكرر كتييير تبقى خنقة و البت اللى يتقال لها كده تضحك قال يعن اخدت ختم النسر (جتك خيبة) و الواد من دول يفضل يقول اشى يا ابو احمر يا ابو اخضر يا ابو اشرف و الضحك منهم يشتغل

الضحكة الحريمى النص كوم فى السينما ........يبقى الفيلم مش مضحك و تسمع هيهيهي و جوزها يبقى معاها
طب دا عيب فى حقك يا راجل ابدا هو كمان يضحك على ضحكها

لا كمان فى حاجة تانية الفلاحين الشحط محط اللى هو ابو قفه ده عارفينه
اه هو ده يبقى قاعد جنبك فى الميكروباص تكره نفسك من كتر ما عمال يتكلم و يتفتف فى وشك
و الريحة تبقى ميه ميه
و كل ده و تلاقى القفه دى فيها اكله و لبسه و كل حاجة تخصه طول المصيف ممكن كمان يكون بينام فيها
طب انت جاى تعطل البلد و خلاص

حاجة تخنق بجد

عشان كده انا بنصحكم مش بهزر بجد والله
اللى عاوز يجى اسكندرية يجى فى الشتا و الله العظيم بتبقى جامده جدااااااا
هى فى الصيف جامده بس مع حذف الحاجات اللى انا قلتها دى كلها

ESLAM

52 قول و لا يهمك:

خالد كامل يقول...

أول تعليق كمان ؟
ما علينا
انا لسة راجع النهاردة من اسكندرية
و لاحطت حاجة بقى غريبة أغرب من كل ده
انا أصلاً بقالى كتير منزلتش اسكندرية و كنت نازل النهارده علشان أشترى الكتاب بتاع مدونات مصرية للجيب
و أول ما نزلت محطة الرمل
اسبهليت
المية لونها أخضر
مش اللون الأخضر اللى هو الحلو ده
لأ
بتاع المستنقعات
ايه اللى حصل يا جدعان؟؟
لأ و انا راكب الميكروباص و معديين على الكورنيش
البنت من دول طالعة من المية و هى مبلولة و هدومها مبلولة و شعرها منكوش و طالعة تقف مع شباب على الرصيف برة الشط خالص
طب ليه يا بنت الحلال ؟
بصراحة
كل اللى أقدر أقوله
ان اسكندرية راحت عليها خلاص
و الواحد بطل يصيف فى اسكندرية من يوم ما راح مطروح
معلش بقى طولت عليك
سلام

مواطن مصرى نايم يقول...

لالالالالالالالالالالالالا
محطة الرمل مفيش حد بينزل الميه فيها اصلا
لانها منطقة صيد
دى حاجة
الحاجة التانية
البنات اللى انت بتقول عليهم
هما دول الفلاحين اللى انا بقصدهم فى البوست
بيكونوا قرايب الفلاح الشحط المحط اللى انا كاتب عنة
اسكندرية ما راحتش عليها
لا اسكندرية ارخص مصيف
انا نفسى تغلى بجد عن كده
عشان اللى بيبهدلوها
ما يجوش تانى
بجد انا لسه ما رحتش البحر
لانى مش طايق اشوف الزحمة و الاهمال بتاع
الناس الغرب عن اسكندرية
لانى غالبا ممكن اضرب اى حد بجد لو لقيته بيعمل اى حاجة مهمله
انا و الله مسكت واحد مش عارف منين
قبل كده
بس مش متمدن اللى هو الفلاح الشحط المحط
طلعت عينة
و عموما انت كده ما شفتش اسكندرية السنة دى
و كتاب مدونات مصرية
ب 4 جنية صح
بس للمانة كده يعتبر غالى
تحياتى
اسلام

semsem يقول...

السلاموووووووووو عليكوووووو
ازيك يااحمد؟
____________________________
ياريت واحد شاي لو سمحت
ههههههههههه
_____________________
ايوة يا احمد معاك..
بص يا سيدي
انا شخصيا بعشق حاجه اسمها اسكندريه
بس بجد بكرهها فى الصيف
مفيش احلى منها فى الشتا
بس عندك حق فى اللى قولته بجد
لان موضوع الشيشه بقت حاجه بجد بشعه
واللبس بقى عجيب
معدتش بفرق ولد من بنت!!
وما علينا من الهيافات التانيه بردو!!
بس سيبك اللى يعمل كده بتبقى دماغه فاضيه مفيش فيها حاجه من جوا
_______________________
بوست حلو يااسلام
ونا معاك فى رايك
وسلامووووووووو عليكو
صحيح نسيت اقولك انا نجحت:)
عقبالك يارب

ghoneem يقول...

السلام عليكم

ازيك يا اسكندراني ؟؟
أخبارك ايه
انت هتعمل زي الاسكندرانية وتتخنق من الصيف بردو واحنا اللي بنقول اسلام ابو الكرم كله
انا حتي كنت ناوي أعزم نفسي يوم كدة نقضيه معاك

بس ياللا بقي مش مهم لأني بحب ألبس بنتاكور
ههههههههههههههههههه
ع العموم انت عندك حق بجد هية حاجة تخنق فعلاً

ربنا يهدي شباب وبنات المسلمين
مستني مرورك عندي حاجة كدة عايز رأيك وتعليقك عليها
متتأخرش

وكل سنة وانت بخير

تحياتي

بالتوفيق...............

dina يقول...

هى اسكندرية فى الشتا تجنن..هى فى كل الحالات حلوة انما اللى مبوظها اللى من براها..اخوانا السياح اللى بييجوا يعملوا كل اللى انت قلت عليه مع نسبة قليلة اوى من اهل البلد انما المشكلة ان السمعة بتلزق فى البلد مش فى المصيفين..يعنى يقولك بنات اسكندرية مش محترمة ليه يا عم؟ اصلى جيت مصيف و مش عارف لقيت ايه.طب و هما دول بنات اسكندرية اذا كان الاسكندرانيين مش بيصيفوا اصلا فى الكس
و خد من دا كتير بقى..مصيف و هيصة و هييييييييييييه و فى الاخر البلد تخرب
بس و الله انا كمان بضم صوتى لصوتك عشان نصوت كلنا و نقول تعالوا الكس فى الشتا احلى
تحياتى

dodda يقول...

انا حختملك على البوست بالموافقه

اسكندريه فى الصيف غلطة شعب
الله يستر على ولاياك انشالله..

semsem يقول...

مش عارفه ارد واقولك ايه يااسلام على الاهداء الجميل ده
واللهى فرحت بيه اكتر مافرحت بنجاحى
ربنا يكرمك
ويخليك يااااااااااارب
ونسمع بقى نجاحك ان شاء الله ونعمل فرح كده
بجد بجد بجد واللهى مبسوطه
اختك فى الله/اسماء

غير معرف يقول...

انت على طول كده مش راحم حد ولا سايب حاجة فحالها ياساتر يارب
وتقولي خالك طالعلك .. لاياشخ

بس حلوة اوي تبئى ماشي طول اليوم شايف رجلين دي
جامده بجد ههههههههههههههه

بس اقولك اسكندرية بيني وبينك ماتترحش فالصيف اساساً

غير معرف يقول...

اه تعليق كمان ياعمو اسلام معلش

مبروك لكل اللي نجحوا ويارب كده من نجاح لنجاح

ناايم نايس لفته من يوم ;0))

Empress appy يقول...

ربنا يكرمك يا اسلام يعنى فاضل تقول اسكندريه ولعت محدش يجى ايه يا بنى وبعدين ماله البنتاكور النبى حلو وبيبن الكعوب وتعرف منها اذا كانت البنت نظيفه ولا لا ههههههههههههههههه
معلش عذراك وكل اصحابى فى اسكندريه بيعانوا من الكلام ده وانا جربت مرة ومكررتهاش تانى بروح الساحل يا خويا بس هبقى اجيلكم قريب

Desert cat يقول...

انا قعدت تقريبا شهر فى اول الصيف ده اقضى خميس وجمعه فى اسكندرية
بصراحة وبكل امانة مكنتش بشوف الحاجات دى ... اصل للاسف لما بروح بنزل مبتحركش من شاطئ النخيل مش بنزل البحر غير بالليل لو حبيت اتمشى شوية برضه مش بكون لوحدى للاسف بيكون معايا محرم الحمد لله انه موجود والا كان زمانى دلوقتى بقول اسكندرية يععع خصوصا وانا بحبها جدا .... احنا السبب على فكرة يا اسلام مش بنعرف نحافظ عل جمال بلدنا ... نطلع بره يجى لنا حالة ازبهلال من العالم الخارجى ونظافتهم واحنا بلدنا احسن منهم الف مرة بس بنتفنن فى قتل كا حاجه جميلها فيها وتشويهها
تحياتى

مواطن مصرى نايم يقول...

سمسم

و عليكم السلام و رحمة الله و بركاتة
الف مبروك يا رب ديما ناجحة
و دا اقل واجب قدرت اعمله معاكى
بجد انا فرحت لك جدا
و مش حاطط الاهداء عشان تقولى لى شكرا عليه
لا دا واجب عليا
اما بقى اسكندرية فى الصيف
انا اساسا بكره الصيف
جدااااااااااااااااااا
جداااااااااااااااااااا
بحس ان حد بيخنقنى
و كمان لما بشوف واحده غريبة عن اسكندرية
و تعمل حاجة مش كويسة
تتنسب فى الاخر لبنات اسكندرية
و الله يا بنتى بنات اسكندرية مش كده خالص
و حاجة تحزن اللى بيحصل و الله
نورتينى
و الف الف الف الف الف
مبروك يا سمسم
اسلام

مواطن مصرى نايم يقول...

غنيم

يا حبيبى انت تشرف
الكلام مش انى بقول محدش يجى اسكندرية
لا بقول محدش يبهدل اسكندرية
يعنى بلاش الاهمال
الواحد يقول انا غريب عن البلد
و يعمل اى حاجة وحشة و يقولك
محدش يعرفنى
طب و البلد اللى انت بتبهدلها دى يعنى بتاعتك و الا بتاعة ابوك
يقولك احنا مالنا
كلها يومين و نمشى
يعنى حاجة تجن بجد
انا شوفت الموضوع عندك جميييييييييل
جداااااااااااا
عجبنى بجد
الله ينور يا دكتره
تحياتى
اسلام

مواطن مصرى نايم يقول...

دينا

و الله يا بنتى
سبب انى انزل البوست دا السمعه اللى بتلزق فى بنات بلدى بعد ما يمشى اللى يهدل البلد و عمل السمعه الوحشة دى
المشكلة انى لما ببقى ماشى و بشوف واحدة من البنات اللى مش كويسة
اللى بيجوا يعملوا اللى هما عاوزينه و يمشوا
من شكلها بعرف انها مش اسكندرانية
و ممكن اقولك منين كمان
و بتغاظ ان فى الاخر يتقال دول بنات اسكندرية
لان الغريب مش بيشوف بنات اسكندرية اصلا
و يا ريت تكون اسكندرية فى الصيف زى الشتا حتبقى جامده جدااا
نورتينى يا بنت بلدى
اسلام

مواطن مصرى نايم يقول...

دوددا

لازم توقيع اتنين موظفين كمان
هههههههههههههههههه
و ربنا يستر على الوكسة اللى احنا فيها و الله
تحياتى
اسلام

مواطن مصرى نايم يقول...

سمسم

ربنا يخليكى يا سمسم
و يسمع من بؤك ربنا
يا رب انجح
عشان دى حاجة قلقانى جدا
و مبروك تانى
مبروووووووووووووك
اسلام

مواطن مصرى نايم يقول...

نورة الخشن

ههههههههههههههههههه
اصلى و الله يا بنتى متغاظ جدا من اللى بيحصل ده
حاجة تحرق الدم
يعنى انا لما بنزل القاهرة و الا اى بلد تانية
بحافظ زى ما بحافظ على بلدى
ليه بقى الكل ميعملش كده
حاجة تجن
و اسكندرية من اربع خمس سنين
كانت فى الصيف احسن من كده بكتييييييير
كان الواحد يحب الصيف فيها
لكن حسبنا الله و عم الوكيل
تحياتى يا نورة
اسلام

مواطن مصرى نايم يقول...

نورة الخشن

اكشن تانى مرة
ههههههههههههه
عقبال لما انزل تهنئة لنجاحك انتى كمان
و دا لازم كنت اعمله لان كلنا اخوات
و لازم نفرح لبعض

مواطن مصرى نايم يقول...

ايبى

ههههههههههههههههههه
دا انتى تيجى تنورى
نفرش لك الطريق ورد
لو بتيجى صحراوى او زراعى او دائرى او دولى
نفرشهم كلهم طبعا
و البوست دا بس من الخنقة و الله
اصلى زعلان على اسكندرية
بجد اصلى بحبهااااااااااااا
جداااااااااااااااااااااا
اسكندرية دى حتة منى

اما بقى البنتاكور
انا موافق ماشى ان البنات تلبسة
بس مينفعش يكون مع طرحة قال يعنى هى كده محجبة

و بعدين يا ايبى البنت تتعرف انها نضيفة من حاجات كتيييير غير الكعب
الايد مثلا
ضوافرها
اللبس مكوى
كده يعنى
انا عموما ليا نظرة فى البنت من اسلوبها كمان
عافة بقى المشكلة مش فى اسكندرية
لو تيجى اسكندرية فى الشتا
متعه و الله متعه
بس منهم لله اللى بيبهدلوها
نورتينى يا ايبى
اسكندرية فى انتظارك
عشان نفرش الورد

اسلام

مواطن مصرى نايم يقول...

قطه الصحراء

ربنا يخلى لك المحرم عشان يغطى عيوب اى مكان
بس اول شهر فى الصيف فعلا
بتكون اسكندرية لسه اللى بيبهدلوها ما نزلوش البلد
لكن تعالى شوفى دلوقتى حتشوفى العجب العجاب
الحمد لله انك صيفتى فى اول شهر
بس اسكندرية مش يعععع و الله
اللى يعععع هما المهملين اللى بيبهدلوا البلد
و عشان كده انا نزلت البوست ده
عشان الكل يعرف ان الاسكندرانية مش عاجبهم الوضع بتاع الناس المهمله دى

بصى فى سويسرا
اللى بيرمى ورقه او بيقطع ورده
بيدفع ما يعادل 200 جنية
فى ساعتها
عشان كده الشوارع ممكن الواحد يحس انها مرايه
مش نضيفه بس
تحياتى يا قطه
نورتينى و نورتى اسكندرية

اسلام

Unknown يقول...

اههههههههههههه جيت على الوجيعة انا باكره بلدنا فى الصيف تحس انهم عايزين يعملوا حظر تجول على الاسكندرانية او يكرشوهم برة البلد عشان البهوات يتفسحوا مش باعرف استمتع بالبحر ولا الاماكن والمنشية بتبقى زحمة مووووووت والسينمات بهدلة والشوارع معفنة والبحر لونه اخضر والحياة ملزقة كدة........... عشان كدة انا اعشق بلدى فى الشتاء يا سلااااااام امتى الشتاء ييجى بقى زهقت من الحر والعرق والتلزيق

شفـقــة و إحســــان يقول...

والله معاك حق احنا كمان كنا هناك والدنيا زحمة يا دنيا زحمة اظاهر ان عدوية كان هناك لما عمل الاغنية دى

ahmed_k يقول...

فعلا معاك حق
انا رحت اسكندريه في الشتا حاجه روعه خالص
وان شاء الله حروح الشتا القادم يعني بعد رمضان

دمت بخير
وسلملي علي عروس البحر المتوسط

ana ga3an يقول...

ومين سمعك
انا لسة منزل تدوينة
فيها بكلم عن الاسكندريةبالرغم
من اني نص اسكندراني
لكن حقيقي اول مرة اروح هناك
واحس اني غريب

خالد كامل يقول...

ماهو انا مكونتش نازل محطة الرمل علشان انزل المية
أصل اماكن توزيع الكتاب فى اسكندرية التلاتة فى محطة الرمل
و لما تنزل اسكندرية ابقى بص على لون المية بس
انا كان أكتر حاجة بحب أعملها فى اسكندرية انى اقعد اسرح فى البحر
المرة دى قرفت أبص على البحر أصلا
و بالنسبة للكتاب انا سمعت انه باربعة جنيه
بس تصدق ملقيتهوش فى مراكز التوزيع اللى الناس كاتبينها على الفيس بوك
بس فى واحد منهم قالى هجيبهولك
و بالنسبة للفلاحين بقى
الفلاحين دى حاجة بتكون فى الدم
يعنى ممكن أى واحد من أى حتة و يكون هو اللى تربيته كدة ... انه ميحافظش على المكان اللى هو فيه ... أو يعمل الحاجات الغريبة دى
هى اينعم بتظهر كتير عند الفلاحين بالذات
انما الموضوع برضه مش مقتصر على الانسان فلاح ولا مش فلاح ... الحكاية كلها فى التربية و الطبع بتاع الانسان
و معلش انى طولت عليك
سلام

zOzO يقول...

مش عارفه اقولك ايه ؟
بس بجد متكشره اوي
ع اهدائك ده
ويارب عقبالك وان شاء الله خير
ونسمع اخبار حلوه ان شاء الله قريب

البوست بقي
بجد البوست راااااااائع
عندك حق والله
بس مش اسكندريه بس
اعتقد كل المصايف فيها تقريبا ده

بالنسبه للشيشه
بقت حاجه استغفر الله يعني منها
كلوا بنات وولاد
ومتجوزين وتلاقي جوزها جبنها ممكن يكون كمان مش بيشربها
ههههههههههههههه
ربنا يهدي


برده اللبس
حاجه عااااااااااااار بجد
والبنات بتلبس لبس الولاد والعكس
تلاقي ولد لابس بادي بترتر
تخيل
ههههههههههههههههههه


اه مش تزعل
اني مش قولت انا كنت مستنيه لما تظهر رسمي
وبعدين كنت هقول عليها
بس سمسم سيحت طبعا
هههههههههههههه


ربنا يوفقك يا اسلام يارب
فلاور

ٍSOU يقول...

عاجبنى اوى العنوان ..فاضولا كلمة و صلحووووا ههههههههههه
هو انا مش هاقدر افيد فى الرد اوى لانى عمرى عمرى عمرى ما عرفت للاسكندرية دى طريق الصراحة..بسمع عنها بس
بس عموما حكاية هدوم البنات فهى فعلا تثير الاشمئزاز .. و الكات للولاد المعضة بردوا نفس الحال .زانما البنتكوار بحسة جميل روش و مايحسسش بالحر يعى لما بشوف حد لابس بكم (من الولاد) بيحسسنى انى فى الشتى و مجرد شوفتة تحررنى :)) بالايحاء.
انت عندك حق ان كل مكان جميل فى ناس مش بتحس الجمال دة و بتدمره فى عيون الناس اللى يتشوف الجمال باحسسها ..اقولك على حاجة جااااااامدة...
عايز تحس الجمال و تشوفة و تعيشة و تستنشقة ...شخشخ جيوبك يا معلم و عليك و على بروتو السخنة ;)
متهيالى هى ب 450 جوند فى اليوم ..مش كتير بالنسبة للمكان P:
يعنى تبيع القهوة و تروح تقضيلك اسبوع و ترجع على فيض الكريم :)) ...

مواطن مصرى نايم يقول...

انجى

و الله بقت حاجة تخنق
الواحد يبقى ماشى مخنوق فى بلده
دا اسمه كلام
بجد حاجة اخر عكننه
نورتينى يا بنت بلدى
تحياتى
اسلام

مواطن مصرى نايم يقول...

شفقه هانم واحسان بيه

يا ليتها كانت على احمد عدوية
و عالزحمة
دى حاجة مخنقة
نورتونى
تحياتى
اسلام

مواطن مصرى نايم يقول...

احمد كا

يا جميل تنورها
و حاضر السلام وصل
و حبوسهالك كمان
نورتنى
اسلام

مواطن مصرى نايم يقول...

انا جعان

يا الف و ميت اهلا و سهلا
كنت مستنى زيارتك بجد بقالى فترة والله
بجد نورت البلوج
و فعلا عندك حق الواحد حس انه غريب
زى ما محمد سعد بيقول فى فيلم عوكل
الانجليز احتلوا البلد
الانجليز احتلوا البلد
حاجة اخر خنقة
سلامى لملك و فرح
و تحياتى لابوهم الغالى
نورتنى يا باشا

اسلام(دا انا مش انت)

مواطن مصرى نايم يقول...

مهيج الجماهير

الكتاب موجود كتييير
فى محطة الرمل
قدام ماكدونالدز

اما بقى الفلاحين انت خدتها بالمعنى العام
اللى هو انك دمنهورى تبقى فلاح
لا مش ده المقصود
انا قاصد الفلاح اللى انا كاتب عنة
انشالله كان صعيدى
المهم الوصف ده تحديدا
فهمت

مواطن مصرى نايم يقول...

زوزو

مبرررررررررررررررروووووووووووووك
الفين و تلاتميه و خمسه و اربعين مبروك
مش عارف اشمعنة الرقم ده
اهوه اللى حصل بقى

انا مش ممكن ازعل منك دا انا بهزر
و انا عرفت انكم جبتوها من الكنترول فعلا
مبروك مبروك مبروك
و دا اقل واجب اعمله
انى انزل اهداء
تحياتى

اسلام

مواطن مصرى نايم يقول...

sou

يا سلام يا ريتنى كنت حطيت و صلحووووووو
بس اللى حصل
هههههههههههه

اما بقى البنتاكور لا انا مش معاكى
انا اه بلبس بنتاكور بس فى حدود
البيت - الشاطئ
مش امشى بيه فى الشارع
لا بايخه بجد
و بيكون الشكل مقزز
و مخل بالذوق العام فى بعض الاحيان
لكن ساعات بيحكم كده
لو الواحد معاه عربية ممكن يلبسه
عموما دا رأئى بس انا بجد
اخجل من نفسى كراجل انى امشى بيه فى الشارع
اصلى قفل شوية فى حكاية الرجوليه دى
ممكن الواحد يبقى شيك و استيل و يحافظ على وقاره و رجولته
و البنتاكور بيفكرنى بتامر حسنى
و انا بكره الواد المايص ده

اما بورتو سخنة
و مارينا و مينا 1 و مينا 2 و مينا 3 و مينا 4 و اغلب شواطئ الساحل الشمالى بما فيهم مرسى مطروح

العبد لله بيدخل اى مكان فيهم
free
و ما اسوء مياه الساحل الشمالى مالحه
جدااااااااا
و غريق جداااااااا
بس انا مش حكاية انى اتفسح و اشم هوا حلو
انا بحب اسكندرية
و نفسى اشوفها زى ما انا عاوز
دا السبب بس

انا طولت عليكى فى الرد
و نسيت اقولك الف مبروووووووك
(وش بيغمز)
ههههههههه
تحياتى نورتينى

اسلام

ka2en Makboot يقول...

جميل رأيك بجد ربنا يكملك بعقلك فى البلد الخربانة ديه

جيت اقتبس الحتة اللي عجبتني علشان احطهالط هنا واعلق عليها مانفعش بس لما جيت هنا واظهرت الرسالة الاصلية اتعملها كوبي

معنى كدا ان الاسكريبت مش حامي النص برضو (علشان تاخد بالك بس :) )

كلمة موزه , موز – بتنتشر الكلمة دى ما بين الجنسين و خصوصا فى الصيف مش عارف ليه (عارف طبعا) بجد بتنرفز منها لما بسمعها و كمان تخيل لما تتكرر كتييير تبقى خنقة و البت اللى يتقال لها كده تضحك قال يعن اخدت ختم النسر (جتك خيبة) و الواد من دول يفضل يقول اشى يا ابو احمر يا ابو اخضر يا ابو اشرف و الضحك منهم يشتغل


ههههههه الحتة ديه ضحكتني فعلا جتها خيبة تقيلة

بجد الناس بقت عجيبة ربنا يهدي الجميع

تحيــــــاتى
ســــلام

مواطن مصرى نايم يقول...

تو ان ون

اولا نورتى البلوج

اما بقى لحكاية الكوبى
انا عارف ان الاسكريبت مش بيحمى الموضوع فى الكومنت
بس الغرض منه اولا
مش الموضوع بس لا فى حاجات كتييير
ممكن تتسرق
و ملهاش حل طالما انا حاطط الحماية
اما بقى الموضوع
لما ترزل على اللى عاوز يسرق حاجة
ممكن يزهق
بس المهم انى رزلت عليه زى ما رزل عليا
انا مش بكتب حاجات خارقة
لا بس بحب ازاول اللى عاوز يسرق
ههههههههههههههههههه

بس فعلا الحتة اللى انتى اخترتيها دى انا كنت كاتبها بمزاج
ههههههههههههههه
نورتى البلوج بجافاهاته
و بنراته و اسكريباته


اسلام

Unknown يقول...

و الله ضحكتني :)
و الله .. بالرغم من ان عندك حق.. و دة بيتكر طول الوقت ..
بس ماحسيتش انه بيضحك الا معاك دلوقتي
:)
أضحك الله سنك .

سارة علي يقول...

ازيك يا احمد
عارف انا اسكندرية بالنسبةلى الشتا بكرهها فى الصيف ودايما اكتر فترة بروحها عند قرايبنا فى الشتا لان اسكندريةهى الشتا والمطرة وكل ذكريات الواحدوهو صغير وبلدنا اللى مبنشوفهاش غير فين وفين
تانى حاجة هههههههههه البوست حلو اوى وانا مش عارفة ابطل ضحك بس فعلا انت بتقول حقايق
تحياتى

رئيس جمهوريه نفسى يقول...

احنا فى الصعيد الحمد لله مش بناخد بالنا من الكلام ده اصلى احنا فى نعمه وربنا من موضوع البلاجات ولما بسافر الغردقه او اسكندريه مش بركز مع بركز مع البحر

tarek alghnam يقول...

صحيح كلامك كله صح
الاسكندريه رائعه فى الشتاء
وايضا بالصيف ولكن التمتع بها يكون بالشتاء
مدونتك رائعة
تقبلى تحياتى
ودمتى بود

dina يقول...

مرسى عالسؤال يا باشا....عديت الحمد لله 93.3 كدا رضا و الحمد لله بجد
مرسى عالسؤالات
تحياتى

dina يقول...

حقولك على حاجة...انا السنة اللى فاتت كنت جايبة 96.6 السنة دى قليت...انما بجد الفرحة فى وسط اخواتنا البلوجارية اللى كلنا مشتركين فى حاجات كتير اوى دى حاجة تبسط جداااااااااااااااااااا
بجد الف شكر يا ابن بلدى
تحياتى

مواطن مصرى نايم يقول...

قهوة بالفانيليا - شيماء على

اولا كده ممكن نعمل قفلة قهونك و قهوتى حيتخانقوا
هههههههههههه
ما هو على رأى المثل هم يبكى و هم يضحك
و الحمد لله ان الهم ده من النوع الاليف
و ضحكتى معاه
نورتينى بزيارتك و تعليقك
تحياتى
اسلام

مواطن مصرى نايم يقول...

سارة علي

فعلا و الله يا سارة
اسكندرية متعة المتعه فى الشتا
بتكون شكلها احلى كمان
و الدنيا رايقة
يا سلااااااااااااااام
وحشنى الجو ده يا رب يجى بسرعة
الحمد لله ان البوست عجبك
تحياتى

اسلام

مواطن مصرى نايم يقول...

رئيس جمهوريه نفسى

يا حوده
دا الصعيد ارحم فى الصيف من اللى احنا فيه
ربنا عالظالم
و الحمد لله انك مش بتركز
و الا كنت كرهت الدنيا و الله
تحياتى يا باشا

اسلام

مواطن مصرى نايم يقول...

طارق الغنام

يا روقه فعلا و الله
بس انا بقى ولد مش بنت
اصلك قولت تقبلى و دمتى
هههههههههههههه
يالا مش مشكلة
نورتنى
يا باشا
تحياتى

اسلام

مواطن مصرى نايم يقول...

dina

يا بنتى لا ميرسى على واجب
دا كمان اقل من الواجب
و ان شاء الله الهندسة ان شاء الله
و حقولك ساعتها مبروك برضوا
ان شاء الله
يوم السبت المرحلة الاولى
ربنا يكرمك
تحياتى يا بنت بلدى

اسلام

مواطن مصرى نايم يقول...

قطه

ميه ميه يا قطه الف شكر عالتنويه
ان شاء الله حسمعها
تحياتى
اسلام

ندا منير يقول...

اولا الف مبروك لايه

وثانيا انا عايزة اقولك اننا دلوقتى بقينا عايشين فى مجتمع غربى مش مصرى مجتمع مبقاش فيه تدين وعشان كدة لازم نشوف العجايب اللى انت اتكلمت عليها

Mkjwe يقول...

يحفظك ربي يا ندا ... لا كلام بعد كلام ندا.
تقبل تحياتي ومشاركتي المتواضعة.

مواطن مصرى نايم يقول...

ندا

الله يبارك فيكى
لا يا ندى لا مش كده اوى
انا ليا اختلاط باجانب كتييييييير
هما اسوء كتيييير مننا
مفيش اى حاجة اسمها شرف اصلا
البنت هناك عمر البنت المصرية ما توصل لاخلاقها
اسألى مجرب
و انا بجد بقولك احنا احسن
تحياتى يا جميل
اسلام

مواطن مصرى نايم يقول...

لافلى جوست

اولا نورتنى
و مرسى بجد عالتعليق
ربنا يخليك يا رب
بس راجع ردى على ندى
لانى مختلف معاكم انتم الاتنين
مش عاوز الاحباط يوصل الواحد انه يشوف البلد بأسوء حال
لا احنا اخلاقنا احسن كتيير من الغرب
تحياتى
اسلام

الزباين

الزباين و يا رب ابعد عننا الضرايب