الثلاثاء، 5 أغسطس 2008

ضاقت و لما استحكمت حلقاتها : فهى لن تفرج

تحديث
ــــــــــــــ
يومين بإذن الله و ستجدون القرار الاخير
اما بحذف البلوج
او بالرجوع
ضاقت و لما استحكمت حلقاتها
(فهى لن تفرج الا بإذن الله)

بدون سبب محدد

و فجأة

و دون اى سابق انذار

و جدت نفسى فى اسوء حالة نفسية لم امر بها من قبل

رغم التزامى و قربى من الله و الحمد لله

الا اننى لا اجد مخرج لاتنفس منه حيث وصل الاختناق الى اقصى عنقى

ربما توجد بعض الاسباب و لكنى اتجاهلها و ليس اجهلها


لذلك قررت ان ابتعد عن التدوين لفترة لا يعلم مداها الا الله

ربما اعود سريعا جدا و ربما اتأخر فى العودة و ربما لا اعود من جديد


my life is dark black

24 قول و لا يهمك:

semsem يقول...

نفس الحاله
قولت اللى فى قلبى بجد يااسلام

semsem يقول...

بس انا قررت ابتعد عن الحياة شويه مش التدوين وبس
احساس بشع
ربنا يعيننا

semsem يقول...

مش عارفه كل شويه افتح البوست وابقى عايزة اعلق
بس اعمل زى ما هعمل
بص يااسلام
انت محتاج لنفسك اوى دلوقتى
خد هدنه ابعد عن البشر عيد حساباتك صفصف الناس اللى حواليك اعرف اللى بيحبك خد بالك من حياتك حدد اهدافك
نفوق من الاخر
المهم ترجع بالف سلامة بجد حاسه اوى حالتك
خد بالك بس من نفسك
انا كمان هبعد فتره
بس عاوزه ارجع الاقيك رجعت قبلى
اشوفك على خير
لا اله الا الله؟
اختك

فاتيما يقول...

روق يا إسلام
إيه يا بنى
أنا وشى وحش عليك و لا إيه
بقى أول ماإبتدى إتعرف على مدونتك و نتواصل تروح مزوغ و مديها فرار ؟؟
منظرى كدا هيبقى وحش و الناس هتتشأم منى ؟؟
روق كدا و دى حالة ملل و خنقة عابرة و هتروح لحالها إن شاء الله
السواد دا طبيعى و كلنا مقبوضين على اللى حاصل مش لوحدك اللى حاسس بدا يا إسلام
عموما رمضان داخل علينا و كل سنة و إنت طيب و ربنا يريح قلبك و يهدى روحك
و ترجع بألف سلامة
تحياتى الخالصة

Mahmoud البطراوى يقول...

عارف يا سمسم كل الى خطر فى دماغى اقوله لك
ان رمضان قرب قوى ولازم تستعد له على كل حال

اظن ان ده ممكن يرفع حالتك المعنويه شويه

Desert cat يقول...

ليه كدا بس ياراجل ده انا لسه كنت عندك فى الجروب من شوية وتمام يعنى
قال تبعد عن التدوين قال
كلها يوم بالكتير وهترجع اصله افيون يابنى بعيد عنك
انت بس استهدى بالله وخد صحابك فى اى خروجه
وساعتها هترجع فل وتمام كمان

ahmed_k يقول...

ليه كده بس يا إسلام
أنت قررت تصحي ولا أيه
خلاص خليها مواطن مصري صاحي
معندناش مشكله
بس تختفي خالص لا وألف لا
ممكن تأخد إجازه معلش معاك في دي
لكن تستقيل لا مش موافقه

خالد كامل يقول...

بس انا مش زعلان على فكرة
و على فكرة هترجع أحسن من الأول كمان
علشان الحالة دى بتيجى و بتروح
و أنا متأكد انك هترجع
و هترجع بسرعة كمان
و هفكرك يا حبى
عامة هتوحشنى قوى قوى
و مستني رجوعك
تحياتى
( خالد )

حنين.. يقول...

ايه دا, ليه كدا.
طيب..... انا مش عارفه اقول ايه
بس هقوللك اننا كلنا بنمر بحالات نفسويه كدا, وبتعدى, وان شاء الله هتعدى, ومش هتغيب عن المدونه ولا التدوين,
اصلى التدوين دا....... اصعب من الادمان.
بص اقعد مع نفسك وفضض مع نفسك.. واكيد فى حا جه مزهقاك... بس انت مش واخد باللك.
طيب بلاش دى... امسك ورقه وكلم.. واكتب فيها... شخبط اللى جوا فى قلببك.
طيب بلاش.... سافر. روح اى مكان لوحدك,
اعمل تغير, وهتلاقى حاجات كتير عايزه تتغير.
اقعد مع الشمس فى وقت الشروق او الغروب,
بص .... مش عارفه اقول ايه.
فى الاخر... لازم تساعد نفسك وتطلع نفسك من الحاله اللى انت فيها, باى طريقه, اعتبر نفسك صاحب نفسك وساعده,
اقوللك حاجه بتريحنى انا.... صلاة القيام با لليل.... وانت ساجد قول اللى انت عايزه
تحياتى ليك
ويارب ترجع با لسلامه
ومعلش على الكلام العبيط اللى كتبته.... اهو يمكن يجى منه
حنين

رصيف نمره خمســــــه يقول...

ازيك يااسلام

يارب تبقة بخير دلوقتى

اسلام على فكرة الناس كلها بتوصل للحالة دى فى اى وقت بس فيه فرق بين اللى بيستسلم ليها وبتدمر نفسيته وبيتغير اوىىى بعدها

وفيه اللى مبيهتمش بيها وبيحاول ينساها وبيشغل وقته جااامد ومبيفكرش تلاقيها راحت

ياريت بقة ترجع للتدوين وتكتب اللى فى قلبك بكل بساطة وانت هترتاح وهتبقة تخلصت من نص المشكلة وتتاجهلها تماما

يارب ربنا يفرج كربك وترجع لضحكك الجميل وروقانك

ربنا معاك وترجع بالف سلامة متتأخرش

سميرة يقول...

اسلام
انا بجد مندهشة ايه اللي وصلك للحالة دي يابني ، عموما دا بيحصل لي كتير ، بس تعرف ان التدوين دا هو المتنفس الوحيد لي ، انا عندي اكتئاب جامد جدا بس لما بدأت التدوين حسيت ان فيه حاجة حلوة بدأت اعملها ، وناس جميلة زيك بدأت اتعرف عليها ، خد اجازة براحتك لو محتاج تقعد مع نفسك بس اوعى تغيب علينا ، واوعى تبطل تزورني
ربنا يوفقك

غير معرف يقول...

ربنا يرجعك احسن من الاول وانا كمان بجد لسة مرة بالحالة دى امبارح والى خرجنى منها حد انا بحبة هى واحدة صاحبتى وانا شايفة انك عشان تخرج منها لازم بجد تشوف مين اقرب امسان ليم وبتحبة بجد وروح اتكلم معاه وخرج كل الى جواك وترجع بالسلامة

عالم ماريونت يقول...

سمسمتي دي صاحبتي وانا هتصرف معاها
انا بس عايزة اقولك حاجة مهمة جدا قولتها قبل كدة لعبود :لما تكون حالتك النفسية وحشة كدة متنسحبش من الدنيا!!!
ركزمعايا شوية:كل اللي هتعملة من انسحابك ده انك هتخسر نفسك وحالتك هتسوء زيادة
غوص في الدنيا اكتر
اعرف الناس اكتر
ادخل سينما
ابتسم في وش كل الناس اللي تقابلهم
اقرا كتب قد ما تقدر
فرفش على نفسك قد ما تقدر
لما نفسك تاخدك وتنزل بيك لتحت اوي كدة
يبقى ماتساعدهاش على ده
احسن تاخدها وتطلع فوق على وش المية
ساعد نفسك عشان تطلع من الجو دة بدل ما تغرق فية
شوية شوية هترجع احسن مما كنت
غير كدة عايزة اقولك حاجة مهمة جدا:
لما تكون كويس جدا وفجأة تبقى حالتك وحشة اوي كدة وتحس ان مفيش سبب محدد
وقتها يبقى في مليون سبب
انت طنشتهم واحد ورا التاني
وجه الوقت اللي لازم يطلعو فية
لازم تعالج الاسباب دي بدل ما تطنشها وتسيبها تتعبك
صدقني لأني بقولك الكلام ده عن تجربة
انا دلوقتي بحاول افضي دماغي من كل اللي فيها عشان حاجة واحدة بس:اعرف اعيش وسط الناس زي ما انا:منطلقة ومليانة طاقة وحب وامل
ربنا يوفقك ويكرمك
اختك رنا

seven يقول...

بص
هو فى حاجة من الحاجتين
ب اما يكون فى سبب بس انت مش عاوز تواجه نفسك
وفى الحالة ديه لازم تواجه مشاكلك عشان تعرف تحلها
والحاجة التانية
ان فعلا سعات الحالة ديه بتيجى مرة واحدة
بس احب ابشرك انها مش بتاخد وقت طويل
بس انت متستسلمش ليها عشان بتبقة حاجة تافهة اصلا
بس بتلان كبيرة وان شاء ترجع وتنور المدونة

almasry يقول...

هون عليك يا أخى


وبعدين انت لو كنت قلتلى كنت روقتك والله


هطلعك من المود ده ..... اسمع كلامى


تحيـــــاتى
المصـــــــــرى

Unknown يقول...

اسلام
ان شاء الله هتفرج و هتروق وتحلى .. يمكن الحالة دى مثلا عشان انت خلصت كلية وحاسس ان الدنيا عجيبة ومش عارف ايه اللى هيحصل بعد كدة..اى قرار هتاخده لازم يكون مريحك راحة شخصية فى اى حاجة فى حياتك مش بس فى التدوين......
ربنا معاك

حاجات جوايا يقول...

امممممممممم
الحالة دى بتجينى كتير يا اسلام
وبتجاهلها ومش بفكر فيها وبعمل اى حاجة بحبها فبنساها وانشغل فى حاجة تانية

تقلب القلوب زى ما هو مشكلة .. فى حالة التقلب من الافضل الى الاسوأ
الا انه فى الحالة دى بيكون ميزة وشئ بنتمناه عشان نخرج من المود السئ لمود افضل

الخلاصة بقى
الدنيا دى متستاهلش منا اننا نزعل فيها ولو ثانية ..كله فانى وزايل .. فليه نضيع عمرنا فى الاوهام

حاول تعيش حياتك صح وتركز على الحلو فيها وان شاء الله هتنسى همومك

ربنا معاك يفرج كربك ويزيل آلالامك

كل التحية أخى الفاضل

سالى

سارة علي يقول...

ازيك يا اسلام
انا مريت بنفس الحالة ..... بس عاوزة اقولك انت وسمسمة لوحد فيكم حذف مدونتة انا كمان هحذف مدونتى
دة انا عملت مدونة دينية ولقولك انت مشترك ارجع للتدوين عشان ابعتلك دعوة الاشتراك
انا عارفة انك فى حالة نفسية مش محتملة بس عارفة كمان ان اسلام انسان جدع اوى واقوى من كدة .... واللهى انا زعلانة منك انت وسمسة فكروا فينا طيب انتم اخواتى بجد واوعوا تسيبوا التدوين
طب يعنى انتوا تطلعونى من حالتى النفسية الوحشة وتقولواهتحذفوا مدونتكم بعد كدة..,امال انا بعمل مدونات لية ؟؟؟؟؟؟؟؟
انا عارفة مش ههون عليكم

Empress appy يقول...

لا طبعا وبطل اللى بتعمله ده متكتبش حاجه بس واصل مع الناس وانت هتلاقى نفسك خارج من الحاله دى

مواطن مصرى نايم يقول...

يا جماعة بجد الف شكر ليكم كلم
بس انا ان شاء الله راجع
بس فى كام موضوع كده
بظبط فيهم
يا انا يا هما فى البلد دى
و مش ماسح البلوج
و لو الموضوع فشل و حليتة بطريقة تقطع علاقاتى مع بعض البشر
حكتب لكم الموضوع بالتفصيل
عشان فضيحة اللى الموضوع معاه تبقى بجلاجل و يفضل يشخلل و هو ماشى

بس عشان تبقوا عارفين
زى ما قال عادل امام فى فيلم سلام يا صاحبى

(صاحبى دراعى و عمى قرشى)

مفيش صاحب جدع بسهولة اليومين دول
و انا مخدوع فى شوية بشر طلعوا معندهمش اصل عالم واطية

سواء منهم بنات او ولاد
اللى اتخدعت فيهم دول
بجد يستحقوا الحرق

قريبا لو الوضع اتغير
ممكن تلاقوا بوست
بيفضحهم فضيحة الكلب اللى من غير ديل

شكرا للجميع
و تحياتى للكل
و بحبكم لكم



بس هامش بسيط لازم اكتبة لسمسم
ـــــــــــــــــــــــــــــ
انتى يا بت
انتى يا بت
ايه
ايه

لا التكرار بس عشان بيبرز المعنى و يوضحة و يؤكده

عارفة انا موضوعى بجد غبى جدااااااااااا
مش حتتصورى انا فى وضع عامل ازاى
حاسس ان ايادى كلها خناجر بتتمد فى ضهرى
بس ان شاء الله راجع
و بتحدى نفسى
و بتحدى اللى عاملين فيا الحالة دى
ارجعى
بجد
مش حينفع
لانك لو ما رجعتيش انا بقى مش حرجع
و الله و حمسح البلوج فعلا لو انتى مرجعتيش
و حتشوفى
ارجعى عشان نشجع بعض و حتلاقى الجو بقى احسن

bastokka طهقانة يقول...

حسب خبرتي
حتبعد شوية
و ترجع احسن من الاول
كل الموضوع انك محتاج تنظم اوراقك


اوروفوار

Desert cat يقول...

اصدقائى الاعزاء
السبت 9 / 8/2008 يتم إذاعه التعليقات الخاصة بموضوع
عروسه تشترط 3 كمبيوتر
فى برنامجنا الإذاعى
أنت تسال والكمبيوتر يجيب
والذى يذاع يوميا الساعه 9.10 صباحا على اذاعه البرنامج العام ماعدا يوم الجمعه
ومن التعليقات

جيهان على
مواطن مصرى نايم
غير معروف
سومه
سلوى سمير
يوميات نائمه فى الأرياف
ريجو
حنان الشريف
كما يمكنم سماع الحلقة فى نفس موعد اذاعتها الساعه 9.10 صباحا من خلال موقع البرنامج

http://dear.to/cairo
تمنياتنا للجميع بدوام التواصل

semsem يقول...

وانا رجعت
مش عارفه اقولك ايه
بس انت السبب فى رجوعى

مواطن مصرى نايم يقول...

سمسم
يا جميل حمدالله عالسلامة
و الله بلوجر كان مضلم من غير سمسم العسل اللى بتدى له طعم مختلف
الحمد لله انك رجعتى
بجد كنت مفتقدك
جداااااااااااااا
و كنتى سبب اساسى من اسباب خنقتى
حمدالله بالسلامة

الزباين

الزباين و يا رب ابعد عننا الضرايب